FALLACE

substantif féminin

[T-L : fallace ; GDC : fallace ; DEAF, F 84) : fallace ; AND : fallace ; FEW (III, 386a) : fallacia ; TLF (VIII, 624a) : fallace]

A. -Propension à la tromperie, fausseté.

Si ne peut que je ne faille D'emprendre si grant ouvrage Com de descrire l'ombrage Faculté de sa fallace (Chr. Piz., M.F., I, 1400-1403, 8)

Ilz arguent par grant fallace, Car divine provision Ne fait pas spoliation De la contingence ou franchise Qu'elle aroit en noz choses mise. (La Haye, P. peste, 1426, 69)

Garde toy de sa fallace [de Fortune] , car la terrible marastre reverse souvent et subit les plus hault montéz en la fange ! (Molinet, Chron. D.J., t.1, 1474-1506, 101)

LA PREMIERE SOCTE. Au moins s'il vous plaist nous (par)donner, Soctz assoctez de vostre grace, Congié d'entrer, sotz sans fallace, Soctie vous doibt mercier. (Feste roys, c.1475-1500, 307)

Il n'y [en] a ung tout seul qui bien face, Ilz n'entendent qu'a vices et peché, Jeunes enfans sont remplis de falace Et n'apprennent que mal, bien le sachez. (Cene dieux, c.1492, 110)

B. -Comportement trompeur, parole trompeuse, stratagème, ruse.

Ce n'est pas par vertuz humaine Ne par falace d'anemi, Mais par l'aide mon ami Jhesu Crist (Mir. st Ign., 1366, 111)

...Ne ne priserez riens le monde, Mais direz que quanque y habonde N'est que decepte et que falace Et qui l'ame en pechié enlace (Mir. st Alexis, 1382, 306)

'...Mais les lieutenans de ma precieuse forge', dist la Riche Precieuse, 'sont ceulx qui ont en abhominacion toutes fallaces et la logique d'Occan, flacterie et toute palliacion, dissimulacions et equivocacions...' (Mézières, Songe vieil pèl. C., t.2, c.1386-1389, 491)

Fallace, c'est déception sourdant de faulse apparence. (La Haye, P. peste, 1426, 200)

Cy commence le tiers livre qui parle des tresplaisans fallasses ou tromperies (...) que les ystoriographes nommerent en prononciacion greque estrantegemens (La Sale, Salade, c.1442-1444, 23)

LE GAUDISSEUR. Tous ses vins si vindrent en place. LE SOT. Sang bieu, ce n'estoit pas fallace. (Gaud. sot, c.1450, 13)

L'aroit bien le diable deceu Par envye ou quelque fallace. (Myst. Pass. Troyes B., a.1482, 116)

Haro seigneurs le maulvais homme Il ne parlet que par fallaces (Oudin, St Genis M.S., c.1490, 81)

Tous les grans deables en enffer Me porterent, pour ma falace, Entre les bras de Luciffer (La Vigne, S.M., 1496, 429)

C. -Piège.

J'ay advisé de le tempter [Jésus] Par une voie assez exquise. Nous avons une femme prinse Et d'adultoire achoisonnee : Bon est qu'elle lui soit menee Au temple voir qu'il en dira. Subtillement respondera S'il evite ceste falace (Gréban, Pass. J., c.1450, 182)

Donne moy la seure voye, Que je soye Mis hors de celle fallasse, Et me donne tam espace Que j'effaisse Les pechiés dont je suis plains. (Myst. st Bern. Menth. L., c.1450, 35)

Aportés engins et fallaces Et decepvons sans qu'il y pere... (Pipée R., c.1470-1480, 177)

Apparence trompeuse.

...mais il se puet dire a la lectre qu'ilz sont deceuz par une fallace equivoque, c'est assavoir par apparence et non existence. (Mézières, Songe vieil pèl. C., t.1, c.1386-1389, 587)