GRIEVEMENT

adverbe

[T-L : griefgrievement ; GDC : griefment ; DEAF, G 1374) : griefment ; AND : grefment ; FEW (IV, 264b) : gravis ; TLF (IX, 493b) : grièvement]

A. -[À propos d'une chute] Lourdement.

...l'on doit savoir pour certein que c'est fausse fortune sophistique qui ainsi monte affin qu'elle trabuche plus griefment, sicomme dit Claudius. (Oresme, Divin. C., c.1366, 100)

Comment Chiet en voz jours si griefment, Et par voz faiz seulement, Vostre maison mesmement, Qui estoit le parement D'onneur soubz le firmament Et de foy le fondement ? (Chart., L. Paix, a.1426, 416)

B. -[À propos d'un mal, d'une maladie, d'une atteinte physique ou morale] Gravement, grièvement, violemment.

...comme Pierre de Saint Saornin, autrement appellé Claveau, eust denuncié et intimé à la court de seans encontre Moreau Audoyn et Thibaut Panier, escuiers, que il avoient batu sa fame si grefment que elle en estoit aortée d'un enfant dont elle estoit ensainte (Doc. Poitou G., t.1, 1333, 425)

Las ! et c'est ce qui mon cuer teint ; C'est ce qui plus griefment l'ateint ; C'est ce qui tout mon bien esteint, Sans joie ateindre, Pour ce que riens de ma pensée Ne scet ma dame desirée, Seur toute creature amée... (Mach., R. Fort., c.1341, 52)

...Mais sa main n'ostoit a nul fuer De la veinne qui vient dou cuer, Car bien savoit, la bonne et sage, Que dou cuer me venoit la rage Qui si griefment me demenoit, Et que d'ailleurs ne me venoit. (Mach., R. Fort., c.1341, 57)

Helas ! et je ne puis garir, Eins suis en paour de ma vie, Quant ses dous regars signefie Ma mort : c'est quant elle le tourne Ailleurs, dont trop griefment m'atourne. (Mach., D. Lyon, 1342, 161)

On li a dit et raconté C'un yver et pres d'un esté Avez esté griëment malades... (Mach., Voir, 1364, 48)

Li roys en son païs revint, Où si fort malades devint Qu'il jut en son lit moult griefment, Sept semainnes entierement. (Mach., P. Alex., p.1369, 255)

...et lors le dit Jehan Breteau dist à ycellui Jehan que il mentoit et le fery d'un baston qu'il trouva en son chemin, parmi la jambe, non pas en entencion de le vouloir griefment blecer, toutesvoies sanc en yssy (Doc. Poitou G., t.5, 1379, 123)

Ja estoit griefment affoibli (Chr. Piz., M.F., II, 1400-1403, 231)

...maistre Amblart (...) qui moult griefment estoit malade, se fit apporter en la sale du Palaiz devant l'uiz de la Chambre de Parlement (Baye, II, 1411-1417, 82)

...en mourant avez beneureement eschappé les angoisses qui si griefvement nous esperonnent (Droiz Cour. Fr. H., 1460, 07)

[À propos d'une émotion] Douloureusement, fort.

Aussi mettre paine devons A nous l'un l'autre consoler, Sanz nous si griefment doloser (Mir. st Alexis, 1382, 315)

L'ystoire nous raconte que tant attendirent a la porte cilz qui estoient avecques Remondin que de ceulx de la chace, ilz virent apparoir un grant troupel de gens, et, a l'approuchier, ilz entendirent moult de piteuses voix qui griefment se lamentoient, dont ilz furent fort esmerveilliez. (Arras, c.1392-1393, 28)

Et pour tant, ledit duc, très griefment au cuer courroucié de ce qu'il ne povoit faire sa voulenté, crey son conseil. (Monstrelet, Chron. D.-A., t.4, c.1444-1453, 427)

Deux pucelles o elle estoient, Qui pour elle griefent plouroient (Percef. III, R., t.2, c.1450 [c.1340], 355)

Et quant le pouvre Saintré entend de Madame son tres crueulz congié, las ! Ne pensa pas mains que de estre deshonoré, lors se print a tres griefment plorer. (La Sale, J.S., 1456, 9)

Et quant les messaigers eurent presenté leurs lettres, et il les eut veues, moult griefment commence a plourer en contemplant la pitié du Saint Sepulcre de Nostre Jhesucrist ainsy detenu des mescreans. (Bagnyon, Hist. Charlem. K., c.1465-1470, 21)

...Et s'en ala [Pierre] en une cavernes En grand doleur et grand larmes, Et soit griefment deconfortant (Pass. Autun Biard F., 1470-1471, 87)

CENTURION. Quant le faict de Jesus regarde, Sa mort griefvement me desp[l]aist. (Michel, Myst. Pass. J., 1486, 425)

C. -[À propos d'une faute commise] Gravement.

Elas ! que j'ai griefment pechié, Quant j'ay dormy si longuement ! (Mir. ev. arced., c.1341, 112)

Il est voirs qu'einsi l'avez fait, Dont vous avez griefment meffait. (Mach., J. R. Nav., 1349, 172)

En che non faisant ne sont ilz pas seulement inobediens a leurs parens, mais aussi a Dieu, et pechent tres griefment, puis que ilz sont venus aux ans de discretion. (Daudin, De la erudition H., c.1360-1380, 231)

...en moy n'a de santé goute, Ains me sens malade sanz doubte, Amis, griefment. (Mir. emper. Romme, 1369, 256)

...Car mieus vaurroit mort par honnour Que vivre à tele deshonnour ; En ce cas, especialment, Car trop ouvreroit folement Et trop griefment se mefferoit Li homs qui traïson feroit... (Mach., P. Alex., p.1369, 264)

Et donques quiconques de .II. personnes souffisantes eslit ou pourvient a aucune dignité, benefice ou office celui que il scet estre le moins souffisant a ce, soit pour amour ou pour gaaing ou comment que soit autrement, il est injuste et mauvais et pervertist la nature et la proporcionalité de justice distributive et peche griefment ja soit ce que la loy ne die pas que il en puisse estre repris en jugement contencieus (Oresme, E.A.C., c.1370, 315)

Mes il [les legislateurs] ont decliné griefment et grandement as ordenances qui sunt utiles et pour profit et a celles qui sunt oultrageuses en subjuguer leur voisins. (Oresme, Pol. Arist. M., c.1372-1374, 326)

Car ceuls qui ainsis le feroient, Mariez, griefment pecheroient, Et encor puelent ilz pechier, Se l'un d'eulx a autre plus chier Et que homs femme autre convoite Que la sienne, et la sienne voite Autre homme et qu'elle l'aime mieulx Que son mari, si m'ait Dieux. (Desch., M.M., c.1385-1403, 345)

Qui pueult plus griefvement pecher ? (Gréban, Pass. J., c.1450, 262)

[À propos d'une punition, d'un mauvais traitement infligé à qqn] Sévèrement.

Mais riens n'avez dit de Fortune Qui einsi le monde fortune, Qui n'est, n'onques ne fu seüre, Mais quant les siens plus asseüre, Ceaus sont qu'elle plus griefment bat Et qu'en bas de plus haut abat. (Mach., R. Fort., c.1341, 86)

Cis roys ce faus oisel demande Qui avoit contre sa commande Celle aigle d'onneur mise a mort Par langue qui trop griefment mort. Lors la teste dou corps li tire Et le met a mortel martyre : Sa teste, ce sont ses paroles, Nom pas tant seulement frivoles, Mais parlers de detraction... (Mach., D. Aler., a.1349, 361)

La paour de Dieu trop m'esmaie, Que griefment m'ame ne pugnisse Pour les pechiez qu'ay faiz con nice. (Mir. nonne, 1345, 347)

Et se aucun subject avoit feru le prince, il ne convient pas seulement et ne souffist pas que il soit ainsi referu, mais doit estre puni plus griefment. (Oresme, E.A., c.1370, 292)

...desir qui si griefment M'assaut et esprent Qu'en mon dolent Cuer souvent Morte m'esperence truis... (Mach., Les lays, 1377, 353)

...et quicunques fera le contraire encourra l'indignation d'icelle Court, et sera griefment puni. (Baye, I, 1400-1410, 90)

Maintenant viennent tous sotz, sans Delay ne estat demander, Ne procureur pour eulx mander, Car ainsi me plaist estre faict, Ou aultrement de leur forfaict Les fairé griefvement pugnir ; Pensez doncques tous de venir Devant que encourir mon ire. (Roy sotz, c.1450-1500, 212)

...le seigneur, moult courrouchié, le bati tres griefment et despoullié le dechassa de soy (Colart Mans., Dial. créat. R., 1482, 44)

[À propos d'une action quelconque] Gravement, avec des conséquences graves.

Par maintes foiz, encore, L'isle Bachan, au temps de l'ore, Crosla moult merveilleusement : Flammes jaicta, qui si griefment Eschaufferent et mer et terre Que l'en ne pouoit tenir erre, Par la entour les nefz ardoyent Et les poissons tous mors flotoyent. (Chr. Piz., M.F., III, 1400-1403, 261)