JOUSTE

substantif féminin

[T-L : joste2 ; GDC : joste ; DEAF, J 603) : joste ; AND : juste2 ; DECT : joste2 ; FEW (V, 98b) : *juxtare ; TLF (X, 768a) : joute]

A. -Au propre.

1.Combat sportif et festif entre deux chevaliers.

Biaus homs seroit, a grant devis, De membres, de corps et de vis Renommez, de grace parfais, Et si bien esprouvez par fais D'armes, comme nuls homs puet estre Qui a mis sa vie et son estre En sieuir joustes et tournois Et tous amoureus esbanois. (Mach., J. R. Nav., 1349, 169)

A ceste coronation, Qui fu apres l'Ascention Dix et sept jours tous acomplis, Ot cils roys des joustes le pris. Et aussi les ala il querre à Bruges et en Engleterre, Et à Paris et en Gascongne, Tout en pourchassant sa besongne. (Mach., P. Alex., p.1369, 26)

Et benivolence est faite tantost et soudainement, si comme il appert en joustes ou en luctes ou en choses semblables (Oresme, E.A., c.1370, 469)

...un chevalier Alemant, qui porte aussi samblables armes, vient en France au joustes ou au tournays ; certes, pour tant, il ne fait aucune injure au chevalier Françoys, posé que il ait darrenierement enleüe telles armes, pour la tres grant distance laquelle est entre leurs maysons, et pour ce que ilz ne se trouverront mie souvente foys en guerre, en joustes ne en tournoys. (Songe verg. S., t.1, 1378, 289)

Il fault roncins et granz chevaulx Couvers et armez richement, Pour joustes, pour tournoiement Et pour guerre du temps passé. (Desch., M.M., c.1385-1403, 80)

...durant le temps que les joustes furent darrenierement à Saint-Denis en France (Reg. crim. Chât., I, 1389-1392, 53)

...ainsi comme il venoit de l'ostel de Saint-Poul, là où la royne estoit, au temps que les joustes à cause de son joyeux advenement furent au Temple, en la grant rue Saint-Anthoine (Reg. crim. Chât., I, 1389-1392, 180)

...ce conte [de] Guerles (...) joenne homme et de grant voulenté pour bien despendre (...) sievoit joustes, tournois, festes, reviaulx et longs voyaiges à grant renommée et à grant frait. (Froiss., Chron. M., XIV, c.1375-1400, 144)

En ceste partie dit l'ystoire que moult fu grant la feste a Nantes, et moult honnoura le roy Remondin, et y fist on joustes et bohours esquelx Remondin se porta moult vaillaument. (Arras, c.1392-1393, 67)

Et tousjours s'entretenoient compaignie Uriiens et Guyon. Et les amoient tant les nobles enfans du pays, et eulx aussi les nobles et les enfans, qu'ilz ne povoient plus, et fesoient armes bien souvent en joustes, en tournois et en bouhours. (Arras, c.1392-1393, 81)

...tout ce veoit la roine d'Engleterre moult volentiers, et aussi faisoit ses fils. Et durerent ces joustes jusques a moult priés de Valenciennes. (Froiss., Chron. D., p.1400, 66)

Et la l'espousa li rois Davids d'Escoce, et vint faire sa feste depuis en Haindebourch en Escoce, et i ot joustes noncies et publiies tout parmi le roiaulme d'Engleterre (Froiss., Chron. D., p.1400, 172)

Et, en mains lieux, crier a fais Les beaulx tournois, qui seront fais A Romme, et joustes nouvelles (Chr. Piz., M.F., III, 1400-1403, 181)

Quant le paien le voit de jouste appareiller, Vers luy ne retournast pour les membres trencher (Galien D.B., c.1400-1500, 94)

...il rompy cinq lances bien et nettement, et plus eust fait s'il eust pleu aux commissaires ordonnez pour lesdictes joustes. (Roye, Chron. scand., I, 1460-1483, 203)

Et, le dimenche precedent, qui fut le VIIIe jour dudit moys de may, se firent aussi à Bruges en Flandres autres joustes devant monseigneur le duc de Bourgongne, qui furent aussi moult triumpheuses (Roye, Chron. scand., I, 1460-1483, 204)

Il ne s'ermoit que de satin, Tant craignoit a grever ses reyns. Voulentiers frappoit aux chamfrains D'ung cheval quant venoit en jouste, Ou droit a la queue sans doubte (Fr. arch. B., c.1468-1480, 36)

Unes joustes

Et la furent (...) noncies et criies unes joustes de trente chevaliers et de trente esquiers a estre a Mons en Hainnau. (Froiss., Chron. D., p.1400, 458)

Sy fu ordonné du conte d'Artois que l'en crieroit unez joustez (Comte Artois, c.1453-1467, 18)

'Mes très-honorés et doutés seigneurs, vérité est que par Maine le héraut avez fait publier en l'hostel du roy un noble pardon d'armes : c'est à sçavoir unes joustes, qui se doivent faire et commencer en dedans quinze jours prochainement venans...' (Faits Lalaing K., c.1470, 45)

Pendant le temps que le pas se preparoit en son execution, comme dit est, le duc et la duchesse firent de grans chieres en leur ville de Dijon, et là furent faictes unes joustes à selles plattes, et en harnois de jouste, de josnes gens et de nouveaulx jousteurs, pour apprendre le mestier. (La Marche, Mém., I, c.1470, 286)

Et furent à celle heure cryées unes joustes de par monseigneur de Charrolois pour lendemain (La Marche, Mém., II, c.1470, 379)

Feste de joustes.

...la ot une grande feste de joustes que li dus de Braibant et li chevalier de Braibant fissent a lor retour. (Froiss., Chron. D., p.1400, 458)

[P. oppos. à harnais de guerre] Harnais de jouste

Messire Arnault de Perillos lui donna un More noir, tres richement abillié, sur un tresbel et puissant genet, armez et abilliés tous a la morisque, et messire François de Moncade deux tres beaus harnois tous complés, l'un d'armes et l'autre de joustes, tres richement garnis, et une tres belle espee garnie d'or, toute esmaillie de blanc, et encores un Turc, sa femme et leurs deux enfens, tresgrans ouvriers de fil d'or et de soies, que puis Saintré donna a la royne, qui tresgrant joye en fist. (La Sale, J.S., 1456, 136)

...et furent les joustes en harnois de joustes, en selle de guerre, et à la foulle, sans toille. (La Marche, Mém., I, c.1470, 267)

Pendant le temps que le pas se preparoit en son execution, comme dit est, le duc et la duchesse firent de grans chieres en leur ville de Dijon, et là furent faictes unes joustes à selles plattes, et en harnois de jouste, de josnes gens et de nouveaulx jousteurs, pour apprendre le mestier. (La Marche, Mém., I, c.1470, 286)

Jouste à la foule. Combat où la course des chevaliers n'est pas guidée par une barrière ou une toile tendue au milieu de la lice, où les coups peuvent donc être portés par devant, par derrière, de côté.

...et furent les joustes en harnois de joustes, en selle de guerre, et à la foulle, sans toille. (La Marche, Mém., I, c.1470, 267)

Jouste de tant de chevaliers

Et la furent (...) noncies et criies unes joustes de trente chevaliers et de trente esquiers a estre a Mons en Hainnau. (Froiss., Chron. D., p.1400, 458)

En celle edification de feste (...) eut ou chastiel de Windesore joustes solempneles de chienqante chevaliers et de chienqante esquiers dedens. (Froiss., Chron. D., p.1400, 597)

Jouste à outrance. Affrontement qu'on poursuit jusqu'à ce que l'un des adversaires soit hors de combat ou demande grâce.

...prenostica la division que fist en Angleterre, en l'an mille IIIcIIIIxxXVIII et XIX, le duc de Lenclastre, qui par avant avoit esté bani après la jouxte à oultrance, faicte à Vinderose (Simon De Phares, Astrol., c.1494-1498, f° 148 v°)

Jouste à tout venant. Combat proposé par un chevalier hors des cadres officiels.

'Monseigneur du Maine, faisons, vous et moy, publier tantost, en la présence du roy et des dames, une jouste à tous venans ; et serons, vous et moy, ou aucun chevalier ou escuyer notable pour nous, qui tiendrons le pas huit jours durans, à commencer du jour d'huy en quinze jours...' (Faits Lalaing K., c.1470, 41)

Jouste de guerre. Affrontement avec des lances non mouchetées (comme à la guerre).

...pour recevoir a la jouste de guerre un chevalier ou escuier, seullement le premier que a l'un de ces trois jours de la sepmaine se vendra sur les rens presenter a cheval, armé et en selle de guerre, pour courir contre vous, et vous contre lui, X coursses de lances, toutes d'une mesure, si vraiement que l'un de voz deux eust premier bien rompu trois lances, ou fust essonnyé du corps. (La Sale, J.S., 1456, 173)

Jouste de telles armes

Et là eut aucuns jones chevaliers et escuiers, montés sus fleurs de coursiers, qui esperonnèrent jusques as barières et demandèrent joustes de fiers de glaves as chevaliers ou escuiers qui dedens Saint Omer estoient. (Froiss., Chron. R., IX, c.1375-1400, 243)

Demander (une) jouste (à qqn)

Il se missent tout à piet à terre, excepté messires Lancelos de Loris. Cils demora sus son coursier la glave ou poing et la targe au col, et demanda une jouste pour l'amour de sa dame. (Froiss., Chron. R., IX, c.1375-1400, 139)

Entr' eulx, un barbarin hideus Ot grant et fort ; cil se part d'eulx, Aux Rommains vient jouste requerre, Encontre luy broche grant erre Publïus. Fiere en fu la jouste ! (Chr. Piz., M.F., III, 1400-1403, 248)

...lors brocha cheval dez esperons, coucha la lance, et vint ferir l'un d'iceulx qui autant luy en gardoit, car il l'avoit de bonne heure choisy, qu'il demandoit la jouste (Comte Artois, c.1453-1467, 12)

Assembler à la jouste. S'affronter en tournoi.

La assemblerent les .II. chevaliers a la jouste (Bouciquaut L., 1406-1409, 50)

Defier qqn de la jouste

...ainçois s'en alerent au palaix dire la nouvelle, crians publicquement come Salhadin, homme menbru et parcrut, deffioit de la jouste .IIIJ. dez plus esleus de la Crestienté. (Saladin C., c.1465-1468, 147)

(Faire) crier (une) jouste(s). Annoncer publiquement des combats singuliers.

Mais einsois grans joustes crierent, Car il le vuelent festier De jouster et de tournier. (Mach., P. Alex., p.1369, 42)

Mais li dus ne le vost entendre Einsois li dist à chiere lie : 'Einsi ne partirez vous mie.' Qu'encor le voloit honnourer Et, pour li faire demourer, Fist crier joustes et tournois, Et pluseurs autres esbanois. Si fust hontes de li partir, Sans cops de lance departir. (Mach., P. Alex., p.1369, 45)

Et, en mains lieux, crier a fais Les beaulx tournois, qui seront fais A Romme, et joustes nouvelles (Chr. Piz., M.F., III, 1400-1403, 181)

Et en cest an cinquante un, environ la Toussainctz, fut une jouste cryée et publiée (La Marche, Mém., II, c.1470, 214)

Et le dit jour furent cryees les jouxtes en la grant place pres le Chasteau Neuf, autrement dit Castel Nove. (La Vigne, V.N., p.1495, 258)

Avoir le prix des joustes/gagner les joustes

A ceste coronation, Qui fu apres l'Ascention Dix et sept jours tous acomplis, Ot cils roys des joustes le pris. Et aussi les ala il querre à Bruges et en Engleterre, Et à Paris et en Gascongne, Tout en pourchassant sa besongne. (Mach., P. Alex., p.1369, 26)

'J'ay si fort mis mon cueur en ce jeune chevalier qui gaigna devant hier les joustes et l'aime tant que je ne puis boire ne menger ne dormir...' (Belle Maguel. C., 1453, 9)

Octroyer une jouste à qqn

Et quant Aigre entendi le contraire du chevalier, si prist l'escu par les enarmes et s'afficha sur son cheval, la lance ou poing, et cuida poindre vers lui, quant Ferrant lui vint au devant et lui dist: 'Sire, je vous prie pour Dieu et requier que vous m'otroiez ceste premiere jouste'. (Bérinus, I, c.1350-1370, 280)

Offrir la jouste (à un adversaire). Provoquer (un adversaire) en combat singulier.

Et vostre herault envoyrons Savoir leur plaisir et vouloir ; Deux contre deux nous leur offrons La jouste, pour le dire voir. (Myst. siège Orléans H., c.1480-1500, 303)

Jouster une jouste

La jouste fust bien joustée et vivement, et mainctz furent portez hors de leurs selles (La Marche, Mém., I, c.1470, 286)

Suivre joustes (et autres manifestations de ce genre). Rejoindre les lieux où sont organisés des combats sportifs.

Biaus homs seroit, a grant devis, De membres, de corps et de vis Renommez, de grace parfais, Et si bien esprouvez par fais D'armes, comme nuls homs puet estre Qui a mis sa vie et son estre En sieuir joustes et tournois Et tous amoureus esbanois. (Mach., J. R. Nav., 1349, 169)

...et sievoit joustes, tournois, festes, reviaulx et longs voyaiges à grant renommée et à grant frait. (Froiss., Chron. M., XIV, c.1375-1400, 144)

Venir sur les joustes

Le jour ensuivant encores vint il sur les joustes, houssé, lui et son destrier, d'un autre nouvel parement tout de satin vert a fleurs de pensees. (La Sale, J.S., 1456, 88)

Remarque : Cf. J. P. Jourdan, Pas d'armes, joutes et tourn. ds le royaume de Fr. et le duché de Bourg. au XV^e s., 1981 (passim).

2.Par extension.

Toute compétition entre deux ou plusieurs adversaires.

Olimpus est une montaigne en Archade ou l'en faisoit jadis certains esbatemens, luttes, courses et comme joustes ou tournois en le honneur de Jupiter et pour soy excerciter (Oresme, E.A.C., c.1370, 126)

L'on lit que fut le premier qui apporta l'onneur des jouxtes faictes sur le mont Olympus. (Simon De Phares, Astrol., c.1494-1498, f° 39 r°)

Combat en temps de guerre mené par des chevaliers.

Evous ces chevaliers et escuiers de France venir en escriant leurs cris, et tenoit chascun sa lance. Quant les Anglois les veirent approuchier, si retournerent tous à ung fais sus eulx et abaisserent leurs glaves et ferirent chevaulx des esperons. Là ot, je vous dy, forte jouste et rade et pluseurs abattus sus le sablon, d'une partie et d'aultre (Froiss., Chron. M., XIV, c.1375-1400, 95)

...auqun jone cevalier et esquier (...) chevaucierent a la descouverte en caçant l'un l'autre ensi que on jue as barres. Mais il n'i ot joustes ne escarmuce qui a recorder face. (Froiss., Chron. D., p.1400, 334)

...chevaliers et esquiers, qui bouté s'estoient et armé pour la jouste, ens es bois de Fontenielles (Froiss., Chron. D., p.1400, 65)

...chevaliers et esquiers françois, qui veoient les Englois venir, se vorrent aussi avanchier et se bouterent contre euls en la riviere. Et i ot fait des joustes au plat de la riviere [...] abatus et bien moulliés et noiiés, qui ne les euist rescous. (Froiss., Chron. D., p.1400, 711)

B. -Par analogie. Jeux populaires qui imitent les exercices des chevaliers.

Jouste sur tonneaux. Affrontement de deux jouteurs debout chacun sur un tonneau.

...faisons crier unes joustes sur tonneaulx. Si donnerez vous ung pris au mieulx faisant mais je vueil que les petis enfans viengnent crier apres moy Trasignyes et apres vous on crira Horlammont. Quant Gerard entendi les parlers de son frere aisne [l. aisné] moult courtoisement lui respondi et dist : mon frere saichiez puis que jay [l. j'ay] bon cheval corant et hardi ja naviendra [l. n'aviendra] que en ceste place ne sur tonneaulx je voise jouster pour faire ris a ceulx qui bien nous pourroyent tumber. (Gil. Tras. W., c.1450, 62)

Jouste des coqs. Sorte de combat de coqs organisé dans les écoles (dans certaines régions).

[Le jour de] Karesme entrant, une feste ou dance que l'en faisoit lors d'enfans pour la jouste des coqs ainsi qu'il est acoustumé (Doc. 1383. In : R. Vaultier, Folkl. pendant la guerre de Cent ans, 1965, 56)

IIII^e jour de ce mois de février auquel jour les enfans de l'escolle avoient entreprins pour parfaire leurs esbatemens de la joute des jaulx d'aller acourir la poulle aux champs, iceulx enfans se misdrent en ung champ (Doc. 1482. In : R. Vaultier, Folkl. pendant la guerre de Cent ans, 1965, 56)

C. -Par métaphore. Lutte, corps à corps de caractère sexuel.

Pleust a Dieu que vostre plaisance Feust d'ensuivir les faiz d'amours, Les douces joustes et behours, Sans aler chasser ne voller. (Narcissus, p.1426, 292)

Et quand elle vit qu'elle n'aroit point son panier percé, et qu'il n'estoit pas a l'aultre de seulement mettre sa lance en son arrest, quelque avantage qu'elle luy feist, tantost cogneut qu'elle aroit a la jouste failly, dont elle tint beaucop mains de bien du jousteur. (C.n.n., c.1456-1467, 195)

...il luy convint dire que l'on n'avoit encores rien besoigné en son ouvrouer ; mais elle taisoit (...) que tousjours eust refusé la jouste. (C.n.n., c.1456-1467, 499)

Jouste sans selles

He, adieu, amours, Adieu , dames belles, Tournois et behours, Et joustes sans selles ; Escus fais d'aisselles, Pains de maintes larmes ; Adieu, sans cautelles ; Je me rens aux armes. (Parn. sat. S., a.1500, 192)

Jouste d'amours

Mais tout ainsi que Antheus se levoit Plus fort après qu'il n'estoit par avant, Quant sur terre son corps couché avoit, Pareillement Lucresse et son amant A la jouste d'amours si tresavant Fors et joyeux entre eulx se combatirent, Que si l'un est bien chault, l'autre est suant ; Ou fait d'amours leur devoir granment firent. (Saint-gelais, Eurial. Lucr. R., c.1490, 131)

Presenter la jouste à une femme

Lors le mary, confident à la judicature et conseil de Médecin, après qu'il eust très bien soupé, s'en alla coucher auprès de sa femme, laquelle estoit tant malade, ce sembloit, que les Médecins ne y attendoient vie, et luy présente la jouste. Si commença la pouvre malade, laquelle pour la pravité de sa maladie ce ne pouvoit souffrir, à crier et dire (...). 'Non', dist le mary ; 'm'amye, ce est pour ta santé et par la sentence du médecin, lequel m'a dit que c'est toute la médecine qu'il te fault pour te remettre en santé et convalescence.' (Tardif, Facéties Pogge M., c.1490, 182)