LOS

substantif masculin

[T-L : los ; GD : los1 ; AND : los ; DECT : los1 ; FEW (V, 210a) : laus ; TLF (X, 1371a) : los]

A. -Louange, éloge.

1.Au propre.

Tousjours fu puis en la contree Jehan de toutes gens amez Et saint homme de touz clamez. Mais du los point ne s'esjoï : Tant comme plus loer s'oï, Plus se despist et abessa (Tomb. Chartr. W., c.1337-1339, 28)

Et pour la loange avoër, Avec les loans le looie Toutes fois que loër l'ooie, Et par mi ce, bien dire l'os, Li donnay je un si bon los Que tuit cil qui de moy l'ooient Loër moult forment m'en looient. (Mach., D. Aler., a.1349, 376)

Et se vis langui par l'engin De vous qui de tous avés los, S'arés vous le cuir et les os. (Mach., L. dames, 1377, 159)

Et en ce veez vous la diversité entre la vertus de manificence et le vice d'orgueil, car orgueil ne quiert fors son propre los, soit que bien en doye venir ailleurs soit non, mais manificence, tout au contraire, n'a l'ueil fors au proffit d'autrui et a l'onneur de Dieu (Gers., P. Paul, a.1394, 503)

...faulx ange detracteur A qui n'est deu los ne hommaige. (Gréban, Pass. J., c.1450, 144)

...car sambleroit de prième face redonder plustost en reproche qu'à los (Chastell., Chron. K., t.3, c.1456-1471, 263)

Celuy est fol et inscieux (...) Qui prend de sa femme la garde, Et nuyt et jour la contregarde, Et qui en est si tresjaloux, Qu'il n'en peult dire aucun loux (Rivière, Nef folz D., 1497, 201)

Donner los à qqn. Louer qqn, faire l'éloge de qqn.

Chascuns li donne los et pris, Pour le grant fait qu'il a empris. Mervilleusement se combat ; Il en tue tant et abat Qu'il fist place à plus de sexante, Qui descendirent sans atente. (Mach., P. Alex., p.1369, 70)

Porter los à qqn. Louer qqn, faire l'éloge de qqn.

Princesse, ce loz je vous porte Que sans vous je ne feusse rien (Villon, Poèmes variés R.H., c.1456-1463, 43)

S'aucunes gens vous portent blasmes, Mes dames, je vous porte los. (Menus propos P., 1461, 110)

Au pluriel. Louanges, éloges.

Et es perilz acquiert on les grans los. (Chart., D. Fort., 1412-1413, 166)

Et beaucoup de loz autentiques Luy prophetise en ses canticques (Gréban, Pass. J., c.1450, 120)

...pour grans loz obtenuz (Saint-gelais, Enéide VI, B., c.1500, 369)

2.En particulier.

a)[P. oppos. à blasme] Louange, compliment.

LE COMPÉRE. Conmére, je vous en avise De bonne foy, si ait Dieu m'ame. Ne m'en donnez ne los ne blasme, Belle conmére. GUIBOUR. Mais vous en sçay bon gré, compére (Mir. femme, 1368, 184)

b)Grâce (rendue à Dieu, à Marie...).

[Les anges chantent la louange de Dieu] A sa magesté Soit louz et honneur ! (Gréban, Pass. J., c.1450, 69)

A Dieu, mon pere vertuable, En soit loz et mercy donné (Gréban, Pass. J., c.1450, 161)

Haulte trinité (...), A ta magesté Soit huy protesté Lotz et preference (Gréban, Pass. J., c.1450, 448)

Et de la joye de cest affaire Chanson doit dire ainsy le lo (Adont chantent les angelz ce qui s'ensuit) : Gloria In excelsis Deo... (Myst. Incarn. Nat. L., t.2, c.1454-1474, 331)

Gloire soit à la Trinité (...), A Marie, loz (MART. D'AUV., Mat. Vierge L.H., c.1477-1483, 1)

Chanter le los

Nous chanterons ainsi le loz : In exitu... (Myst. st Christophle R., c.1350-1380, 75)

Rendre los( à). Rendre grâce, rendre gloire (à).

Et derrenierement les laux, graces et mercys rendues par le compyleur de cest pitit livret (Chiquart, Cuis. S., 1420, 130)

Pour tant a l'Aute Trinité (...), Rend moy, Chiquart ['je rends, Chiquart'] , laux et mercy Des biens que tiens de Luy (Chiquart, Cuis. S., 1420, 197)

...et tenus submes de luy en rendre los et grace [à Dieu] . (Crap., Cur Deus, De arrha B.H., c.1450-1460, 212)

3.Par métonymie. Qualités, vertus méritant des louanges.

Pour quoy est ce que deffaulx Sont tous de leurs premiers saulx Grans et haulx, Et los sont plains de blessures ? (Michault, Procès honn. F., p.1461, 72)

B. -Réputation.

1.[D'une personne] Réputation, honneur.

Car ja homs n'iert tant honnourez, Que ses biens n'en soit devourez Et qu'il n'en perde, s'il a pris, Scens, honneur, ame, los et pris. (Mach., R. Fort., c.1341, 11)

Car elle dit qu'a tort son los Li toli et que pas ne fist Le meffait qu'elle sus li mist (Mir. st J. Cris., c.1344, 280)

Cilz qui voudra avoir le los D'armes et de chevalerie... (Froiss., Méliad. L., t.1, 1373-1388, 109)

Si doi moult estre repris, Quant j'ay dit qu'elle ha mespris, Car tant ha scens, los et pris Et tant est ses corps apris De toute bonne apresure Que c'est l'exemplaire où pris Sont tuit li bien et compris. (Mach., Lays, 1377, 324)

On parle de richeces et de grant signorie, D'avoir sens, los, puissance, biauté, noble lingnie, De grant prouesse acquerre, d'onneur, de courtoisie ; Mais qui n'a souffisance, je di que il mendie. (Mach., Lays, 1377, 338)

...louz et nom toy sont donneiz par la compaingnie de Ogier. (JEAN D'OUTREM., Myr. histors G., a.1400, 104)

A tel prince loz appartient, Qui son peuple aime et en paix tient (Chr. Piz., M.F., I, 1400-1403, 141)

Hector respont que 'grant menace Le los de chevalier efface...' (Chr. Piz., M.F., III, 1400-1403, 91)

[C'est Orgueil qui parle] Certes encores tout a present ne vouldroye je pas que bien quelconque ou quelconque bonne entreprise se feist se je ne avoye l'onneur, le los et toute la gloire (Gers., Noël, p.1404, 304)

...dessus tous avoit los et pris Tarquin, fils de Nervin (Percef. IV, R., c.1450 [c.1340], 449)

...ilz perdent los et pris (Percef. IV, R., c.1450 [c.1340], 1051)

Son loz, son bruit, chascun desire et bée. (Robertet, Oeuvres Z., c.1450-1500, 106)

...Pour le los et la renommee De sa fille (Du Prier, Roy Adv. M., 1455, 14)

Ung gentil chevalier (...) digne d'avoir bruit et los, comme il eut tout son temps, entre les mieulx et plus renommez... (C.n.n., c.1456-1467, 227)

Son los est los qui tous les los precede (Michault, Procès honn. F., p.1461, 49)

...non obstant que vainceur feust en bataille avoeuc le cardinal, escorchié y fut et tué, toutesvoies en gloire et los sur tout roy de son eage (Chastell., Temple Boc. B., 1463-1464, 69)

Les ungs ont pour juste desserte Glore, honneur et los immortel, Les autres... (Molinet, Faictz Dictz D., 1467-1506, 68)

...Pour loz avoir et bruit conquerre (Coquill., Oeuvres F., 1478-p.1494, 251)

...Qu'elle sauve son los et fame (Colin loue dép. Dieu T., c.1485, 158)

Tous seigneurs, princes temporeux, Veullent par oultrageux desroys Avoir los et gloire pour eux (Prisonn. desconf. C., c.1488-1489, 9)

En grant triumphe et parfaicte excellence, En bruyt, en los d'onneur victorïeux, Le roy des roys entra dedens Florence Ou il conquist ung renom glorïeux (La Vigne, V.N., p.1495, 208)

Remarque : Dans l'ex. suiv., il doit s'agir également du sens de 'honneur'

Aussi porte il croissant en los, De Secille est son premier tiltre. (Vaillant, Oeuvres D., c.1445-1470, 153)

Allusion probable (note de l'éd.) à l'ordre du croissant créé par le roi René en 1448 et dont la devise était 'Los en croissant'.

[P. oppos. à blasme]

Et en ce veez vous la diversité entre la vertus de manificence et le vice d'orgueil, car orgueil ne quiert fors son propre los, soit que bien en doye venir ailleurs soit non, mais manificence, tout au contraire, n'a l'ueil fors au proffit d'autrui et a l'onneur de Dieu (Gers., P. Paul, a.1394, 503)

De los

...Dames de loz (Michault, Procès honn. F., p.1461, 91)

Beau los. Honneur.

Deux, ne pouez nul beau loz maintenir ; Sages Ronmains, vous perdés vostre tiltre ! (Epître Romains M., c.1475, 182)

Bon los. Bonne réputation.

Telx a bon loux qu'encour sera blasmez. (Dupin, Mélanc. L., c.1324-1340, 232)

Aussi s'une dame jolie, Gaie, rians, jouans et lie, S'embat en lieu ou il ait feste De gens qui mainnent vie honneste, Elle y puet bien tant dire et faire De son faitis courtois affaire, Qu'elle est tout par grace montée En l'air de bonne renommée. La puet voler de toutes pars Tant que ses bons los est espars. (Mach., D. Aler., a.1349, 335)

...Tant qu'il ara bon renom et bon los. (Froiss., Orl., 1368, 93)

Son bon los de toutes pars sonne (Gris., 1395, 49)

Et le mentir fait bon lotz adnuller. (Neuf unica du ms. de Stockholm, éd. F. Lecoy, c.1400-1500. In : Trav. Ling. Litt. 16-1, 1978, 297)

La pert l'omme son nom et sa fïance, Et le bon los tantost se brise et casse (Chart., B. Nobles, c.1424, 409)

De ton bon loutz me resjoÿs (Gréban, Pass. J., c.1450, 297)

Bien maldicte me tiens, et pou louable, Voyant ainsi mon bon los decliner. (Robertet, Oeuvres Z., c.1450-1500, 154)

... [les moines] avoient grand bruyt et bon los de bien savoir remonstrer aux pecheurs leurs defaultes. (C.n.n., c.1456-1467, 216)

...il acquist bon los. (Chastell., Chron. K., t.3, c.1456-1471, 333)

Tel a bon los qui l'a a tort (Alecis, Faintes monde P.P., c.1460, 100)

...a ung prince de grant avoir, Mieulx seroit, pour bon los avoir, Donner trop argent, vin et chars, Qu'aquerir le nom d'estre eschars (Meschin., Lun. princes M.-G., c.1461-1465, 43)

De bon los

Ha ! Guyon de Nanteul, damoiseaulx de bon los... (Tristan Nant. S., c.1350, 149)

Grand los. Grande réputation.

...que le grant los abaissera Du Beau Chevalier au Lyon (Dame Lycorne G., c.1349-1350, 284)

...A qui portés si grant renom Et si grant los. (Mir. st Val., c.1367, 129)

...ceulx qui bien font sont dignes de plus grant los (Chart., Q. inv., 1422, 13)

...combien que ceulx de qui je parle, especiallement Alexandre, ait acquis grant renommée et grant los (Bueil, I, 1461-1466, 122)

...cely chevalier dont j'ay parlé ne se monstra mie des mains aigres pour acquerir honneur, mes ung tresadroit et valereux crestien bien digne de grant los. (Chastell., Chron. IV, D., c.1461-1472, 79)

...et tous les François en donnoyent grant los et honneur a Olivier, qui avoit combatu ung tel homme. (Bagnyon, Hist. Charlem. K., c.1465-1470, 68)

...et aussi predist la mort d'aucuns grans hommes en Flandres, France et Itallie, qui puis fut veriffiée à son grant los et honneur. (Simon De Phares, Astrol., c.1494-1498, f° 127 v°)

Cestui predist les grans vens qui furent en son temps et fist plusieurs beaulx jugemens, dont il acquist grant lez [l. loz] et renommée en France et fut moult devost en Nostre Seigneur. (Simon De Phares, Astrol., c.1494-1498, f° 133 r°)

De grand los

...l'un des princes du monde mieux taillié à devenir homme de grant los (Chastell., Chron. K., t.3, c.1456-1471, 386)

Haut los

...tu as converti maintenant ta puissant proesce en pesant paresce, ton valoir et gloire en volloir de boire, ton hault los divin en grans los ['lots'] de vin (Molinet, Chron. D.J., t.1, 1474-1506, 71)

Mauvais los. Mauvaise réputation, déshonneur.

...jaméz ne l'avoit rattaint ne oÿ luy donner charge de doublesse ne de maulvais los (Chastell., Chron. IV, D., c.1461-1472, 73)

...le maulvais louz, Qu'elle eut acquis par la faulte ancienne (Saint-gelais, Enéide VI, B., c.1500, 337)

Au los de qqn. À / en l'honneur de qqn.

Le signeur de Lesparre a luy Hot debat, mais, comme celluy Ou tout honeur estoit compris, En issy a son loz et pris. (Chr. Piz., M.F., IV, 1400-1403, 69)

Alez tost, et tout se fera Au loux de dieu et de ses sains. Chascun doit bien mettre les mains A faire honneur sy charitable. (Myst. st Adr. P., c.1450-1485, 168)

...et tant osé-je bien dire de luy, à son loz, qu'il ne me semble pas que jamais j'aye congneu nul prince où il y eust moins de vices que en luy, à regarder le tout. (Comm., I, 1489-1491, 2)

Accroistre / amplier / augmenter / exhausser le los

...pour son los essaulcer (Tristan Nant. S., c.1350, 479)

...pour magnifier ta nature et amplier ton los. (Robertet, Oeuvres Z., c.1450-1500, 131)

...et s'efforce de faire entreprinses pour augmenter son loz et accroistre son couraige. (Bueil, I, 1461-1466, 61)

Acquerir / conquerir los

Si yray je pour los et pris Acquerre et honneur vraiement (Mir. marq. Gaudine, 1350, 124)

Dont se je l'aim et Belle et Bonne (Et chascuns bons ce nom li donne), On ne me doit mie reprendre Se de fin cuer l'aim sans mesprendre, Car j'en acquier et los et pris Se je l'aim, serf et loe et pris. (Mach., Voir, 1364, 324)

...moult conquirent li Persant Honneur et loz et seigneurie (Chr. Piz., M.F., II, 1400-1403, 199)

...Pour acquerir regnom et los (Myst. Viel test. R., t.4, c.1450, 214)

...d'acquerre loz et pris pour augmenter ma renommee (Percef. IV, R., c.1450 [c.1340], 108)

Nous avons acquis bruyt et los (Molinet, Myst. st Quentin C., c.1482, 35)

Avoir tel ou tel los (favorable ou non)

Touz a commun avon los tel Que... (Tomb. Chartr. Dix-huit contes K., c.1337-1339, 206)

...il [le lion] en eut tel lo Qu'en despi de Hercules Juno, Damme dez dieu, [du] ciel roïne, En fist le signe de Leo (Jeu Etoile T., c.1400-1500, 102)

PATHELIN. Il n'y a nul qui se congnoisse Si hault en advocacïon. GUILLEMETTE. M'aist Dieu ! mais en trompacïon, Au mains en avez vous le los. (Path. D., c.1456-1469, 52)

De vous oncq aulne ne demie Ne prins : je n' é pas le los tel. (Path. D., c.1456-1469, 186)

...et tel los a chascun comme il luy duisoit selon sa vertu. (Chastell., Temple Boc. B., 1463-1464, 25)

Avoir (le) los de. Avoir la réputation de.

Qui ha loux d'estre folx mescheans, Face folie ou face sens, Chescun le tient a grant outraige. (Dupin, Mélanc. L., c.1324-1340, 215)

Donner à qqn tel ou tel los (favorable ou non)

Pour ce ne me donnez le los D'estre ment[e]eur ne bourderres (La Buigne, Rom. deduis B., 1359-1377, 217)

2.[D'une chose] Réputation.

Vous donques coustumier de vivre vertueusement, de faire oeuvres de clair los dès vostre jeusne eage... (Chastell., Chron. K., t.3, c.1456-1471, 281)

Qui vouldra veoir la fontaine et la source De loz, de pris, de beaulté, de faconde... (Brézé, Louanges Anne France T., c.1488-1490, 65)

Grand los

Je lui feray ja tost rabatre Ses paroles, car trop me blece Le grant los que donne a noblece, Sanz chevalerie nommer, Sanz qui on ne la doit amer. (Chr. Piz., Chem. estude P., 1402-1403, 160)

Quant la chose bien considere, Se sera ung fait de grant loz. (Gréban, Pass. J., c.1450, 434)

Haut los

...Que en bien amer -- Dont nul ne doit le hault los entamer, Qui que s'en loe ou s'en vueille blasmer -- Y a trop plus du doulx que de l'amer. (Chart., D. Fort., 1412-1413, 164)

Au los de qqc. En l'honneur, au service de qqc..

Et Diex ainsi l'a volu ordener Pour la beneurté qu'a mis en li [Vierge] , Dont elle doit au los d'amours user. (Mir. enf. diable, c.1339, 55)

Avoir (le) los de. Avoir la réputation de.

Par Dieu, no ville a bien le los, Par dessus toutes les villettes, D'avoir plus belles baisselettes De tout cest pays (Dit prunier B., c.1330-1350, 51)

C. -Par métonymie. Ce qu'on loue, qu'on recommande à qqn, ce qu'on lui conseille.

1.Avis, conseil, enseignement.

Or me donnes tu un los tel ['un tel conseil'] Que qui bien croire te vodroit, Ja mais par amours n'ameroit. Tu n'aras ja de che creanche. (Froiss., Par. am., c.1361-1362, 48)

Son peuple aprint ['enseigna'] Qui bien comprint D'avoir loz tel ['bénéficiant d'un tel enseignement'] (Vie st Eust. 2 P., c.1400-1450, 199)

Au los de qqn. À l'avis de, selon l'avis de, sur le conseil de.

...dès lors, en la presence des dessus nommez, au los et au conseil de maistre Jehan de Keuve (...), accepta agreablement (Phil. Vi Valois, Doc. paris. V., t.1, 1336, 271)

Elle [dame debonnaire] est vestue de plumage L'aigle par voie d'onnesté, Quant les eles de loiauté Y sont, elle est auques parfaite, Voire, quant la keue est bien faite, C'est assavoir de maintieng gent Au los de toute bonne gent. Car de trés tous oiseaus quelsconques, Autrement n'est, ne ne fu onques, La queue est au darrier posée. Aussi bien dame disposée De maintieng courtois et honneste, Attraians de joie et de feste Ou elle ne puet avoir honte, On en tient meins, present li, compte, Qu'on ne fait autre part assez. (Mach., D. Aler., a.1349, 351)

S'en vorray faire departie, C'est assavoir, devision Par voie de distinction Des choses qui ne font a croire Et d'aucunes qui la victoire Puelent avoir d'estre creües Ou pour possibles soustenues, Dont les unes essausseray Et les autres confonderay, Au los de m'amie Constance Qui a tous mes contraires tense Et me soustient et fortefie Vers chascun qui en moy se fie. (Mach., J. R. Nav., 1349, 217)

N'ochiés che glouton, mais rendus me soit vis, Si en ferai justice au los de mes amis ! (Bât. Bouillon C., c.1350, 180)

Par mon los. À mon avis.

Alez avant en vostre plait, Guillaume, par voie deüe, Sans naturel descouvenue. S'ensieuez d'avis les usages, Par mon los, si ferez que sages. (Mach., J. R. Nav., 1349, 212)

LE ROY. Nous ferons ainsi, par mon los : Touz ensemble a Riviers yrons Et les noces illeuc ferons (Mir. Amis, c.1365, 46)

Par mon chief, fait la mere, tu l'aissayeras encores par mon los, car tu ne verras ja si male vengence ne si cruelle comme de viel homme. (Ménagier Paris B.F., c.1392-1394, 94)

2.Jeter son los de + inf. Décider de.

Car j'avoie, bien dire l'os, D'especial geté mon los De tenir voie couvenable En lieu certein et delitable, Ou mes cuers estoit assenez Et tous entierement donnez. (Mach., D. Aler., a.1349, 308)

3.Approbation.

Au gré de Dieu et de chescun Et au los du Povre Commun, Nous obligons, comme dit est, Coeurs, corps et biens. (Taillev., Moral. D., 1435, 106)

Avoir mauvais los de qqn. Être désapprouvé par qqn.

...trop vous mesprendriés Se vous la respitiés, car tout certain soyés, Que de Florent vo frere mauvais loz en arés. (Flor. Octav. L., t.2, c.1400, 474)

Remarque : À partir de l'idée d'approbation, on passe aisément à celle de consentement ; les deux mots los et lods du TLF ont cependant conduit à admettre par ailleurs une entrée lods (du domaine juridique). Sur ces mots, cf. G. Roques, Médiévales 24, 1993, 47-49.

Voir aussi lods