FROIDURE

substantif féminin

[T-L : froidure ; GDC : freidure ; AND : freidure ; DECT : froidure ; FEW (III, 799a) : frigidus ; TLF (VIII, 1287a) : froidure]

A. -Froid, propriété de ce qui est froid. (synonyme froideur)

Desirs li fait maint divers saut ; Sans froidure le fait trembler Et sans chaleur le fait suer ; Souspirer li fait maint souspir... (Mach., D. verg., a.1340, 37)

Si dois estre moult asseür, Quant partout einsi t'asseür. Et la chalour qui en froidure Est couvertie, c'est l'ardure Qui s'est moult longuement couverte En ton cuer. Or est descouverte Et parmi ton corps espandue, Dont a un cop tramble et tressue. (Mach., R. Fort., c.1341, 116)

...de toutes pars s'en fuïrent, Fors seulement une verdiere (...). Lors quant je la vi demourée, Je la pris moult douillettement ; Lors la boutay moult doucement Dedens mon sein un bien petit, Pour reprendre son appetit De joie, car pour la froidure Peüst morir en la verdure. Quant un petit fu revenus Ses povres cuers las et menus, En mon sein prist a fretillier. (Mach., D. Aler., a.1349, 394)

Bien savoit la cause des choses Qui sont ou firmament encloses, Pourquoy li solaus en ardure Se tient, et la lune en froidure, Des estoiles et des planettes Et des douze signes les mettes, Pourquoy Dieus par nature assamble Humeur, sec, froit et chaut ensamble... (Mach., J. R. Nav., 1349, 179)

Es douleurs du ventre, la froidure des membres de dehors est mauvaiz signe. (Saint-gille, A.Y., 1362-1365, 98)

Le ciel ne peut estre alteré ne transmué selon quelcunque qualité active ou passive, si comme sont chaleur, fredure, etc., et ce fu dit ou sixte chapitre du premier. Et pour ce, il n'est chaut ne froit ne sec ne moiste, etc., formeement, mes seulement en vertu et puissance que il a de causer et faire chaleur ou telle qualité es choses materiales de cibas par son mouvement ou autrement, si comme il sera declairé apres. (Oresme, C.M., c.1377, 432)

Ces quatre qualitez sont chaleur et froidure, moisteur et secheresce, dont les deux sont des sages philosophes appellees actives pour la forte vertu et la grant efficace qu'elles ont es euvres de Nature. (Evr. Conty, Harm. sphères H.P.-H., c.1400, 4)

D'ont tout homme, comment qu'il aille, Endure en soy dure bataille, Continuelle et merveilleuse, Et en effect moult périlleuse ; Car Chaleur, je vous asséure, Se combat encontre Froidure, Et Froidure par sa valeur à son povoir vaint la Chaleur (La Haye, P. peste, 1426, 65)

Car, pour sa double qualité Qui sont froidure et siccité, Il [le vinaigre] est contraire à pourreture, Laquele prend engendréure D'une chaleur accidentèle (La Haye, P. peste, 1426, 124)

Par métonymie. Sensation de froid (en partic. précédant un accès de fièvre).

Doleur de chief et mal de trenchoisons, Rage de dens, angoisse de froidure, Fievres tierces, quartes ne menoisons Apostumes, clouz, boces, enfonture Ne mal des yex, qui clarté fait obscure, Tout ce n'est que soulas, à droit jugier, Envers soussi de povre mesnagier. (Mach., App., 1377, 645)

C'est grant doleur que d'estre en maladie, D'avoir les fievres, froidures ou frissons, Rage de dens et mal d'espidemie, Estre batu souvent de gros bastons, Avoir gravelle et mal de trenchoisons, Si n'est il mal tel, à mon jugement, Com le meschief que d'avoir pou d'argent. (Mach., App., 1377, 646)

B. -Atmosphère, saison, période froide, temps froid, froidure.

Et li jours fu attemprez par mesure, Biaus, clers, luisans, nès et purs, sans froidure. La rousée par dessus la verdure Resplendissoit Si clerement que tout m'esbloïssoit, Quant mes regars celle part guenchissoit, Pour le soleil qui dessus reluisoit. (Mach., J. R. Beh., c.1340, 58)

...le sauterel, pour un poy de froidure, quant il la sent, est tantost pasmé et aussi conme mort (Mir. prev., 1352, 231)

...il est nuit et fait mau temps De vent, de nège et de froidure (Mir. mère pape, c.1355, 391)

...Tant est le lieu et fier et fort ; Tant qu'on n'i puet trouver effort De soleil tant comme esté dure, Ne ne crient en yver froidure. (Mach., Voir, 1364, 634)

L'an mil CCCJX. et sexante, Eu temps que froide bise vente, Qui mainte fleur a decopée Par la froidure de s'espée, Et la terre est cointe et mignote, Pour ce qu'elle a sa belle cote, Qui est plus que nulle fleur blanche, Et le gresil est seur la branche, Pour la froidure de l'iver, Que li oisillon et li ver Et mainte autre beste s'enterre, L'une ès maisons, l'autre en la terre... (Mach., P. Alex., p.1369, 247)

Là furent en celle paine et en l'ordure et ou bruec priesque toute la nuit jusque en mi la jambe. Or regardés se li signeur l'avoient d'avantage, li contes de Blois et li autre, qui n'avoient pas apris à souffrir celle froidure et celle malaise. (Froiss., Chron. R., XI, c.1375-1400, 29)

Tout ensement que le monde enlumine Li biaus solaus, quant il rent sa clarté Et que ses rais la froidure decline Et fait venir les biens à meürté, Einsi le haut bien parfait De ma dame veint tout vice et defait : Par tout resplent sa vaillence et habunde... (Mach., L. dames, 1377, 177)

Notez se une povre femme grosse, malade, honteuse, a VI petiz enfans, estoit en la froidure, et n'eust pain pour donner a ses enfans qui criroint a la rage de fain, et une noble et riche dame la veoit, elle seroit trop dure s'elle ne luy donnoit du pain (Gers., Annonc., a.1400, 239)

...par grant froidure De nege (Chr. Piz., M.F., II, 1400-1403, 14)

...et par especial a esté tel froidure et si aspre et si vigent par les IJ lunoisons derrainement passées que nul ne povoit besoigner. (Baye, I, 1400-1410, 215)

Sire, l'ame me soit randue ! Sire, que j'an ay cy grant joie ! Je la tourneray en la roye, Je la mectray ou puis d'enfert, Je la vous lïeray de fert, En gresle, en froidure, en tempeste, Je ly feray trop male feste, Je la tempesteray forment (Pass. Semur D.M., c.1420 [1488], 237)

Et aucunes [jeunes bêtes] scevent nouer Qui en l'eaue les bouteroit, Que un enfant jamès ne feroit, Et endurent chault et froidure Sans usement de vestéure (La Haye, P. peste, 1426, 67)

Ce que je, frère Jean Chartier, chantre de Sainct-Denis en France, chroniqueur de France, certifie avoir veu et esté présent, endurant de grandes froidures, et souffrant beaucoup de vexation, combien que j'estois et soye sallarié et deffrayé pour les despens tant de moy que de mes chevaux, par l'ordonnance et volonté du roy (Chart. J., Chron. Ch. VII, V., t.2, c.1437-1464, 180)

Ha ! vous ne sçavés Comment le drap est encheri ! Trestout le bestail est peri Cest yver par la grant froidure. (Path. D., c.1456-1469, 70)

En ladicte année, l'iver commença tart et ne gela point que ne feust le landemain de Noel, jour Sainct Estienne, et dura jusques au huitiesme febvrier, qui sont six sepmaines, durant lequel temps fist la plus grande et aspre froidure que les anciens eussent jamais veu faire en leurs vies. (Roye, Chron. scand., II, 1460-1483, 104)

Or meurs je les membres tous sains, Et tout en bon point se me semble : Je n'ay mal sinon que je tramble De peur et de malle froidure. (Fr. arch. B., c.1468-1480, 41)

...trouva en Brebant inumerable nombre d'anguilles yssans des paluz pour la froidure et glace vehemente (Simon De Phares, Astrol., c.1494-1498, f° 115 v°)

Basse température.

Si lourdement y mect les mains Qu'en enffer, a chault et froidure, Fault que l'ame misere endure Et le corps des maulx inhumains. (La Vigne, S.M., 1496, 327)

Il fait froidure

Je soushaide que tels gens fussent En païs ou il ne sceüssent Chemin, ne voie, ne sentier ; Si n'eüssent housel entier, Gant, mouffle, mitte, n'esperon, Housse, chapel ne chaperon ; Et si feïst si grant froidure, Comme il doit faire par nature A Noël, pour vëoir la guise ; Et si ventast li vens de bise Taillans, bruians, fort, roide et sec... (Mach., D. Lyon, 1342, 203)

M'amie, je ne treuve prestre Qui ait de venir ici cure Pour le mau temps et la froidure Qui fait. (Mir. mère pape, c.1355, 394)

...et fist aussi bel aoust qu'il fist oncques d'aage de homme vivant, quoy que devant eust fait grant froidure et grant pluie (Journal bourgeois Paris T., 1405-1449, 218)

[Souvent au plur.]

Et se commence li yvers, Glages, neges et grans froidures Qui vous seront a souffrir dures (Mach., Voir, 1364, 612)

...les grandes caleurs que ilz avoient les jours (...) et les froidures soudaines qui en dormant leur venoient de nuit. (Froiss., Chron. M., XIV, c.1375-1400, 93)

...maladie les prist, chaleurs, fievres et froidures qui les menerent jusques à la mort. ! (Froiss., Chron. M., XIV, c.1375-1400, 96)

...il estoit li mois de decembre, li drois cuers d'iver (...) et si estoient li cheval mout afoibli et foullé par les froidures. (Froiss., Chron. R., XI, c.1375-1400, 69)

...et que lesdictes gelées, neges, glaces et froidures se fussent amoderées dès venredi derrain passé pour la nouvelle conjunction lunaire (Baye, I, 1400-1410, 215)

...pour la vendue et delivrance de VI aulnes de drap camelin, mesure de Provins, chascune aulne au pris de six gros viez que madicte dame a fait donner pour Dieu et aumosne aux XVIII freres et religieux estans presentement ou couvent des Cordelliers de Dole, de l'oservance de leur ordre, pour fere et avoir pour chacun d'eulx une robe ou habit contre les froidures de l'iver, afin que iceulx freres soient tenuz et obligiez pour faire prieres et oroisons pour le remede et salut de feu mondit seigneur le duc (Comptes Etat bourg. M.F., t.2, 1419, 496)

...prier Dieu pour la conservacion des fruis de terre, qui estoient très fort diminuez et dommagiez par les froidures et par les pluyes continueles (Fauq., II, 1421-1430, 235)

...ceste année les froidures ont esté longues et aspres, merveilleusement plus que oncques mais. (C.n.n., c.1456-1467, 514)

Cestui predist les signes horribles qui apparurent en ce temps (...) aussi les grandes et intollerables froidures et l'incredible famine (Simon De Phares, Astrol., c.1494-1498, f° 96 v°)

Prendre des froidures

Et si leur morurent pluiseur chevalier et escuier des froidures et des povretés qu'il prisent en l'ivier sus le chemin. (Froiss., Chron. R., VIII, c.1375-1400, 171)

C. -Au figuré.

1.Sentiment négatif, rancune.

...le vouloir ouvrer tout et faire de sa teste et présumer de son propre sens devant autrui conseil, luy fit donner des notes en couvertes bouches, et fit engendrer froidures en coeurs de ses subjeyts envers luy (Chastell., Chron. K., t.4, c.1456-1471, 197)

2.La froidure de qqc. Le manque de chaleur de qqc., d'enthousiasme pour qqc..

...aussi homme, avant la naiscence du doulx Jhesus, qui est le pardurable soleil, par la froidure de petite foy et de petite charité (...) estoit tout pasmé et admorti (Mir. prev., 1352, 231)

...les autres [livres] sont qui sont a lire aus sages et fermes de cuer et les doit on oster et mettre loing des simples (...) ; et les autres sont qui endurcissent l'ame et font seulement crue froidure en foy et en bonnes meurs. (Foul., Policrat. B., VII, 1372, 353)

3.Ce qui laisse froid, mauvaise affaire.

PATHELIN. Ce bergier ne peult nullement Respondre au[x] fais que l'en propose S'il n'a du conseil, et il n'ose Ou il ne scet en demander. S'i vous plaisoit moy commander Que je fusse a luy, je y seroye. LE JUGE. Avecques luy ? Je cuideroye Que ce fust trestoute froidure : C'est Peu d'aquest. ['A mon avis, ce serait une piètre affaire : c'est Jean-sans-le-sou' (Éd.)] (Path. D., c.1456-1469, 170)