LOISIBLE

adjectif

[GDC : loisible ; AND : leisible ; FEW (V, 309a) : licere ; TLF (X, 1342b) : loisible]

A. -[D'une chose] Qui est permis, qui est admissible, qui est licite.

...qui disoient que ce n'estoit chose (...) convenable ne lesible que quelconques personne servant a chevalerie se departist de la stacion et office et deffense qui lui estoit commise (Foul., Policrat. B., II, 1372, 198)

Aucune foiz a esté chose loisible et convenable que, pour accroistre le peuple de Dieu et dilater et monteplier, aucuns peussent avoir pluseurs femmes. (Foul., Policrat., IV, 1372, 59)

...comme aucuns Chrestiens qui se funt sachans osent affermer ne ont vercunde de dire que tele chose soit lisible laquele par raisons natureles insolubles les paiens ont determiné clerement estre injustice (Oresme, Pol. Arist. M., c.1372-1374, 139)

Et quant vous dittes, en une aultre raison, que toutes choses sont lysibles a l'Impereur et que il est seigneur de tout le monde, ou Decret, en la XXIIIe cause, en la seconde question, ou chapitre Convenior, certes, conme il appiert ou dit decret, c'estoit ce que partie allegoit. (Songe verg. S., t.1, 1378, 55)

Dont est ce bien chose loisible A tout homme de femme prandre, Puis que seul est et que doit tendre A sa forme continuer (Desch., M.M., c.1385-1403, 337)

LE QUART CHEVALIER. (...) Si loeroie, voir, que, comme La chose [prier le marquis de se marier] soit bonne et loisible, Nous en preïssons [un sage homme] un sensible Qui la parole prononçast Pour tous et au marquis moustrast Ceste besoigne saigement. (Gris., 1395, 9)

...leurs villains meurs non loisibles (Chr. Piz., M.F., I, 1400-1403, 152)

...une foursenee et non loisible amour de une femme de laquelle la hantise estoit tresperilleuse (La Sale, Salade, c.1442-1444, 29)

...et combien que chose loisible et convenable soit à tout homme noble avoir en ses terres et seigneuries aucun deduit appartenant à noblesse (Doc. Poitou G., t.8, 1446, 350)

A nul doncques des hommes soit loisible ceste parge de nostre exortation, requisition, monition, commandement, mandement, assignation, subition, ligation, constitution, privation, inhabitation et volenté enfraindre ou, par temeraire hardiesse, aller au contraire. (Molinet, Chron. D.J., t.2, 1474-1506, 6)

[En tournure impers. (ou neutre)] Estre loisible (à qqn)

Elle m'a dit qu'il ne loist point (Combien que c'est chose possible, Toute voie n'est pas loysible) Que crestienne se varie Tant qu'a un paien se marie (Mir. Clov., c.1381, 211)

L'EVESQUE [au pape] . (...) Pere Saint (...) Veuillez nous une grace faire : Gautier, marquis de Saluce, a Espousee femme pieça (...) de basse lignie (...) Voulsist une autre dame prendre De hault estat (...) Et laissier celle qu'il a prise (...) Si m'a envoyé par deça Pour vous de par lui deprïer Que ce lui veuilliez ottroyer, Par si que ce lui soit loisible ; Car, tressaint Pere, c'est possible Qu'a son peuple grans biens en viegne. (Gris., 1395, 73)

...la Court defent (...) que aucun, de quelque estat ou condition qu'il soit (...) ne die, publie, afferme ou enseigne en la signeurie du Roy qu'il soit loisible à quelque vassal ou subgiet ou autre occirre aucun par aguet (Baye, II, 1411-1417, 270)

...chascun scet que, en temps de guerre, en cas de necessité, il est loisible de faire tailles et empruns (Fauq., I, 1417-1420, 32)

...et n'est mie loisible au peuple de faire une loy sur la noblesse, nec econtra, sans appeller ceulx à qui la chose puet touchier (Fauq., III, 1431-1435, 103)

...à chrestien n'est loisible de user de telles inhumanitez (Bueil, II, 1461-1466, 58)

...il ne soit plus permis et loysible à gens laiz et rivaulx d'eulx eslever contre leurs prelatz (Lettres Ch. VIII, P.M., t.5, 1484-1498, 58)

Adoncques, les raisons et complainctes de l'ung des freres et de l'aultre ouÿes, leur fut respondu sommairement qu'i n'estoit loisible, ne convenable, faire memoire d'eulx jusques aprés leur mort, et que Fortune muable le povoit facilement remectre en la voye de prosperité (Antitus, Poés. P., c.1500, 76)

B. -[D'une pers.] Loisible à faire qqc. Avec qui il est permis de faire qqc..

...sy lui pria que, ainchoiz qu'il allast devers celle que il tant amoit, que il usast de une aultre femme commune et loisible ad ce faire. (La Sale, Salade, c.1442-1444, 29)