LOUABLE

adjectif

[T-L : löable ; GDC : louable ; AND : loable ; FEW (V, 207a) : laudare ; TLF (XI, 5a) : louable]

A. -Satisfaisant, convenable, appréciable, favorable.

De la compaignie de lealement vivre [...] Valere ou .IIIIe. livre exemple loable (Daudin, De la erudition H., c.1360-1380, 260)

Et fay conclusion finable Sur le mariage louable, Car l'espiritel par celli Puez tu acquerre avecque li. (Desch., M.M., c.1385-1403, 338)

Et que science plus louable Soit qu'autre riens et prouffitable, Appert au commun cours du monde. (Chr. Piz., Chem. estude P., 1402-1403, 215)

Maiz oefz frez et molletz, sans faille, Sont loables, comment qu'il aille (La Haye, P. peste, 1426, 95)

Par brouet de char convenable Avec bourrache, herbe louable... (La Haye, P. peste, 1426, 105)

Et trouveras pou de ceulx qui, par ambition de rapine et par oultrage d'orgueil, ont envay aultruy, avoir eu loable fin ne honneste yssue de leurs emprisez. (Chart., L. Esp., c.1429-1430, 140)

La troverez ma bonne amie Qui est appellée Marie En ung lieu non pas trop louable, Mais en une meschant estable. (Marcadé, Myst. Pass. Arras R., a.1440, 22)

...et il n'est chose si ferme, si eureuse, loable a la chose publique que avoir chevaliers erudits en armes. (Juv. Urs., Verba, 1452, 239)

Noz ennemys nous requierent d'avoir Treves et paix : pour ce, faisons debvoir De sur ce cy prandre conseil vaillable. Ilz s'offrent tous de laisser leur avoir : Pour quoy, seigneurs, vous pouez bien sçavoir Que ce traictié pour nous est fort louable. Paix nous demandent par ainsi qu'ilz lairront Entierement ce que pris ilz auront En noz paÿs et que, saulve leur vie, Sans aultre chose ilz s'en retourneront (La Vigne, S.M., 1496, 252)

MÉDECINE Normal, sain.

De sang non louable par sa substance et adbustion selonc la grosseur et subtillité sont engendrees toutes pustulles crousteuses, de charboncle jusques a estiomenum (Panis, Guidon, 1478, tr.II, doct.1, chap.2)

Sanie est prinse en deux manieres: c'est assavoir proprement pour celle qui est blanche et ligiere et louable, qui n'a point de puour orrible. (Panis, Guidon, 1478, tr.IV, doct.1, chap.1)

Remarque : MONDEV. ds T-L V, 544.

B. -Digne d'éloge, recommandable, louable.

Et pour ce quanque nous faisons Ou quanque faire nous voulons Doit estre en tous temps louable Et ou rien n'ait reprenable. (Guill. Digull., Pèler. âme S., c.1355-1358, 241)

...la science n'est pas loable laquelle est broullie par vie deshonneste (Daudin, De la erudition H., c.1360-1380, 44)

Item, toute chose loable ou qui doit estre loee, c'est selon aucune qualité ou disposicion par quoy elle est ordenee a autre chose, comme a aucun fait ou operacion. (Oresme, E.A., c.1370, 139)

Et ceci faire bien et a point n'est pas chose legiere ne commune et est bonne et loable. (Oresme, E.A., c.1370, 172)

...tres grant vertu et tres louable (Chr. Piz., P.V.H., 1416-1418, 27)

Car ceste beneiçon partant de la vraye bouche de Nostre Seigneur me semble estre plus loable et plus proffitable que nulle que je saiche, et pour ce la vous recommande au lever et au couchier de vostre lit. (La Sale, J.S., 1456, 42)

...entre ses loables vertuz celle de liberalité ne fut par la maindre (C.n.n., c.1456-1467, 23)

...une jeune fille (...) ayant bruyt (...) tant par sa grande et non pareille beaulté comme par ses tres loables meurs et vertuz (C.n.n., c.1456-1467, 192)

...le seigneur fut bien content de luy bailler sa fille a mariage, jasoit qu'il n'eust cognoissance de luy fors de ses loables meurs et vertuz. (C.n.n., c.1456-1467, 332)

Et, le jeudi XXIIIe jour de fevrier mil IIIIcLXVI, le roy Loys, pour les bons et louables services à luy faitz [et] à la chose publicque par Anthoine de Chabannes, conte de Dampmartin, pour ce qu'il estoit l'un des plus grans cappitaines de ce royaulme, luy donna l'office de grant maistre de l'ostel de France. (Le Clerc, Interp. Roye, c.1502, 204)

Qqc. rend qqn louable

MATHATIEL. O sainct Nycolas, vray secours En necessité secourable, Je te rens louenge en secours, Car tes fais te rendent louable. Des sainctz cieulx tu es heritable, Glorieux ou ciel et en terre. (Mir. st Nic. juif, c.1480-1500, 156)

[Sens actif] Élogieux.

...sur le fait de toutes les justices de vostre royaume en soient faictes belles ordonnances, desquelles, se ainssi le faictes, sera memoire perpetuelle et louable a vostre nom (Juv. Urs., Verba, 1452, 402)

C. -Louable constellation. Constellation qui porte chance ; constellation heureuse.

...et est bien à presumer que, entre lesdicts enfans et peuple d'Israël, que Dieu avoit retirez de captivité et esleuz sur tous autres et les avoit en singuliere estime que en .XL. ans qu'ilz furent aux desers ne trouvassent plusieurs experiences bonnes et honestes, actendu la doctrine de leur pasteur et chef Moyse, c'est assavoir en herbes et pierres de singulieres proprietez appertes et ocultes, et encore plus quant elles estoient gravées et sculpées en louables constellations (Simon De Phares, Astrol., c.1494-1498, f° 25 v°)

Cestui Egistus, qui estoit venu de Saxone, ediffia ung chastel et l'avitailla et s'efforça, o ses Saxons, de conquester le pays, mais cestui Aurelles par sa sapience les desconffit. Cestui fut né en si locable [l. louable] constellacion que onques ne fut reprins de chose, par lui dicte. (Simon De Phares, Astrol., c.1494-1498, f° 94 r°)