FERMEMENT

adverbe

[T-L : fermfermement ; GDC : fermement ; AND : fermement1 ; FEW (III, 576b) : firmus ; TLF (VIII, 765b) : fermement]

A. -De manière stable, solide.

A ces mos atacha la manche joliement Par dessus le hëaulme et bien et fermement (Renaut Mont. B.N. V., c.1350-1400, 268)

Et donques a ce que la terre soit en son lieu naturel, il souffist que le centre de sa pesanteur soit le centre du monde - quelconque concavité soit dedens elle fors que elle se tienne fermement ensemble. (Oresme, C.M., c.1377, 168)

Et tantost qu'il fu descenduz, il fu saisi de tous costez et liez fermement. (Arras, c.1392-1393, 204)

...mon devant tient a ceste heure aussi bien et fermement que celui de femme de nostre ville. (C.n.n., c.1456-1467, 42)

[Dans le sommeil] Profondément.

Lors d'une vois douce et serie, Clere, seinne, en tel melodie Commensa son chant dalés mi C'un petitet m'i endormi, Mais ne fu pas si fermement Que n'entendisse proprement Qu'einsi commensa par revel Joliement son chant nouvel... (Mach., R. Fort., c.1341, 71)

Entretant, le duc s'endormi Si fermement qu'il ne sentoit Riens, com cilz, qui yvres estoit. (Chr. Piz., M.F., II, 1400-1403, 225)

Si le contraignit nature qu'elle eust ses droiz, et de fait bien fermement s'endormit (C.n.n., c.1456-1467, 86)

B. -Au figuré.

1.De manière constante, sûre, déterminée, sans faiblir.

Si qu'en doubtance et en cremeur Dedens ma maison m'enfermay Et en ma pensée fermay Fermement que n'en partiroie Jusques a tant que je saroie A quel fin ce porroit venir ; Si lairoie Dieu couvenir. (Mach., J. R. Nav., 1349, 152)

Quant le Caraman vit comment Nos gens se tiennent fermement, Et qu'autrement ne chasseront Ne de là ne se partiront, A son pooir se ralia Et à haute vois s'escria : 'Avant, signeurs ! se bien ferons, Certes nous les desconfirons...' (Mach., P. Alex., p.1369, 166)

Et tiercement est a regarder se il a coustume ferme et estable de telles operacions faire et se il est en ce immobile et les fait fermement et perseveralment, senz ce que il puisse estre tourné ou mué au contraire. (Oresme, E.A., c.1370, 156)

Car celui qui n'est pas vertueus et le vertueus font operacions en choses semblables, fors que celui qui n'est pas vertueus ne les fait pas fermement, perseveraument et delectablement. (Oresme, E.A.C., c.1370, 156)

Et tout pour ce que j'ay toudis en my L'impression de ma dame sans per Qui est empreinte et figurée en my Mon loyal cuer qui l'aimme sans fausser Si fort et si fermement Qu'adès la voy vis à vis proprement ; Ne se peut riens comparer, bien le say, Contre le bien et la joie que j'ay. (Mach., Bal., 1377, 553)

Je croy que nulz fors moy n'a tel nature Qu'il puist amer ce dont il est haïs ; Mais j'aim et vueil ce qui n'a de moy cure Si fermement c'onques mais nulz amis, Tant fust amés, n'ama plus loyaument, Qu'en fait n'en dit n'en penser n'en talent Je n'os voloir onques jour de ma vie Que je fausasse à ma douce anemie. (Mach., L. dames, 1377, 61)

Trop ne me puis de bonne Amour loer Qui m'a donné m'amour et mon desir Et qui m'esprent si fort que desirer Ne porroie n'autre amer ne cherir Fors le bon, le bel, le gay, Que j'aim de cuer et toudis ameray Si fermement, sans muer ne changier, Qu'autre de li jamais avoir ne quier. (Mach., L. dames, 1377, 202)

Si que plus ne vueil plourer, Mais fermement esperer Qu'encor endoy La doleur que je reçoy Verrons finer Et ma grant joie doubler... (Mach., Les lays, 1377, 450)

Pour vivre joliement, Nettement, joieusement Et sans souscy Ne faut qu'espoir de mercy, Tant seulement ; Et je l'ay si fermement Que j'en mercy Amours et ma dame aussi Tres humblement. Je l'ay si tres fermement Et si amoureusement Lonc temps nourri Tout en mi le cuer de my Que vraiement Il me promet bonnement Et sens nul sy Que j'aray le nom d'amy Procheinnement. (Mach., Les lays, 1377, 451)

...requis par ledit mons. le prevost de dire queles paccions, fois, loyaltez, promesses, seurté, accointance et affinité il a aus chevaliers et escuïers par lui offers, et dit et soy fait fort qu'ilz caucionneront et plegeront ycellui Merigot corps pour corps et avoir pour avoir, de tenir fermement et acomplir les offres et promesses par lui faites, contenues et desclairées ès articles cy-dessus escrips (Reg. crim. Chât., II, 1389-1392, 209)

LE QUINT CHEVALIER [au marquis] . (...) Sire, la grant affectïon Et l'amour grant qu'a vous avons, Qui vous et les vostres amons Chascun endroit soy fermement, Nous ont donné le hardement De vous aucune chose dire. (Gris., 1395, 11)

...pour mieulx et plus fermement entretenir ledit traictié de paix, il avoit ordonné de faire assembler les dessus nommés en ladicte Chambre de Parlement (Fauq., II, 1421-1430, 74)

Mais, affin que plus fermement Ses assaulx puisse soubstenir, Des cieulx tresamÿablement Je suis volu vers toy venir. (La Vigne, S.M., 1496, 540)

[Dans une démonstration] Avec rigueur.

Et encore convient il considerer comment il a creance et probacion de ce que il dist et se c'est en maniere humainne et commune ou se il le monstre plus fermement. (Oresme, C.M., c.1377, 408)

Sérieusement.

... [il lui demanda] ...que par amours il se voulsist de tant chargier et travaillier que d'aler en France devers le roy et son conseil (...) pour faire leurs besoingnes plus fermement et autentiquement, car sans eulx ilz n'osoient riens faire, ne lever nulle taille ou pays. (Froiss., Chron. M., XIV, c.1375-1400, 136)

2.[Dans l'ordre épistémique] De manière certaine, indubitable.

Et vraiement, Tant fu belle, que je croy fermement, Se Nature qui tout fait soutilment En voloit faire une aussi proprement, Qu'elle y faurroit Et que jamais assener n'i saroit, Se l'exemple de ceste ci n'avoit Qui de biauté toutes autres passoit. (Mach., J. R. Beh., c.1340, 72)

...Nompourquant je me vos tenir De tous poins a fermement croire Qu'elle disoit parole voire. (Mach., R. Fort., c.1341, 155)

...De toutes fleurs, de toutes plentes Et de quanqu'on puet bon clamer, Soit deça mer, soit dela mer, Y estoient a grant planté. Ne say qui les y ot planté. Pour ce di et croy fermement Qu'en tout le monde entierement N'a lieu, nes paradis terrestre, Qui puist plus biaus ne plus gens estre. (Mach., F. am., c.1361, 192)

Et je tieng et croy fermement Que de ce mal te garira (Mir. st Panth., 1364, 335)

'...Alons en droit à Candelour, Pour conquerre pris et honnour ; Alons, car je tien fermement Que nous l'arons legierement.' Sans plus plaidier ont retournés Et leurs visages et leurs nés. Tant nagierent et tant feïrent Que près de Candelor venirent. (Mach., P. Alex., p.1369, 121)

Item, nous eslison meïsmement les choses que nous savon determineement ou cuidon fermement estre bonnes. (Oresme, E.A., c.1370, 187)

Mais ceste verité n'est pas du tout certainne ne fermement seüre, et par aventure ainsi l'entendoit Solon. (Oresme, E.A.C., c.1370, 137)

Là estoit chevalerie remoustrée et toute apertise d'armes faite ; car crées fermement que toute fleur de chevalerie estoit d'une part et d'autre. (Froiss., Chron. L., V, c.1375-1400, 44)

...Quant souvenirs ne me rent Nul aligement Fors grief torment Qui m'aprent Haïr mes jours et mes nuis, Et je de toy fermement Croy que nullement D'esbatement N'as talent Et qu'an riens ne te deduis. (Mach., Les lays, 1377, 354)

Et tient, croit et scet fermement, elle qui deppose, que par lesdiz sire de Nouvion et Jehannin du Bois, ou l'un d'eulx, elle fu engrossie lors, mais elle ne scet lequel. (Reg. crim. Chât., II, 1389-1392, 125)

... [les matrones jurées] tiennent et croient fermement que, à la derreniere fois que elles virent et regarderent icelle, que ce que elles cuidoient avoir sentu et que elles disoient estre enfant, estoient mauvaises humeurs acumulées ensamble en son corps, par quoy elle estoit ainsi ronde (Reg. crim. Chât., II, 1389-1392, 297)

Et dist l'ystoire et la vraye cronique, que je tien estre veritable, qu'elle [Mélusine] scavoit bien la doulour qui lui approuchoit, et quant de moy je le croy fermement. (Arras, c.1392-1393, 254)

Encor veul et vous commande que fermement vous creez les VIJ sacremens de l'Eglise (La Sale, J.S., 1456, 40)

Combien que je cuide fermement que avez maintenant necte pensée, courage chaste et honeste, toutesfoiz... (C.n.n., c.1456-1467, 562)

Vous elirez celuy que cognoistrez fermement estre sage et prudent (C.n.n., c.1456-1467, 563)

En bonne foy, je croy et tiens fermement que vous avez pour ceste heure tresbon et entier propos (C.n.n., c.1456-1467, 564)

LE DRAPPIER. Je vous prie qu'il ne vous desplaise, Car je cuidoye fermement... (Path. D., c.1456-1469, 114)

LE JUIF. Je croy tres fermement en Dieu, Pere, Filz et Sainct Esperit. (Mir. st Nic. juif, c.1480-1500, 152)