JUSTEMENT

adverbe

[T-L : juste2justement ; GDC : justement ; DEAF, J 784) : justement ; AND : justement ; FEW (V, 87b, 88b) : justus ; TLF (X, 820b) : justement]

I. -[Idée de justesse, d'exactitude, de précision]

A. -[Domaine des mesures] Avec précision (ni trop, ni trop peu).

LE QUINT CHEVALIER. Sire, la robe façonnee Ne pourroit estre proprement, Se la mesure justement N'estoit prise du cousturier. (Gris., 1395, 30)

De mente sèche et majoraine Et la racine bien pelée Aussi de gariofilée, De toutes choses égalment Demie dragme justement (La Haye, P. peste, 1426, 148)

PATHELIN. (...) Ce sont six aulnes. Ne sont mie ? Et non sont ! Que je suis becjaune ! LE DRAPPIER. Il ne s'en fault que demie aulne Pour faire les six justement. (Path. D., c.1456-1469, 72)

...composa tables et canons, à toujours moult justement et precisement calcullées, très utilles et convenables à tous astrologiens (Simon De Phares, Astrol., c.1494-1498, f° 4 r°)

Cestui mesura justement les corps celestes par les regles de geometrie, et trouva moult au juste la haulteur de Saturne et des autres planetes et signes (Simon De Phares, Astrol., c.1494-1498, f° 63 v°)

B. -[Domaine de l'action] Avec précision, avec exactitude, avec justesse.

Et tout aussi comme il avient Que l'esprevier porter couvient, Couvient qu'amans sa dame port, C'est a dire qu'il la deport En quanqu'elle vuet faire et dire, Bonnement, sans li contredire, Sans les poins d'aucun des degrez, Ou il puet estre lieus et grez Qu'amans a sa dame responde, Et que justement li responde Par raison ce qu'ele demande, En esclarcissant sa demande, Non son gré, mais la verité Selonc aucune qualité. (Mach., D. Aler., a.1349, 254)

Et se li amans fait einsi Comme je l'ay proposé ci, Penser puet qu'Amours le menra Ou il en dame trouvera Tous les poins qui par amité Truevent .II. cuers en unité, Si a point et si justement, En afinant fiablement Qu'einsi adès se meintenront Tant comme faire le porront, Sans ja jour faire departie (Mach., D. Aler., a.1349, 254)

Sire, sans faille Ma dame a bien, comment qu'il aille, Son fait moustré, et sagement, Et de soutil entendement Bien baillié par vives raisons, Pour fourmer ses comparisons Bien faites et bien devisées Et si justement exposées, Que qui amender y vorroit, Je croy moult bien qu'on ne porroit. (Mach., J. R. Nav., 1349, 196)

Dont moult asprement [l'épervier] se hasta, Si que d'un arbre seul monta Des branches toutes les plus hautes. Et je, pour doubte des deffautes, Des yeuls adès le convoiay Et moult m'i merencoliay, Car trés justement et a point - Et bien di qu'il n'i failloit point - Tourna vers la prise sa chiere Qui la estoit de tel maniere Mise a point et aparillie Et couverte de la fueillie Qu'il ne la pooit percevoir. (Mach., D. Aler., a.1349, 272)

...par le quel [Jésus roi] les roys regnent et les condicteurs des loys justement et en discrecion discernent. (Jean Golein, Rational B.D., c.1370-1372, 681)

Pour cronisier justement toutes les notables advenues qui à ce temps avinrent ou monde, je vous parlerai d'un grant commencement de pestilence qui se bouta en l'Eglise. (Froiss., Chron. R., IX, c.1375-1400, 48)

Messires Gilles Grignars de Manni (...) s'en vint au ferir des esporons contre li. Et se consievirent si justement que droit enmi les esqus. (Froiss., Chron. D., p.1400, 350)

...il n'est honme, tant fust presens a celle journee (...) qui en sceuist ne peuist recorder, de la partie des François, bien justement la verité. (Froiss., Chron. D., p.1400, 726)

...je partiray [les soixante jours] en deux parties. Vous en aurez l'une, et moy l'autre, par telle condicion que sans fraude me promettrez m'en acquiter et justement [Un homme partage avec une femme le jeûne qu'il s'est engagé à faire] (C.n.n., c.1456-1467, 576)

Au plus justement

Il ne deffailly pas de son propos, mais le sievy au plus justement que oncques peult (Froiss., Chron. M., XIV, c.1375-1400, 53)

Et suppli humblement a tous ceulx qui l'orront lire [cette histoire] ou le liront, se je y mespren a leur gré en nulle maniere, qu'ilz le me veuillent pardonner, car certainement je l'ay fait au plus justement que j'ay peu, selon les croniques que je cuide estre vrayes. (Arras, c.1392-1393, 2)

Sans dévier, tout droit.

Li aigle puet a grant sejour En la plus grant clarté dou jour Contre le soleil justement Resgarder, et si vivement Que point si oueil n'en mueront, Tant comme la regarderont, Tant y resgardent longuement Tout adès efforciement. (Mach., D. Aler., a.1349, 346)

Précisément (conformément à ce que l'on peut penser).

...comme je le savoie justement par ung nostre hyrault qui fust en leur host et qui ymagina bien toutte leur puissance, ilz estoient bien larguement XVIm. hommes d'armes (Froiss., Chron. M., XIV, c.1375-1400, 37)

II. -[Idée d'équité, de justice]

A. -De façon équitable, conforme à la justice.

En tout le monde entierement, Pour vivre seculerement, N'a seulement que .IIII. poins ; Et il est adès temps et poins De ces .IIII. poins maintenir, Qui vuet droite sa main tenir ; Et qui a droit en useroit Plus justement en viveroit. Il sont a nommer moult legier, Mais il sont fort a esligier. Nompourquant qui les ameroit Legierement en useroit. Bien penser, bien dire, bien faire Et eschuer tout le contraire (Mach., D. Aler., a.1349, 239)

Dame, fait avez un devis Ou ma grant deshonneur moustrez, Mais li procès n'est pas outrez, Ne mis en fourme justement. Pour faire certein jugement, Vous me deüssiez dire en quoy J'ay forfait, et tout le pourquoy Amener a conclusion. (Mach., J. R. Nav., 1349, 166)

Et la vëoit elle, sans doubte, La guise et la maniere toute, Comment Raison justement regle Par belle et bonne et loial regle ; Si que la prenoit exemplaire De tout ce qu'elle devoit faire. (Mach., J. R. Nav., 1349, 177)

Quant a conseil se furent mis, Li juges dist : 'Je suis commis A estre bons juges fïables, Aus deus parties amïables Justement a point, sans cliner. Si doy moult bien examiner Trestout le fait par ordenence Qui appert en vostre audience, Afin que loiaument en juge. Einsi doivent faire bon juge...' (Mach., J. R. Nav., 1349, 255)

...mes es choses qui doivent estre faites selon vertu, se il sont faites telles comme sont choses justes et actrempees, pour ce ne sont il pas faites justement et actrempeement. (Oresme, E.A., c.1370, 156)

...la forme de noble mesure et actrempance, sanz la quelle nul ne vit bien ne justement (Foul., Policrat. B., III, 1372, 212)

...vueilliez mettre des trois estas de vostre royaulme ensamble prelatz, barons et saiges hommes des citez et bonnes villes ; et ces trois estas regarderont justement à vostre gouvernement du temps passé, se il a bien esté ordonnez et demenez (Froiss., Chron. M., XIV, c.1375-1400, 26)

...il avoit esté trouvé bon chevalier que riens ne le reprouchoit, au justement considerer tous ses fais (Froiss., Chron. M., XIV, c.1375-1400, 37)

...je leur avoie fait faire serment solennelment que bien loyaument et justement à leur povoir priseroient et peseroient les choses dessusdictes. (Baye, I, 1400-1410, 177)

...je vous conseille que me baillez ma part justement de la moitié (C.n.n., c.1456-1467, 523)

Nous advons de grans maulx commis, Desqueulx justement portons poine, Et cuide que nous arions pis, Si justice regnoit haulteine. (Pass. Auv., 1477, 218)

Oultre plus benignement luy requerons qu'il luy plaise tous noz serviteurs traicter humblement et iceulx pourveoir d'offices et benefices selon les vaccations, et les justement et raisonnablement recompenser des bons services qu'ilz nous ont faitz : à quoy parfaire ce nonobstant, en tant que nous voullons et povons chargeons sa conscience. (Le Clerc, Interp. Roye, c.1502, 283)

À bon droit, avec raison, comme il convient.

Faites partout nuncier et crier haultement La cource de chevaux prinse bien justement (Renaut Mont. B.N. V., c.1350-1400, 286)

Mais le magnanime desprise justement les mauvais et glorifie vraiement et justement les bons. (Oresme, E.A., c.1370, 252)

Car ce n'est pas tout une chose en tous cas faire juste et faire justement, ne souffrir juste et souffrir justement. (Oresme, E.A.C., c.1370, 311)

Vostre chier fil puis nommer justement Mer de purté pour touz vices laver (Mir. st J. Paulu, c.1372, 150)

Et par ainsy je accorde que saint Pol reprist justement saint Pierre sans ce que on impose crime a saint Pierre mais grant louange, comme dit est. (Gers., P. Paul, a.1394, 490)

Lequel doit a toutes gens requerans prester ses oreilles (...) et puis amiablement leur respondre et sans delay, ou, le plus tost que il porra, leurs requestes justement demandees leur consentir et accorder (La Sale, Salade, c.1442-1444, 12)

Conformément à la volonté de Dieu.

Il ot jadis un roy en France, Homs vaillans et de grant puissance, Et fu messires sains Loys, Qui ne fu prenans ne loys, Mais vesqui adès justement Et en son secret saintement, Dont par justification Avec saintification Fu il si bien justifiés Qu'en gloire en est saintefiez. (Mach., D. Aler., a.1349, 311)

B. -Honnêtement.

...n'a il pas esté grant foison de roys et de princes qui sont saints en paradis, si comme Saint Loys de France, et plusieurs autres qui ne laissoient pas le monde, ains regnoient et possedoient leurs seigneuries au plaisir de Dieu ? Mais ilz vivoient justement, ne point n'assavouroient en vaine gloire ne en boubans les honneurs que on leur faisoit (Chr. Piz., Trois vertus W.H., c.1405, 28)

...à tous ceulx qui justement et sans fraude leur denonceront les turbateurs d'icelle paix (Baye, II, 1411-1417, 153)