HABITATION

substantif féminin

[T-L : abitacion ; GD : habitation ; GDC : habitation ; AND : habitaciun ; FEW (IV, 368b) : habitare ; TLF (IX, 632a) : habitation]

I. -Fait d'habiter qq. part ; lieu où l'on habite.

A. -Fait d'habiter qq. part, séjour à demeure qq. part.

Les autres bestes communiquent ensemble en mengier et en habitacion. (Oresme, E.A.C., c.1370, 265)

...car l'eaue est environ la terre... Fors en la partie qui est descouverte pour l'abitacion des honmes et des bestes. (Oresme, C.M., c.1377, 394)

...en laquelle [maison] esconvient faire plusieurs reparacions necessaires pour l'habitacion d'icelle (Sent. Chât. Paris M., II, 1395, 94)

DROIT Droit de séjourner (en un lieu), droit de résidence.

...et se autre chouse ne confessoit que dit est dessus, que l'en lui coppast une des oreilles, et feust bany à tousjours de la ville et habitacion de Paris, et de dix lieues à l'environ, sur peine de la hart. (Reg. crim. Chât., I, 1389-1392, 235)

...ledit appellant à sa cause d'appel proposer requeroit provision que pendent l'appel joist de l'abitation d'icelle ville de l'Isle, attendu que (...) lesdiz prevost et eschevins l'avoient banni à IIJ ans de ladicte ville, dont avoit appellé, par quoy pendent l'appel devoit joir d'icelle habitation (Baye, I, 1400-1410, 262)

B. -[Comme lieu]

1.Lieu où l'on habite, logis, demeure.

Mont me sembloit de grant atour Celle cite ens et entour. Les chemins et les alees D'or en estoient pavees, En haut assis son fondement Estoit et son maconnement De vives pierres fait estoit Et haut mur entour la clooit. Mont i avoit de mansions, De lieus et d'abitacions. (Guill. Digull., Pèler. vie hum. S., c.1330-1331, 2-3)

De tous hommes fu deboutez Pour l'orgueil ou il fu boutez, Et parmi champs, parmi boscages Fu mis o les bestes sauvages. La fu son habitation Maint jour, et pour refection, Toutes les fois qu'il avoit fain, Aussi comme un buef mengoit fain. (Mach., C. ami, 1357, 30)

Car bele habitacion est parement et aournement convenient a magnificence. (Oresme, E.A., c.1370, 246)

Et c'est bien raisonnable que habitacion humaine soit ou plus noble lieu qui soit sus terre (Oresme, C.M., c.1377, 532)

...les apostres et les disciples avecque la benoite Vierge Marie estoient enfermez pour la paour des juifs dedens l'ostel ou avoit esté faite la cene du grant jeudi a mengier l'aignel de Pasques, ou mont de Sion ; la estoient en grant paour, en doubtes, en soucis dedens ceste habitacion (Gers., Pent., p.1389, 75)

Et bastirent ou lieu et pays desert pluseurs fors, villes et habitacions firent, et fu le pays en assez brief temps assez peuplez. (Arras, c.1392-1393, 15)

Sainte predicacion fait la voye, et lors nostre Seigneur vient en l'abitacion de nostre cuer (Chr. Piz., Ep. Othea L., c.1400-1401, 177)

Ne vouldrent mie dessus terre Leur habitacion acquerre, Et, pour ce, en la mer la fonderent (Chr. Piz., M.F., II, 1400-1403, 19)

...ce sembloit mieulx receptacles de bestes sauvaiges qu'il ne sembloit estre habitation de gens. (Bueil, I, 1461-1466, 19)

En humaine habitation. En ce monde.

VERITÉ. ...Sy vueil a ce point pervenir Que tel prince pourroit venir En humaine habitacion, Qui en prenroit compassion (Gréban, Pass. J., c.1450, 46)

[À propos d'animaux]

Il n'a pas pris maisons royales Ni les imperiales salles Dont les roix terriens sont [l. font (?)] festes, Mais l'habitation de bestes A pris pour sa nativité [Allus. à la naissance du Christ dans une crèche] . (Marcadé, Myst. Pass. Arras R., a.1440, 44)

Cestui predist sur aucune revolucion et grande conjunction que les bestes plus domestiques comme chevaulx, beufz, vaches, chievres, brebis et pourceaulx laysseroient leurs communes habitacions et fuyroient ès lieux sauvages, ce qui advint en ce temps et ne se povoit trouver remede les retenir. (Simon De Phares, Astrol., c.1494-1498, f° 64 v°)

Avoir habitation

...et la maison, c'est pour avoir habitacion, jouste ce qu'il fu dit de l'ordenance des fins ou premier chapitre du premier livre. (Oresme, E.A.C., c.1370, 333)

Prendre habitation qq. part. S'installer qq. part.

Une ville y avoit que Norart apell'on, Mais se fu Mont Auben pour celle establison Pour ce que trestout cil de celle nacion Qui vouloient ileuc prendre habitacion Avoient bois pour neent pour charpenter maison (Renaut Mont. B.N. V., c.1350-1400, 284)

Et endementiers Gieffroy regarda contremont les grans fallizes qui sont haultes et droictes, et voit les trois autres hermitaiges par dessus lui, et la chappelle Saint Michiel qui est le Ve hermitaige. Et puis regarde contreval, et se donne grant merveille comment oncques homs osa premierement la prendre habitacion. Et lui sembloit de l'eglise et de l'abbaye que ce ne soient que petites selles. (Arras, c.1392-1393, 278)

En maintes regions, cascun à sa nature, Ont habitation prises sens usurpure (JEAN D'OUTREM., Geste Liège B.B., t.1, a.1400, 589)

...dou mont de Montmartre avala (...) Une enbusque de gens asés et à fuison, Et vinrent ès marès prendre abitation (Geste ducs Bourg. K., c.1410-1419, 520)

Tenir son habitation qq. part

O haultain divin sapient, Qui tiens ton habitation En eternelle region, Je te supply, ne seuffre pas Que nostre compaignon Thomas Soit de ta grace separé Par forme d'incredulité (Marcadé, Myst. Pass. Arras R., a.1440, 272)

[Dans le creux d'un grand arbre]

M'abitacion en feray Ne point d'autre maison n'aray (Mir. st J. Paulu, c.1372, 118)

[Dans un cont. allég.]

Tres hault Empereur, Charité, ton humble fille et devote, et nous autres, Vertuz, avons, non mie sans cause, grande et inestimable leesse quant, a la supplicacion de Misericorde, tu veulz et t'enclines descendre en terre racheter l'umain lignaige, et nous rendre par ce nostre habitacion de laquelle tant sommes hors bouteez (Gers., Concept., 1401, 394)

'...et se en cest estat moroit, sans doute elle yroit en eternelle dampnacion. Avec ce elle seroit habitacion de tenebres, qui doit la lumiere porter.' (Gers., Concept., 1401, 401)

2.Lieu habité, région habitée.

...car la fin d'abitacion vers occident et l'autre fin vers orient sont bien prochaines (Oresme, C.M., c.1377, 576)

Ainsi est facille croire que, après que lui et Eve yssirent vergés de Paradis terrestre, que icelle science il monstra puis en terre à ses enfans et successeurs qui vindrent après lui, par especial à Abel, Seth et autres qui descendirent de lui, car la premiere habitacion fut près Jherusalem, entre Hebron et Betheleem (Simon De Phares, Astrol., c.1494-1498, f° 11 v°)

...yssit de la cité et voulut habiter juxte une praerie le lez de l'eaue, loing de toute habitacion (Simon De Phares, Astrol., c.1494-1498, f° 40 v°)

3.Par extension. Construction (où a lieu une rencontre).

...le ponteau Saint-Denys, près Melun. Ouquel furent faites tentes et petits habitacles à chacun bout du pont pour les princes et seigneurs, et au milieu une petite habitacion de rames vers et feuellées, comme pour convenir et parlementer aux dits princes (Chart. J., Chron. Ch. VII, V., t.3, Fragm. hist., p.1436, 218-219)

4.ASTR. (Synonyme de maison)

...Par XII signes et figures Qui sont de diverses natures, Selon leurs habitacïons Adviennent les mutacïons (Le Fèvre, Vieille, trad. De vetula H., a.1376, 361)

II. -[Domaine sexuel ; interférence possible avec abiter, FEW XV-1, 121a, ancien nordique bíta]

Rapport sexuel, copulation.

Sur ceste matiere dient aucuns docteurs que Joseph creoit plus que que une vierge peult mieulx concepvoir sans habitacion d'om[m]e qu'il ne creoit que Mariev eust peu pecher (Vie J.-C. M.B., c.1429-1458, 14)

Le mariage est initié et commencé par espousailles, expressé par le consentement des paroles, ratiffié par les paroles de present et parfait et consommé par copule charnele et habitation. (Sacr. mar., c.1477-1481, 44)

Habitation charnelle

Je te fais la segnifiance De Marie la jouvencelle, Joseph, que tu ne touches a elle Par charnelle habitacon (Gréban, Pass. J., c.1450, 52)

JOSEPH. Onc en ma vie n'euz avec elle Quelque habitation charnelle. (Myst. Viel test. R., t.1, c.1450, 340)

Car il fault avant que affinité soit contraite qu'il y aist habitation charnele. (Sacr. mar., c.1477-1481, 76)

...il n'est riens de pire en tel cas ne pareillement en toutes maladies de nerfs que habitation charnelle avecques femmes (Prevost, Cir. Guill. Salicet, 1492, II, 24)

Avoir habitation (charnelle) à. Avoir une relation sexuelle avec.

...s'il n'y avoit el pour li de mesproison C'a ung chien a eüt plaine habitacïon, De quoy elle ot .VII. kiens par la conjunctïon Se doit elle morir se vous faites raison (Chev. cygne P., c.1356, 59)

...luy estant en l'aage de XIII. à XIIII. ans, lors simple et ignorant, ung jour aux champs en gardant les bestes de Jehan Mathorry, son père, fut tempté par l'ennemy et enorté d'avoir habitacion charnelle à une jument appartenant à son dit père, et de fait se mit à l'essay et monta sur la dicte jument, en entencion d'acomplir le cas dessus dit (Doc. Poitou G., t.9, 1456, 424)

...icellui comte d'Erminacq avoit eu habitacion charnelle aveuc une sienne soeur germaine (Escouchy, Chron. B., t.2, a.1465, 290)

III. -Coutume, système de gouvernement.

Elle est grande [la pesanteur de tes pays] en nature de la situation où ils sont. Elle est grande en la nature de l'habitaion qui y est. Elle est grande en la qualité et condition des habitans... (Chastell., Avert. duc Ch. K., 1467, 306)