GENITURE

substantif féminin

[GD : geniture ; FEW (IV, 102b) : genitura ; TLF (IX, 186b) : géniture]

A. -Conception, naissance.

DIEU. J'acorde qu'elle [Rébecca, femme d'Isaac] portera Deux enfans d'une geniture, Des quelz l'ung beney sera, Car de luy le fruict partira Du rachat de humaine nature. (Myst. Viel test. R., t.2, c.1450, 109)

...je vy par l'autre part Ung corps venir par inundatïon, Qui bien sembloit d'estrange natïon Et descendu de grande geniture. (Saint-gelais, Séj. honn. D., c.1490-1495, 179)

Remarque : Ex. (La racine de nymphea ne deffend et n'empesche pas seulement le ventre mais aussi l'affluence degeniture) du Jard. de santé, c.1500 ds GD IV, 259c.

B. -Descendance, reproduction, génération.

Si disoit que pour fortune nul ne doit oublier sa geniture, et valoit mieulx croistre en bonnes muers que en grans estas. (Legrand, Bonnes meurs B., 1410, 363)

Faulx apostatz, Qui voullez pillier tous estatz, mesmes royalle geniture, Vous estes de faulce nature. (Myst. Viel test. R., t.2, c.1450, 175)

JACOB : (...) Mais pourtant, s'ilz sont filz d'ancelles, Si esse de ma geniture, Et, selon le droit de nature, Comme miens les doys appeller. (Myst. Viel test. R., t.2, c.1450, 260)

Plus grand profict a fait sa geniture Qu'ung million d'or et autant de lances : Sa seulle fille a donné ouverture, Certain moien et vraye fourniture De bonne paix, sans quelque defaillance (Molinet, Faictz Dictz D., 1467-1506, 202)

Car tu portois geniture De tant vive pourtraicture Que Nature N'a chief d'oeuvre plus parfaict. (Molinet, Faictz Dictz D., 1467-1506, 243)

[L'Argent au Fer :] O mauvais et tres pervers, mauditte soit ta geniture quant par toy maulx infiniz sont advenuz et forgiés ou monde, car de toy se forgent et font harnaz, heaulmes, espees, couteaux, dars et glaives a justicier et pugnir les hommes. (Colart Mans., Dial. créat. R., 1482, 120)

Puis leur faisons commandement Qu'i croissent par leur geniture, Tant bestes que oysiaulx proprement, Chascun d'eulx selon leur nature, Et soyent accouppléz par droitture, Deux à deux, pour seurement naistre, Affin qu'il n'y ait forfaicture En gendre privé ne silvestre. (Myst. Pass. Troyes B., a.1482, 28)

Mais la geniture eternelle Est toute autre et d'autre nature Que la creé[e] geniture ; Est trop difficile a comprendre. (Michel, Myst. Pass. J., 1486, 5)

De celluy certes yssira geniture De nostre nom et de nostre nature (Saint-gelais, Enéide VI, B., c.1500, 360)

Fils, enfant.

...sauve au moins et espargne de mort ce jouvencel, le fruit de mon ventre, la geniture et seul unique fils de ton roy, futur vray hoir, si Dieu plaist, du royaume dont tu es suppos (Chastell., Chron. K., t.4, c.1456-1471, 304)

Le mien seigneur et prince redoubté, Floron de lis, roialle geniture, Françoys Villon, que Travail a dompté A coups orbes, a force de batture, Vous supplie par ceste humble escripture Que luy faciez quelque gracïeux prest. (Villon, Poèmes variés R.H., c.1456-1463, 50)

Et le très renommé duc Charles, sa legitime geniture, est le .IIII^e. piller qui ceste maison clarifiie et embellist de très admirables hystoires (Molinet, Chron. D.J., t.1, 1474-1506, 26)

O filz plein de toute exellence, Ma joye, mon bien, ma geniture, Par amour et begnivolence Te adore cy d'entente pure ! (Myst. Pass. Troyes B., a.1482, 215)

O exellente geniture, Pasteur divin, pere clement, Ton vray et humain naissement Annoncerons d'entente pure ! (Myst. Pass. Troyes B., a.1482, 217)

O d'eloquence extreme geniture, Muse Clio, parfaicte en dictature, Qui reparéz foibles entendemens Par tresclers et divins sentemens (Saint-gelais, Séj. honn. D., c.1490-1495, 339)

Filz d'Anchises, divine geniture, Entens et note ceste triste adventure (Saint-gelais, Enéide VI, B., c.1500, 317)

C. -Par métonymie. au pluriel. [pour génitoires]

Remarque : Ex. Prophecies de Merlin, éd. 1498 (Et estoit descouvert [Noé] si qu'on pouvoit veoir appertement sesgenitures) ds GD IV, 259c.

D. -ASTR. Horoscope.

Comestor recite qu'il y avoit ung genitacule ou mathematicien ayant congnoissance des genitures des enfans, appellé Iudas, qui predist le iour et le lieu de la mort d'icellui Antigonus. (Mer des hist., t.2, 1488, f° 56c [BnF/Gallica])