FIER

verbe

[T-L : fïer ; GD : fier1 ; GDC : fier1 ; AND : fier2 ; DECT : fïer ; FEW (III, 498a) : *fidare ; TLF (VIII, 845b) : fier1]

A. -Se fier à qqn. Avoir confiance en qqn, faire confiance à qqn, s'en remettre à qqn.

...Si estoit Amours honnourez Et de mains frans cuers aourez, Servis, loës, regraciés Et cent mille fois merciés, Car chascuns le glorefioit Qui bons yere et qui s'i fioit. (Mach., D. Lyon, 1342, 219)

...et pour ce pensa qu'il le diroit a messire Pierre de Pruilly, auquel moult se fioit (La Sale, J.S., 1456, 138)

...il se fya bien de tant a la religieuse que de bouche luy diroit. [Un médecin établit son ordonnance] (C.n.n., c.1456-1467, 139)

O mes bons angelz glorïeux, Gardés moy. A vous je me fie. (Pass. Auv., 1477, 113)

Se fier de qqn

Sus ceste raison m'affiay, Dont tant bien d'Amours me fiay Qu'en li pris certeinne esperence, Que bien porroit de sa puissance Faire tant pour moy que j'aroie L'oisel que tant bien desiroie. (Mach., D. Aler., a.1349, 319)

Itier, je me fie de toy : Cy entour en aucune ville Yrez entre toy et Amille Secretement vous herbergier... (Mir. Amis, c.1365, 33)

En secré vueil parler a vous. De vous me fi, mon ami doulx, Et si vous aime, par ma foy (Mir. fille roy, c.1379, 47)

Et puis que ainsin est que de nulle de nous tant ne vous estes voulu fier, au moins dictes le a Jehan de Soussy (La Sale, J.S., 1456, 62)

...lequel soy fiant mieux du duc que celui du Maine... (Chastell., Chron. K., t.3, c.1456-1471, 344)

Se fier en qqn

Car il m'est vis, se par Fortune sui Jus dou degré ou jadis montez fui Par li en qui je ne me fi, n'apui, A dire voir, Que nul mal gré ne li en doy savoir, Car elle fist dou faire son devoir, N'elle ne doit autre mestier avoir Fors de traïr... (Mach., J. R. Beh., c.1340, 84)

Si m'en devez Donner conseil au mieus que vous poez ; Car chascuns est mes drus et mes privez, Et moult me fi en vous, bien le savez. (Mach., J. R. Beh., c.1340, 119)

Joseph sire, cuer qui se fie En Dieu ne peut estre periz (Mir. nat. N.S.J.C., c.1343, 208)

Si qu'amis, sans riens controuver, Par exemples te vueil prouver, Qui sont contenu en la Bible Et qui sont a nous impossible, Qu'adés cils qui en Dieu se fie, S'il a raison de sa partie Et s'il l'aimme, sert et honneure, Adés son fait vient au desseure. (Mach., C. ami, 1357, 3)

...l'emperiére de Romme M'envoia l'autrier un sien homme ; Bien croy qu'en li moult se fia, Quant de par li me deffia. (Mir. Oton, c.1370, 328)

...lui qui estoit ancien, et menestrel en qui chascun se devoit fier et tenir seur en faisant ses esbatemens (Reg. crim. Chât., II, 1389-1392, 525)

...je me fie tant en Dieu et en vous que j'en actendroye l'adventure que Dieu nous voldroit donner. (Arras, c.1392-1393, 136)

Et Garnier lui respond : Ma chiere seur, faictes le mieulx que vous pourrez, car, je me fie en vous et vous croiroy du tout en tout. (Arras, c.1392-1393, 206)

C'yert un peuple crueulx et fier, En qui il se voult moult fïer (Chr. Piz., M.F., III, 1400-1403, 245)

...maistre J. Fleury, notaire du Roy, et jadiz serviteur dudit de Bezançon, et ouquel se fioit en sa vie (Baye, I, 1400-1410, 120)

...les choses qui firent noz Romains si tres puissans furent sens, industrie et vray conseil en noz cuers, et assemblees de consaulz, et pour ce, mon ami, je les vous recommande, afin que le conseil de vostre seigneur et de tous autres qui se fieront en vous soit loialment gardé et tenu secret (La Sale, J.S., 1456, 77)

...mon abstinence (...) pieça eust esté faicte se je m'eusse osé fier en aultry qui m'en eust peu donner aide (C.n.n., c.1456-1467, 575)

Du tout en Belzebut se fie ! (Pass. Auv., 1477, 164)

[Avec l'auxil. avoir]

Je m'ay touz jours en vous fié, Si vous pri que ne me failliez Maintenant ; mais me conseilliez Que je feray. (Mir. Oton, c.1370, 323)

Emploi absolu. Avoir confiance.

LA FEMME. Seigneur, cessez tout ce prier, Et envers moy plus n'attendés. De mon costé ne fault fier [Éd. : 'Ce n'est pas à moi qu'il faut donner votre foi' ; ou 'ne vous attendez à rien de ma part' ?] . (Colin loue dép. Dieu T., c.1485, 151)

B. -Se fier à / en qqc. Mettre sa confiance en qqc..

Voirement est il folz, par m'ame, Qui se fie en amour de fame. (Mir. marq. Gaudine, 1350, 144)

Le dous regart et la face polie De la tres bele à qui je sui amis Croire me font qu'elle me soit amie. Mais trop suis fols, rudes et mal apris, S'en dous regart me fie n'en dous ris, Car en son cuer truis et voy le contraire ; Et si n'en puis moy ne mon cuer retraire. (Mach., L. dames, 1377, 188)

Si me fi tant en leur bonté Et en leur debonnaireté Que, s'en mon lay qu'ay ordené Riens mesavient, De ligier sera pardonné... (Mach., Les lays, 1377, 391)

Qui es promesses de Fortune se fie Et es richesses de ses dons s'asseüre, Ou cils qui croit qu'elle soit tant s'amie Que pour li soit en riens ferme ou seüre, Il est trop fols, car elle est non seüre Sans foy, sans loy, sans droit et sans mesure... (Mach., Motés, 1377, 497)

...et puis ceint l'espee où il se fioit moult (Arras, c.1392-1393, 245)

Se fier de qqc.

Et pour ce que elle ne cognoit point vostre compaignon, elle ne se oseroit fier si avant de l'ostel ['avoir confiance au sujet de qqc. ; elle n'a pas une confiance suffisante pour offrir l'hospitalité'] (Percef. III, R., t.2, c.1450 [c.1340], 180)

...le duc (...) se fioit de son propre sens, et de propre teste vouloit ouvrer sans autre (Chastell., Chron. K., t.3, c.1456-1471, 449)

Se fier sur qqc.

...au seul refuge que savoit au monde sur quoy il se fioit (Chastell., Chron. K., t.4, c.1456-1471, 66)

Se fier ailleurs

...les cours du ciel sont telz, On ne se doit ailleurs fier. (Cene dieux, c.1492, 135)

Emploi absolu. Avoir toute confiance.

Je ne vueil pas que vous fïez N'en disant vous glorifïez : 'Abraham avons nostre pere' (Gréban, Pass. J., c.1450, 137)

Fiant. Confiant.

...Vent, ombre et glas, sur quoy fians s'appuient. (Chastell., Temple Boc. B., 1463-1464, 21)

Locution. Fol s'y fie. Voir fou

Si bien [de Fortune] ne sont fors que droite aventure ; Ce n'est qu'uns vens, une fausse estature ; Une joie est qui po vaut et po dure ; C'est fols s'i fie ! Chascun deçoit et nelui ne deffie. (Mach., J. R. Beh., c.1340, 85)

Quant la vois oy si serie, Son nom li pris à demender. 'J'ai non', dist elle, 'fol s'i fie...' (Mach., App., 1377, 648)

Hé ! estache poi seüre S'asseüre Qui tient que sa glose obscure Tous jours dure, Qui ore est, or est perie. [Fortune] Or amie, or ennemie, Folz s'i fie. (Mach., Les lays, 1377, 477)

C'est un proverbe qui s'appelle fol si fie, et puet estre dit per antiphrasim, c'est assavoir par le contraire. (Mézières, Songe vieil pèl. C., t.2, c.1386-1389, 362)

Remarque : Dans la version en prose de l'Ovide moralisé (Livre V, v. 2392-2393), cette loc. renvoie non pas à Fortune mais au Monde (Li mondes a nom 'Fol s'i fie' : Plus se trahist qui plus s'i fie).

Et s'y fie qui voudra

...et le lendemain ilz firent escarteler lesdiz autres barons devant ladicte tour de Londres, nonobstant lesdictes promesses ainsi à eulx faictes. Et s'i fye qui vouldra ! (Roye, Chron. scand., I, 1460-1483, 9)

C. -[Le compl. est une prop. ou un contenu prop.]

1.Se fier (de) + inf.

a)Estimer avec confiance que.

...encore me fieray-je de continuer outre ce que j'en ay en coeur (Chastell., Chron. K., t.4, c.1456-1471, 327)

...et se pourra aussi bien fier de moy et d'estre entre mes mains, comme je me suis fié de m'estre rendu entre les siennes. (Chastell., Chron. K., t.4, c.1456-1471, 24)

b)Croire possible de.

Et trop plus je trove de celles [des choses] par lesquelles je redoubte de luy desplaire [à Dieu] que de celles quy sont en moy dont je me fie de luy complaire. (Crap., Cur Deus, De arrha B.H., c.1450-1460, 288)

Adieu, ma plaisance jolie ; Plus ne me fie En ce monde vous embrasser. (Pass. Auv., 1477, 199)

2.S'en fier. Avoir confiance, être sûr.

Veez cy bon temps pour soy baigner Et pour mener joyeuse vie ! Je m'en fie, Quelqun me viendra appeller Pour y aler. (Pass. Auv., 1477, 134)

S'en fier que. Être sûr que.

De Dieu estes le grant amy. Je m'en fy Que par vous nous serons saulvés. (Pass. Auv., 1477, 103)

3.Se fier que + subj. Croire que.

Dont par ce point je cognu bien et vy Et voy qu'Amours pert toute seigneurie, Quant povres homs, pour bien qui soit en li Ne loyauté, est nyce, s'il se fie Qu'il soit amez. Dont ne m'atent je mie, Se n'enrichi, que soie ami clamé ; Car puis qu'argent vaint amour et mestrie, Ja povres homs ne sera bien amé. (Mach., App., 1377, 641)