FAON

substantif masculin

[T-L : fëon ; GDC : feon ; AND : feun ; DECT : fëon ; FEW (III, 486b) : *feto ; TLF (VIII, 656a) : faon]

A. -Petit d'un animal.

La fable dist que toutes les bestes presenterent de leurs faons pour servir a Jupiter, entre lesquelles la singesse porta son faon qui estoit defforme et lait, dont toutes les bestes se commencherrent a rire (Daudin, De la erudition H., c.1360-1380, 134)

Car il mectent grant painne et par lonc temps a nourrir leurs oyselés ou leurs faons. (Oresme, E.A.C., c.1370, 413)

Encores le corbeau cuide le mieulx chanter, et le singe aussi cuide que ses faons soient les plus beaux de tous autres. (Mézières, Songe vieil pèl. C., t.1, c.1386-1389, 482)

Et sur icelluy hault arbre les espreviers descharnent les coulons ramiers et autres oiseaulx qu'ilz ont prins et laissent cheoir les os a terre, et detrenchent a leur bec et despiecent la chair qu'ilz portent en leur aire a leurs faons qui lors ont le bec trop tendre (Ménagier Paris B.F., c.1392-1394, 146)

Dix bestes, [tant] beux que vaches, avecques leurs faons, frans et quictes en ladicte forest et es deffens qui se puent deffendre des bestes. (Hector De Chartres, Cout. R., 1398-1408, 35)

Atant est ung griffon qui deschent du rocher. (...) Par tel aïr s'asist sur le duc Berengier, (...) Lors l'estraint sur le hanche, qui le vouloit charger, Porter en ses faons lassus en son rocher (Galien D.B., c.1400-1500, 98)

...et vont en grant compaignie ensemble [les éléphants] quant ilz vont es eaues et es forestz et vont fanner en lieux segrés et laissent leurs fans ou lieu ou ilz fannent qu'ilz ne soient prins des dragons et par deulx ans portent leurs fans auant qu'ilz fannent et viuent IIIc. ans comme dit Ysodore. (Best. hérald. H.E., c.1435-1450, 475)

Quant les femmes voient que leurs veaulz ne veulent boire le lait leur mere au doy ne autrement, elles maintiennent que le toreau engendre telz faons sans point d'amour. (Ev. Quen. II, c.1466-1474, 131)

Cestui predist l'orrible pestillence que fut à Romme ou sexe femenin, qui fut si cruelle que les enfans et faons mourroient ès ventres des femmes et des bestes, en maniere que l'on estimoit que icellui sexe fallist. (Simon De Phares, Astrol., c.1494-1498, f° 60 r°)

En particulier. Petit d'un cervidé.

...et porte la biche environ neuf mois come une vache, et [a] aucunne fois deux faons. (Gast. Phébus, Livre chasse T., 1387-1389, 60)

...et la le faon demourera touz jours jusques a tant que elle [la biche] se relieve pour viander. (Gast. Phébus, Livre chasse T., 1387-1389, 65)

Chevrel n'a point de sayson de chascier, car il ne porte point de venayson, maiz on doit laissier a chascier les chevreles, pour les faons qui se perdroient, des que elles sont preins jusques atant que elles ayent faonné et que leurs faons puissent vivre senz elles. (Gast. Phébus, Livre chasse T., 1387-1389, 75)

Et aussi les bisches et faons et jeunes cerfs en la sayson demuerent plus voulentiers es fustoyes et hautes forestz que ne font es fortz pays, et les granz cerfs tout au contraire (Gast. Phébus, Livre chasse T., 1387-1389, 204)

B. -Enfant.

...comme l'une mamelle peut devenir gresle et non l'autre, qui est cause de recevoir plusieurs faons (Saint-gille, Comment. A.Y. L., 1362-1365, 116)