GUERROYER

verbe

[T-L : guerroiier2 ; GDC : guerreier ; DEAF, G 1575) : guerreguerroier ; AND : guerreier2 ; DECT : guerroiier2 ; FEW (XVII, 568a) : *werra ; TLF (IX, 579a) : guerroyer]

A. -[Domaine militaire]

1.Emploi intransitif. Faire la guerre, lutter.

La gent estoit de simple affaire, Mol, niche, humble et debonnaire ; A guerrier n'avoient aprins (Renart contref. R.L., t.1, 1328-1342, 86)

Toute jour werient et werient Et l'un l'autre souvent deffient. (Propr. choses Rosarius Z.S., c.1330, 164)

Pou avoit gent pour guerroier Encontre le duc de Sezile (Tomb. Chartr. Trois contes S., c.1337-1339, 81)

...car nul ne devroit eslire guerroier ou bataillier pour la grace de bataillier ne faire preparacions ne querir occasions de guerres finablement pour guerroier. (Oresme, E.A., c.1370, 521)

Il vuelt que ses gens gardent le pays qu'il a conquis et, quant ilz seront tout mort, qui le gardera ? Il ne montre pas qu'il saiche guerroier. Quant il a veu que nulz ne nous venoit au devant pour bataille, que ne s'est-il retrais si à point (Froiss., Chron. M., XIV, c.1375-1400, 99)

Et ne savoient encores li Englois la ou li Escoçois estoient. Et disoient li auqun : 'Il sont retrait en lor pais : il ont usage que il guerrient en courant ; et qant il ont fait celle course, et il sentent que gens viennent sus euls a pooir, il se retraient.' (Froiss., Chron. D., p.1400, 125)

'Sire, vous n'avés que faire de gerriier pour ce d'Artevelle. Vous avés gerre assés aillours...' (Froiss., Chron. D., p.1400, 641)

Si leur dist qu'il veult guerroier Contre Dieu (Chr. Piz., M.F., II, 1400-1403, 147)

A guerroyer suis tousjourts prest (Taillev., Moral. D., 1435, 89)

Il est bon, jeune, guerroyer [l. jeune a guerroyer] , Tresdiligent et coraigeux, Et a bataillier oultraigeux, Moult prudent et de beau maintien. (Myst. st Adr. P., c.1450-1485, 56)

Mais pour ce que je guerroye en une nave seulement et en peu de gens, je suis appellé larron, pirate et coursaire de mer. (La Sale, Sale D., 1451, 86)

2.Emploi transitif. Guerroyer qqn/à qqn/guerroyer un pays

a)Guerroyer qqn. Combattre qqn, faire la guerre à qqn.

Et si li dis dux volsist weryer ou greveir, werriast ou grevast l'un ou pluseurs de nous, nous devons et avons en convent d'aidier et conforter li uns l'autre. (Arch. Nord, 1333, B 1571, f° 41, IGLF)

...on ne puet, sans bien espier, Ses anemis bien guerrier. (Mach., C. ami, 1357, 118)

...le prince de Galles guerria le roy Henry et il ramena le roy Dan Pietre et remist par puissance en Castille. (Froiss., Chron. M., XIV, c.1375-1400, 11)

Enfans du roy de France sommes, Qui si orgueilleux devenismes Qu'a tort guerroier le voulsismes Et jetter de son regne hors (Mir. ste Bauth., c.1376, 163)

... je vueil bien que vous sachiez que je ne suiz mie venus par de ca pour guerroier dames ne damoiselles, Dieux m'en gart. Et soiez toute seure que a vous ne a voz gens ne a vostre forteresse, je ne souffreray rien a meffaire ou cas que vostre mary n'y soit. (Arras, c.1392-1393, 209)

...messires Wauflars de la Crois (...) s'estoit tenus a Ippre toute la saison avoecques les Englois pour herriier et guerriier les bourgois de la ville de Lille, car il avoit la guerre et la haine a euls (Froiss., Chron. D., p.1400, 371)

Car, par mer, vouldra guerroyer Ses ennemis (Chr. Piz., M.F., II, 1400-1403, 249)

Car garroier voulons l'ampire Et les faulx Romains d'Ytalie, Qui, par leur faulce tirannie, Nous ont pourter sy grant dommaige. (Myst. st Adr. P., c.1450-1485, 14)

...envoya Agrippus qui guerroit Cirydonus grant ayde de ses gens (La Sale, Sale D., 1451, 110)

...et après son trespas demoura deux filz, dont l'un par ainsnéesse succeda à la couronne et à l'autre fut baillé pour son appanage la duchié de Normendie, que depuis ledit roy de France volt ravoir, et en print guerre contre son frere et ceulx de ladicte duchié, qui la tindrent bonne, et oultre pour leurdit duc guerrierent tellement ledit roy de France que par leur puissance d'armes ilz mirent en exil ledit roy de France et firent leurdit duc roy. (Roye, Chron. scand., I, 1460-1483, 147)

...voyant qu'il ne vouloit croire de plusieurs choses Munyo Rufo, son astrologien et grant conseiller, ne aussi ses capitaines, et que ainsi vouloit guerroyer les Grecs qui avoient de leur costé de souverains astrologiens, cestui Marachus ayma mieulx aider aux Grecz, qui estoient petit nombre, que estre du costé Xerxes, et le dist franchement à Xerxes (Simon De Phares, Astrol., c.1494-1498, f° 46 v°)

Cestui surnomé de Saint Branchier fut expert en la partie des ellections de astrologie pour bailler et eslire jours propres à guerroyer son ennemy ou à differer (Simon De Phares, Astrol., c.1494-1498, f° 142 r°)

Et soyés aussy seur que de la mort que, se vous voulés longuement guerroier le roy, il sera à la fin trouvé par tout le monde que vous avés abusé du mestier de la guerre. (Le Clerc, Interp. Roye, c.1502, 263)

Au passif.

...à tout le moins en serront-ilz guerroiet s'ilz ne vueillent venir amiablement traittier. (Froiss., Chron. M., XIV, c.1375-1400, 137)

b)Guerroyer à qqn

Guerroier me fauldra au soudant deffaés. (Tristan Nant. S., c.1350, 203)

Au daarrain, quant il eut sejourné à endroit, à l'Escluse, par l'espasse de douze jours, il entendi que li rois Alphons d'Espagne guerrioit au roi de Grenate, qui estoit Sarrasins. (Froiss., Chron. L., I, c.1375-1400, 81)

Enfans du roy de France sommes, Qui si orgueilleux devenismes Qu'a tort guerroier le voulsismes Et jetter de son regne hors (Mir. ste Bauth., c.1376, 163)

A ce donc avoit un roy en Hongherie qui (...) les euist trop bien ensonniiés contre les Turs à qui il guerioit (Froiss., Chron. L., VI, c.1375-1400, 184)

Si dit qu'il veult Amazonie Conquerir, et aux Amasones Guerroier, et com par ramposnes Dit qu'il veult aux femmes combatre En leur regne, ou nul n'ose embatre. (Chr. Piz., M.F., II, 1400-1403, 202)

[De deux pers.] Se guerroyer. Se faire la guerre.

Et fu adonc la pais faite de lui et dou conte d'Ermignach, qui un grant temps s'estoit heriiet et guerriiet [Comprendre s'estoient] . (Froiss., Chron. L., VI, c.1375-1400, 82)

c)Guerroyer un pays. Envahir, conquérir (un pays, un espace).

...Alemans (...) sont moult convoiteux et (...) toudis desirent à guerier le noble royaulme de France pour la craisse qu'ilz y prendent (Froiss., Chron. M., XIV, c.1375-1400, 181)

Ancor volt [Cirus] aler gueroiant Les voisines terres prochaines (Chr. Piz., M.F., II, 1400-1403, 201)

Qui fit a Hanibal guerroyer Ytalie, passer les montaignes, souffrir extremes froidures jusques a perdre l'ueil ? Amour de vaine gloire. (Gers., Concept., 1401, 412)

Et Alixandre le vist, luy demanda pourquoy et par quelle occasion il guerroioit la mer. Dyomedès franchement lui respondist et dist : 'Je la guerroye par la samblable cause et occasion que tu guerroyes le monde...' (La Sale, Sale D., 1451, 86)

Guerroyer (une ville fortifiée). Attaquer, bombarder (une ville fortifiée).

..murailles battues, eschelles apprestées pour assailir les créneaux, guerroiés mortellement de traits par dehors (Chastell., Chron. K., t.1, c.1456-1471, 140)

Guerroyer une guerre

Et disent que on tenoit à grant sens d'un signeur, quant il a pluiseurs guerres en un temps, et il en poet l'une atriewer, l'autre apaisier et le tierce guerroiier. (Froiss., Chron. L., III, c.1375-1400, 6)

B. -Par analogie. [D'un animal] Attaquer (d'autres animaux).

Puis, quant il est nuys, Leur parc cloient et apoient Et se loups famis Viennent qui les guerroient, Ilz sont bien remis. (Gréban, Pass. J., c.1450, 66)

[D'une chose concrète] Tourmenter qqn.

Sa nature [de l'argent] est de couler comme l'eau, et espartir de legier comme argent vif. Elle guerroye et deffie celui qui la retient, et se estudie a renouveler maistres, et a soy logier en bourse nouvelle. (Chart., L. Esp., c.1429-1430, 104)

Mais les espines, qui le guerrioient par les gambes, souvent passoient ses chausses de fer jusques a la char si avant que le sang en couroit embas. (Percef. III, R., t.2, c.1450 [c.1340], 23)

C. -Au figuré.

1.Guerroyer qqn

S'en prendre à qqn, harceler qqn, vouloir du mal à qqn.

Amours m'assault et me guerrie Pour mon clerc qui de cy s'en va (Mir. abbeesse, 1340, 66)

Les blez et les vins sont faillis, Dont li pueples est mal baillis ; Si que Dieus d'amont nous guerrie ; Et li papes ne s'en faint mie. (Mach., Voir, 1364, 486)

...de perolles heynouse et de heyne m'ont assailli de toute part, et m'ont wairriet pour niant et senz cause (Psaut. lorr. A., 1365, 114)

Je croy que li ciels me guerrie Et que Fortune a grant envie De moy tollir honneur et vie Pour plaire à ma dame jolie... (Mach., Les lays, 1377, 435)

Fortune bien fort me guerroye, Beau tres doulx Dieu, conforte moy (Pac. Job M., c.1448-1478, 284)

Auquel [à Livius] Fortune guerroya très longuement et par diveres manieres ; mais a tout, par sa très grant intelligence et solicitude, fust vaincqueur et resistant. (La Sale, Sale D., 1451, 31)

...ainsi que souvent advient a ceulx a qui la Fortune guerrye ou veult guerroyer. (La Sale, Sale D., 1451, 70)

Outrager qqn.

Or y a aultres larronceaulx Qui mengent les pires morceaulx [les usuriers] (...). De ceulx ne doit nul avoir cure, Car Dieu guerrient et Nature (Renart contref. R.L., t.2, 1328-1342, 34)

[D'un mal] Faire souffrir qqn.

...les miens Et moy, comme toute garie Du cruel mal qui me guerrie Retournerons a nostre marche (Molinet, Myst. st Quentin C., c.1482, 314)

[Dans la rhét. amoureuse] Faire souffrir, tourmenter (la personne qui aime).

Pour ce mes cuers celeement Languist et amoureusement, Dont je l'aim et ser loyaument Où que je soie. Helas ! et elle me guerroie Et me fait pis que je n'aroie, S'einsi par amours ne l'amoie, Car, par ma foy, Mes desconfors passe ma joie. (Mach., Compl., 1340-1377, 242)

Pour moy le di, qui de ses dars sui trais ; Et si m'a fait de ma dame estrangier Si cruelment que je ne la voy mais Ne que mes maus ne li puis anoncier. Einsi me vuet fine Amour guerrier, Dont moult souvent me fait chetif clamer, Puis qu'en amer ne puis trouver qu'amer. (Mach., L. dames, 1377, 39)

Emploi absolu.

Jamais ne m'iert joie guerredonnée, - Se vous n'estes pour mon guerredon née - Car par vous m'iert la grief guerre donnée Qui me fera morir en guerriant. Se vous n'estes pour mon guerredon née, Dame, mar vi vo dous regart riant. (Mach., Rond., 1377, 571)

[D'une chose abstr.]

Nompourquant, tant com vivray, Vous seray Loyaus, sans penser folour, Et vostre gentil corps gay Serviray Humblement et à s'onnour ; Si que durer ne porroie, Se n'avoie Confort de vostre valour Contre desir qui guerroie Et maistroie Mon cuer et tient en langour. (Mach., Ch. bal., 1377, 603)

Car dous espoir qui me norrit en joie Et qui soustient mon cuer en dous penser Contre desir qui toudis me guerroie Feriés de moy sans cause dessevrer, Si qu'einsi durer Ne vorroie sans li contre desir, S'il avenoit, fors seulement morir. (Mach., L. dames, 1377, 166)

Ne say que je die De ma grief dolour, Car ma maladie Croist de jour en jour ; Desirs me guerrie Et fait maint estour, Mon cuer me renie Pour faire sejour En sa compaingnie Pleinne de douçour. (Mach., Les lays, 1377, 445)

Et desespoir me guerrira, Qui autresfoys m'a guerrié (Garenc., Poésies N., c.1390-14, 80)

...je ne puis estre gary De la doulour qui me guerroye, Se par vous n'est. (Lannoy, WERCHIN, Ball. G.-W., c.1404, 334)

Car, quant Desplaisir me guerroye, Souventesfois, de son povair, Et je vueil reconfort avoir, Esperance vers vous m'envoye, Ma seule, plaisant, doulce joye ! (CH. D'ORLÉANS, Chans. C., c.1415-1440, 213)

Quant en mon lit doy reposer de nuis, Penser m'assault et Desir me guerrie (CH. D'ORLÉANS, Ball. C., c.1415-1457, 29)

Ma Dame, plus que ne savés, Amour si tresfort me guerroye, Qu'a vous me rens (CH. D'ORLÉANS, Ball. C., c.1415-1457, 19)

Car escript m'avez pour m'oster Ennuy qui trop fort me guerroye : 'Mon seul amy, mon bien, ma joye, Cellui que sur tous amer veulx, Je vous pry que soyez joyeux En esperant que brief vous voye.' (CH. D'ORLÉANS, Ball. C., c.1415-1457, 56)

Helas, j'ay usé ma jeunesse En grant lyesse, En doulceur et en toute joye, Et il convient que en ma vieillesse En grant tristesse Vive, quelque part que je soye, Par Envie qui me guerroye Et desvoye Tant que ne scay que devenir. (Régn., F.A., 1432-c.1465, 191)

2.Guerroyer qqc. Mettre à mal qqc..

A vous, Princes nez du lis precïeux, Tresexcellens en toute dignité, Jadis loez, haulx et vittorïeux, Et a present de vostre eur enuieux, Et contre vous mesmes injurïeux, En guerroiant vostre felicité Par faulx debaz et faiz malicïeux Qui tant durent que trop sont ennuieux (Chart., L. Paix, a.1426, 411)

S'en prendre à qqc..

Je soustien leur vie a la sueur et travail de mon corps et ils guerroient la moye par leurs outraiges dont je suys en mendicité. (Chart., Q. inv., 1422, 20)