IRE

substantif féminin

[T-L : ire ; GD : ire ; DEAF, I 421) : ire ; AND : ire ; DECT : ire ; FEW (IV, 811a) : ira ; TLF (X, 545b) : ire]

A. -[Acception largement dominante en moyen français] Colère vive (contre qqn), emportement.

1.[Comme sentiment humain]

Car ire et couroulx le surprent (Renart contref. R.L., t.1, 1328-1342, 10)

Monlt fut courouchié et plain d'ire (Renart contref. R.L., t.1, 1328-1342, 11)

'...Et vous n'estes mie d'affaire Que vous nous doiez jà mieus faire. Pour quoy me tollez vous mes chiens, Que j'ay norri et qui sont miens ?' Moult de choses dist en son ire, Aussi comme s'il vosist dire Au conte de Triple : 'Par m'ame, Pas n'estes fils de preude fame.' (Mach., P. Alex., p.1369, 256)

...mais convient lonc temps pour leur ire digerer. (Oresme, E.A., c.1370, 262)

Item, aucuns sont diz incontinenz en ire et aucuns en honeur et aucuns en gaaing. (Oresme, E.A., c.1370, 365)

Celui est continent qui a mauvais desiriers, comme par yre a vengance desraisonnable ou par concupiscence a luxure ou a gloutonnie. Et avecques ce, il a bon jugement de raison lequel il ensuit, et par ce refrene ses mauvais desiriers (Oresme, E.A.C., c.1370, 143)

De cuer hautain, plein de courroux et d'ire... (Desch., Oeuvres Q., t.1, c.1370-1407, 77)

Et te pardonne, et Dieux si face, tous courroux, ires et maltalens que tu peues avoir eux ou encourrous envers moy (Reg. crim. Chât., I, 1389-1392, 272)

Ire est un accident de l'âme qui eschauffe et perturbe le corps et les humeurs. (La Haye, P. peste, 1426, 207)

Oncques ne fis bien en ma vie, Mais en rancune et en envye Et en yre ay tousjours vescu. (Gréban, Pass. J., c.1450, 302)

Telz coleriques doiuent fort et diligemment moderer la passion de ire... car ilz sont moult enclins et sont hastifz et ardans comme le feu du quel ilz ont les qualitez cestassauoir chault et sec. (Cib., p.1451, 219)

...en la ferocité de son ire (Molinet, Faictz Dictz D., 1467-1506, 79)

Il presdit sur une conjunction de Saturne et Mars et, par la revolucion d'aucun an, le grant differant et yre qui se leva entre les plus grans de Perse (Simon De Phares, Astrol., c.1494-1498, f° 39 v°)

LE PERE. Haro, haro, j'enraige, je meurs d'ire ! T'apartient il de Mahommet desdire Et detracter sa grant prehemynence ? (La Vigne, S.M., 1496, 143)

Estre à ire

...les Anglès avoient tué ces deux gentilshommes bastars, ensamble et les autres archers du duc. Sy en fut le duc durement à ire (Chastell., Chron. K., t.3, c.1456-1471, 437)

Estre chargé / espris / surpris d'ire

...ilz estoient surpris d'ire et de vin, qui est piteuse chose (Doc. Poitou G., t.6, 1397, 272)

...quand la langue d'elle eut povoir sur le cueur tresfort chargé d'ire et de courroux, par semblant les parolles qu'elle descocha ne furent pas mains trenchans que rasoirs (C.n.n., c.1456-1467, 28)

...le mary, qui se voit ainsi deceu, estoit tout esprins d'ire et de maltalent (C.n.n., c.1456-1467, 218)

...nous dirons du marchant, qui après soupper s'en vint a son hostel, esprins d'ire et de maltalent (C.n.n., c.1456-1467, 264)

Faire crever qqn d'ire

Voire, mais vous ne comptez mye Que nous les ferons crever d'ire (Myst. Pass. Troyes B., a.1482, 844)

Mouvoir qqn à ire

Hé ! mon mary, dont vous vient ceste tristece, ce courage troublé ? Qui vous a ainsi meu a ire ? Ou avez vous chargé ceste opinion cruelle, plaine de tempeste ? (C.n.n., c.1456-1467, 564)

S'esmouvoir en ire / monter en ire. Se mettre en colère.

...A la fierté amollier Du roi qui tost montoit en ire. (Tomb. Chartr. Souvain S., c.1337-1339, 33)

Sire, j'en feray mon devoir ; Ne vous esmouvez point en ire. (Mir. Barl. Josaph., c.1363, 282)

...le soudan se esmeut en ire (Lefèvre St-rémy, Chron. M., t.2, c.1462-1468, 110)

Prendre qqc. à / en ire. S'irriter de qqc..

Dame, ne le prenez en ire. (Mir. emper. Romme, 1369, 294)

Suer, plaise vous qu'il vous souviengne De ce que je vous vueil ci dire, Et ne le prenez mie a ire (Mir. st Alexis, 1382, 305)

Rapaiser / refreindre / refrener l'ire / son ire

Et pour ce, elle qui parle, en entencion de bien faire, pour cuider refresner l'ire, courroux et male volenté de ladite Marion, li dist que elle se appaisast, et que (...) sondit ami Hainsselin l'ameroit mieulx que femme du monde, feust sa femme espousée ou autre. (Reg. crim. Chât., I, 1389-1392, 354)

Vous reffraindez ung peu vostre yre. (Gréban, Pass. J., c.1450, 404)

Le bon compaignon (...) pour ce qu'il voit son tort a l'oeil et le rebours de sa pensée, refraint son ire ; et le courroux qu'en son cueur avoit conceu, quand a sa porte tant hurtoit, fut tout a coup en courtois parler converty. (C.n.n., c.1456-1467, 29)

...monseigneur, je vous supplie, il vous plaise rappaisier vostre ire (Chastell., Chron. K., t.3, c.1456-1471, 282)

Par métonymie. Manifestations de colère.

...pour l'ire Qui commençoit a pululer. (Antitus, Poés. P., c.1500, 31)

Par personnification.

Et s'Yre ou Despit te lance De sa lance, Recevoir Dois en bonne pacience, Ne t'avence De mouvoir, Car au goust de souffissance Ta pesance Dois avoir : Miex vaut assez s'acointence Que puissence D'autre avoir. (Mach., Lays, 1377, 420)

2.[Comme péché capital]

Ainsi sera il attrappez Et ou pechié d'ire happez (Mir. st J. Cris., c.1344, 293)

...le pecché de ire (Henri Lanc., Seyntz medicines A., 1354, 17)

Premierement tu sces bien que occieuseté est cause de touz les set pechiez mortels, quar, quant hon est oyseus et negligent sanz travail et n'est occupé en fere aucune chose et demeure en son lit ou en sa chambre, c'est une chose qui tire a ymagination du plaisir de la char, quar il n'a cure forsque de demourer en un lieu et penser en orgueil ou en avarice ou en ire ou en paresce ou en goule ou en luxure ou en envie, quar les ymaginations de l'omme vont plus tost a mal que a bien par les troys enemis qu'il ha, c'est le deable, le monde et la char. (Gast. Phébus, Livre chasse T., 1387-1389, 53)

La quarte consideracion est que nous experimentons les vices de l'omme se monstrer tres apparceuemment par dehors ou visaige ou es contenances, comme orgueil, ire, luxure, paour, fierté. (Gers., Concept., 1401, 426)

Croyés mes parolles et dicts Pour faire aux diables desfarde. Nulz de vous amis ne se parde Par ire, orgueulh ne luxure ! Le feu d'avarice nul n'arde ! (Pass. Auv., 1477, 125)

En tous humains regne envie, Par avarice ta vie En orgueil qui les convie Affin orde et dissolue, Luxure si est bien servie, Puis ire et paresse obvie A vertu de Dieu esleue. (Cene dieux, c.1492, 134)

Par personnification.

Onques bien ne pelerina le pèlerin, Par bonne voie onques n'ala, Par Orgueil et par Envie, Par Venus et Gloutounie ; Ire, Avarice, Paresse A este tous jours s'adrece. (Guill. Digull., Pèler. âme S., c.1355-1358, 28)

3.Ire (de Dieu). Colère de Dieu, violente manifestation de la justice divine pour châtier l'homme pécheur.

Donc l'ire Dieu sur luy venoit (Tomb. Chartr. Trois contes S., c.1337-1339, 82)

Aussi tout tramble, nes li ange Qu'as enluminé de ta grace, Contre la vertu de ta face, Encontre ton ire importable Qu'est aus pecheurs mort pardurable, Qui ne menasse ne deffie, Mais ne soit pecheur qui s'i fie, Car qui s'i fie a mort se fiert Et fait ce qu'a faire n'affiert (Mach., C. ami, 1357, 53)

Or ne puelent li saint chanter, Qu'il n'ait musique en leur chanter : Donc est Musique en paradis. David li prophetes jadis, Quant il voloit apaisier l'ire De Dieu, il acordoit sa lire, Dont il harpoit si proprement Et chantoit si devotement Hympnes, psautiers et orisons, Einsi comme nous le lisons, Que sa harpe a Dieu tant plaisoit Et son chant qu'il se rapaisoit. (Mach., Prol., c.1377, 10)

Regent de touz et Protecteur de ceulz qui ont esperance en toy (...), oste ta ire de sur moy. (Gast. Phébus, Livre oraisons T., c.1380-1383, 49)

Ha ! Prince qui ainssy te contiens, bien dois doubter le ire de Dieu ! (La Sale, Salade, c.1442-1444, 18)

Crien les jugemens de Dieu, aiez paour de l'ire du Toutpuissant. (Internele consol. P., 1447, 75)

Par quoy, nous pourrions encourir L'yre de Dieu, le tout puissant. (Myst. Viel test. R., t.2, c.1450, 22)

...et ay grant peur De l'ire de Nostre Seigneur (Myst. Viel test. R., t.4, c.1450, 105)

Vous dictes : 'Ce sang soit sur nous Et puis sur nous enfans trestous.' Dorenavant vous cognoistrés Ce sang sur vous, quant vous varrés L'ire de Dieu sur vous venir Et vostre lignhee gemir, Car Dieu vous batré aigrement. (Pass. Auv., 1477, 268)

Ire divine

A bon droit revoque sa paix Pour nos excès l'ire divine, Nous bat et punit orendroit, Car li pecheur ne sont pas digne Ne capable de paix par droit. (Robinet, Compl. François H., p.1420, 89)

Noé, voyant une telle extrême ire divine et universelle punition, s'espovantoit du cas (Chastell., Chron. K., t.1, c.1456-1471, 3)

[Dans une formule de jurement]

Compére, se Dieu me gart d'ire, Je vois le sermon escouter (Mir. emp. Julien, 1351, 185)

Jour de (l')ire. Jour du jugement dernier (lat. dies irae).

Quar Dieu reserve au jour de l'ire A punir pardurablement Ceulx qui ci sans corrigement Lors malvés vouloirs acomplissent (Tomb. Chartr. Dix-huit contes K., c.1337-1339, 71)

...cilz jours Jour du Jugement yert jours d'ire Plus que bouche ne pourroit dire, De tenebres et d'ocurté, Jours de pleur, de male eürté, Jours tenebreux et tresorribles (Jour Jug. R., c.1380-1400, 216)

L'ire future

Esperance de pardon naist en vraie contrition (...), l'omme en est deffendu de l'ire future (Internele consol. P., 1447, 231)

4.Proverbe.

Catons le dit, qui mout fu saige, Que ire anpesche le couraige A pure verité savoir. (Renart contref. R.L., t.1, 1328-1342, 312)

Et se dit le sage Cathon Que ire empesche le corage Et le tient en si grant servage Qu'il ne poeult dire verité. (Renart contref. R.L., t.2, 1328-1342, 2)

C'est le tres mauvais pechié d'ire, Qui fait au philosophe dire Qu'il trouble des gens les courages (La Buigne, Rom. deduis B., 1359-1377, 94)

Ire en seigneur fait moult a redoubter (Desch., Oeuvres Q., t.1, c.1370-1407, 307)

Douche parolle fraint grant ire. (Froiss., Joli buiss. F., 1373, 265)

Car, comme Chaton nous afferme, Yre qui excede hors terme Empesche fort l'entendement Qu'il ne face vray jugement. (Gréban, Pass. J., c.1450, 449)

Mole response fraint grant yre. (Miélot, Prov. U., 1456, 196)

Beau parler apaise grand ire. (Molinet, Faictz Dictz D., 1467-1506, 67)

Car on dit, et je le croy bien, Que pascience vainct grant yre. (Prov. rimes F.M., c.1485-1490, 65)

B. -Par extension. [Acceptions plus rares en moyen français]

1.Sentiment de celui qui est fortement perturbé, où se mêlent la colère (éventuellement contre soi-même), l'insatisfaction et la souffrance.

Et si fist l'emperix sa dame Par force devenir sa fame Qui moult en ot au cuer grant ire, Mais el n'avoit au contredire Ne maintenëour ne aïe. (Tomb. Chartr. Trois contes S., c.1337-1339, 108)

Li roys se parti sans plus dire. Et li autres [le sire de Lasparre] avoit tant d'ire, Qu'à peines que là ne moroit, Pour ce qu'en Chypre demouroit. Et quant li sires de Lesparre Vit qu'il gisoit seur tele quarre, Que chascun qui honneur voloit Avec le bon roy s'en aloit, Et il estoit seuls reservez A po qu'il ne fu tous dervez. (Mach., P. Alex., p.1369, 226)

Par un tout seul escondire, De bouche, non de coer fet, Ai je mon ami retret De moi, dont je morrai d'ire. (Froiss., Joli buiss. F., 1373, 189)

Mes vous avez tant fort mesdit Que vous serés d'Amours maudit Et en mourrés de deuil et d'ire. (Poés. lyr. court. XVe I., c.1454-1456, 185)

LA FEMME commence. Sy le myen coeur est remply d'ire, Las ! à bon droit je le puys dire, J'ey bien raison de me complaindre Et de mon mauvais ['de mon mauvais, injuste sort'] me complaindre ; Car mon mary me tient soublz las De grant rigueur, dont n'ay soulas. (Retraict T., c.1490, 197)

(Estre) plein d'ire

Suzanne en vergier fu venue, Qui riens ne sot de nos venue ; Avecques li ot deus pucelles Qu'elle en envoia, pour ce qu'elles Ne veïssent sa lecherie. Adont issi de la fueillie Uns jouvenciaus, qu'avons trouvé Avec li gisant tout prouvé. Quant nous veïsmes l'avoutyre, Esmeü fumes et plein d'ire, Si courismes la pour lui prendre. Mais bien se sot de nous deffendre, Car plus fors fu, si s'en fuï, Quant il nous perçut et oy, Par le postis. (Mach., C. ami, 1357, 9)

Li rois fu pleins de dueil et d'ire, Quant einsi s'oy contredire, Ses dieus blasmer et desprisier Et son pooir petit prisier. (Mach., C. ami, 1357, 21)

Mardocius en sa maison S'en vint dolent, mat et plain d'ire (Chr. Piz., M.F., II, 1400-1403, 265)

Par grant ire. Violemment.

...le quatrieme poisson (...) fiert le chevalier (...). Mais il se releva au plus tost qu'il peut, puis fery par grant yre le poisson a travers de tel randon qu'il lui fist voller la teste a terre. (Percef. III, R., t.2, c.1450 [c.1340], 275)

2.En particulier. Sentiment de celui qui est fortement perturbé par la souffrance, le chagrin ; souffrance, chagrin.

Li chevaliers, sans faire plus de plait, Dist doucement : 'Dame, il n'affiert ci nul pardonnement, Car il n'y a meffait ne mautalent ; Mais je vous pri que vostre pensement Me vueilliez dire.' Et la dame parfondement souspire Et dist : 'Pour Dieu, laissiez m'en pais, biau sire ; Car mestier n'ay que me faciez plus d'ire Ne de contraire Que j'en reçoy'. Et cils se prist a traire Plus près de li, pour sa pensée attraire, Et li a dit : 'Trés douce debonnaire, Triste vous voy. Mais je vous jur et promet par ma foy, S'a moy volez descouvrir vostre arroy, Que je feray tout le pooir de moy De l'adrecier.' (Mach., J. R. Beh., c.1340, 60)

Certes, sire, pas ne vous vueil desdire Que vous n'aiez moult de dolour et d'ire, S'einsi perdez ce que vos cuers desire. Mais toute voie, Il m'est avis, et dire l'oseroie, Consideré vo dolour et la moie, Qu'il a en vous meins dolour et plus joie Qu'il n'ait en moy. (Mach., J. R. Beh., c.1340, 90)

Quant il veit qu'est si abessié Et que son mestre l'a lessié, S'il fu dolent et tout plain d'ire Il ne le convient a nul dire (Vie st Evroul S., c.1350, 107)

La joie qui vient de tenir la loy Antecrist est de gaindre, de crier, de plourer en teniebres, en ire, en gemissemens sans avoir jamés miex. (Henri Ferr., Modus et Ratio, Livre deduis T., c.1354-1377, 148)

Quant le fortune remire De mon douls ami, Qui m'aimme tant et je li, Je ne sçai que dire. Vis m'est que mon coer pour l'ire Se parte parmi. (Froiss., Pris. am. F., 1372-1373, 141)

Amours me point si tres forment et mort D'un tres doux mors qu'il d'amer m'atalente ; Mais Faux Dangier me veult livrer à mort, Joie me tolt et ire me presente, Car ne me laisse veïr La tres douce en qui sont mi desir ; Et puis qu'Espoir me veult estre adversaire, Quanque je vueil me vient tout au contraire. (Mach., App., 1377, 639)

Je n'os à ma dame dire Comment je vif à martire Pour s'amour, Pour ce que, s'elle desdire M'en voloit ou contredire, Certes, mes cuers morroit d'ire Sans demour. (Mach., Lays, 1377, 296)

Helas ! et elle m'atyre De si grief martyre Et si mal atire, à tort, sans matire, Pour li plus despire, Mon cuer que la Mort le tire. Car quant il s'oit escondire De ce qu'il desire, Il reçoit tant d'ire Qu'à verité dire, Pour son mal descrire Ne porroit langue souffire. (Mach., Lays, 1377, 317)

Et si sui certeinne Qu'Amours si nous meinne Qu'onques Paris ne Heleinne Ne s'amerent sy. Si me doit plus que souffire, Quant je n'ay tristece n'ire Ne douleur, Dont je me doie defrire, Ne riens qui ma joie empire Ne m'onneur ; Einsois ay sans contredire Tout ce que mes cuers desire Sans labeur (Mach., Lays, 1377, 348)

Qui est plus cause de mon deuil : La bouchë ou le regart d'euil De vous par qui tant sueffre d'ire ? (Poés. lyr. court. XVe I., c.1454-1456, 165)

Au descouvert s'est ma joye cachee Et en mon ris est tristesse embuchee, Que doulcement, en grant yre, j'endure. (Meschin., Lun. princes M.-G., c.1461-1465, 15)

Dures pleurs me convient getter. Sans nul espoir, fors regreter Regretz piteulx, et lamenter Lamentz mortelz qu'on ne peult dire. D'ire me fault tout tourmenter. Tourmenté en grant martire, Tiré suis en logis mauldit. (Gens nouv. T., c.1461-1500, 340)

Sainct Pere dist a sainct Thomas : 'Je croy que Dieu ne t'ayme pas ! ...' Adonc saint Thomas par grant ire Se print a gemir et a dire : 'Je croy et voy maintenant bien Que suis maulvais sur toute rien, Incredule et plain de desroy. ...' (Trespassement N.D. G., 1484, 515)

Ne congnoistre joie d'ire. Ne pas distinguer la joie de la douleur, sous l'effet du tourment.

Pourquoy me feïs tu eslire Dame pour qui mes cuers soupire Tant, qu'il ne congnoist joie d'ire, Et tout a fait Me vues pour s'amour desconfire ? Quant mon dolent cuer fais defrire Et fondre en amoureus martire, Est ce bien fait ? (Mach., R. Fort., c.1341, 44)

...Que je ne say congnoistre joye d'yre. (Grandson, Poés. P., c.1360-1397, 330)

Riens ne me puet anuier ne desplaire Que je puisse pour ma dame endurer, Fors tant que loing de son plaisant viaire, Sans joie avoir, me convient demourer. Et si ne sçai terme de retourner Par devers li, dont j'ai tant de martire Que je ne sçay congnoistre joie d'ire. (Mach., L. dames, 1377, 44)

Helas ! pour quoy virent onques mi oueil Ma chiere dame au tres plaisant accueil, Pour qui je vif en tel martire Que je ne congnois joie d'ire ? N'onques Amour ne me vost enrichir Tant que j'eüsse un espoir de joïr, Ne je ne puis encor rien esperer Que tout ne soit pour moy desesperer. (Mach., Motés, 1377, 505)

Remarque : Sur le mot ire en ancien français, cf. G. Kleiber, Le mot ire en ancien français (XIe - XIIIe siècles), Paris, Klincksieck, 1978.