FAMILIEREMENT

adverbe

[T-L : familiairefamiliairement ; GDC : familierement ; DEAF, F 94-95) : familierement ; AND : familierement ; *FEW (III, 408b) : familiaris ; TLF (VIII, 634a) : familièrement]

A. -De façon intime, familière.

Le commenchement de la doctrine est en la lechon, et consommation est en meditation ; lequelle, quant auchun l'a aprins a amer familiarement, elle rend la vie joieuse et donne en tribulation tres grande consolation. (Daudin, De la erudition H., c.1360-1380, 120)

Mais quant l'amistié est dissolue et cessiee vers aucun, a savoir mon [l. l'en] se doit avoir et contenir vers luy en rien plus familiairement que se il n'eüst onques esté amy. (Oresme, E.A., c.1370, 463)

Et est manifeste que .I. homme ne puet pas bien convivre avecques grant multitude familiairement ne soy distribuer entre tant de gens. (Oresme, E.A., c.1370, 489)

...en Nazareth en son habitacion, laquelle est ditte sainte pour la frequentacion des anges qui souvent illec la visitoient [Marie] moult familiérement (Mir. Berthe, c.1373, 156)

LE TIERS BARON [au quint chevalier] . (...) Et tres a certes vous prïons Tant chierement com nous povons, Que pour nous lui [au marquis] vueilliez l'affaire [son mariage] , Si com vous le sarez bien faire, Moustrer familïerement (Gris., 1395, 10)

Le Saint Esperit l'envoyoit pour aprendre et enseignier plus parfaictement les secrez de la benoite Trinité en la Divinité a la sainte Ame, car Devocion y va plus parfondement et plus hardiement et familierement que ne puet faire Raison la saige (Gers., Trin., 1402, 170)

L'autre raison si est pour ce que, posons que subgiéz aient bonne voulenté vers prince et princepce, si n'auroient ilz jamais le hardement d'aler familierement vers eulz se ilz ne les mandoient, ne il n'apertendroit aussi. (Chr. Piz., Trois vertus W.H., c.1405, 71)

Quiconques aprendra familiarement aymer meditacion et souuent y vouldra vaquer elle luy rendra tresioyeuse vie (Cib., p.1451, 180)

...mais chascun jour qu'il fut audit lieu, acompaingna tousjours icellui duc ; et le aloit visiter aussy familiairement comme si ce eust esté son frère ou son filz. (Escouchy, Chron. B., t.2, a.1465, 255)

...et combien qu'il y eust des picques et des parcialitez entre luy et le mareschal de Bourgoingne, touteffois il mist tout arriere doz, et besoingnoit de conseil et d'aide avec ledit mareschal familiarement, et le mareschal avecques luy (La Marche, Mém., III, c.1470, 19)

Toy, homme, qui tu soyes, garde toy donques de tenchier ne de rioter contre lequel tu as famillerement a vivre (Colart Mans., Dial. créat. R., 1482, 123)

...auquel lieu il parla longuement a ma dicte dame, et bien familierement, de toutes les affaires qu'ilz avoient a besongner ensemble (La Vigne, V.N., p.1495, 299)

Sincèrement.

... [Maistre Jehan de Clugny, ambassadeur du duc de Bourgogne au roi de France] nous vous supplions, sire, que vostre plaisir soit deputer aulcuns de messieurs de vostre conseil avec lesquels communiquerons et dirons familiarement la voulenté de monsieur nostre maistre (Chastell., Chron. IV, D., c.1461-1472, 40)

Amicalement, librement.

Lesquelles courtoisies j'ay faittes aux trois chevaliers pour l'amour et l'onneur de toy, parquoy ne te dois esbahir s'aucuneffois je m'esbas plus familierement a toy que a ung autre. (Percef. III, R., t.1, c.1450 [c.1340], 353)

B. -[À propos d'une façon de parler] En termes simples, compréhensibles, familiers à tous.

Et donques la terre et les elemens de cibas qui ont mestier de la chaleur et de l'influence du ciel tout environ doivent estre disposés par leur mouvement a recevoir ce profit deuement, aussi, a parler familiairement, comme la chose qui est rostie ou feu reçoit environ elle la chaleur du feu parce que elle est tournee et non pas parce que le feu soit tourné environ elle. (Oresme, C.M., c.1377, 532)

C. -[Avec une nuance péjorative] Avec complaisance.

Et, quant tu n'empesches ceulz qui veullent nuire, tu sers familiairement a mauvestié et a injustice. (Foul., Policrat., IV, 1372, 82)