MONCEAU

substantif masculin

[T-L : moncel ; GD : moncel ; AND : muncel ; FEW (VI-3, 118b) : monticellus ; TLF (XI, 992b) : monceau]

A. -Amoncellement, tas.

Celui qui donne honneur au fol est aussi comme celi qui gete une pierre sur le moncel des pierres Mercurius [éd. 'troubler l'ordre établi'] (Foul., Policrat. B., V, 1372, 321)

'Et nous quatesismes en ung monceau de foin, car il estoit environ la Saint Jehan en esté, que on avoit fené.' (Froiss., Chron. M., XII, c.1375-1400, 108)

Grant piesnee de toile a vendre Puelt un petit monchiau comprendre [éd. 'paquet'] (Thomas Maillet, Prov. Alain H., c.1375-1400, 73)

Et avec print et concueilli lors en ladite eglise, sur les chandeliers là où l'on mect les cierges, la cire en monceau trouvée sur lui, et laquele lui a esté monstrée. (Reg. crim. Chât., II, 1389-1392, 468)

...par monssiaulx le mesuroient [le grain] , Ne autre mesure n'avoient. (Chr. Piz., M.F., II, 1400-1403, 284)

Le papeillon vient d'un grain duquel se fourme vng ver qui se nourrit de feulles par quoy il lui vient elles qui le font volant et est de pluseurs couleurs et a la fin de ses iours deuant sa mort pert ses elles et son corps deuient saye en vng petit moncel et dedens croist vng grain dont il reuient a naissance. (Best. hérald. H.E., c.1435-1450, 488)

...lesdiz regrez, c'est assavoir, les deux premiers dessus diz déclairez, l'un comportant l'autre, à vint basnes d'ouvrage nect deduict et rabatu toutes despence excepté les Xmes, et le tiers monceau des diz regrez à deux basnes d'ouvrage nect, qui est pour tout 22 basnes. (Aff. Jacques Coeur M., 1453-1457, 259)

...trois monceaux de regrectz estans devant le martinet de Cosne, desquelz l'un a esté lavé une foiz au roable et deux foiz au plat, le second a esté lavé une foiz au roable tant seulement, et le tiers semblablement a esté lavé seulement au roable, lesquelz regrectz ont esté estimez par les maistres mineurs, fondeurs et affineurs à 22 basnes ouvrage nect (Aff. Jacques Coeur M., 1453-1457, 300)

...durant le temps de six ou sept ans qu'il avoit demouré avec ledit Nicolas, son frère, qui estoit et est encores saulnier des religieux, abbé et couvent de Nermoustier et leur saulnoit certains maroys, nommez le Sangler et les Troyscens, icelluy Jehan et ledit Nicolas, à deux brouettes, de nuyt et devers le soir, et aussi avant jour, avoient emmené pour quatre ou cinq charges de sel, et que ilz le menoient aucunes foiz vendre ou le mettoient au monceau dudit Nicolas (Doc. Poitou G., t.9, 1455, 419)

...il les bouta [les objets volés] en l'estable de ses chevaulx, bien enfardelées dedans le fain et ung gros monceau de fiens. (C.n.n., c.1456-1467, 398)

Amas, accumulation.

Une aultre opynion, laquelle ensieut la voie dez Philosofes, dist que l'estelle comete n'est aultre chose que une impression seche et chaude, laquelle est engendree en la plus basse partie de l'aër et pres du feu, et de vapeur chaut et sec, et le moncel de celluy vapeur, ainssi assamblé, si samble estre le corps d'une estelle, et lez parties de cez vapeurs, lezquelles sont discontinues et ne sont mie conjointes ensambles, mez sont ez extremités du corps de celluy moncel, samblent estre partie de celle comete. (Songe verg. S., t.1, 1378, 380)

B. -Par extension.

1.Multitude (de personnes, de combattants...).

'Toutesfois, par grans monciaux et pluseurs aournemens ['mise en place'] d'assaulx que le duc d'Angou fist faire et charpenter, la ville fu prinse et conquise.' (Froiss., Chron. M., XII, c.1375-1400, 58)

Un grant monceau de personnes. Un grand nombre de (personnes).

Or est il mort a fine force, Aussi le sire de Verdung, Alebret qui estoit renforce, Et le sire de Chasteaubrun, Puis le sire de Montpippeau, Aussi messire Jehan Chabot, D'autres seigneurs ung grant monceau, Qui nous est ung mauvais cahot. (Myst. siège Orléans H., c.1480-1500, 355)

À/par (grans) monceaux. En très grand nombre.

Et briefment [la mort] tant en acoura, Tant en occist et devoura, Que tous les jours a grans monciaus Trouvoit on dames, jouvenciaus, Juenes, viels et de toutes guises, Gisans mors parmi les eglises ; Et les gettoit on en grans fosses Tous ensamble, et tous mors de boces (Mach., J. R. Nav., 1349, 150)

Tous ceulz qui a monceaulx seingnent et environnent les costéz des princes me semblent querir honneurs et renommee du siecle (Piccolomini, De curialium miseriis epistola L., c.1458-1477, 83)

Par grans monceaulx le commun populaire Deça, dela, s'estoit voulu assire (La Vigne, V.N., p.1495, 201)

2.[À propos d'animaux] Troupeau, meute.

...en faisant le dit partage le dit Baster, par son grant oultrage, s'efforça de prendre et enmener par force et contre la voulenté de la dicte Katin, avec laquelle il faisoit le partage des dictes bestes, l'une des plus belles bestes qui feust ou monceau et farat des dictes brebiz. (Doc. Poitou G., t.6, 1392, 77)

Remarque : MARTIN LE FRANC, Estrif D., 1447-1448, 117/3.

À monceaux

Et d'autre part les Sarrazins Acouroient tous les chemins, Et entroient à grans monciaus En la ville comme pourceaus. Si ne les peüst soustenir, Ne l'estour encontre eaus tenir, Car trop estoient durement. (Mach., P. Alex., p.1369, 108)

Le lesserez la, le povre Villon ? Princes [jongleurs, ménestrels...] nommez, ancïens, jouvenciaulx, Impetrez moy graces et royaulx seaulx Et me montez en quelque corbillon. Ainsi le font l'un a l'autre pourceaux, Car ou l'un brait, ilz fuyent a monceaux. (Villon, Poèmes variés R.H., c.1456-1463, 69)

Nous avons veu chiens a monceaulx Qui s'enfuyoient devant les lievres. (Rapp., c.1480, 62)

C. -Au figuré. Amas, quantité.

Saint Pol doncques qui avoit a enseignier toutes vertuz et par especial humilité qui est le fondement, et sans laquelle tout le monceau des vertuz n'est que ung trebuchement et poudre au vent, ne pouoit il et devoit en soy monstrer ceste humilité ? (Gers., P. Paul, a.1394, 503)