MUABLE

adjectif

[T-L : müable ; GD : muable ; AND : muable ; FEW (VI-3, 285) : mutare ; TLF (XI, 1193b) : muable]

A. -[Avec une idée de mouvement] Qui se meut, qui est mobile.

[D'un élément naturel]

Encor est la mer plus muable : Ore est serie et tout estable, Tantost aprés elle se tourne Et ses undes vire et bestourne. (Böece Conf. reman. C., c.1400-1500, 57)

Et est appellee premission pour tant que elle dit pluseurs choses par devant sans declairer pour quoy ne a quel fin, et finablement conclut son entencion, comme en disant : l'eaue est muable et sans repos, le vent est tousjours en mutacion, la feuille en l'arbre n'est point en un estat (Legrand, Archil. Sophie B., c.1400, 138)

...et depuis en ça la dicte isle, qui devant estoit muable et instable, devint ferme et estable. (Legrand, Archil. Sophie B., c.1400, 175)

[Du Saint-Esprit]

Pour ces choses et pareilles est escript ou livre de Sapience que 'le Saint Esperit est muable ou mobile et ferme et estable'. (Somme abr., c.1477-1481, 146)

[D'une abstraction personnifiée]

Mais, non obstant soit il bien lourt [Meseür 'Malheur'] , Sachiés de vray qu'il n'est pas gourt A tost aler, mais si muable Que ce semble estre un droit dyable A veoir courir par leens, Car, plus tost est et hors et ens, Or en chemin et puis en sente, Puis hault, puis bas que vent ne vente, Atout un grant levier au col, Ou il n'a ne gieu, ne rigol, Si semble qu'il doye enragier (Chr. Piz., M.F., I, 1400-1403, 71)

[Cont. métaph. ; d'une pers.] Qui est voué à l'errance.

La vie du mauvais est d'estre logiez de maison en maison et d'estre muable comme une roe. (Colart Mans., Dial. créat. R., 1482, 257)

B. -Qui est sujet au changement.

1.[D'une chose]

a)[De toute chose créée ; p. oppos. à éternel, pardurable] Transitoire.

...tresdoulce vierge Marie, Au sauvement de m'ame vaille Ce que mon corps peine et travaille, Si que de ce siecle muable Au repos viengne pardurable De paradis. (Mir. Pierre Changeur, c.1378, 278)

Mais aussy il y a beauté painte et vaine de la cher qui est tres decevable et tres plus briefve et muable que la fleur d'un jour (Gers., Concept., 1401, 417)

...neantmoins tu n'es pas Dieu, ne parties de Dieu, selon la mansonge des manichiens, car tu es muable de [n]on estre a estre, d'une congnoissance a l'autre, d'une affection en l'autre affection, et de voulenté a voulenté, et par ainsy tu es subjecte a mutacion (Gers., Trin., 1402, 157)

...car en la creature tresble grandeur est trouvee, c'est a scavoir de temps, de mesure et de puissance. La grandeur de temps est es choses muables. La grandeur mesurable est es choses corporeles. Et la grandeur vertueuse par puissance est ez choses espiritueles creees. (Somme abr., c.1477-1481, 128)

Car en toute nature muable, la muableté est une maniere de mort, car la mutation fait estre en eulz aucune chose que n'estoit par avant la mutation et fait non estre ce que par avant estoit. (Somme abr., c.1477-1481, 141)

En paradis rien n'est muable, En paradis sont choses sainctes, En paradis tout est durable (La Vigne, S.M., 1496, 422)

b)[De la fortune, des biens terrestres] Instable, versatile.

Moult sont les choses fortunees De ce monde par trop muables, A paine en voy nulles estables (Gris., 1395, 85)

...elle [Fortune] est muable Et l'amour de lui pou durable. (Chr. Piz., M.F., I, 1400-1403, 71)

Ainsi savons par l'escripture Combien cestui siecle a duré, Ou l'en a mains maulx enduré Par Fortune, qui est muable, Ne nul jour n'est constant n'estable. (Chr. Piz., M.F., II, 1400-1403, 144)

...leur eur ne sera pas Fortune leur estre tousjours propice, qui de sa nature est envers tous muable. (Chart., Q. inv., 1422, 19)

Aussi pour les biens de Fortune, Tant muable, hisdeuse et brune, Qui valent trop mains, je vous jure, Que ne font les biens de Nature. (La Haye, P. peste, 1426, 170)

Je me doy bien plaindre de toy [Fortune] , muable messagiere de perdicion, faintisve commouveresse de malheur, inconstante administresse de soussy, irraisonnable advocate et moienneresse dez fais de Desespoir, quand tu m'atournes en tel ploy que je languis (Fille comte Pontieu B., c.1465-1468, 93)

...et ce advient quant on delaisse le bien non muable, qui point ne se mue, pour le bien muable et transitore. (Somme abr., c.1477-1481, 134)

Adoncques, les raisons et complainctes de l'ung des freres et de l'aultre ouÿes, leur fut respondu sommairement qu'i n'estoit loisible, ne convenable, faire memoire d'eulx jusques aprés leur mort, et que Fortune muable le povoit facilement remectre en la voye de prosperité (Antitus, Poés. P., c.1500, 76)

c)[Lieu commun à propos de la lune]

Sujet au changement.

La lune est tres muable et ne arreste gueres en un estat, par quoy elle signefie ce present monde et toutes les choses terriennes. (Miélot, Spec. hum. salv. L.P., 1448, 154)

Muable comme la lune

Pouoir n'ont de le retenir Et ne revient pas pour huchier, Ains leur vent s'acointance chier, Ainsi se treuvent esbahi, Car ne cuidassent qu'enhaÿ Fussent jamais de bon Eür, Trop s'en tenoient asseür, Mais son amour n'est pas durable, Ains plus que la lune muable. (Chr. Piz., M.F., I, 1400-1403, 80)

Et, pour ce que mon sentement Je pris, tres le commencement De ce dictié, pour de Fortune Parler, comme elle est tres commune De nuire aux uns et leur traictier Mal assez, aux autres aidier Lui plaist, je nommay cestui livre, Parlant des cas qu'elle nous livre, 'La mutacion de Fortune', Car muable est plus que la lune. (Chr. Piz., M.F., II, 1400-1403, 83)

Remarque : Même idée dans les ex. suivants : ...c'est Fortune Qui tout ainsi comme la lune Est belle et clere, toute plaine, Et riens n'i ha dedens quinzaine. ds MACH., Voir, 1364, 756. Cf. aussi MACH., R. Fort., c.1341, 35, et MACH., C. ami, 1357, 69. La lune aussi a moult de mauvaises oeuvres, car selon Tholomee, la lune fait la personne muable et mal estable ds CORBECHON, Soleil Lune S., 1372, 354

d)[D'un élément naturel] Changeant, soumis à la corruption.

Les regions d'occidant (...) ont les eaues muables et troubles (Corbechon, Propriétés, 1372, XI, 3, 185 r°)

e)[Droit]

[D'une catégorie de fiefs] Qui peut être enlevé à son bénéficiaire.

Les fiefs qui sont de hommage et de service sont ceulx qui sont homs au seigneur et que pour la chose redoivent aucun service. Ceulx qui sont de service tant seulement, ceulx ne sont pas homs du seigneur, ne de la chose eue ne sont tenuz de paier fors que le service ; ceulx qui sont muables et rendables, iceulx le doivent rendre au seigneur, toutes foiz qu'il en a mestier et il en sont requis (Cout. bourg. glosé P.M., c.1380-1400, 200)

...leur avons (...) assigné sur tout nostre demaine, tant muable que non muable de nostre ville et viconté de Rouen, icelles deux mille livres tournois de rente rachetables de XXXVm livres tournois pour une foiz (Lettres Louis XI, V., t.8, 1479-1480, 183)

Pays muable. Pays de mouvance, fief.

Puis fut entierement les parties acordable Que la conteit de Huy, qui tout especiable, Fut ja à cheaux des Preis sens estre coruptable, Che seroit al evesque et li paiis muable, Que ly cuen de Lovain parmi doin mariable Ot donneit à sa filhe, che seroit retournable Al conte de Lovain trestoute permanable (JEAN D'OUTREM., Geste Liège B.B., t.3, a.1400, 466)

[D'une rente]

Sujet au changement, variable.

...la fin du chappitre de rentes muables (Comptes Etat bourg. M.F., t.3, 1418-1420, 707)

Non muable. Fixe.

...ou temps passé l'en a acoustumé bailler à fermes, avecques noz prévostez de nosdiz païs, pluseurs de noz cens, rentes, vinages et autres devoirs nommuables (Roi René vie L., 1400, 209)

...recepte des rentes perpetuelles non muables. (Comptes Etat bourg. M.F., t.3, 1418-1420, 333)

[P. oppos. au Droit immuable de Dieu]

...et l'Impereur a titre de Droit civil, lequel est variable et touz lez jours muable. Ce seroit chose assez estrange que celuy qui a titre de Droit muable, peüt acquerir seignorie sur celuy qui a titre de Droit qui est ferme et estable. (Songe verg. S., t.1, 1378, 53)

2.[D'une pers., d'un aspect de la pers.]

Susceptible de changer.

...car tel est povre qu'encores enrichira, et tel est riche qu'encores apovrira ; tel est muable et tout se muera (La Sale, Salade, c.1442-1444, 257)

[Essentiellement en amour] Instable, inconstant.

Par moy n'est pas trop empirez, Car bien puet estre comparez A celui qui tant est puissans D'avoir, de lignage et de scens. Et s'il a en lui cuer muable Ou maniere descouvenable, Fine amour le dottrinera, Et tout son cuer li muera Honte et grant desirer de plaire A s'amie, pour grace attraire. (Mach., D. verg., a.1340, 30)

Car trop muable est cuer de femme (Mir. marq. Gaudine, 1350, 158)

Socrates li bons et li sages N'estoit mie si fort estables Com vos courages est muables, Et si estes enmi la roe Qui n'arreste ne c'une aloe, Car riens n'i ha d'estableté (Mach., Voir, 1364, 756)

Dames, regardez à ce fait, Si qu'aus amans ne soit fortrait Le don de merci honorable Pour genglerie ne pour plait De mesdit qui maint bon detrait, Ne n'aiés pour ce cuer muable N'envers ceulx qui par esprouver Deüement Trouverez que honestement Veullent amer Et qui riens ne veullent rouver (Mach., App., 1377, 651)

JANICOLA. (...) Trop est chose muable et vaine, Que de cuer de jeunes seigneurs. (Gris., 1395, 85)

Hommes tiennent leurs fables De ce que femmes sont müables, Maiz monstrez se sont varïables Trop plus que dames, Et de conscïences et d'ames, Puis dix ans dont ilz sont infames Et trouvez moins fermes que fames En leur devoir. (Chart., L. Dames, 1416, 297)

...comme femme fresle, legere et muable de courage, ay baillé part et porcion a aultry de ce dont il [son mari] estoit et devoit estre le seul seigneur et maistre ? (C.n.n., c.1456-1467, 424)

Versatile, changeant, faux.

Car le monde est ordené par l'exemple du roy, et n'est rien qui puisse tant flechir le cuer humain aus commendemens garder comme la vie et l'exemple du prince, car le commun peuple qui de legier est muable et inconstant se mue et remue selon la mutacion du prince. (Foul., Policrat., IV, 1372, 59)

...ilz sont desraisonnables Et muables Plus que n'est un jeu de tables, Que l'on tient a l'aventure (Garenc., Poésies N., 1407, 93)

...tousjours se doubtoit il des Flamens, car il les sentoit muables. (Froiss., Chron. D., p.1400, 633)

Maintenant voit on clerement la petite constance de ton muable couraige, peuple seduit et legier a decevoir, quant tu ne sceis souffrir l'aise de paix et si ne peus soustenir la durté de la guerre, car, lors que tu es riche et plantureux de biens, tu ne peuz vivre sans blapheme et sans murmure, et si tost que la foule des guerres que tu pourchasses vient sur toy, tu es enclin a toute sedicion et ne le peus soustenir sans forvoyer de vraye obeissance. (Chart., Q. inv., 1422, 25)

Or tost après ladite exposition ainsi faite, le susdit peuple, qui estoit assez muable et de légière croyance, s'esmeut aussi-tost pour faire guerre à l'encontre du dessus dit roy Henry de Lancastre (Chart. J., Chron. Ch. VII, V., t.3, c.1437-1464, 122)

Ce peuple judayc mauldit M'a trahit [Pilate] Par son lenguacge desolable, Ensemble le palhart dïable, Qui nuysable Est es justes sans cesser ; Et car suis esté müable Comme sable, Ce m'a fait le juste [Jésus] presser. (Pass. Auv., 1477, 278)

[D'un état affectif] Instable, éphémère, fugitif.

Toutesvoies, Solon ne vouloit pas que l'en affermast les gens estre beneurés en leur vivant pour les transmutacions qui povoient venir et pour ce que il cuidoit bien que felicité fust chose permanente et non pas muable ou variable de legier. (Oresme, E.A., c.1370, 132)

Sa leesse muable et malseure fut convertie en larmes et en angoisses, en reprouche et en moquerie. (Premierfait, Cas nobles hommes G., 1409, 137)

...tant est affection humaine vaine chose et muable, quant celle desloiale voye a mise Fortune en ses variables oeuvres, que, des ce qu'il meschiet aux chetiz, on leur met sus que c'est par leurs dessertes, comme cellui qui son chien veult tuer et pour couleur de son fait lui met sus la rage. (Chart., Q. inv., 1422, 37)

Joyeuseté sur tout muable Prent fin en chouse terrible. Tropt grant joye est fort nuyzible, Si charnalité dilicieuse La regit en mal appetible ; Telle joye se mue en neuse. (Pass. Auv., 1477, 106)