IMMODERÉ

adjectif

[GDC : immoderé ; DEAF, I 111) : immoderé ; FEW (VI-3, 4b) : moderari ; TLF (IX, 1185b) : immodéré]

[D'une chose] Excessif.

Par nature engien proufite, il est aidié par usage, par labeur immoderé est rebouté et par attempré excercice est aguisié. (Daudin, De la erudition H., c.1360-1380, 37)

Nous ne te commandons pas jeusnes immoderees ou sans maniere et abstinenche de viandes sans rigle, par laquelle le corps soit tantost derompu et desechié, par quoy il deviegne plustost malade qu'il ne face quelque bonne euvre. (Daudin, De la erudition H., c.1360-1380, 369)

Et qui plus est se sont renduz a immoderee avarice en procurant par symonie, et par aultres voyez illicitez, litigieuses et prophanes, en corruption et autrement, benefices et prelatures espirituelz, et qui plus est se sont souillez et occupez es affaires citoyens et aux negoces et cures temporelles. (Chart., L. Esp., c.1429-1430, 176)

Satiriazie est continue erection de la verge avec desir et appetit de habiter, mais priapisme c'est continuelle et immoderee erection sans appetit et sans desir de habiter. (Gordon, Prat., c.1450-1500, VII, 2)

Sentant en mon cueur douleur immoderée par poincture invisible, en songe eficax et merveilleux receue, dont mes sens estoient soppiz, mon entendement ravy et abstrainct, et ma fantasie laborant envers la chose offerte portant le mistere, dont bref apres fuz faict certain par l'epistre que tu, o tresclair et tresaorné homme, vehement excitateur de mes esperits litargiques, m'as escripte et curieusement envoyée. (Robertet, Oeuvres Z., c.1450-1500, 161)

Car le plus souvent, ilz sont menez par leurs trop immoderees passions ou par trop desordonnees affections. (Fillastre, Traité Conseil H., c.1472-1473, 195)

La troisiesme eage qui fut nommee eree, Par cruaulté fut toute immoderee, Fort preparee a noises et debas. (Antitus, Poés. P., c.1500, 33)

[D'une quantité, d'un nombre...]

Et par tele chose il ensuiroit selon Aristote que en la policie de l'Eglise quant a ce seroit une inequalité immoderee et non consonante a bonne policie, selon ce que fu dit ou .XIe. chapitre du secunt livre. (Oresme, Pol. Arist. M., c.1372-1374, 144)

Et donques se un royalme ou une chose publique se estendoit par toutes terres, ce seroit aussi comme une infinité et une quantité enorme et immoderee (Oresme, Pol. Arist. M., c.1372-1374, 291)

...à poursuir et conseillier ceste chose on devoit appeller des gens du Grant Conseil du Roy (...) et autres de la ville de Paris, preudommes, non trop affectez ou parcialz, en souffisant nombre bien moderé, afin que, par assemblée de gens en nombre immoderé, inconvenient ne puist ensuir. (Fauq., I, 1417-1420, 53)

Incontrôlé.

Princes, mettez frain à voz voluptez, Car les ceptres qui sont immoderez Tumbent tantost et ne sont point estables (Robertet, Oeuvres Z., c.1450-1500, 179)