MAÇONNER

verbe

[T-L : maçoner ; GD : maçonner ; GDC : maçonner ; FEW (XVI, 506b) : *makjo ; TLF (XI, 118b) : maçonner]

A. -Au propre.

1.Maçonner qqc. Faire la maçonnerie de qqc., construire qqc..

Mès à le mestre tour dou dongnon ne pooient il nul mal faire, car elle estoit machonnée sus vive roce (Froiss., Chron. L., III, c.1375-1400, 87)

Et là eut grant occision, et entrèrent en la cité avoecques les dessus dis, qui estoient bouté en une forte maison ouvrée et machonnée de pierre, mais tantos fu conquise. (Froiss., Chron. L., VII, c.1375-1400, 46)

...le duc de Bretaigne (...) luy monstra le bel et le plaisant chastiel de l'Ermine, qui siet assez prez de Vennes, lequel le duc avoit fait nouvellement edefier, machonner et ouvrer (Froiss., Chron. M., XIV, c.1375-1400, 236)

Et estoit encores la fosse toute ouverte et bien maconnee. Et y avoit bons anneaulx de fer au travers, pour soustenir la biere, se on vouloit mettre le corps, car la avoit il ordonné sa sepulture. (Arras, c.1392-1393, 290)

La a de povres maisonnettes, Mais moult sont jolies et nettes, Gracieusement ordenees Et moult gentement maçonnees, De plus povres et de plus riches (Chr. Piz., M.F., I, 1400-1403, 124)

Mais moult furent les pierres dures, Dont celle tour fu maçonnee (Chr. Piz., M.F., II, 1400-1403, 152)

Encores n'estoit pas fondee La Rochelle ne maçonnee (Coudrette, Mélus. R., c.1401-1402, 102)

En pou de temps ont maçonnez Grosses tours (Coudrette, Mélus. R., c.1401-1402, 152)

...je lui ay maçonné et fondé un edefice si fort et si durable que feu, ne fer, eaue, terre, ne autre chose corrompable ne pourroit consumer ne destruire (Bouciquaut L., 1409, 455)

...tout droit as passaiges a-on fait maçonner Castiaus et bonnes villes pour le pas estouper. (Geste ducs Bourg. K., c.1410-1419, 285)

...pour avoir maçonné ou viez muret des estuves, vers les fossez, un aystre de cinq piez de let et sur ce maçonné le arc tenant les pos de terre donnant la chaleur es estuves, et de sur ce avoir maçonné une cheminee portant la fumiere de la fournaise desdictes estuves (Comptes Etat bourg. M.F., t.3, 1416-1420, 613)

...deux halsters de sel mis et emploié sur les baulx et plancquits de la loge sur laquelle est maçonnee la fournaise des nouvelles estuves (Comptes Etat bourg. M.F., t.3, 1416-1420, 614)

GAUTIER. Quant ung homme a amassé D'or et d'argent en une masse, Et puis quant sera trepassé, L'emportera il en sa tasse ? MARTIN. Pour tous tribus on luy compasse Sept pieds de terre massonnez [une tombe] . (Gaut. Mart. A., c.1480-1500, 191)

[Cont. métaph.]

...les faulx besans des crestiens, c'est assavoir les horribles pechiez, ont compose et massonne ung grant mur, selon le dit du prophete, entre Dieu et les crestiens. Lequel mur a contreste et resiste au beau raiz du soleil de Justice... (Mézières, Songe vieil pèl. C., t.1, c.1386-1389, 92)

Emploi absolu. Faire un travail de maçon, faire de la maçonnerie.

...si comme nous dison que en art de pierre taillier ou de masonner, Phydas estoit sapient ou sage mason. (Oresme, E.A., c.1370, 341)

Car, aussi comme en edifier sont les maistres de l'euvre qui ordennent et commandent, et les autres qui besoingnent de la main et maçonnent... (Oresme, E.A.C., c.1370, 345)

...il print et embla à Thevenin Le Maçonnet, son frere, demourant à Gaigny, un pic, en l'ostel Jehan de Billi, en la ville de Villemonble, où sondit frere maçonnoit (Reg. crim. Chât., I, 1389-1392, 187)

[Cont. métaph.]

LE PREMIER DYABLE. Il le nous convient mettre ou fons De purgatoire ; au dire voir, La sera son maistre manoir Un grant temps. Il y maçonna Dès que les troys maisons osta A Lorentin. (Mir. prev., 1352, 248)

Or prens tes outilz et viens avec moy ; et viens avans, si destrampes le mortier ou cornet et maçonnes fort a la trampe de ta plume, car assez de quoy te livreray. (Chr. Piz., Cité dames C., c.1404-1407, 786)

2.Maçonner des pierres. Tailler des pierres.

Et le soir ensuivant, à la venue de la mer, vinrent aulcuns dudit navire qui estoient à ce commis, et effondrèrent ou havène de Palais [l. Calais] quatre nefz qui estoient plaines de pierres bien maçonnées et ancrées de plonc, adfin de rompre, démolir et desoler le passaige, que ceulx d'Angleterre n'y puyssent plus venir, ne aler à tout leur navire. (Monstrelet, Chron. D.-A., t.5, c.1444-1453, 251)

Il y a chacun jour deux cens hommes ouvrans a massonner et tailler pierre, a mesure que l'en despiece la vielle eglise on fait la neufve [Ou empl. abs., pierre étant seulement compl. de tailler ?] (Barbatre, Voy. T.-C. P., 1480, 94)

3.Maçonner qqc. dans qqc. (un mur). Introduire qqc. dans (un mur) par maçonnerie.

...il feïst mettre plusieurs broches de fer massonnées dedans le mur, qui avoient chascune trois ou quattre poinctes, et les feït mectre fort près l'une de l'autre (Comm., II, 1489-1491, 322)

B. -Par analogie. Exécuter, réaliser qqc..

N'avoient ne hanaps ne coupes, (De tout ce ne faisoient force), Mais d'un cerisier une escorce Maçouné et fet il avoient Un hanap, a quoi il buvoient (Froiss., Pris. am. F., 1372-1373, 85)

...brodure semée et massonnée d'or et d'argent, et par dessus semée de larmes d'argent de brodure ; et la brodure d'icelle estoit entassée d'or très richement ; et pour enrichir la massonnerie, y avoit grans violiers de romarins, vermeilz et blancz, à grans lettres de sa devise parmy ; et certes la couverture me sembla très riche. (La Marche, Mém., III, c.1470, 174-175)

Sur les tables avoit trente plactz, lesquelx plactz furent faictz ... maniere de jardins, dont le pied desditz jardins estoit faict de bresil massonné d'argent, et la haye du jardin estoit toute d'or. (La Marche, Mém., III, c.1470, 195)

Au figuré.

Ce que fait en est, c'est matiere pourveue et machonee par envie (Froiss., Chron. [Livre IV] V., c.1400, 736)

...par le mention De ce duc de Melan et de ce faus glouton Fu la mort maçonnée du bon roi de Laon (Geste ducs Bourg. K., c.1410-1419, 263)

...en maint grant péril fu sen cors obstiné ; Et pour ce fait venir à se moralité (...) garda son ciertain avoé Contre cheux qui avoient à se mort maçonné (Geste ducs Bourg. K., c.1410-1419, 292)

Qui maçonne la mort son segneur révérent, En fait de forcherie ou par enhierbement, (...) Dont vous orés articles particulièrement, Et s'il est si poisans (...) C'on n'en ose justice faire soufisanment, Je di que chieux qui voient son fait si évident, Soient contes ou duc, prinches ou autres gens, (...) Il doivent en aus prendre voloir et hardement, (...) Qu'il soit mors et ochis, puissedi qu'autrement On ne puet de lui prendre nesun punissement, Ne que justice n'ose exserser plainement (Geste ducs Bourg. K., c.1410-1419, 313)