FERMAIL

substantif masculin

[T-L : fermail ; GD : fermail ; AND : fermail ; DECT : fermail ; FEW (III, 570a) : firmare ; TLF (VIII, 763b) : fermail]

A. -Agrafe, fermoir, boucle, bijou servant à fermer.

D'iceulz joyaux aportez de Jennes, pour un fermail d'or à un aigle sur un lyon, à 15 esmeraudes, 3 saphirs, 16 rubiz et 21 perle (Comptes argent. rois Fr. D.-A., I, 1352, 169)

Ilh portoit tout habit de chevalier de piiet et de corps, et del harnas de ses chevaz ; et estoit costables de fermas et de botenires, de pierles et de vraiies pires. (Hemricourt, Miroir Hesb. B.B., 1353-1398, 226)

Ma douce amour, je vous remercie de vos dignes et precieuses reliques, de vostre fermail, de vos paternostres, et de vostre belle balade (Mach., Voir, 1364, 524)

Et jousta li chevaliers au plaisir des signeurs et des dames très bien, et i ot pour le pris un fermail d'or à pières precieuses que madame de Bourgongne prist en sa poitrine. (Froiss., Chron. R., XI, c.1375-1400, 195)

Et quant aux fremaux, jouiaux et aniaulx, dont le roy a ses noces doit estre paré, autres fremaux n'y ot a nostre doulz Espous que les grans plaies de sa flagellacion, remplies de sanc foitié et enflees non tant seulement en sa poitrine, la ou seut les fremaux atachier, mais par tout le corps et les bras et jusques aux beles mains (Mézières, Vertu sacr. mar. W., c.1384-1389, 83)

...un sien breviaire qui bien valoit XX frans et plus, et estoit cloz à bons gros fermaux d'argent esmaillez. (Reg. crim. Chât., I, 1389-1392, 214)

...un compaignon (...) lui bailla le breviaire donc dessus est faite mencion, lequel breviaire lors n'avoit aucuns ays ou fermaux d'argent. (Reg. crim. Chât., I, 1389-1392, 215)

... [il] cogneut avoir baillié à Berart de La Todie, qui est de la garnison de Chalucet, un chapperon de perles où il a IX fermaux d'or à perles et à pierre (Reg. crim. Chât., II, 1389-1392, 212)

...et donna Melusigne a la contesse un si riche fermail d'or que c'estoit sans nombre, et a sa fille un riche chapel de perles a gros saphirs et rubiz, dyamans et autres pierres precieuses, si grant foison que tuit cilz qui le virent s'esmerveillierent de la richesse du fermail et du chappel. (Arras, c.1392-1393, 43)

Aniaulx, affiches et fermaulx Qui garissent de plusieurs maulx, Avoit dame Richece assez Dessus elle a tas amassez. (Chr. Piz., M.F., I, 1400-1403, 65)

...un mordant et trois fermaux pour la sainture de ma dame de Clèves (Comptes Lille L., t.1, 1412, 59)

À lui, pour ung petit dyamant et pour l'or de la façon de asseoir icellui en ung fermail d'or assez grant de tour où a une seraine, où il en failloit ung qui estoit perdu, quatre frans (Comptes Etat bourg. M.F., t.1, 1419, 67)

...en recompensacion d'un fremeil d'or garny d'un balay et d'un psapy quarrez et de cinq grosses pelles rondes (Comptes Etat bourg. M.F., t.2, 1420, 820)

Item, ung fermail d'une chape esmaillié. (Fauq., II, 1421-1430, 117)

...mes il avoit encores de bons joyaulx comme aneaulx et verges et fermailx d'or. (La Cépède, Paris Vienne K., 1432, 251)

Elle fut vestue d'une cotte simple de drap d'or tout blanc, ung mantel de mesmes, fourré d'ermines, et avoit bien longue queue que une contesse d'Angleterre portoit et avoit une atache d'or qui lui tenoit son mantel, ung grox fermeil qui lui tenoit ou meillieu de sa poictrine. (Cleriadus Z., c.1440-1444, 593)

...et estoit sa robbe à petites manches, fourree d'ermines, et estoient toutes couvertes de perles et de riches pierreries et parmy estoit feullage branlant qui bien lui seoit et estoit sainte d'un tissu d'or blanc qui estoit long comme la robbe, ung riche fermeil au long de la sainture (Cleriadus Z., c.1440-1444, 655)

LE ROY. Ce fermal d'or, en bonne estrainne, Te donne pour ta bien venue. (Myst. st Adr. P., c.1450-1485, 41)

À Jehan Nicollas, orfevre dudit seigneur, (...) trante solz à lui ordonnéz estre bailléz, pour dorer les fermaulx du bréviaire que maistre Harman de Vienne, a envoié audit seigneur (Comptes roi René A., t.1, 1453, 241)

Coffret.

JOSEPH (à Marie). Que ne m'adnonças ce mistere Que tu fus eslëue mere Du doulx Crist en la loy promis ? O vouloir de femme bien mis, Constance de cueur affermé, Secret en fin fermal fermé, fermeture fermement faicte (Gréban, Pass. J., c.1450, 60)

O vouloir de vierge bien mis, Constante de cueur affermé, Secret en fin fermal fermé, Fermeture fermement faicte, Forte foy franchement perfecte Pour tous divins secretz celler, Devers elle m'en veuls aler La visiter par bon affaire. (Myst. Pass. Troyes B., a.1482, 183)

B. -[Dans un cont. métaph.] Diadème.

Remarque : V. aussi fermaillet.

[Dans un cont. métaph.]

Vous doncques plusieurs poez interroguer et dire : 'George, quel tiltre doncques ou precieux vestement gardes tu pour ce roy Charles, qui, apréz tant de haulz noms reboutéz par toy, nous tiens les cuers en suspense pour en sçavoir la queue ? Dy nous et impose fin a ces argumens, et nous declaires quel precieux formail tu mettras au front de ce roy...' (Chastell., Chron. IV, D., c.1461-1472, 318)

C. -HÉRALDIQUE Figure stylisée représentant une boucle garnie de son ardillon.

Messires Jehans de Haynau y perdi un chevalier de Hollandes, qui s'appelloit messires Hamans, et s'armoit à une fasse copenée de geules, et à trois fremaus d'azur ou chief de sen escut. (Froiss., Chron. L., I, c.1375-1400, 169)

Il portoit ung fremail et ung escut de France À quatre labiaus d'argent. Par cheste connisanche Connoist-on d'Orlyens les armes, sans doutance. (Geste ducs Bourg. K., c.1410-1419, 418)

Fermaulx sont bailliez et portés en espousailles en demoustrant qu'ilz fichent le coeur en amour de foy de loyaulté et de vraye promesse et de loyalle partye faire de corps et de biens. Et senefie que cellui qui premier les porta en armes estoit homme loyal en mariage et venu sans bastardise veritable de foy et de promesse enuers Dieu et le monde en tous ses fais. (Best. hérald. H.E., c.1435-1450, 504)