JURISTE

substantif masculin

[GDC : juriste1 ; DEAF, J 767) : juriste ; FEW (V, 83b) : jus ; TLF (X, 809b) : juriste]

Celui qui a une bonne connaissance du droit, juriste.

Sçavoir faisons que nous, actendu et toutes ses choses considerans, et premierement la verité sur et desdictes choses par nous enquise, et aussi nostre conseil diligenment tenu et eu de gens se congnoissans en ladicte matiere et mesmement de juristes, et aprés nostre deliberacion souvent eue et donnee saine et meure entre nous en nostre chappitre general sur lesdictes choses, avons octroié auxditz supplians, de ung mesme assentement et du consentement de nous tous, lesditz champars appartenans a nous et a nostredit monastere (Chartes Abb. St-Magl. T.F., t.3, 1366, 328)

Et ainsi dient les juristes que les loys des Romains sont droit commun. (Oresme, E.A.C., c.1370, 304)

Et par ce que dit est il appert clerement que le bon theologien et le bon juriste ne sont pas descordans (Oresme, E.A.C., c.1370, 320)

Donques, le principal propos et estude d'un Roy doit estre bien gouverner son pueple et par le conseil dez sages, par lezquelx je entens, principaulment, lez Juristes, c'est assavoir qui sont expers en Droit canon et en Droit cyvil et ez coustumes et es constitucions et loys royaux (Songe verg. S., t.1, 1378, 410)

Samblablement, un philosofe moral scet bien lez principes, en general et en confus, de toutes loys et de toutes constitucions, mez, pour tant, il ne scaroit descendre, ne jugier de cas particuliers, car ce appartient a un Juriste ou bon coustumier qui a la practique et l'experience dez cas particuliers. (Songe verg. S., t.1, 1378, 410)

...'experience est mere de toutes choses' ; chascun voit, par experience, lezquelx sont plus yndios, lez Juristes ou lez Artistes (Songe verg. S., t.1, 1378, 411)

Mais qui veult fort latin parler, Ne doit pas a la court aler, Ne qu'il soit emflez de clergie, Car ly maistre en theologie, Li juriste, li clerc lettré Y ont trop petit impetré (Desch., M.M., c.1385-1403, 169)

...cellui roy sage (...) fist eslire en sa court de Parlement les plus notables juristes en quantité souffisant (Chr. Piz., Faits meurs Ch. V, S., I, 1404, 39)

Mais on me pourroit faire une question, en disant qu'il n'appartient point à ung théologien de faire ladicte justification, et qu'il appartient à ung juriste. (Doc. 1408. In : MONSTRELET, Chron. D.-A., t.1, c.1425-1440, 183)

Et appella à faire ledit procès pluiseurs notables gens d'eglise de la duchié de Normendie, graduez en sciences, et pluiseurs theologiens et juristes de l'Université de Paris (Fauq., III, 1431-1435, 14)

...à Louvain, à Dole et ailleurs avoit estudes de lois pour fournir ce royaume de legistes et juristes. (Fauq., III, 1431-1435, 111)

...il luy escript qu'il s'en viengne devers luy et a deliberé envoyer en son lieu et à toute diligence un grant et notable personnaige juriste, pour traicter des matieres en toute bonne pacificacion (Lettres Ch. VIII, P., Pièces justif., t.1, 1487, 389)

Docteur juriste. Docteur en droit.

...telz espousailles qui n'ont esté d'aucune valeur prestent, donnent et baillent empeschement a ceulz de la consanguinité afin qu'ilz ne peuent contraire avec telz espoux, comme dist la commune opinion d'aucuns docteurs juristes. (Sacr. mar., c.1477-1481, 72)