JOLIVETÉ

substantif féminin

[T-L : joliveté ; GD : joliveté ; DEAF, J 522) : joliveté ; AND : jolifté ; FEW (XVI, 285a) : jol]

A. -Attitudes, façons d'être, comportements plus ou moins positifs d'une pers.' .

1.Qualités chevaleresques (courage, loyauté...).

Prince, vray est qu'en ce pays n'aillours Ne puet regner vaillance sanz amours, Joliveté ne grant bachelerie, Mais ou elle est se treuvent les meillours (Desch., Oeuvres Q., t.3, c.1370-1407, 275)

2.Gaieté.

Tu vois que tes cheveulx blanchissent, Les yeux te pleurent et umbrissent Le vis et la face et les mains, Et si deviens parles et tains. Et lyësse et joliveté Devient en toy fragilité (Renart contref. R.L., t.2, 1328-1342, 14)

Quant elle a son amy perdu Par mort, le cuer si esperdu A, que jamais n'avera joie, Eins quiert lieu, temps, et gens, et voie, Ou il ait tout adès tristesse, Humble habit en lieu de richesse, Tenebres en lieu de clarté, Et en lieu de joliveté Pour porter chapelès de flours Ist de son chief larmes et plours ; Et s'elle quiert aucun repos, Il est pris en humble propos. (Mach., J. R. Nav., 1349, 194)

Sa joliveté [de ma dame] puis parer Au rossegnol et comparer A son chant et a ses douls mos. (Froiss., Dits Débats F., 1363-1393, 140)

3.[Attitude qui témoigne d'une certaine indifférence à la morale]

a)Légèreté, futilité.

'Sire, cest peuple se revele ; Il est de trop dure cervele. Ostéz li sa joliveté ; En terre de captivité A son cuer se convertira Et plus humblement servira.' (Le Fèvre, Respit Mort H., 1376-1380, 57)

Jadis fut ung jeune homme qui, en la fleur de son aage, se donna fort a la joliveté et a la vanité du monde et occupa son tempz en diverses plaisances vaines et mondaines (Horloge de sapience S., c.1389, 61)

Las, moy maleureux, quelle folie, quelle joliveté m'a tiré hors du droit chemin pour me fourvoier. (Miélot, Mir. N.D. L., 1456, 99)

b)Volupté, luxure.

Meure toy, jouvencel, meure, De joliveté n'aies cure. Cest monde n'est mais que ordure. (Best. lap. Rosarius S., c.1330, 84)

Le Deable est philosophe : il scet l'estat et la maniere d'omme et sa complexion, et en quel vice il est plus enclin, ou par nature ou par acoustumance, et d'icelle partie il assault plus fort : le colorique de ire et discorde, le sanguin de joliveté et de luxure, le fleumatique de gloutonnie et de paresce, le melencolieux d'envie et de tristresse. (Ménagier Paris B.F., c.1392-1394, 41)

Mener sa joliveté. Prendre son plaisir.

Sa femme ses clefs luy embla [à son mari] ; Avec son ami s'assembla, Pour mener sa joliveté. (Le Fèvre, Lament. Math. V.H., c.1380, 110)

Par métonymie. au pluriel. Plaisirs sensuels, actes, gestes qui incitent à la luxure.

...si come celui qui est sanguin, il est trop enclin a jolivetés et esbatemens ou a desactrempance. (Oresme, E.A.C., c.1370, 173)

...chançons, jeux, desordenances, jolivetéz trop exquises es cuers (Foul., Policrat. B., I, 1372, 109)

...le vice de luxure abonde en jolivetez, en regars et contenances, et se adjoint a couvoitise de choses delitables et d'aournemens vagues (Bouciquaut L., 1409, 417)

B. -[Façon d'apparaître, de se donner à voir ; à propos d'une pers. ou d'une chose]

1.[À propos d'une pers.]

a)Belle apparence, élégance.

J'ay assés robes, car de joliveté ne me chault. (Quinze joies mar. R., c.1390-1410, 24)

b)Coquetterie.

La estoit li commencemens Des regars et des parlemens, Des amours, de joliveté ; Car, se ja n'eussent la esté Ou entreveuz, ja ne s'amassent. (Desch., M.M., c.1385-1403, 134)

...On verra bien par fringuerie Porter maintz habitz chicquetez, Trouez, percez, fringuelotez, Feuilletez par jolliveté (Coquill., Oeuvres F., 1478-p.1494, 154)

Premier avons tout bien obmis Et aux biens de ce monde mis Felicité, Tant dancé par joliveté, Tant parlé par oysiveté, Banqueté Et tant desiré folz amys, En habis superfluité...! (Michel, Myst. Pass. J., 1486, 149)

2.[À propos de choses]

a)Qualité de ce qui est plaisant, agréable à voir, caractère joli de qqc..

Maint chevalier, meinte pucelle, Maint bourgois, meinte damoiselle (...) Venoient cëans a grans tas Pour eaus soulacier et esbatre, Car chascuns s'i pooit embatre, Eins que cils vergiers fust fermez De la riviere et enfermez, Pour la trés grant joliveté Qu'on y trueve yver et esté. (Mach., D. Lyon, 1342, 191)

...si fait la soussie, La marguerite, l'angorie, Le glay, la douce flour de lis: En ces flours a moult de delis, De deduit, de joliveté (Desch., M.M., c.1385-1403, 191)

b)Ce qui contribue à embellir.

Parure, ornement.

La bonne dame n'eut oncques puis joye, ne ne porta joliveté nulle (Le Bel, Chron. V.D., t.2, 1358, 32)

Sa femme comme luy s'estoit moult enfiérie en sa fortune, et n'estoit joliveté, ne richesse, si convoitier l'osoit, qu'elle n'en finast et qu'elle ne le mist sur son corps (Chastell., Chron. K., t.4, c.1456-1471, 237)

Et à cellui, comme dessus, qui mieulx aura batu d'espée sera donné ung riche manicle en manière de ung riche brachelet, qui est une parure et joliveté ès dames de Castille et aussy de Portugal (La Marche, Tournoi Gand P., p.1470, 64)

c)Au pluriel.

Les jolies choses (d'un lieu).

Mais lors congnu bien les biautez Dou lieu et les jolivetez ; Se les vi si trés volentiers Que mes cuers estoit tous entiers A considerer les parties. (Mach., D. Aler., a.1349, 391)

Ornements, décorations.

...ly plus des nobles de ce paiis, assavoir chevaliers et escwiers, prisent arestéement leurs certaines ensengnes d'armes et blazons teiles qu'il et leurs hoirs ont de cely terme en avant porteit et portent de present ; anchois prendoiient anchienement teiles ensengnes, joliieteis et envoizures qui miez leur plaisoient (Hemricourt, Miroir Hesb. B.B., 1353-1398, 4)

Colifichets, frivolités.

Or est dedens la nasse le pouvre homs qui ne se souloit esmoier fors de chanter, d'echapter esguilletes, bources de saye et autres jolivetés pour donner aux belles. (Quinze joies mar. R., c.1390-1410, 6)

Jolies toilettes, belles parures.

...l'autre si est que les filles avront bon cuer et goy de leur nature et jamés ne seroient aultrement que elles ne fussent jolies, et, a l'aventure, qui ne les tendroit joliement, elles trouveroient maniere d'avoir leur jolivetez dont je me tais. (Quinze joies mar. R., c.1390-1410, 28)

Adont encommencerent les dames et pucelles a saouler leurs veues en regardant les jolivetés des baceliers qui estoient tant noblement habilliés que ce seroit une longue besongne a tout ramener a memoire. (Percef. IV, R., c.1450 [c.1340], 452)

Festivités.

Et lui venu en sondit royaume s'emploia hastivement par toutes manières à couronner sadicte femme, la royne. Laquelle coronacion fut faicte en sa cité royale de Londres, chef et maistresse ville de toute Angleterre, et là furent faictes si grans pompes, bobans et jolivétez que depuis le temps du très noble combatant Artus, roy d'Angleterre, qui alors estoit appellée la Grant Bretaigne, ne fut veue en ladicte ville de Londres la pareille feste de nuls des roys anglois. (Monstrelet, Chron. D.-A., t.4, c.1425-1440, 24)

...et ce qui gist en franc arbitrage des hommes de faire honneurs et cérémonies et de monstrer pompes et jolivetés, ce peut et doit passer au moins que l'on peut de paroles, pour cause que le narrer est ennuyeux (Chastell., Chron. K., t.4, c.1456-1471, 62)

Or je vous deffends mocion, Bruyt de bussines et de trompes, De jolivetéz et de pompes, Jusqu'a ce que trouvé ayons Ce de quoy grant desir avons, Et marchons le pas simplement. (Myst. Pass. Troyes B., a.1482, 230)

Amusements frivoles.

...jeux trop renvoisiéz, toutes dances, estroites robes, et toutes jolivetéz lui sont veés et deffendues, et quoy que elle soit joyeuse par nature et que jonnesce l'amonneste de jouer, de rire et chanter, si convient il, s'elle veult garder honneur, qu'elle s'en deporte au moins, se ce n'est bien a son privé et non devant hommes, et doit estre par especial entre seigneurs et dammes ou chevaliers estranges ou autres gentilz hommes (Chr. Piz., Trois vertus W.H., c.1405, 89)

Les agréments de la vie.

La premiere joye de mariage si est quant le jeune homme est en sa belle jeunesse, qu'il est frois, net et plaisant et ne s'esmoye fors de tirer esgulletes, faire ballades et icelles chanter, regarder les plus belles, et aviser ou il pourra trouver maniere d'avoir ses plaisirs et trouver ses jolivetez selon l'estat dont il est, et ne s'esmoye point dont il vient, pour ce que a l'aventure il a encore pere et mere ou aultres parens qui lui baillent ce qu'il luy fault. (Quinze joies mar. R., c.1390-1410, 6)

Voir aussi jolieté