MELODIEUX

adjectif

[T-L : melodïos ; GD : melodieus ; GDC : melodieus ; FEW (VI-1, 686a) : melodia ; TLF (XI, 607b) : mélodieux]

A. -[De la voix, de ce qu'elle produit, du chant...] Harmonieux, agréable à l'oreille, mélodieux.

Avant conmençons ce rondel. C'est chançon trop melodieuse. (Mir. ev. N.D., c.1348, 72)

Mes clers, il vous fault un chant dire A voiz douce et melodieuse (Mir. st J. Paulu, c.1372, 146)

C'est a dire consonante et melodieuse [voiz] . (Oresme, C.M., c.1377, 470)

...voix melodieuses (Chr. Piz., P.V.H., 1416-1418, 49)

Bien est raison que l'on ly face Grant honneur, chascun le doit faire, Car c'est le tresdoux Roy de gloire, Et pour tant qu'il est nostre roys, Chanterons nous entre nous trois A ceste venue joyeuse Ceste chanson melodieuse. (Pass. Semur D.M., c.1420 [1488], 156)

Motés de maledieux son... (Pastor. B., c.1422-1425, 194)

Il fault que nous nous conseillons Comment nous ferons de cecy, Car nous avons oy droit cy Une voix molt melodieuse Qui nous a dit chose joyeuse. (Marcadé, Myst. Pass. Arras R., a.1440, 25)

En ceste joyeuse estanpie Et en ce chant melodïeux, Doleurs pers ; plus ne suis marrie, Pour ce que voy Dieu glorïeux. (Pass. Auv., 1477, 280)

Je suis Venus, la plus belle des cieulx, Entre les dieux tenant ma region, Aornée de joyaulx precieulx, De chans joyeulx et sons melodieux, Esbatz et jeux sont en ma legion (Cene dieux, c.1492, 108)

[Du chant d'un oiseau]

Et li bon levrier que j'avoie Renforçoient si mon solas Que je n'en peüsse estre las, Quant je les os mis en conroy, Et je les vi de bel arroy De courir a point sus les chans, Et puis des oisillons les chans Qui estoient melodïeus, Et li airs dou temps gracïeus Qui tout le corps m'adoucissoit. (Mach., J. R. Nav., 1349, 155)

Ou second jour de may, que le rossignol jour et nuit maine son merveilleux et melodieux jargonneis et que les rosiers florissent, les arbres advestis de feulles donnent umbres gracieux, matin se leverent les ungs et les aultres (Jehan d'Avennes F., c.1465-1468, 85)

[D'un instrument, de ce qu'il produit...]

Ainsi li ange (...) le firmament me monstroit Qui tourn(i)ant une armonie Faisoit en grant sonnerie Si melodieuse et plainne De douceur et si serainne Que tous terriens instrumens (...) Dont Musique fait ses deduis, Seroient reputes et dis Mains quë une mouscherie [var. moquerie] Qui la chose aroit oïe (Guill. Digull., Pèler. âme S., c.1355-1358, 288)

Les gens d'armes de Valenciènes et la communautés vinrent à Saint Amand (...) et brisièrent toutes les cloches, dont ce fu damages, car il en y avoit moult de bonnes et de melodieuses. (Froiss., Chron. L., II, c.1375-1400, 69)

La veissiez la feste commencier moult grant, et menestriers et trompettes faire leur mestier, et autres melodieux tons. (Arras, c.1392-1393, 117)

...et fut ledit souper moult honorable, plantureux et servy de tout ce qu'il estoit possible de trouver, avecques chantres divers et plusieurs instrumens melodieux, farces, mommeries et autres honnestes joieusetez. (Roye, Chron. scand., II, 1460-1483, 67)

...danses et carolles encommencèrent par la grande salle du chasteau de Lalaing ; trompettes et ménestrels commencèrent à jouer de leur mestier. Là y avoit qui jouoient de plusieurs instrumens mélodieux (Faits Lalaing K., c.1470, 8)

Et parmy eulx clairons melodïeux, Trompes, cornetz et tabourins de guerre : Brief, il sembloit que deesses ou dieux Fussent des cieulx descenduz sur la terre. (La Vigne, V.N., p.1495, 212)

[Cont. métaph.]

Et a la verité aussy n'est ce pas bien ymaginable chose que cilz Platon, qui fu sur tous notable philosophe, entendist que l'ame feust composee de nombres realment, ains est mieulx vraysemblable qu'il le deist sans plus similitudinairement aussy que s'il voulsist dire que tout ainsy que les musicaulx nombres sont bien seans ensamble et font une consonancie et une melodie agreable a l'oÿe, tout ainsy l'ame humaine et le corps qui lui est baillié de telle mesure et telle proporcion qu'elle desire et veult de sa nature sont bien seans ensamble et font aussy comme un accord melodieux et plaisant a Nature. (Evr. Conty, Harm. sphères H.P.-H., c.1400, 70)

B. -Par analogie. au figuré. [En partic. d'une odeur ou bien d'une chose abstr.] Agréable, charmant.

Et s'estoit environ poursains Li lieus, dont il estoit plus sains, Plus biaus, plus gens, plus gracieus, Odorans et melodieus, De haies de belles devises Enracinées et reprises, Pommiers de paradis, rosiers, Franche aube espine et esglentiers (Mach., D. Aler., a.1349, 392)

Douce Pensee est une chose Qui est en cuer d'amant enclose, Engendree par Souvenir - D'ailleurs ne puet elle venir - Si douce et si melodieuse, Si plaisant et si amoureuse, Qu'il est po de choses plus sades A cuers qui d'amours sont malades. (Mach., C. ami, 1357, 76)

Tous le peuent veoir, soient jeunes ou vieulx, Se je m'esbas ainsi que je souloye, Mes faitz en riens ne sont melodieux (Régn., F.A., 1432-c.1465, 156)

Et aussy tost qu'il eut prié d'un moument va venir que la coronne ja ditte commence flourir, et des fleurs yssoit l'oudeur si melodieux que chescun penssoit que ses vestemens fussent partis de paradis (Bagnyon, Hist. Charlem. K., c.1465-1470, 24)

Car pour l'oudeur de ces melodieuses fleurs toute la cité en est purifiee et remplie, car trois cens et ung malades, par compte fait, furent seiniés et guerys. (Bagnyon, Hist. Charlem. K., c.1465-1470, 25)

...quatre cens chevaulx chargés de vin doulx et melodieux pour donner aux gens de guerre a boyre (Bagnyon, Hist. Charlem. K., c.1465-1470, 202)