LOGIS

substantif masculin

[T-L : logëiz ; GD : logeis ; GDC : logeis ; AND : logis ; FEW (XVI, 449a) : laubja ; TLF (X, 1327b) : logis]

A. -Habitation.

1.Bâtiment, construction où on loge de façon durable ou temporaire, hébergement.

Pour un logez que fist faire Martin l'Ours, pour lors viconte de Carenten et receveur des tailles de Costentin, ou chastel de Valloignes, pour faire ses receptes (Compte Navarre I.P., 1367-1371, 220)

Lors vint l'ancien chevalier qui dist a Remondin : Sire j'ay fait tendre vostre paveillon et pluseurs autres pour vous logier, car il avoit pou de logeiz en la ville pour vous logier, vous et voz gens, et sommes bien pourveuz, Dieu mercy. (Arras, c.1392-1393, 53)

...les Carmes, attendue leur necessité d'eulz elargir en leur logiz, averont par la main de la Court de l'argent (...) pour acheter certeinne place près d'eulz. (Baye, I, 1400-1410, 44)

Nous sumes prest du logement Ou il az [un] trés bon logis ; Il nous fault avoir bon advis Et conseil commant passerons. (Myst. st Bern. Menth. L., c.1450, 36)

Le matin, aprés la messe oÿe, je revins en mon loigeis et vestis vostre cocte d'armes, ainsin que mon droit estoit (La Sale, J.S., 1456, 101)

...le bon chareton refusoit de tout point ce logis [Il est invité à passer une nuit chez son hôte] (C.n.n., c.1456-1467, 66)

...[il] vint a son logis dormir espoir ou desjeuner : car de tous deux [avoit] besoing. (C.n.n., c.1456-1467, 186)

...faisons venir a nostre logis deux jeunes filles de noz cousines (C.n.n., c.1456-1467, 363)

Je suis content que vous demourez en ma maison jusques ad ce que aurez trouvé logis pour vous (C.n.n., c.1456-1467, 445)

Le noble roy jusqu'a la grant eglise Fut lors mené faire son oraison, Puis ramené soudain en la maison Et au logis Pierre de Medecis Ou les murs sont de fin marbre farcys (La Vigne, V.N., p.1495, 220)

Et quant ledit clerc ouyt qu'il n'avoit point souppé et qu'il ne savoit où aller loger, il le mena au logis de sondit maistre (Le Clerc, Interp. Roye, c.1502, 147)

Duquel logis se partirent lesditz bastard et Voyau avec ung page nommé Guyot Aquest, et s'en allerent audit pont de Charenton. Auquel lieu ne trouverent en leurs logeis que une jeune femme, à laquelle ilz demanderent où estoit l'oste, qui leur respondit que la nuyt passée leur varlet les avoit desrobés, et son mary estoit allé après, et ne savoit où (Le Clerc, Interp. Roye, c.1502, 171)

Maison logis. Manoir seigneurial (?)' ou 'logement pour une troupe (?).

...ledit Mahieu de Roye et ses subgés sont tenus faire quarante jours de garde à la porte de Conches nommée la porte du Val et à la maison lougis d'Astrier en temps de guerre et quant le cas s'offre, à ses propres coustz et despens. (Hector De Chartres, Cout. R., 1398-1408, 300)

Par plaisanterie. Le dernier gîte, tombe, sépulture.

Charlemaine roy des Franchois, Qui les Espaignes reconquist ? Rolant et Ogier le Danois, Qui soubstinrent les fais et pois Advant ce que la foy le[s] mist ? Ilz ont logich ossy petit Et aussy bien par dedens terre Que celly qui va son pain querre ! (Chastell., Miroir mort V.H., c.1436-1450, 62)

Prendre logis. Réserver un logement.

...et incontinent qu'ilz orent disné, ledit mons. l'evesque dist à il qui parle que tantost il monstast à cheval et s'en alast devant, pour prendre logis pour icelli mons. l'evesque et ceulx de sadite compaignie en la ville de Compiegne (Reg. crim. Chât., I, 1389-1392, 548)

Querir logis. Chercher un logement.

Tant vait le chevalier errant Par la ville, logis querant, Que devant le palais arrive Plus remplis d'eaue q'une tive. (Chr. Piz., M.F., II, 1400-1403, 298)

...telle estoit sa coustume de querir tousjours les meilleurs logiz. (C.n.n., c.1456-1467, 120)

...tout le jour avoit culetté la selle, tant en la queste des lievres comme pour querir logis (C.n.n., c.1456-1467, 480)

2.En particulier.

a)Ville dans laquelle on loge.

Les menacés s'assaièrent à défendre le logis [la ville de Meaux] ; mais ce ne leur valut rien ; car trop puissans estoient les Anglois et les autres trop foibles, qui n'avoient défense que de leurs lances pour venir joindre au corps, et les Anglois estoient fiers et horribles de trait pour les en chasser de loin sans main mise. (Chastell., Chron. K., t.1, c.1456-1471, 283)

b)[À propos d'animaux]

Les bestes vont a l'offerande En se pays, je t'en asseure ! Nous avons anticipé l'eure Que les bestes de se pays Pour coustume font leur logis Aux champs, es vignhes ou es boys. (Pass. Auv., 1477, 141)

Et, s'il savoit quelque logis de chevaulx à l'escart, qu'il donnast dessus et aussi sur les fourrageurs dudit Bourguignon, et qu'il leur face du pis qu'il pourra. (Le Clerc, Interp. Roye, c.1502, 267)

Logis de pourceaux. Porcherie.

Se la chier hurte par mauvaise charnalité, tentost nous li ouvrons et en faisons comme ung ort logis de pourciaux. (Gers., Pent., p.1389, 81)

c)Logement avec qqn d'autre ; compagnie.

[À propos d'une fille assimilée à un campement à prendre]

ROUGE GORGE. Verdier, qui est ce que la passe ? Agardés, quel gentil brunete ! VERDIER. A dire voir, la bague est necte. Quel logys a prandre d'assault ! (Pipée R., c.1470-1480, 178)

Changer logis ailleurs qu'avec qqn. Renoncer à la compagnie d'une personne au profit de celle d'une autre (ou d'autres) personne(s).

Tu devries bien lougis changer Alheurs qu'advec moy, mon seigneur. Ha, las, je suis ung grant pecheur, Indigne de ta companie. [Réf. à Luc 5, 8] (Pass. Auv., 1477, 127)

Remarque : Le glissement sém. 'habitation'/'compagnie' est plusieurs fois illustré dans la Pass. Auv.

3.Au figuré. [À propos du coeur, de l'âme...]

Doulceur, courtoisie, amitié Sont les vertuz de noble femme, Et le droit logeis de Pitié Est ou cuer d'une belle dame. (Chart., E. Dames, 1425, 365)

...l'une de nous est nommee Sapienche et l'autre est Chasteté appellee, et sommes envoies pour habiter avec toy, car en ton cuer tu nous as fait logeis assés joieux et net. (Daudin, De la erudition H., c.1360-1380, 85)

Le second est car le obedient rechoipt Nostre Seigneur ou logeis de sa pensee, qui est signifié en che que Nostre Seigneur en Bethanie en la maison de Simon comme hoste descendi, comme on list es Euvangiles saint Jehan ou .XIIe. chapitre. (Daudin, De la erudition H., c.1360-1380, 220)

B. -ART MILITAIRE

1.Endroit où loge une armée, baraquement, tente, campement, camp militaire fortifié ou maisons, pièces dans lesquelles les soldats sont hébergés par les habitants.

Un diemenche, à l'eure que nonne En Chypre doit sonner ou sonne, Tous leurs pavillons [des Sarrasins] descendirent, Et tous ensamble se treïrent Au logeïs dou Caramant. Je ne say pour quoy ne commant, Li sires de Lesparre vit Qu'il se deslogeoient et dit, S'on l'en creoit, hors isteroient Et qu'assez sejourné avoient. (Mach., P. Alex., p.1369, 161)

Si abati tentes et logeis et en tua aucuns, par quoi li cris et li hahais monta tantost en l'ost, et cria cescuns as armes. (Froiss., Chron. L., II, c.1375-1400, 94)

Au dehors de la ville de La Calongne avoit aucuns hostelz et maisons, celles de pescheurs et de gens de mer ; là se trairent les seigneurs et s'i logierent ; mais il convint faire biaucop d'autres logeis, car il en y avoit trop petit pour tous. (Froiss., Chron. M., XII, c.1375-1400, 310)

...ou voyage fait par le roy en Alemaingne, il coppa une bourse à un compaignon qui dormoit en un logis assez près dudit lieu où il estoit logiez (Reg. crim. Chât., I, 1389-1392, 235)

...et le rampin s'en va singlant a effors, tant qu'il vint a l'isle. Et y descendirent pluseurs, et y trouverent grant foison de feux et de logeis, dont, a l'apparent qu'ilz y virent, il leur sembla qu'il povoit la avoir logié XXXm. hommes, et y avoient sejourné plus de quatre ou de cinq jours, car ilz trouverent au dehors des logeiz grant foison de courailles de bestes mortes. (Arras, c.1392-1393, 90)

Et ly fuiant vindrent en l'ost, criant : A l'arme ! La veissiez Sarrasins armer et mettre en bataille au dehors des logeis. (Arras, c.1392-1393, 103)

Mais un fu qui vint dire au soudant : Sire, tous tes logeis et tes paveillons sont pris et les gardes mortes, et te viennent courir sus les plus males gens que je veisse oncques. (Arras, c.1392-1393, 112)

Si ordonnerent li Englés entre euls trois batailles et se rengierent sus trois lieus devant leurs logeis, et fissent grant fuisson de feus pour veoir plus cler autour de euls. (Froiss., Chron. D., p.1400, 149)

...li Flamench estoient sus le mont de Cassiel et logiet d'aultre part au lés deviers Ippre, et veoient tout contreval les logeis dou roi de France (Froiss., Chron. D., p.1400, 178)

...on estoit moult ensonniiet de remetre a point tentes et trefs, et de faire nouviaus logeis de fuellies (Froiss., Chron. D., p.1400, 517)

Après viennent les mareschaulz des logis, les maistres d'ostelz, les fourriers, prevostz et sergens pour deppartir les logis. (La Sale, Salade, c.1442-1444, 235)

Mons. le grant maistre, il y a trois poins là où il fault responce : c'est assavoir du logeiz des gens d'armes, de Mons. de Nemoux et de la composition de Rodelle. (Le Clerc, Interp. Roye, c.1502, 246)

Et, oudit voyage, ledit grant maistre, usant dudit povoir de lieutenant du roy, logea [et] fist loger l'armée et ses gens de guerre d'icelle armée, dont il avoit la charge et conduicte, et leur ordonna les villes, lieux et pays où ilz se porroient estandre pour avoir leurs vivres, logis et provisions. (Le Clerc, Interp. Roye, c.1502, 248)

Fort logis. Position fortifiéee.

Fabius Maximus, doubtant que ses gens ne se combatissent pas bien souffissamment, pour la fiance des logis fors que ilz avoient, les fist ardoir ainchoiz qu'ilz se combattissent. (La Sale, Salade, c.1442-1444, 55)

Marquer les logis. Indiquer par un signe les maisons qui devront héberger des gens d'armes.

...et, comme a dit ce pape Alexandre qui règne, les Françoys y sont alléz avecques des esperons de boys et de la craye en la main des fourriers pour marcher leurs logis, sans aultre peyne. (Comm., III, 1495-1498, 82)

Par métonymie. Obligation faite aux habitants de loger des soldats, sur réquisition.

...tous lesdits clercs notaires et secretaires de nous (...) affranchissons, quictons et exemptons de tous logeiz, et prohibons et deffendons à tous les mareschaulx et fourriers de nos logeiz (...) qu'ilz ne marquent ou facent marquer lesdites maisons d'iceulx nos notaires et secretaires, et ne y logent (...) aucunes gens (Ordonn. rois Fr. P., t.19, 1482, 72)

...et ledit seigneur m'en feït partir pour quelque lettre qu'on luy escripvit que j'espargnois aucuns bourgeoys de Dijon touchant le logis des gensdarmes. (Comm., II, 1489-1491, 268)

[À propos d'une ville] Position, étape (dont l'intérêt ici est marqué par des adj.).

Le tiers jour passé, partit ledict seigneur par le conseil du seigneur de Contay pour aller gaingner Estampes, qui est bon et grant logis et en pays fertille, affin d'y estre plus tost que les Bretons qui prenoient ce chemyn, affin aussi de mectre gens las et blesséz à couvert et les autres aux champs. (Comm., I, 1489-1491, 39)

[Dans un contexte allég.]

Ne me creez pas se je ne vous monstre, par le texte de l'euvangile presente, que le saint ange Gabriel, qui estoit comme fourrier de Dieu pour apprester son logeis, trouva ces trois pucelles, chamberieres ou damoiselles ou chambellaines, pour elle servir. (Gers., Annonc., a.1400, 232)

...car nostre adversaire, Pechié mortel, le vilain et crueux tirant, avec toute sa maudicte compaignie, Ignorance, Desloyauté, Ydolatrie, Orgueil, Avarice, Luxure, Envie, Paresse, Gloutonnie et autres Vices sans nombre ont [en] terre presque occupé tout le logis, et violentement tiennent les chasteaux, citez et forteresses espirituelles de ta creature humaine. (Gers., Concept., 1401, 394)

[Dans un contexte métaph.]

Devant sont allez mes fourriers Pour appareiller mon logeis En la cité de Destinee (CH. D'ORLÉANS, Ball. C., c.1415-1457, 165)

En faulte du logeis de Joye, L'ostellerie de Pensee M'est par les fourriers ordonnee, Ne sçay combien fault que je y soye. (CH. D'ORLÉANS, Rond. C., 1443-1460, 469)

Position, campements (d'une troupe, devant une ville assiégée).

Or advint une journee que Sarrasins vindrent escarmouchier par un matin, et ceulx de la ville avalerent le pont et ouvrirent portes et barrieres, et yssi le roy tous armez a belle compaignie, et firent grant occision de payens et les rebouterent jusques aux logés. (Arras, c.1392-1393, 180)

Comme toutesfois l'évesque [assiégé dans sa ville] envoya vers le duc, à l'heure d'alors le logis des Liégeois n'estoit encore que de l'un costé de la rivière ; et pouvoient de l'autre lez ceux de dedans saillir dehors, et recevoir gens et secours à leur bon. (Chastell., Chron. K., t.5, c.1456-1471, 319)

Prendre logis. Établir une position fortifiée.

Et là s'arrestèrent sans aller plus avant, et prirent logis en contraire du roy Édouard, qui s'attendoit à eux de les avoir pour luy et en son aide : ce qui point n'avint. Et en fut dolentement déçu [le roi Henry] . (Chastell., Chron. K., t.5, c.1456-1471, 502)

Logis portatif

Et retournerent li signeur a Villevort et se conmenchierent a deslogier et a tourser tentes et tres, auqubes et pavillons et toutes manieres de logeis portatis, et a metre sus chars et sus charettes. (Froiss., Chron. D., p.1400, 308)

Mareschal des logis. Officier chargé d'assurer le logement des soldats.

Après viennent les mareschaulz des logis, les maistres d'ostelz, les fourriers, prevostz et sergens pour deppartir les logis. (La Sale, Salade, c.1442-1444, 235)

Et par ung mardi cinquiesme jour de juing, furent envoyez les mareschaux des logis, fourriers et aultres, et fut chief le seigneur de Contay, pour lors maistre d'hostel de la duchesse de Bourgoingne (La Marche, Mém., II, c.1470, 259)

Et ung coup la reffusèrent, car une partie de la ville tenoit pour ledict duc, lequel y envoya son mareschal du logis, et s'il eust eu gens pour y oser entrer en personne, il ne l'eust jamais perdue (Comm., I, 1489-1491, 177)

Et ceste charge voulut bien entreprendre Ung notable homme nommé Pierre Loys De Valetault, puis appeler l'oys Grant mareschal des logis de l'armee, Dont sa personne fut pour ce bien aymee. (La Vigne, V.N., p.1495, 147)

Clore son logis. Entourer le camp (de retranchements, de palissades).

...et toutevoies changioit il souvent place, et si leur faisoit a eulx mesmes clorre leur logis (Bouciquaut L., 1409, 404)

...il est bon que nostre lougeis soit clos d'aucune ligière cloisure, car Sarrazins ne combatent fors à cheval. (CABARET D'ORV., Chron. Loys de Bourb. C., 1429, 233)

Faire logis. Improviser, installer un hébergement.

Et lors vint le navire ferir ou havre, et trairent chevaulx et ce qu'il leur plot hors des nefs, et se logent aux champs au dehors de la ville, en tentes, en trefs, en paveillons ; et ceulx qui n'en ont nulz se logent et font logeiz au mieulx qu'ilz pevent. Et fu grant beauté de veoir l'ost quant il fu tout logié. Ly plus hault baron se logent en la ville. (Arras, c.1392-1393, 92)

Le duc se tira à Lyons en Santais, et là fit un gros logis de gens d'armes et ung camp que l'on appella le camp d'honneur, et tousjours se presentoit pour la bataille ; mais il perdoit le temps, car nul n'estoit desliberé de combatre. (La Marche, Mém., III, c.1470, 81)

Fossoyer un logis. Entourer (un campement) de fossés pour le défendre.

Et incontinant qu'il fut en son camp, son logis fut fossoyé, barrieres faictes bonnes et fortes, bien garnies d'artilleries grosses et menues. (La Vigne, V.N., p.1495, 304)

Prendre le logis (de qqn). Réserver un hébergement (pour qqn, une troupe).

Et, pour ceste cause, envoya ses fourriers audit lieu de Pontoise, qui y prindrent son logis ; mais depuis il changa propos et retourna hastivement dudit lieu de Compiengne à Noyom, où peu de temps par avant y avoit esté. (Roye, Chron. scand., I, 1460-1483, 212)

Les varletz de corps nettoient les chevaulx d'estrilles et de flassars, et leur donnent l'avaine, font les littieres, fientent les chevaulx, et tiennent l'escuyrie honneste. Les mareschaulx ferrent et medecinent les chevaulx ; les bottelleurs livrent le foin, l'avaine et la littiere ; les chevaulcheurs font la despence et les pourveances, et les aydes d'iceulx chevaulcheurs sont fourriers de l'escuyrie, et prendent les logiz. (La Marche, Mém., IV, Pièces annexées, 1474, 66)

Item, aprés il n'est pas a obmettre Que le conseil n'oublia de commettre Gens suffisans pour les bons logis prendre Qui se sçavoyent de ce fait entremettre, Et mesmement pour tousjours le roy mettre En lieu si seur qu'on ne le peult suprendre. (La Vigne, V.N., p.1495, 147)

[Dans un contexte métaph.]

J'ay pris le logis de bonne heure D'Espoir, pour mon cueur, au jour d'uy, Affin que les fourriers d'Annuy Ne le preignent pour sa demeure. (CH. D'ORLÉANS, Rond. C., 1443-1460, 503)

Tendre un logis. Installer une tente.

Si se logièrent erramment li François tout contreval uns biaus prés grans et amples, et tendirent tentes, trés et pavillons et toutes manières de logeis. (Froiss., Chron. L., III, c.1375-1400, 32)

Tant chevaucha l'ost que ilz arriverent a Couloigne et vindrent les bourgois encontre eulx a belle compaignie, et firent passer oultre la ville ceulx qui venoient pour tendre les logeiz de l'avant garde ; et la grosse bataille et le sommage firent logier par deca. (Arras, c.1392-1393, 194)

Et le roy Uriien fist sa gent traire a terre, et fist tendre son logeiz sur la marine, au devant de son navire. Et fist venir logier ses freres et le maistre de Rodes emprès lui, et leur navire trait avecques la soue. (Arras, c.1392-1393, 221)

Et la furent tendu en ces biaus prees qui sont grant et large, au lonc de la riviere, tentes, trefs, auqubes et pavillons, et toutes ordenances de logeis. (Froiss., Chron. D., p.1400, 298)

Tenir son logis qq. part

Li rois de France (...) tint encores son logeis as camps (Froiss., Chron. L., IV, c.1375-1400, 192)

2.Par métonymie. Étape d'une armée en marche.

[Ils ont déjà campé trois fois] Et au quart logeïs il vinrent logier ens es fourbours de Nantes. (Froiss., Chron. R., X, c.1375-1400, 13)

... un soir se vont logier sur une riviere appellee Meuse, soubz une forteresse appellee Dun le Chastel, et de la ne avoit pas plus de deux logeiz jusques au siege de Lucembour. (Arras, c.1392-1393, 157)