INDIGNATION

substantif féminin

[T-L : indignacïon ; GD : indignation ; GDC : indignation ; DEAF, I 209) : indignacion ; AND : indignacion ; FEW (IV, 647b) : indignari ; TLF (X, 100a) : indignation]

A. -[Désigne un sentiment]

1.Colère, ressentiment.

Disoit li Chananee ['la Cananéenne' (Matthieu 15, 21-28)] , qui fu de Chananon, 'Jhesus, fiex de David par incarnatïon, Aiiés de moi pitié, Sire, et compassïon, Et se dignes je sui par indignatïon ['par le ressentiment que j'éprouve contre moi-même' ?] D'avoir le pain benoit, que ont (nostre) [vostre] enfanchon, Si faites de moi, Sire, ensi que kiegnon, Qui des mies de tables prent la refectïon'. (Bris., Restor paon D., a.1338, 70)

...et quant plus recevroit le pere de duretez par ung tel filz, de tant en auroit il plus grant compassion sans indignacion ou sans querir contrevangence. (Gers., P. Paul, a.1394, 507)

Et entre autres escriptures, comme je leusse le tiers chapitre de Ysaïe, le cueur m'est troublé de freeur et les yeulx obscurciz de larmes, quant je voy sur nous les coups feruz qui sont signes de mort et donnent ensaignes de la divine indignacion, se nous n'y querons briefves medicines. (Chart., Q. inv., 1422, 5)

La ou il y auroit plus grande confidence ['confiance'] de misericorde et clemence que de crainte et [l. de ?] indignation, tele confidence surmonteroit la crainte et diffidence ['défiance'] . (Traité S. Sacr. B., c.1450-1500, 172)

Et, pour abregier, la conclusion fut telle que pour ceste foiz le roy leur en donnoit congié, soubz peine de son indignacion et d'en estre pugny que eulz ne autres de son roiaume ne portassent emprise avant son bon plaisir. (La Sale, J.S., 1456, 238)

Aussi se tu oix trop peu volentiers, et tu sens indignacion, reprime toy et ne seuffre yssir de ta bouche aucune chose desordenee dont les mendres soient escandlis. (Internele consol. P., 1447, 253)

Pour ce dit bien Cassiodore que indignation qui procede de yre est si aveuglee que le plus souvent elle precipite justice. (Fillastre, Traité Conseil H., c.1472-1473, 242)

Amerir l'indignation de qqn. Mériter la colère de qqn.

Ça, seigneurs, l'empereur me mande Qu'en armes et trespuissanmant Le voise servir tresbriefment Sur tout tant que je suis doubtans De luy desplaire et en tout temps D'amerir sans remission La sienne indignacion (Myst. st Adr. P., c.1450-1485, 46)

Avoir indignation contre qqn. Être courroucé contre qqn.

...et, se je estoie en vostre presence, je porroie bien querir ce que je ne vorroie mie avoir. Et voi cy la cause : je sui petis, rudes et nyces et desapris, ne en moi n'a scens, vaillance, bonté ne biauté par quoi vos doulz yeus me deussent veoir ne regarder ; et aussi je ne sui mie dignes de penser a vous, si porroit avoir vostre noble cuer indignation contre moi (Mach., Voir, 1364, 150)

Mais je vous requier qu'il vous plaise a moy dire la cause pourquoy vous avez indignacion contre monseigneur mon mary, car je suiz toute seure qu'il ne fist oncques rien, la ou il ne moy l'ayons peu savoir, qui par raison peust estre a vostre desplaisance. (Arras, c.1392-1393, 209)

J'ay eu indignacion contre autres personnes, et par mon ire leur ay veé ma parole. (Ménagier Paris B.F., c.1392-1394, 28)

LE PREMIER BARON. Chier sire, ton noble coraige Et ta noble discrecïon Pour ce n'ait indignacïon Envers nous ne nostre priere, Car saiches qu'en nulle maniere Ne voulons fors ton bien parfait. (Gris., 1395, 13)

Avoir qqn en indignation. Éprouver de la colère contre qqn.

Et quant on m'a voulu monstrer mon bien et corrigier de mon mal quant je l'ay eu fait, je ne l'ay voulu souffrir, ains ay eu en indignacion et despit ceulx qui m'ont ce monstré et leur en ay esté pire apres, et plus fel que devant, et leur en ay mis sus blasme et villenie grande en derriere d'eulx. (Ménagier Paris B.F., c.1392-1394, 24)

Véut çou qu'il nous ont en indination, Voroient pourposer sur nous traïson (Geste ducs Bourg. K., c.1410-1419, 339)

Pour lequel parlement ainsi départi, le roy d'Angleterre fut très-courroucé et desplaisant, pour ce qu'il ne povoit venir à son entencion, et eut pour cette cause le duc de Bourgongne en grande indignacion. (Monstrelet, Chron. D.-A., t.3, c.1425-1440, 321)

Avoir indignation de qqc.

De ceste response avoit messire Edouart de Guerles grant indignation et fut moult dur à la vefve sa suer (...) et luy empecha son douaire. (Froiss., Chron. M., XIV, c.1375-1400, 158)

Avoir indignation de ce que + sub.

En ce temps, s'en vint li dus de Bretaigne en Flandres dalés le conte de Flandres, son cousin, qui le rechut à grant joie, dont li rois de France heut depuis grant indignacion de ce que il le tint dalés lui plus d'un an et demi. (Froiss., Chron. R., IX, c.1375-1400, 70)

Car Sextus Tarquinus, qui eust indignacion de ce que son pere par force ne povoit vaincre la cité de Sabine, sur laquelle estoit assiegé, cestui Sextus penssa maniere qui plus vallut a la prendre que force d'armes (La Sale, Salade, c.1442-1444, 37)

Enchoir/eschoir/se mettre/se sentir en l'indignation de qqn

Li prevos des marchans et cil de sa secte, qui se sentoient en le hayne et indignation dou duch de Normendie leur signeur (...) n'estoient point à leur aise. (Froiss., Chron. L., V, c.1375-1400, 109)

...s'il faisoit aultrement, il receupveroit trop grant blasme et se metteroit en l'indignation du roy, et monstroit que sa querelle ne seroit pas juste ne bonne (Froiss., Chron. M., XIV, c.1375-1400, 66)

...pour ce que ses fils nonmés Edouwars n'eut point celle grasce ne bonne aventure d'armes, car tous ne sont pas ne ne pueent estre aourné de bonnes vertus, escei ils en haine et indignation de son peuple. (Froiss., Chron. D., p.1400, 41)

En che temps et en celle meisme saison eschei en le indination et haine trop grandement dou roi de France, messires Godefrois de Harcourt (Froiss., Chron. D., p.1400, 633)

Nous mandons et expressement commandons que diligemment rendez plaine obeissance sur la paine de enchoir en nostre imperiale indignation. (Marcadé, Myst. Pass. Arras R., a.1440, 20)

'Madame, qui de tous poins veoit le seigneur de Saintré a combatre meu et deliberé, moult felonneusement lui dist : 'Sire de Saintré, nous voulons et vous commandons que sur peine d'encheoir en nostre indignacion, incontinant tous deux vous desarmez, et se ne le faites, comme fol et cornart nous vous ferons du corps et de la vie couroucier et pugnir. (La Sale, J.S., 1456, 295)

Encourir l'indignation de qqn/d'une institution

Si say bien qu'encoru en a De vous deux l'indignacion. (Mir. prev., 1352, 252)

Desqueles accus[ac]ions il se repentoit m[oult] fort, comme triste et marry d'avoir fait icelles, et que c'estoit le pechié que oncques il eust fait dont il se doubtoit plus encourir en l'indignacion de nostre seigneur Jhesu-Crist. (Reg. crim. Chât., I, 1389-1392, 114)

...et quicunques fera le contraire encourra l'indignation d'icelle Court, et sera griefment puni. (Baye, I, 1400-1410, 90)

Auquel commandement ledit Lebret, qui estoit homme et subget dudit de Carrouges, pour doubte d'encourir son indignacion, obtempera (Chancell. Henri VI, L., t.1, 1424, 163)

Car le Roy avoit escript pareillement au conte Waleran de Saint-Pol, au maistre des arbalestriers, et à plusieurs autres grans seigneurs, qu'ilz se gardassent bien, sur quanqu'ilz doubtoient à encourir son indignacion, qu'ilz n'alassent plus avant en icellui voiage. (Monstrelet, Chron. D.-A., t.1, c.1425-1440, 136)

Avec ce declaire la court le dit don non recepvable ne vaillable, en defendant a tous amoureux de jamais n'en estrener leurs dames sur peine d'amende arbitraire et d'encourir l'indignacion d'Amours (MART. D'AUV., Arrêts Am. R., c.1460-1466, 130)

Estre en (l')indignation de/vers qqn. Être l'objet de la colère de qqn.

Il requeroit que on li monstrast les coupables, sus à estre à tousjours mais en se indignation et tenu et renommé traïteur envers lui. (Froiss., Chron. R., X, c.1375-1400, 130)

...ou dit temps nostre dit cousin estoit en nostre indignacion (Doc. Poitou G., t.4, 1376, 415)

...sachant par aucunes de ses féables qu'il estoit en l'indignacion de la royne de France, sa belle-mère (Monstrelet, Chron. D.-A., t.2, c.1425-1440, 36)

Et là vint ung chevalier nommé messire Jehan de la Haye, baron de Coulomces, lequel avoit très belle compaignie, lequel estoit pour lors en indignacion du dit conte d'Aumarle pour aucunes désobéissances que icelluy de Coulomces luy avoit faites en son gouvernement. (Chart. J., Chron. Ch. VII, V., t.1, c.1437-1464, 34)

...mais aussi, par ce que dit est pour la partie de la paix, vous n'y devez point vous arrester, car a proprement parler c'est puissance mal fondee, veu les maulx qu'i font, et aussi que victoire vient de Dieu, et il est a craindre que vosdictes gens, que appellez puissance, ne soient en l'indignacion de Dieu, et que par eulx Dieu vous pourroit aussi bien nuire que aider. (Juv. Urs., Loquar, 1440, 430)

...en furent les accuseurs tousjours en indignacion du marchant. [Le marchand a accusé, à tort, sa femme d'infidélité] (C.n.n., c.1456-1467, 384)

...aultrement ilz seroient en l'indignacion de l'admiral et en dangier d'estre pendus. (Bagnyon, Hist. Charlem. K., c.1465-1470, 135)

Et ce voyant, ledit suppliant, qui estoit fort jeune de sens et de aage (...) et qu'il estoit fort amoureux et prins de l'amour de ladicte de Rasillé, tellement qu'elle ne lui sceust riens commander ne dire qu'il ne le fist pour lui complaire, doubtant que s'il lui disoit chose qui lui feust desagreable, qu'il feust et demourast en son indignacion et perdit la grant acointance qu'elle avoit à lui, et aussi son argent qu'elle lui devoit (Doc. Poitou G., t.11, 1473, 379)

Estre en indignation vers qqn. Éprouver de la colère, de l'hostilité contre qqn.

...le roy estoit esmeus contre ses oncles et les plus haulx de toutte Angleterre et cilz encontre le roy, et grant foison de nobles, qui estoient de sa partie, et les citez et bonnes villes l'un contre l'autre, et les prelats en grant indignacion l'un vers l'autre, et n'estoit nul qui remédier y puist, fors Dieu proprement. (Froiss., Chron. M., XIV, c.1375-1400, 50)

...il avient que ilz soient en aucune indignacion vers le prince (Chr. Piz., Trois vertus W.H., c.1405, 32)

Mettre qqn en l'indignation de qqn/mettre qqn en indignation devers qqn. Susciter la colère de qqn contre qqn.

Et, après que le roy s'en fut retourné devers Paris pour s'en retourner à Tours et autres lieux environ, il le garda de venir et entrer en sadicte bonne ville et cité de Paris et le fist passer à deux lieues près d'icelle, en cuidant par lui à ceste cause mettre ladicte bonne ville et cité, ensemble les subgetz d'icelle, en l'indignation du roy. (Roye, Chron. scand., I, 1460-1483, 227)

Et en icelles divisions durant, disoient que la Royne d'Engleterre n'estoit pas fille du Roy de Sezille, mais de la Royne, et ceste semence semoient, affin de esmouvoir le poeupple et mettre en leur indignacion ladicte Royne (Escouchy, Chron. B., t.1, c.1461-14, 303)

Et si estoit que le duc de Bourgoingne avoit mis en indignacion, devers le roy, Jehan duc de Bretaingne, pour la cause qu'il avoit rompu le voyage de Calais (Lefèvre St-rémy, Chron. M., t.1, c.1462-1468, 71)

Prendre qqn/ qqc. en indignation. Éprouver de la colère à propos de qqc., contre qqn.

Et lors fu mis en prison et i demora plus de sis sepmaines. Phelippes d'Artevelle le sceut, car ses mesagiers point ne retournoit : si le prist en grant indination. (Froiss., Chron. R., X, c.1375-1400, 261)

...pour ce que trop avant il en avoit parlé a l'encontre de la majesté roiale, on l'avoit pris en indignation, siques trop volentiers il en veroit, ce disoit il au roi d'Engleterre et a auquns barons d'Engleterre, son coer esclarchi et sa contrevengance. (Froiss., Chron. D., p.1400, 673)

Lequel [l'ancien consul] prist ceste condempnacion en sy tresgrant desplaisir et indignacion, qu'il fut grant temps qu'il ne voulloit habiter en ville ne entre gens (La Sale, Salade, c.1442-1444, 40)

...et si ay grant doubte que, ainsi comment je prins en indignacion la fourme de une ymage mal fette, que ainsi ne m'aviengne ce ceste precieuse matiere demeure en fourme dont elle sera comptemptible et ditte imparfaitte sans determination. (Crap., Cur Deus, De arrha B.H., c.1450-1460, 167)

Comment print il au tres riche et puissant [Crésus] , Quant je l'eus prins en indignation ? (Antitus, Poés. P., c.1500, 17)

2.Sentiment de mépris, de rejet.

Avoir qqn en indignation

...car parce que il vivent delicieusement et en acomplissant leur concupiscences, il sunt fait de legier en derision, et les a l'en en despit et en indignation. (Oresme, Pol. Arist. M., c.1372-1374, 240)

Avoir indignation de qqc.

Et donques a ce que teles paroles aient effect et proffitent, il convient que acoustumance propre a vertu ait esté devant, par quoy la personne aime le bien et ait indignacion de chose laide et deshonneste. (Oresme, E.A., c.1370, 532)

Prendre qqc. en indignation. Faire peu de cas de qqc., avoir une piètre estime de qqc..

...Orpheus print en indignacion ou non challance l'amour des femmes et donna atraict aux hommes de son temps de les fuyr. (Ovide mor., 1466-1467. In : Chrestom. R., 115)

Arrogance méprisante.

Son orgueil et son arrogance, Hault vouloir et oultrecuydance, Et l'endignation enclose Dedans son cueur est plus grant chose Que tout autant qu'il a de puissance, De proesse, ne de savance. (Alecis, Passe temps P.P., 1480, 248)

B. -Par métonymie.

1.[État provoqué par la colère, le ressentiment] Disgrâce.

...trop plus près, lui touchoit à dur annuy l'eslong du père que ne faisoit l'indignation du fils, laquelle par temps s'amolliroit et se pourroit vaincre, car considéroit et estoit bien son espoir, que quant il auroit son bel oncle emprès lui en sa maison qu'après, petit à petit, on fineroit aucunement de sa grâce. (Chastell., Chron. K., t.3, c.1456-1471, 285)

Durant le temps de ceste indignation, le conte se tenoit toudis à Tenremonde, attendant que paix lui fust procurée de la grâce de Dieu et des hommes et souverainement par la prière du dauphin (Chastell., Chron. K., t.3, c.1456-1471, 287)

2.Indignité.

Lesquelz deux [les clans d'Envie et de Convoitise] y seulent eslire Avecques eulx un tiers assez pire Que nul des deux par adventure. Ainsi entr'eulx prannent la cure, Et par leur indignacïon Qui par faulse collisïon, Creent aucun qui est moins digne (Le Fèvre, Vieille, trad. De vetula H., a.1376, 161)

Indignité, deshonneur.

Mathieu par felonie dit Que Salemon fist un edit Que tous vieulx hommes de cent ans Fussent mis a mort en son temps, Sur peine d'indignation. (Le Fèvre, Leesce V.H., c.1380-1387, 50)

Soiez d'y venir diligens Sur paine d'indignacion (Myst. st Vincent L., c.1471-1476, 163)

Avoir indignation de + inf. Être considéré comme deshonoré, de peu de valeur en faisant telle chose.

Et la constitucion du prince est de nulle value et de nul profit se elle ne se conforme a la doctrine de l'eglise. Et de ce point ne fu pas ignorant le trescrestien prince qui commenda que ses loys n'eussent pas indignacion de sivre les saintes ordenances de l'eglise. (Foul., Policrat., IV, 1372, 62)

3.Outrage, injure.

Se auchun paintre pourtraioit le viaire d'auchun et [et] le façon du corps de plaisant couleur, et, quant tout seroit parfait, ung aultre ouvrier survenist qui le cuideroit mieulx faire, ne feroit il pas griefve injure et indignation au premier ouvrier ? (Daudin, De la erudition H., c.1360-1380, 375)

Le septiesme chappitre declaire quel chouse est pechié et indignacion, et comment nous debvons d'icelluy faire satisfacion. (Crap., Cur Deus, De arrha B.H., c.1450-1460, 163)

Fausse indignation. Conduite indigne.

L'estatuz de saincte esglise Est corrumpuz par symonie Et par faulse indignation. Ja n'y verrois donner eglise, Ne esveschié, ne abbaïe, Se ce n'est par aucuns guierdon (Dupin, Mélanc. L., c.1324-1340, 46)

Par faulse predication Touz jours quierent [les cardinaux] plus grant office. Lour sapience est en deffice Par faulse indignation. (Dupin, Mélanc. L., c.1324-1340, 50)

C. -MÉDECINE [Un des sens en latin] Irritation.

...nul qui ait l'estomac trop remply, il ne doit pas chevaucher, car ce seroit doubte de douleur de teste et de vomir et de flux de ventre et de torcions et de douleur d'estomac et de indignacion (Gordon, Prat., c.1450-1500, I, 30)

Remarque : Trad. de Bruno de Longoburgo (ms. 1400-1500 : Nule chose n'est plus contraire contre ledit cas, c'est contre flux de sanc, comme dolour et indignations de membre, car ce enganre chaut apostume) ds GD IV, 572a.