FEMMELETTE

substantif féminin

[T-L : femelete1 ; GDC : femmelette ; FEW (III, 449b) : femina ; TLF (VIII, 745a) : femmelette]

A. -Faible femme, femmelette.

Si avint un soir d'aventure Qu'au dehors de nostre villete Vint une bonne femmelette Qui la se tint et arresta Pour ce que la li anuitta (Mir. mère pape, c.1355, 405)

Que demande on ces famelettes ? Elle[s] sont si tresdoucellettes, Si plaisans et si amoureuses, Si amyables, si piteuses, Que riens ne scevent refuser : Si ne les doit on pas ruser, Decevoir, honnir ne trichier, Ains les doit on avoir si chier Com on doit avoir sa main destre. (Mach., Voir, 1364, 302)

O congnoissance pervertie, aveuglee par propre voulanté : qui juges venin angoisseux estre restorement de mort ; doctrine perverse estre salvable exemple ; fiel amer, miel doulcereux ; laidure orrible estre biautey solacieuse ; - de qui une simple fammelette, avec la doctrine de sainte Esglise, puet reprandre ton eureur ! (Chr. Piz., Déb. R. Rose H., 1401-1402, 131-132)

Ha ! qui pourra souffisantment sommer cest honneur ou sexe femenin que les envieux veullent desprisier, considerant que ou cuer d'une petite femmelette de la lignee des payens, Dieux trouvast plus de foy qu'en tous les evesques, les princes, et les prestres et tout le puepple des Juyfs, qui se disoyent estre le digne puepple de Dieu. (Chr. Piz., Cité dames C., c.1404-1407, 662)

Et toy qui es une simple femmellete, qui n'as force, poissance ne auctorité se elle ne t'est donnee d'aultrui, cuides pour tant se tu te vois envelopee aucunement en aises et honneurs, suppediter et surmonter le monde a ton vouloir ? (Chr. Piz., Trois vertus W.H., c.1405, 20)

Il m'est advis que devant moy Deux femmelettes venir voy, Je leur priray qu'elles me tiengnent Compaignie et avec moy viengnent. (Marcadé, Myst. Pass. Arras R., a.1440, 23)

Aussi ces povres famelettes Qui vielles sont et n'ont de quoy, Quant ilz voient ces pucellettes Empruncter elles a requoy, Ilz demandent a Dieu pourquoy Sy tost nacquirent n'a quel droit. Nostre Seigneur se taist tout quoy, Car au tancer il le perdroit. (Villon, Test. R.H., 1461-1462, 52)

L'escuier se party et chercha tant le fils du chevalier, nommé Jehan d'Avennes, qu'il le trouva avoecq les filleresses a la saierie, desquelles il desvuidoit les fusees, et yllec estoit en ung grant tropeau de femmelettes (Jehan d'Avennes F., c.1465-1468, 14)

Et par son orgeul il contempna le bon conseil que luy donnoit Achior et vint assallir les enfans de Israël dont s'ensievy que Dieu, pour ravaler son orgeul, le fist decapiter par la main de une simple femmelette vesve, Judich, et mist son ost et toute son inestimable puissance en dispersion et confusion merveilleuse. (Fillastre, Traité Conseil H., c.1472-1473, 200)

Et donc, qui nous pourra aydier A l'oster [la pierre du tombeau] et a la mouvoir ? Seules ne la pourrions avoir, Qui sommes simples femmelectes ; Et ainsy toutes noz apprestes Auront esté faictes en vain. (Myst. Pass. Troyes B., a.1482, 836)

Faictes seoir les freres premiers Tousjours es places plus honnestes Et puis, entre nous femmelettes, Nous serrons bien tout a nostre aise. (Myst. Pass. Troyes B., a.1482, 998)

Femme de modeste condition.

Il le convint entrer de necessité (...) en l'ostel d'une pouvre femme (...) En ce solier avoit un povre litteron où li povre enfant de la femmelette gisoient. (Froiss., Chron. R., X, c.1375-1400, 231)

Jeune femme.

...ung bon frere prescheur (...) choisit une tresbelle femmelette jeune et en bon point, et mariée assez nouvellement (C.n.n., c.1456-1467, 534)

[Dimin. affectueux]

Le bon mary, consyderant ces choses, avecques les doloreuses ammiracions et piteux regretz de sa femmelette, dit... [Le mari vient de révéler à son épouse qu'il connaît la ruse qu'elle emploie pour le tromper. Ici empl. par dérision] (C.n.n., c.1456-1467, 375)

B. -Représentation d'une femme, en petites dimensions.

...y ot fait LX femmelettes, gettées sur molles de diverses façons et habillemens de pays, richement habillées de robes fourées de gris (Comptes Lille L., t.2, 1468, 329)