LAI

adjectif

[T-L : lai3 ; GD : lai1 ; AND : lai3 ; FEW (V, 131b) : laicus ; TLF (X, 909b) : lai1]

A. -[D'une pers.]

1.Laïc, qui n'est pas clerc, qui n'est pas ecclésiastique.

...quatre freres Meneurs pour la foy Jesu Christ furent martiriset (...) et freres Demetrius qui fu lais,mais il estoit leurs entrepeterres, car il savoit bien les languaiges. (Jean Le Long, Voy. Odoric A.M., 1351, 10)

...mais queles oroisons doivent dire les gens lays ? (Jean Golein, Rational B.D., c.1370-1372, 527)

Et fist le dit roy delivrer tous les prisonniers qui estoient es prisons de Paris, tant en la prison de l'eglise comme es prisons des seigneurs lays, neis ceuls qui estoient en oubliete, condampnez au pain et à l'yaue, furent delivrez. (Chron. Jean II Ch. V, D., t.1, c.1375, 126)

Car nous y trouverons (...) moult grant avoir Qu'il a aux eglises osté Et aux gens laiz (Mir. Rob. Dyable, c.1375, 34)

Dy moy (...) se chevalier es, ne prestre Ou homme lay. (Mir. Rob. Dyable, c.1375, 38)

...se ils commettoient aucuns delics, les officiers lays des dis religieux seroient tenus eulx somméz de les pranre (Hist. dr. munic. E., t.1, 1389, 409)

Tous lesquelz delibererent et furent d'oppinion qu'il n'estoit pas homme qui deubst joïr de previlege de clert, et qu'il avoit abusé et mesusé d'icelle tonsure, et qu'il devoit estre rez tout jus comme homme lay. (Reg. crim. Chât., I, 1389-1392, 295)

Et ledit Hays lui respondi moult bas : Tay-toy ! Il fault ces nouvelles porter au chamberier lay de Nostre-Dame de Paris. (Reg. crim. Chât., II, 1389-1392, 82)

...fu dit et deliberé que contre ledit prisonnier, consideré qu'il est marié, soit procedé comme homme lay, et attendu qu'il n'a aucune tonsure ou caratere rese qu'il apparoisse, comme dit est. (Reg. crim. Chât., II, 1389-1392, 492)

...comme il fu dit en la prefacion de ceste regle, a nostre propos il est expedient de presenter a nos crestiens aujourduy, et especialment a seculers et laie gent, aucun doulz electuaire nouvel et delicatif par maniere de medicine (Mézières, Sustance H., 1396, 52)

...un homme lay, c'est assavoir sanz grant clergie (Bouciquaut L., 1409, 428)

...on devoit mettre en ladicte Chambre des Enquestes ung president lay avec le president clerc (Fauq., I, 1417-1420, 148)

...il est aujourd'uy largement de prestres et curez qui sont si gentilz compaignons que nulles des folies que font et commettent les gens laiz ne leur sont impossibles ne difficiles (C.n.n., c.1456-1467, 293)

Emploi substantival.

Pour ce m'en vois demourer en l'Empire, A cuer dolent qui tendrement souspire, Qu'en ce païs trop me gaste et essil. Las ! or seray en l'Empire en essil, Car je voy bien qu'estre convient comme un Prestres et lais, et en main de commun. Mais j'aim trop mieus franchise et po d'avoir Que grant richesse et servitute avoir. (Mach., Compl., 1340-1377, 252)

Je vous di que maint bacheler, Maint chevalier, meinte pucelle, Maint bourgois, meinte damoiselle, Dames, bourgoises, a eslais, Prelaz, moinnes et clers et lais, Brief et de tous autres estas, Venoient cëans a grans tas Pour eaus soulacier et esbatre, Car chascuns s'i pooit embatre, Eins que cils vergiers fust fermez (Mach., D. Lyon, 1342, 191)

...et, quant il sont fais officiers des princes, il n'ont point honte de faire ce que un autre homme commun et quelconque homme seculier, simple lay, n'oseroit faire pour honte. (Foul., Policrat. B., VIII, 1372, 93)

Et certes, nous avons plus grant fiance en ta discrecion, en ton sens et bonne prudence, que a nul aultre, soit clerc, soit loy, de tez conseilliers. (Songe verg. S., t.1, 1378, 8)

Au jour d'ui, a ordonné la Court que pour le roolle porter à Avignon chascun de messeigneurs clers payeront IIJ escus, et les laiz IJ escus (Baye, I, 1400-1410, 71)

...quant aucun des seigneurs clerc ou ayant gages de clerc voloit estre lay et avoir gages de lay ceans, et il vacoit un lieu de lay, tel qui avoit par avant gages de clerc devoit estre preferé devant tous autres volans venir audit lieu de nouvel (Baye, I, 1400-1410, 304)

...nosseigneurs les lais de parlement (Ch. VI, D., t.1, 1402, 246)

Vous, lais, dictes vos patrenostres, Et vous, clers, qui estre devez Example de bien, sus levez ! En publïant nos estatus Chantez Te Deum Laudamus ! (Mart. st Pierre st Paul R., c.1430-1440, 161)

Il convient savoir que par l'excellence d'aulcunes merveilles saint Augustin racomte en son .XVIII^e. livre dessusdit, que chascun lay n'a pas en escript (La Sale, Sale D., 1451, 204)

A ce ne mettons pas grant pose. Sus ! Maulevault, despouillons lay. Ne m'en chault, s'il est clerc ou lay, Car il y lairra la robille. (Myst. st Laur. S.W., 1499, 247)

Pur lai. Laïc qui n'a reçu ni tonsure, ni instruction.

...consideré que un homme naist pur lay, et qu'il doit estre tenus et reputez toute sa vie pour tel, s'il ne appert de lettre de tonsure, ou qu'il sache lire ou escripre (Reg. crim. Chât., I, 1389-1392, 78)

...yceulx conseillers furent tous d'oppinion que lesdiz prisonniers portoient et avoient porté faulses couronnes et abusives, et, par ce, devoient estre rez tous jus comme purs lais, et ad ce furent condempnez par ledit mons. le prevost, et pour ce furent rez tout jus oudit jour. (Reg. crim. Chât., I, 1389-1392, 84)

Puissance de lais. Contrainte exercée par des laïcs (sur une institution religieuse).

Remarque : Ordonn. Ph. le Hardi, Marg. de Male B., t.1, 1384, 19 (..et les gardez et defendez [les religieuses de l'Abbiette à Lille] de toutes injures, violences, griefs, oppressions, molestations de force d'armes, de puissance de lais). Autres ex. p. 56, 59, 177 (lais) ; p. 161 (lailz) ; p. 273 (laies).

2.(Religieux) d'un ordre mineur, qui n'est pas destiné à recevoir les ordres supérieurs (par exemple chez les franciscains).

Question a scavoir se ung clerc ou lay constitué en moindres ordres puist contraire mariages avec Katherine qu'il a baptisié de ses propres mains ? (Sacr. mar., c.1477-1481, 58)

3.Qui n'est pas clerc, qui n'est pas lettré, qui est ignorant.

...elle [Espérance] les mettra en la voye, Mais que ou chastel soient entré, Ou soient ou lay ou lettré (Chr. Piz., M.F., I, 1400-1403, 94)

...comme il advint a Paris, a la justice de Montfaulcon, quant on y fit mourir les Hospitaliers. Car au dessus d'eulz, de nuit, on veoit les flambes alumees de diverses figures ; de quoy pluseurs des layes gens [furent] bien esbahiz et esmerveilliéz et cuidoient que ce fussent espris volans de nuit ou estoilles volantes. (Fusoris, Traité cosmogr. G., 1432, 27)

B. -[D'une chose]

1.D'usage ordinaire et non pas religieux.

Les pains levitiques, c'est-à-dire qui estoient offers. Et de ceulz mengoient les prestres et touz ceulz de la lignee de Levi. Et les pains laiz ou communs dont le prestre et toutes gens pooient mengier (Prologue du Levitique, In : RAOUL DE PRESLES, Genèse P., c.1375-1380, 200-201)

2.DROIT [D'une institution] Laïque, séculier.

...disant que, afin d'eschever la hastive justice temporelle, qu'il estoit bon et neccessité qu'il eussent chascun une tonsure, afin que s'il estoient prins par la justice laye, que, comme clers, il feussent rendus à l'official. (Reg. crim. Chât., I, 1389-1392, 95)

...et que, à ceste cause et occasion, pour eschever la juridicion laye, il avoient fait faire leursdites couronnes (Reg. crim. Chât., I, 1389-1392, 97)

Cour laie. Cour séculière.

Et fist delivrer tous les prisonniers tant de la court de l'eglise comme de la court laye. (Chron. Jean II Ch. V, D., t.1, c.1375, 117)

...Jehan Guerrier, advocat en court laye à Meaux (Reg. crim. Chât., II, 1389-1392, 289)

Ci dit des cours layes. (Chr. Piz., M.F., II, 1400-1403, 57)

...Guillaume Vignon, en son vivant patiscier, et depuis a poursui les gens de pratique en court laye, et coustumier de trop boire (Chancell. Henri VI, L., t.1, 1425, 192)

L'evesque dit que le calice a esté trouvé en la possession du cordelier, si en aura l'evesque congnoissance (...) et ne vauldroit riens le procès que sur ce feroit la Court laye (Fauq., III, 1431-1435, 126)

...puis fuz envoyé à Baugenci, devers ung autre nouvellement venu au lieu où je fuz un an, puis mis à la pratique de la court laye chés maistre Anthoine de Ruequidort, alias Preudome, où je fus II ans (Simon De Phares, Astrol., c.1494-1498, f° 156 v°)