LARGESSE

substantif féminin

[T-L : largece ; GD : largece ; GDC : largece ; AND : largesce1 ; DECT : largece ; FEW (V, 183b,187a) : largus ; TLF (X, 1003a) : largesse]

A. -[Idée de largeur, d'étendue]

1.Largeur.

Et si [mon cheval] a mules traverseinnes Qui ne sont pas en yver sainnes ; .IJ. seuros ha en ses genous : A l'ueil le voit chascuns de nous. Mais d'arrier se porte plus large Que la largesse d'une targe. Ne ne li faut vallet ne page, Car il est housés d'avantage. (Mach., Compl., 1340-1377, 264)

...aucuns drappiers ne estende ne fache estendre sen drap après l'esward en plus grant longhece ne larghece qu'il a au tamps de l'esward, le drapier, sour perdre sen drap et sen mestier an et jour ; et le licheur, sour 60 lb. et sen mestier perdre an et jour. (Hist. industr. drapière Flandre E.P., t.3, 1356, 308)

Le roy Nabugodonosor Fist faire une estature d'or Qui ot sis queudes de largesse Et quarante en ot de hautesse. L'estature que ci devis Fu grande de corps, et de vis Bien fu faite et bien composee. (Mach., C. ami, 1357, 18)

RELIGION [À propos de Marie]

...elle est plus haulte des cieulx, plus longue que la terre, plus lée que le monde, plus parfonde que la mer, dont saint Bernart dit : Marie, qui est ce qui peut raconter ta longuesce, ta largesce, ta haultesce, ta parfondesce ? (Mir. emper. Romme, 1369, 243)

2.Étendue.

Tiercement aux parfaiz elle [la Vierge] donne de la lumiére de gloire la largesce et l'amplificacion. (Mir. ev. N.D., c.1348, 60)

Espace.

'Sachiez que je vous emploieray temprement ; nous avons esté icy enclos ung long temps et tant que nous en sommes tous ennuyez, mais nous prenderons la largesse des champs, autant bien que nos ennemis ont fait.' (Froiss., Chron. M., XII, c.1375-1400, 139)

3.ASTR. Latitude.

Largesse du climat. Latitude du climat, étendue en largeur du climat.

Le larghaiche dou climat est li distanche dou climat du cercle equateur. (Compil. sc. étoiles C., a.1324, 70)

Largesse des planetes. Latitude des planètes.

Le largaice des planettes est li departie d'iaus du zodiac de le voie dou Soleil. Et cil 5 planette si ont double latitude, l'une qu'il ont pour l'epicicle qui cline vers occident, l'autre pour l'ecentrique qui cline hors de le voie dou Soleil. (Compil. sc. étoiles C., a.1324, 83)

4.LOGIQUE Extension.

Et, se la convenience des choses differens en espece tant seulement si se presente a l'entendement, la largesce de genre si y est espendue. (Foul., Policrat. B., II, 1372, 160)

B. -[Idée d'abondance ou d'intensité]

Largesse de. Profusion, abondance de.

Salemons li sages lisoit En son livre et ainsi disoit : 'De povreté et de richesse, Sire, ne me donne largesse, Mais administre moy mon vivre Si qu'onnestement puisse vivre, Que je ne vomisse et parjure Ton nom, qu'a toy feroie injure'. (Mach., C. ami, 1357, 71)

Se donques Platon ou Socrates loe la sapience d'aucun, quelconque il soit, et Aristote la subtillité de son enging, Ciceron la largesce d'aprendre... (Foul., Policrat. B., III, 1372, 214)

Li archier, qui estoient rengiet sus les fossés, traioient si ouniement que nuls n'osoit venir avant pour deffendre la proie. Enssi fu elle misse toute hors des fossés, où bien i ot plus de quatre mille bestes, dont il eurent grant largaiche. (Froiss., Chron. R., IX, c.1375-1400, 254)

As tu veu celle nef la ? De vivres y a grant largesce, Et s'apreste d'aler en Gresce. (Mir. fille roy, c.1379, 54)

Mais tant vous en scay bien a dire qu'elle [Mélusine] est fille de roy hault et puissant terrien. Et a l'estat, maintieng et gouvernement que vous avez veu en elle, vous povez assez appercevoir qu'elle n'a pas esté nourrie en mendicité ne en rudesse, mais en superfluité de bien, d'onnour et de largesse de tous biens. (Arras, c.1392-1393, 44)

...au temple d'icellui dieu Appollo avoit moult grant largesse de très riches joyaulx que les roys, les princes et les poeuples y portoient (La Sale, Sale D., 1451, 237)

A tous venans l'on fit mettre la nappe Et si eult on de vivres grant largesse. (La Vigne, V.N., p.1495, 269)

À (grant) largesse. En abondance, abondamment.

La [tristesse] regne et vit com roïne et maistresse, La tient mon cuer en trop mortel destresse Et la depart et donne a grant largesse Jouiaus de mort. (Mach., F. am., c.1361, 157)

Si comme, par aventure, habundoit à largesse de brebis et autre bestail (Oresme, Monnoies W., c.1365, VIII)

Vous aurés des biens largement, Bon vim et bon pain de forment, Bonne char salée et char freyche, Et d'aultre vivres a largesse, Selon le pays de montaignie. (Myst. st Bern. Menth. L., c.1450, 37)

...oudit an IIIIcLXVII, la royne, acompaignée de madicte dame de Bourbon et madamoiselle Bonne de Savoye, seur de la royne, et plusieurs autres dames de sa compaignie, soupperent en l'ostel de maistre Jehan Dauvet, premier president en Parlement, et ilec furent receues et festiées moult notablement et à grant largesse. (Roye, Chron. scand., I, 1460-1483, 179)

C. -[Idée de générosité]

1.Disposition à être généreux.

Pour ce venus sui aviséement, Pour vous nommer Un chevalier qui moult fait a amer ; Car de ça mer n'a pas, ne de la mer, Plus gentil cuer, plus franc, n'a meins d'amer ; Car de largesse Passe Alixandre et Hector de prouesse. (Mach., J. R. Beh., c.1340, 106)

Fortune est amour haïneuse, Bonneürté maleüreuse ; C'est largesse advaricieuse ; C'est orphenté ; C'est santé triste et dolereuse ; C'est richesse la soufferteuse ; C'est noblesse povre, honteuse, Sans loiauté (Mach., R. Fort., c.1341, 41)

...avarice engendre haïne, Et largesse donne et rent gloire (Mach., J. R. Nav., 1349, 139)

...douceur, franchise, largesse, Diligence, amour, hardiesse, D'onneur et de victoire don Te feront ; c'est biau guerredon. (Mach., C. ami, 1357, 115)

Je fu ses clers [du roi de Bohême] , ans plus de XXX., Si congnu ses meurs et s'entente, S'onneur, son bien, sa gentillesse, Son hardement et sa largesse, Car j'estoie ses secretaires En trestous ses plus gros affaires. S'en puis parler plus clerement Que maint autre, et plus proprement. (Mach., P. Alex., p.1369, 25)

Or vous ay dit et raconté Le scens, l'onneur et la bonté, Le hardement, la grant vaillance, Les grans emprises, la prudence, La gentillesse, la noblesse Dou roy de Chypre, et la largesse, Et comment il usa sa vie. (Mach., P. Alex., p.1369, 246)

...la largesce [var. largeur] de charité qui fu es saintes fames (Jean Golein, Rational B.D., c.1370-1372, 605)

Il est a tel homme tenuz Qu'il donne a gros et a menuz ; C'est de largesce le regent. (Mir. march. juif, c.1377, 183)

Par sa largece a tous plaisoit, Sa bonté amer le faisoit. (Chr. Piz., M.F., IV, 1400-1403, 69)

Dont, par ce, le vray amoreux (...) laisse ce tres desplaisant pechié d'avarice et se acompaigne avec celle tresdoulce et tres amiable vertu de largesse (La Sale, J.S., 1456, 23)

GLORIEULX. (...) Tenez, vela deux beaux escuz. AFFRICQUEE. Sans faulte je n'en auray plus. Dea, d'ou vous vient ceste largesse ? C'est trop. (P. Jouh. D.R., a.1488, 31)

Voulentiers il a honnoré et decoré l'Eglise de Dieu et faict de grandes fondacions, et en icelles a faict faire edifices innumerables, et entre autres les eglises de Notre-Dame de Clery, de la Victoire lez Senlis et de Behuart. Sa largesse povoit equipoler à celle de Alixandre, car souventefois il a plus donné que on ne luy demandoit. (Le Clerc, Interp. Roye, c.1502, 399)

Par personnification.

Après li rois appella sa maisnie ; Si vint Franchise, Honneur et Courtoisie, Biauté, Desir, Leësse l'envoisie, Et Hardiesse, Prouesse, Amour, Loiauté et Largesse, Voloir, Penser, Richesse avec Juenesse, Et puis Raison qui de tous fu maistresse. (Mach., J. R. Beh., c.1340, 132)

Après Prudence se sëoit Largesse qui riens ne vëoit, Einsois donnoit a toutes mains, A l'un plus et a l'autre meins, Or, argent, destriers, oisiaus, terre, Et quanqu'elle pooit acquerre, Contez, duchiez et baronnies (Mach., J. R. Nav., 1349, 180)

Folle largesse. Générosité excessive, prodigalité.

De ce m'estoit maistresse bonne Qui m'aprenoit a bonne escole Que n'eüsse largesse fole, Avarice, n'escharseté Que largesse het sans pité, Et seur tout qu'en moy fer ne fust Dou dart d'avarice ne fust, Qui tout autre bien fait perir (Mach., R. Fort., c.1341, 10)

...et la superhabundance, c'est prodigalité que nous povons apeller fole largesce. (Oresme, E.A., c.1370, 165)

Et quant vous donnez quelque chose, ne le faictes pas attendre longuement. Mais regardez quant, combien, pourquoy, ou se la personne le vault, ou, se il est a maistre, se son maistre le vault. Et se vous donnez par plaisance, gardez que fole largesce ne vous surpreingne, tant que on s'en puist escharvir de vous, car ceulx qui auroient desservy que vous leur feissiez bien, s'en tendroient pour mal contens, et les estrangiers vous en blasmeroient en derrier. (Arras, c.1392-1393, 85)

Et homme prodige et de folle largesse samblablement fait moult a blasmer (La Sale, Sale D., 1451, 93)

Dépense inconsidérée.

Ne sont pas chier si vestement [de l'empereur Charles] , Bien se vuet tenir nettement, Mais de cointise ne li chaut, Puis qu'il sont à li bon et chaut. Il ne vuet pas fole largesse, Ne escherseté qui trop blesse L'onneur de tout prince terrien ; Et pour ce, se tient au moien. (Mach., P. Alex., p.1369, 32)

2.Par métonymie.

a)Acte de générosité, don fait avec générosité.

...se tu d'absolucion Me clos la grace et la largesce (...), Dieu te vueille (...) Demander la dampnacion De m'ame (Mir. st Guill., c.1347, 32)

Or entendez en quoy j'aper : J'aper en souffissans promesses Et en raisonnables largesses, Especiaument par donner Et d'aucuns meffais pardonner ; Dont eüreus sont cil qui donnent, Et aussi sont cil qui pardonnent. (Mach., J. R. Nav., 1349, 220)

Vesta qui estoit la prestresse Et la souverainne maistresse Des nymphes, des tragediannes, Des juenes et des anciennes, Et de leurs temples ensement, Prioit là moult devotement, A tous dieus, à toutes deesses, Que, de leurs courtoises largesses, A ceste creature née [le futur roi Pierre] Donnassent bonne destinée. (Mach., P. Alex., p.1369, 4)

Et dissoient en l'oost generaument : 'Vive la bonne Phelippe de Hainnau, la roine d'Engleterre (...) et tant conme elle vivra, biens, honnours, largueces et pourfis nous habonderont...' (Froiss., Chron. D., p.1400, 788)

Et furent ces festes continuees en joies et en esbatemens, en dons et en largueches (Froiss., Chron. D., p.1400, 597)

Alors les damoiselles toutes ensemble, ainsin que femmes ont acoustumé, loerent les largesses, la joieuseté et la belle personne de damp Abbés tant qu'elles ne se savoient coisier. (La Sale, J.S., 1456, 251)

Ceulx cy concorderent sur la revolucion de la nativité de ma dicte dame en plusieurs choses, par especial des honneurs que lui feroient les nacions estranges, les largesses, dons et liberalités et aussi l'ordre de sa maison (Simon De Phares, Astrol., c.1494-1498, f° 146 r°)

Faire largesse (de qqc.). Faire des largesses. Donner généreusement (de qqc.).

On li pria moult doucement Et moult affectueusement Que li enfes n'eust deffaut De tout ce qu'à corps d'omme faut, De joiaux, ne d'or ne d'argent, Pour li et pour toute sa gent. Li vieus Saturnus l'en pria, Et elle tantost l'ottria, Car bien faire en pooit largesse, Comme deesse de Richesse. (Mach., P. Alex., p.1369, 6)

Li François (...) se logoient tous les soirs ens ès fors et ens ès bonnes villes, et li Englès sus le plat pays, qui trouvoient assés à vivre et de ces nouviaus vins dont il faisoient grant larghèce. (Froiss., Chron. L., VII, c.1375-1400, 238)

Et quant dame de sa noblesse Puet faire de don tel hautesse Et garir de toute tristesse, Sans ce qu'en riens en soit grevée, Cils est eüreus qui s'adresse A servir si bonne maistresse : Si doit estre comme deesse De li servie et aourée. Et dame doit faire largesse De ses riches dons sans promesse, Mais qu'au donner s'onneur ne blesse, Car là doit bien estre avisée. (Mach., Les lays, 1377, 340)

Si pri Venus qu'elle adresse Mon cuer, s'il n'est en l'adresse D'amours, et que ma tristesse Mue en joie et en leesse, Et par ce sera refais ; Et qu'elle face largesse Des biens d'amours sans promesse, Par franchise et par noblesse, Pour garir ce qui me blesse Et qui me tient en destresse : Autrement je sui deffais. (Mach., Les lays, 1377, 441)

...bien avoit de quoi faire grans largeces, car il avoit saisi deviers li le grant tresor qui avoit esté a son frere et lequel il avoit trouvé en le chité de Limoges (Froiss., Chron. D., p.1400, 474)

Et tou[t] d'un assentement se enhorterent a ce, et promirent que oncques de leurs biens telle largesse ne firent, et que, sans en riens retenir, tout luy seroit habandonné. (Gers., Concept., 1401, 406)

Largesse. Cri poussé par les hérauts qui jettent l'argent sur le chemin où passent les souverains dans les grandes cérémonies.

Aux heraulx, trompetes et menestrers qui servirent monseigneur le jour de Pasques communiaux derrenierement passees mil IIIIcXIX, la somme de cinquante frans que mondit seigneur leur donna cedit jour pour le servir et pour crier largesse pour la solempnité dudit jour (Comptes Etat bourg. M.F., t.1, 1419, 43)

[Comme souhait de prospérité, de bonheur]

Et si fist le roy d'autres dons particuliers à aucuns seigneurs d'autour dudit Edouart et aux heraulx et trompetes de ladicte compaignie, qui en firent grant feste et bruit, en criant à haulte voix : Largesse au très noble et puissant roy de France ! Largesse ! Largesse ! (Roye, Chron. scand., I, 1460-1483, 344)

b)Acte de prodigalité.

...car ces largesses sont trop communes et sans honneur ne proffit (La Sale, Sale D., 1451, 93)

Folles largesses

...ceulx qui ont eu les grans dons de vous (...) vous defuiront, quant ilz vous verront en cel estat que vous n'avez plus à donner, et se trufferont de vous et des folles larguesses que vous avez faittes (Froiss., Chron. M., XIV, c.1375-1400, 144)

Qui feit aux ypocrites servir saintement Dieu par grant peine et labeur en jeunes, en oyant messes, en voyages, en voulans a tous complaire, et par ce [en] estant de tous serfs en foles largesces ? Certes toutes ces choses et autres innumerables fait amour de vaine gloire. (Gers., Concept., 1401, 412)