JAVELINE

substantif féminin

[GDC : javeline ; FEW (IV, 12a) : gabalus ; TLF (X, 675b) : javeline]

ARMES, ARMURERIE Arme de jet longue et mince.

...l'un d'iceulx lui lança une javeline parmy le corps droit au cuer, si doloreusement qu'il chey prestement mort (Monstrelet, Chron. D.-A., t.2, c.1425-1440, 7)

...il ne cuidoit pas tuer le dit Surville et frappa le dit cop de la javeline de chaude colle et de plain bont (Doc. Poitou G., t.8, 1444, 184)

...nul desdiz maistres, ouvriers, maneuvres ou servicteurs ne soient si hardiz de porter ès dictes mines soit en la montaigne, martinetz, forges, maisons ou autres appartenances des dictes mines, espées, dagues, javelines ou autres harnoiz invasible (Aff. Jacques Coeur M., 1453-1457, 352)

...ledit Girault s'efforca de frapper icellui Jehan de ladite javeline mais il rabatoit les cops de son baston (Berger Fr. K.-G., 1457, 176)

Et, en lui disant ces choses, vint ledit Regnault Goris, qui frappa ledit Petit jehan d'une pierre par la teste, dont il chancella ; et lors ledit Empereur le lascha, et incontinent vint à lui ledit Jehan de Foing, qui lui bailla d'une javeline au travers du corps, dont il cheÿ mort en la place. (Roye, Chron. scand., II, 1460-1483, 59)

...les brigandines et harnoys, heaulmes, sallades et espées toutes nues, lances, javelines, picques, voulges et tous aultres bastons maniables, qui peuvent servir et estre necessaires en guerre (Voy. Hierus. S., 1480, 21)

...et portoit force espées, roues et javelines, pour bailler à ceulx avecques qui il avoit intelligence, car ilz n'en ont point (Comm., III, 1495-1498, 105)

Au grenyer, aux noix sont noz lances Et perches font noz javelines ; Noz grans sallades d'excellences Servent a pondre les gelines. (La Vigne, S.M., 1496, 181)

Et estoit ledit le Groing sur ung cheval d'Espaigne, couvert d'une housseure bleue decouppée, et par dessus icelle housseure avoit une grant croix blanche, et tenoit en sa main une courte javeline qui avoit la hampe de plain poing. (Le Clerc, Interp. Roye, c.1502, 302)

Remarque : GRÉBAN, Pass. J., c.1450, gloss.