MARI

substantif masculin

[T-L : mari ; GDC : mari ; AND : mari1 ; DECT : mari ; FEW (VI-1, 355b) : maritus ; TLF (XI, 395a) : mari]

Homme uni à une femme par mariage, mari.

LA DAME. (...) Donnez a mon mari courage (Mir. enf. diable, c.1339, 3)

Ses crins tiroit et batoit sa poitrine Et pour s'amour seur lit ne soubs courtine Ne pot dormir. Alchioine trop ot le cuer marri Pour la dolour qu'elle ot de son mari Qui dedens mer par fortune peri, Si qu'en plourant Dist a Juno pluseurs fois : 'Je te pri, Riche deesse, oy mon dolent depri.' (Mach., F. am., c.1361, 163)

Et pour ce, a il plus de juste entre le mari ou resgart de sa femme que il ne a ou regart de ses possessions, comme est son sergent, et que ou regart de ses enfans (Oresme, E.A., c.1370, 302)

Vous ne devés vo cuer de moy retraire. Eins me devés tenir en vo servage Comme vo serf qu'avez pris et acquis, Qui ne vous quiert villenie n'outrage. Et si devés amer, j'en suis tous fis, Vo mari com vo mari Et vostre amy com vostre doulz ami ; Et quant tout ce poez par honneur faire, Vous ne devez vo cuer de moy retraire. (Mach., L. dames, 1377, 208)

...Bonnement à li m'ottri, Pour ce qu'il m'a longuement, Liement, de cuer servi, Ay je pour ce desservi, Lasse ! aymi, que tellement M'en demainne mon mari Que de li n'ay fors tourment ? (Mach., Motés, 1377, 514)

Pour quoy me bat mes maris ? Lassette ! Je ne li ay riens meffait, Je ne li ay riens meffait, Fors qu'à mon ami parlay Seulette. (Mach., Motés, 1377, 515)

Laquelle Margarite, par plusieurs et diverses fois, escondit et refusa lui qui parle d'estre s'amie ; et tant que, après plusieurs paroles, elle lui dist que s'il vouloit promettre à estre son mary, et qu'il la fiançast, elle feroit voulentiers tout son plaisir, et sadite requeste li accorderoit. (Reg. crim. Chât., I, 1389-1392, 205)

...sondit mari mort, il espouseroit icelle ; car tant qu'il seroit vif, ilz ne pourroient faire leurs voulentez ensamble (Reg. crim. Chât., II, 1389-1392, 57)

Et [Gervaise] dit encores que les dictes faees se mettoient en forme de tres belles femmes, et en ont pluseurs hommes prinses pour moilliers, par my aucunes convenances qu'elles leur faisoient jurer, les uns qu'ilz ne les verroient jamais nues, les autres que le samedy n'enquerroient qu'elles seroient devenues, aucunes, se elles avoient enfans, que leurs maris ne les verroient jamais en leur gesine. (Arras, c.1392-1393, 4)

L'EVESQUE, espousant Griseldis au marquis. (...) Marquis, (...) Prendre voulez par marïage De vostre pur et franc coraige (...) Griseldis (...) Et ycelle a femme prenez, Et tel part en vous lui donnez Que femme en mari doit avoir ? (Gris., 1395, 41)

...vous avés oy nouvelles dou roi vostre mari (Froiss., Chron. D., p.1400, 56)

Si vous prie cierement, conme une dame veve et orfene de mari, que vous aiiés pité de moi (Froiss., Chron. D., p.1400, 502)

Roy Menelaus, qui ert mari Heleine (Chr. Piz., M.F., III, 1400-1403, 68)

...pourveu que elle fera serment de soy bien et honnestement gouverner desormais avec ledit du Molin, son mari, ainsi que bonne et preude femme se doit gouverner en mariage. (Fauq., I, 1417-1420, 38)

Ce mesme jour, la Court a enjoint audit de Besze qu'il traicte sa femme amiablement et ainsi que mary doit traictier sa femme, et non autrement. (Fauq., I, 1417-1420, 308)

C'est d'une femme a Romme qui ne fut pas de ces tres parfaites vesves, car elle espousa XXIJ maris (La Sale, J.S., 1456, 5)

Il fault qu'il vivent, les beaulx peres, Et mesmement ceulx de Paris : S'ilz font plaisirs a noz commeres, Ilz ayment ainsi leurs marys. (Villon, Test. R.H., 1461-1462, 97)

Je suis la mere maleureuse ; Plus non ay enfant ne marit. Tout temps serey malencoigneuse ! (Pass. Auv., 1477, 130)

Maris ne seront plus cocus. (Rapp., c.1480, 65)

Tous ses seigneurs en de bonnes maisons Furent logez, et des dames cheriz, La ou plusieurs amoureux oraisons, Pour parvenir a fin de leurs raisons, On mist avant, voire absens les mariz. (La Vigne, V.N., p.1495, 173)

Seigneur / mari

LA DAME. Adieu ! Adieu ! Mes amis touz ! Par especïal, mon ami, Mon loyal seigneur, mon mari. (Mir. enf. ress., 1353, 67)

...elle vit par plusieurs fois icellui prisonnier, à elle par ledit maistre Dreue nommé, qui ouvra de peleterie tant en l'ostel de son dit feu seigneur de pere, comme en l'ostel où ledit sire de Haguenonville, son seigneur et mary, et elle estoient logez (Reg. crim. Chât., II, 1389-1392, 362)

Si fu la dame moult resjoie (...) des bonnes nouvelles que elle ot de son signeur et mari, le roi d'Engleterre. (Froiss., Chron. D., p.1400, 770)

Monseigneur mon mari

'Ha ! Dieux pardoinst par sa grasce à monseigneur mon mary, car, s'il vesquesist, il n'oisast penser à mettre hors telz parolles...' (Froiss., Chron. M., XIV, c.1375-1400, 179)

[D'une femme] Avoir qqn à mari. Épouser qqn, être marié à qqn.

LE CHAPPELLAIN. Sa, damoiselle, et vous aussi, Voulez vous ce seigneur avoir A mari, et corps et avoir Garder en foy ? (Mir. femme roy Port., c.1342, 180)

...madame Catheline (...) fu duçoise de Berri, car elle eut à mari Jehan de Berry, fil au duc Jehan de Berri. (Froiss., Chron. R., IX, c.1375-1400, 47)

...homme juif a mari ay eu (Mir. fille roy, c.1379, 7)

...par mauvais art elle fist tant que elle ot à mary ledit de Ruilly (Reg. crim. Chât., II, 1389-1392, 335)

...car sachiez de certain, pour en mourir ne pour en estre desheritee, je n'auray ja le roy d'Aussay a mary, non pas que il ne vaille mieulx que a moy n'appertiengne, mais pour tant qu'il me veult avoir par force. (Arras, c.1392-1393, 148)

Avoir mari

Pluseurs l'empresserent, et quant Elle vit qu'on l'apressoit trop, Elle leur dist, tout à un cop, Qu'elle avoit grant devotion De li mettre en religion, Et que jamais mari n'aroit ; Plus chier assés morir aroit. (Mach., P. Alex., p.1369, 260)

LA PREMIERE POVRE PUCELLE. (...) Nous cuidïons estre certaines, Et je meïsmes endroit moy, Que plus riches feussons de soy Et deüssions par marïage Avoir mari de tel lignage Qu'el [Griseldis] n'eüst osé esperer. (Gris., 1395, 40)

Estre espousee à mari

...quant je fu parcreue je fu espousée a mari (Mir. fille roy, c.1379, 7)

Prendre qqn à mari

[Polyphème à Galatée] Et s'a mari prendre me daignes, Assez pues avoir de chastagnes, Si pues avoir a grans bouissiaus Tous fruis d'aubres et d'arbrissiaus. (Mach., Voir, 1364, 634)

Li roys la fist tantost mander Pour li enjoindre et commander Que son servant à mari prengne. (Mach., P. Alex., p.1369, 260)

Mais j'eüsse trop fort mespris, Se j'eüsse l'amer empris, De puis que j'eus à marit pris, Lasse ! celui Qui tant me fait peinne et anuy Qu'en tous cas toute joie fui (Mach., Motés, 1377, 514)

Monseigneur veult qu'a ly vegniez A celle fin que vous pregniez Fïacre son filz a mary. (Vie st Fiacre B.C.P., c.1380-1400, 18)

De quoy le roy fu moult doulens, et jura Dieu que, se il povoit, que il l'auroit [la pucelle] , comment qu'il feust. Lors fist son mandement et deffia la pucelle et tous ses aidans. Quant les barons et les nobles et la communauté du pays le scorent, si jurarent, puis que leur dame ne le vouloit prendre a mary, qu'ilz luy monstreroient qu'il avoit tort vers la pucelle et vers eulx. (Arras, c.1392-1393, 147)

L'EVESQUE, espousant Griseldis au marquis. (...) Et vous, belle, voulez avoir Et prenez de fait et d'avis A mary Gautier, le marquis, Et a lui vous donnez en femme (Gris., 1395, 41)

Prendre mari

Li roys la fist tantost mander Pour li enjoindre et commander Que son servant à mari prengne. Elle dist : 'Sire, ja n'aveingne Que je jamais prengne mary. Moult aroie le cuer mari, Se ma devotion perdoie, Que religieuse ne soie.' (Mach., P. Alex., p.1369, 260)

Querir (un) mari à qqn

Par mon chief, pour le plus brief, il faut ma niepce marier. Or lui querez un mary qui soit digne de gouverner son royaume (Arras, c.1392-1393, 188)

Sire roy, s'il vous plaist que vostre niepce soit mariee, si lui querez mary, car par dessus vous n'y a homme qui s'en meslast. (Arras, c.1392-1393, 188)

[Cont. relig.]

En ce temple sacré, en ceste sale digne et honnoree de Nostre Dame furent celebrees les nopces de la Divinité avecquez nostre humanité. Vrayement ycy povreté riche mary a quant nostre humanité se marie et joint a la Divinité ! Sy est au jour d'uy la premiere et principale feste de toute la Trinité quer Dieu marie son Filz, et le Saint Esprit celebre les nopces (Gers., Annonc., a.1400, 230)