LAPS

substantif masculin

[GDC : laps1 ; AND : laps ; FEW (V, 177b) : lapsus¹ ; TLF (X, 992a) : laps]

Laps de temps. Espace de temps, délai.

...lesdites personnes par negligence ou par faveur aient esté desporté desdites gardes ou estages faire, dont fermement nous desplaist, car ainsi nostre droit heritage pourroit estre, en faict desdites gardes et estages, parduz et nous grandement dommagés par laps de temps, se pourveu n'y fust remede. (Trés. Reth. S.L., t.2, 1364, 167)

...non obstant laps de temps, usage, stille, coustume ne autres choses ad ce contraires (Chartes Abb. St-Magl. T.F., t.3, 1369, 404)

...consentons (...) que non obstant que par long laps de temps ou cours de vie nous peussiens la chose ainsis à nous donnée tenir et possider, que ceste chose ne puist nuire, grever, ne empeschier la vraie proprieté et droituriere saisine de monseigneur de Flandrez (Trés. Reth. S.L., t.2, 1371, 196)

Et donques Aristote veult dire que se la lay Socrates de la communion des possessions estoit mise, il convendroit par procés ou laps de temps et par les experiences des faiz que l'en fust finablement constraint de venir a la maniere de vivre qui est maintenant quant est as possessions (Oresme, Pol. Arist. M., c.1372-1374, 85)

Et soit posé, si comme il est possible, que ce fust par un degré et que apres par grant laps de temps et par semblable maniere fust plus eslevé par un autre degré, et puis par un autre et ainsi en outre, je di que par moult de milliers de ans pourroit estre fait et naturelement selon ce procés que .b., le lieu de terre ou nous sommes, avroit fait demi-circuite (Oresme, C.M., c.1377, 570)

...chose qui est de par demeure ou laps de temps. (Jean De Montreuil, Traité Angl. I, G.O.O., 1413, 177-178)

Le IIe point de ladicte cedule si est que toutes gens d'eglise, seigneurs seculiers et autres, de quelque estat qu'ilz soient, retourneront a leurs benefices, citez, villes, chasteaulx, maisons, non obstant quelque laps de temps et prescripcion. (Juv. Urs., Loquar, 1440, 423)

Et Saint Bernard dist que 'Dieu par laps de temps ne se mue ne change, et selon sa substance point n'a aultre ne second'. (Somme abr., c.1477-1481, 104)

[P. effacement du compl. de temps] Délai.

Lesquelles veues, se elles sont trouvées souffisans et vaillables, sommièrement et de plain, et sans quelconques procès, nous, duc de Bourbonnois et d'Auvergne, serons tenus de les baillier et délivrer audit conte d'Estampes ou à monditseigneur de Bourgogne pour lui, lesdiz chastel, ville et chastel de Gien- sur-Loire, comme à lui appartenans par le moyen et transport que lui en a fait monditseigneur de Bourgogne, sans ce que de la part du Roy l'en puist ne doibve alléguier au contraire aulcune prescripcion ou laps, depuis le decès de feu monditseigneur de Berry. (Doc. 1435. In : MONSTRELET, Chron. D.-A., t.5, c.1444-1453, 172)