MIGNOT

adjectif et substantif

[T-L : mignot ; GD : mignot ; AND : minot ; FEW (VI-2, 139a) : miñ-]

A. -[Valeur positive]

1.(Celui/celle) qui a de la grâce, de la délicatesse, qui est coquet, aimable.

Car ceste gent dont ci propos Furent moult joint et moult poli, Gent, cointe, faitis et joli, Si espincié, si crespelet, Si bien pingné, si blondelet, Si tressaillant, si trés mignot, Si estroit chaucié au lignot, Si virolé, si envoisié, Qu'il avoient non Frere aisié (Mach., D. Lyon, 1342, 202)

...je vi apriés ma note Sa belle bouchette mignote En riant un petit mouvoir (Froiss., Joli buiss. F., 1373, 149)

Franczois estoint fricquez, mignoz, Et les Bretons foulx, lours et sots. (Saint-andré, Livre Jean de Bret. C., c.1400, 515)

Aliste (...) luy respondit assés bas, en contrefaisant la mignote : ... (Hist. Berthe Pépin T., c.1400-1500, 145)

Ne suis je pas gaye et mignote, Les mamellotelles poinnans, La belle vermeillette cotte Qui me fait mon bel corps parans ? (Marcadé, Myst. Pass. Arras R., a.1440, 116)

Va t'en tantost, sans demorée, Dire a mes tresbonnes voisines, Mes amyes et mes cosines, Bietrix, Santars et Melenotte, Qui est asséz cointe et minotte, Que je leur pry que viennent cy Par devers moy, deans midi, Pour ja leur dire aucune chose Que j'ay en mon propos enclose (Myst. st Adr. P., c.1450-1485, 171)

Damoiselle, dist Florentine, besoings n'est vous couroucyer. Se plus belle et plus mengnote estes de moy, d'aultre part je suis mieulx asavouree. (Gérard de Nevers M., c.1451-1464, 198)

Il estoit vieil homme, et elle trés belle, frique, mignote jouvencelle, aagee de XV ans. (Nouvelles inéd. L., p.1452, 12)

Ainsi le bon temps regretons, Entre nous [la belle Heaumière et les autres], povres vielles soctes, Assises bas, a crouppetons, Tout en ung tas, comme peloctes, A petit feu de chenevoctes, Tost alumees, tost estainctes... Et jadiz fusmes si mignotes ! Ainsi en prent a maint et maintes. (Villon, Test. R.H., 1461-1462, 57)

PLAISANT FOLLIE. Mais advisez quel gentillomme, Regardés bien, qui considére. JAUNE BEC. C'est du cousté de ma mere, Car mon pere fut bon masson. CUIDER (...). Y pert bien a vostre fasson ! A vous faire si belle ydole Vostre pere fist ung droit molle Pour soudre une euvre de villain ! PLAISANT FOLLIE. Ung si beau compain et si plain Tant gaillart et tant mignot n'est Sans avoir son cuer en lieu net Mis pour amoureulx entretien. CUIDER (...). Tiel gerbe n'est pas sans lyen, Ny tel coquart sans sa coquarde ! (Pipée R., c.1470-1480, 192)

Vous me semblez ung dorelot, Sade, faictis, propre et mignot, Ung droit petit dimenchereau. (Copp. lard., a.1488, 163)

Robë a la façon qui court Et cornette de camelot, Je suis en point et bien mignot, Hault et droit, et de beau corsaige. (P. Jouh. D.R., a.1488, 18)

Suis je des mignotes fringans ? Baillés moy mes deliés gans. (P. Jouh. D.R., a.1488, 23)

Par ce mignot que veez cy J'entens que mal estes contens, Et que par moy servir aussi Vous avez perdu vostre temps. (Sots gard., a.1488, 110)

Remarque : MARTIN LE FRANC, Estrif D., 1447-1448, 13/10 ; Chasse am. W., a.1509, gloss.

[D'un animal] Joli, gracieux.

Mais n'i fis pas moult lonc sejour, Car grant piece devant le jour M'esveilla li dous rossignos, Qui jolis estoit et mignos, Li tarins avec l'alouette, Le chardonnerel, la linnette, Le papegaut, la salemendre, Et le dous chant de la calendre (Mach., D. Lyon, 1342, 160)

Cardeneruels, merles et rossegnos Et tels oisiaus amoureus et mignos (Froiss., Joli buiss. F., 1373, 220)

Dessus gros chevaulx mignos Et sus genez espagnolx Montez estoient li ber (Chr. Piz., Dit Pastoure R., 1403, 239)

Fringant.

...certes la char ainsi nourrie ressemble le cheval, lequel quant son maistre a bien tasché a l'engraissier, il est si dru et si mignot que quant il s'en cuide aidier il ne le puet tenir (Chr. Piz., Trois vertus W.H., c.1405, 18)

2.[D'une chose] Agréable à voir, joli, charmant.

L'an mil CCCJX. et sexante, Eu temps que froide bise vente, Qui mainte fleur a decopée Par la froidure de s'espée, Et la terre est cointe et mignote, Pour ce qu'elle a sa belle cote, Qui est plus que nulle fleur blanche, Et le gresil est seur la branche, Pour la froidure de l'iver (Mach., P. Alex., p.1369, 247)

...et de là en amont commençoient marches de degrez chargez de vaisselle, dont par les plus bas estoit la plus grosse, et par le plus hault estoit la plus riche et la plus mignote ; c'est assavoir par bas la grosse vaisselle d'argent dorée, et par l'amont estoit la vaisselle d'or garnye de pierrerie, dont il y avoit à très grant nombre. (La Marche, Mém., III, c.1470, 120)

BRUYT. (...) Est elle ainsi faicte a la lance ? CUYDER. Il ne fault que voir la semblance : Elle vous a uns yeulx petis, Ung nefz mignot assez tratis Ung manton fourchu tant fuyant Qu'oncques fin rasouer de Guingant Ne fut plus affillé qu'elle est. (Pipée R., c.1470-1480, 175)

[Du temps qu'il fait] Agréable.

Bel faisoit adont, mignot et joly, car c'estoit ou my mois d'avril a ung matin tempre si comme a soleil levant (Percef. Compl. R., c.1450 [c.1340], 333)

B. -[Valeur défavorable] Qui est d'une coquetterie excessive, aguichante.

Villain mignot presumpcieux... (Dupin, Mélanc. L., c.1324-1340, 210)

S'il avient a toy, pucelle, que tu voises entre les filles mignotes et avec les jovenceaulx a cheveulx aornéz, ung josne barbu venra qui par la main te prenra et, en pressant tes dois, te temptera ou il sera tempté (Daudin, De la erudition H., c.1360-1380, 387)

Mais la courtoisie ou curialité d'auchunez pucellez les fait souvent importunes et mignotes et dissolues (Daudin, De la erudition H., c.1360-1380, 401)

...par sotes et mignotes contenances de singe (Foul., Policrat. B., VIII, 1372, 93)

Mais ne fu mie contrefaite En sa vesteure, ne mignote (Chr. Piz., M.F., I, 1400-1403, 91)

Prudence et Sobrece apprendront a la dame a avoir parler ordonné et sage eloquence, non pas mignote mais rassise, coye et assez basse (Chr. Piz., Trois vertus W.H., c.1405, 45)

De sa vesteure et abillement n'est mignot ne desguisié, quoy que son appareil soit propre et net (Bouciquaut L., 1406-1409, 415)

SATHAN. (...) Ses musequins atout leurs papillotes, Leurs fanfrelluques et leurs grox culz bardez, Grans chapperons, cabinetz et callotes, Qui contrefont des sucrees mignotes, Auront leurs corps de grans dragons lardez (La Vigne, S.M., 1496, 221)

Fille mignote. Courtisane, fille légère, prostituée.

A servans et filles mignoctes Portans seurcoz et justes coctes, A cuidereaux d'amours transsiz Chauçans sans mehain fauves boctes, Je crye a toutes gens mercys. (Villon, Test. R.H., 1461-1462, 148)

C. -Substantif.

1.Ami.

Car l'ung mon mignault je retien, L'aultre mon loyal serviteur (Vaillant, Oeuvres D., c.1445-1470, 124)

[Hypocoristique, terme d'affection]

CUIDER. Argent m'y fault ! Argent m'y fault ! Sa, mes enffans, sa, mes minos, Venez achapter dorellos, Sa, venez ! ains qu'il soit plus tart. BRUYT. Et qui est se maistre cornart Qui reveille le guet ainsi ? (Pipée R., c.1470-1480, 160)

2.Favori.

...car les seigneurs trop gouvernez et trop subgiz a leurs vicieulx mignos, Dieu vuelt qu'il leur en prengne ainssy (La Sale, Salade, c.1442-1444, 194)

...par le moien d'un escuier gascon (...) lequel estoit tout mignot du roy d'Angleterre (Le Bouvier, Chron. Ch. VII, C.C.J., c.1451-1455, 97)

3.Argent qu'on a en réserve.

Si vous fault engager tous noz joyaulx, et si vous avez quelque mignot d'argent a part, il le vous fault mettre avant (C.n.n., c.1456-1467, 419)

Remarque : Il ne peut être question du minot, mesure utilisée pour les grains et qui équivaut à une quarantaine de litres. Empl. subst. de l'adj. mignot, att. dans l'expr. argent mignot (cf.FEW VI-2, 139a et Z. rom. Philol. 103, 1987, 40). Cf. en fr. mod. 'une coquette somme'.