GUERREDON

substantif masculin et féminin

[T-L : guerredon ; GD : guerredon ; DEAF, G 1579) : guerredon ; AND : guerdun ; DECT : guerredon ; FEW (XVII, 577b) : *wiðarlon ; TLF (IX, 570b) : guerdon]

A. -Récompense, gratification, salaire.

...Si que, quant j'ay les amans pris Et dou mal amoureus espris, Je les doy souvent viseter Et de leurs maus reconforter, Sans plus faire de guerre don, Mais de joie et de guerredon, Quant bien et loiaument me servent : Faire le doy, s'il le desservent. (Mach., D. verg., a.1340, 33)

Après Grace, Pitié revient Qui moult doucement se maintient, Et dit que Cruautez a tort Qui l'amant vuet mettre a la mort, Pour ce qu'il a rouvé le don De la joie, car en pardon Ne doit mie tousjours servir, Et qu'il fait mal de retenir Son guerredon et son salaire ; Et encor dit la debonnaire Que ce seroit trop grans pechiez, S'uns amis si bien entechiez Com cils est morroit par deffaut De la joie qui si tost faut... (Mach., D. verg., a.1340, 44)

Mais aucun pourroit faire question se en quelconques cas un homme devroit eslire selon vertu mourir pour son amy ou pour son paÿs ou autrement, supposé que il n'actendist pour ce autre louier ou remuneracion ou guerredon aprés la mort ou autre vie. (Oresme, E.A.C., c.1370, 480)

Ma damoiselle, dirent ly messaige, les deux damoisiaux de Luseignen se recommandent a vous et vous envoient ce roy, vostre ennemy, prisonnier, pour faire vostre voulenté. Beaulx seigneurs, dist la pucelle, cy affiert grant guerredon, mais je ne sui mie puissans de le guerredonner, Dieux le leur vueille merir par sa saincte grace. (Arras, c.1392-1393, 164)

Et [Geoffroy] lui dist : Mon ami, telles roses fait il bon mettre en son chappel. Le seigneur qui a son hostel garny de tele fleur de chevalerie et de gentillece, amant et craingnant honneur, doit et puet seurement reposer. Sire, dit le nouvel chevalier, je n'ay fait chose dont vous me doyez point de guerredon. Car tout preudomme se doit prendre garde de l'onneur et du prouffit de son maistre ou de son seigneur ; et dont, puis que c'est chose deue, il n'y chiet point de guerredon. (Arras, c.1392-1393, 233)

L'autre dit qu'il a bien servy, Si a grant guerdon desservi (Chr. Piz., M.F., I, 1400-1403, 79)

...chacun, en soy emploiant en mon service, ne pert son temps, mais en actent bon loyer et gardon. (Lettres Ch. VIII, P., t.4, 1495, 192)

...tant les servoit a gré en tous leurs affaires qu'elle estoit digne d'ung grand guerdon en recevoir. (C.n.n., c.1456-1467, 268)

LE COQUIN. Principal, pour Dieu qu'on s'avance De moy donner aulcun gardon. LE PRINCIPAL. Or tien cecy, vela ton don. LE COQUIN. Vous gardonnez en abaissant. LE PELERIN. Et puis moy, qui suis le plus grand, Ne seray je point gardonnay ? LE PRINCIPAL. Cestuy cy te sera donnay, Pense que ne t'oublye pas. LE PELERIN. Par Dieu, mon gardon est bien bas. LE PRINCIPAL. Soffise toy, n'en parlez plus, Aultrement ce seroit abus, Car, selon que tous vous ferez, Gardon plus hault vous porterez Ou plus bas... (Sots gard., a.1488, 113)

Cadeau.

S'aucunes gens par covoitise Preignent louhier et grant servise, Robes, presens et grans guierdons ; C'est une subtiue maistrise (Dupin, Mélanc. L., c.1324-1340, 107)

Les lois tornent en faulse gloses, Faulx articles, faulses raisons. Pour avoir louhier et guierdon Sustiegnent tort en moult de choses. (Dupin, Mélanc. L., c.1324-1340, 110)

Reconnaissance, merci.

...communement le guierdon du peuple est de tuer et assommer ceulx qui mieulx le servent (La Marche, Mém., II, c.1470, 292)

En (nom de) guerdon (de qqc). En récompense (de qqc.).

Un jour vint li dis messires Loeis d'Espagne en l'entente monsigneur Charle de Blois et li demanda un don (...), en guerredon de tous les services que fais li avoit. (Froiss., Chron. L., II, c.1375-1400, 171)

Piètres dou Bos (...) fist une prière et requeste à ceulx de Gand que, en nom de guerredon et de paiement pour les biaux services que ils leur avoit fais dou tamps passé (...) que il li fesissent celle grace que sen corps et sa femme et ses enfans et sen meuble paisiblement il laissassent partir de la ville de Gand. (Froiss., Chron. R., XI, c.1375-1400, 312)

...celui qui avra le pris du tournoy avra aussi en guerdon l'une des pucelles (Percef. III, R., t.1, c.1450 [c.1340], 147)

Sy est raison qu'en la guerdon de sa prousse la fortresse lui soit donnee, veu qu'il l'a conquise. (Percef. III, R., t.1, c.1450 [c.1340], 264)

Et a present je vous serviray, s'il vous plaist, comme chevalier, en guerredon des biens que vous m'avez fait (Percef. III, R., t.2, c.1450 [c.1340], 258)

Proverbe. Selon l'ouvrier vient bon guerdon

Juges (...) N'en laissez endurer besoing Aux povres, car Dieu tout regarde, Qui contre vous sera tesmoing, Sy vous y faillez pres ne loing Pour crainte, faveur, hayne ou don. Selon l'ouvrer vient bon guerdon. (Meschin., Lun. princes M.-G., c.1461-1465, 60)

En guerdon que. En récompense du fait que.

'Si vous pri chierement, en guerredon que je fis onques de servicez au roy vostre père et vous ossi, que vous me donnés congiet que de vous, à me honneur, je me puisse partir et mettre en estat de acomplir mon veu.' (Froiss., Chron. L., V, c.1375-1400, 34)

Donner à qqn guerdon de qqc. Récompenser qqn pour qqc..

'Femme, sauve moi ! Je suis tes sires le conte de Flandres, mais maintenant il me fault repourre et mussier, car mes ennemis me chassent, et dou bien que tu me feras je t'en donrai bon guerdon.' (Froiss., Chron. R., X, c.1375-1400, 231)

Donner qqc. en guerdon

...qui t'ay ce chappel donné En merite et en guerredon Du servise que m'as fait bon (Mir. march. larr., c.1349, 113)

Et, en Droit cyvil, nous avons aussi exemple conment lez terres et lez possessions sont assegnees aux vertuelx, pour eulx et leur lygnie, en guerredon et en remuneracion (Songe verg. S., t.1, 1378, 296)

B. -Contrepartie, compensation.

Et Tarquin le fery au heaume en telle maniere qu'i lui fist voler enmy la place, mais ce ne fut pas sans guerredon, car le preu Lyonnel l'actaint ou comble de l'escu (Percef. IV, R., c.1450 [c.1340], 424)

Sire, dist le bergier (...) il convient que chevalier y laisse en guerredon l'aneau de son doy, comme nous qui sommes bergiers y laissons pour loyer les peaux de nos aigneaux. (Percef. IV, R., c.1450 [c.1340], 1066)

En guerdon de qqc. En échange de qqc..

...pour ce que je ne puis plus icy demourer, je te prie, en guerdon de la courtoisie que je t'ay faitte, que tu dies à Estonné... (Percef. III, R., t.1, c.1450 [c.1340], 92)

Pour le guerdon de qqn. Pour dédommager qqn.

JOSEPH. ... Marie, pour vostre guerdon, D'un bon jour et beau vous salue. (Gréban, Pass. J., c.1450, 60)

Avoir/recevoir guerdon (de qqc.). Avoir la sanction (de qqc.) (récompense ou punition).

...vous en averés ung mauvais guerredon [du mal que vous avez fait] (Tristan Nant. S., c.1350, 498)

Li dis monsigneur Loeis n'osa escondire le commandement del duch son signeur (...) Mais au darrain il en eut povre guerredon. (Froiss., Chron. L., I, c.1375-1400, 151)

'Se je emprendoie le gouvrenement tel que vous dites, et j'en fuisse enfin ochis, j'en aroie petit leuwier et povre guerredon.' (Froiss., Chron. R., X, c.1375-1400, 86)

Si est venus le jour que vous en arrez le guerredon, car qui bien fait, c'est raison qu'il le retreuve. (Froiss., Chron. M., XIV, c.1375-1400, 57)

...mains puisedit ilh en oit son garidon, car par le jugement de Dieu ilh morit a grant tourment (Stavelot, Chron. B., a.1447, 142)

...on gouste en ceste mortelle vie quel louyer ou guerdon on aura en lautre [l. l'autre] des operacions meritoires esquelles on sest [l. s'est] excercite [l. exercité] par deca (Cib., p.1451, 177)

...Et soient sans orgueul, hault triumphans, Obeissans a Dieu, se auront gardon (Molinet, Faictz Dictz D., 1467-1506, 276)

...quiconques rend mal pour bien il en reçoyt juste guerdon. (Macho, Esope R., c.1480, 152)