FACONDE

substantif féminin

[T-L : faconde ; GDC : faconde ; DEAF, F 24) : faconde ; AND : facunde ; DECT : faconde ; FEW (III, 364a) : facundia ; TLF (VIII, 568b) : faconde]

A. -Aisance de parole, facilité d'élocution, éloquence, faconde.

Ne quier veoir Vregille ne Platon, Ne par quel art eurent si grant faconde (Froiss., Ball. B., c.1362-1377, 12)

Ne quier veoir la biauté d'Absalon Ne d'Ulixès le sens et la faconde, Ne esprouver la force de Sanson, Ne regarder que Dalila le tonde, Ne cure n'ay par nul tour Des yeux Argus ne de joie gringnour, Car pour plaisance et sanz ayde d'ame Je voy assez, puis que je voy ma dame. (Mach., Bal., 1377, 560)

En toy l'ancien lygnage de la ligne et de la nobleté royal ne forligne ne ne perit, mez soy enracine plus grandement et resplendit plus clerement et flourit plus joyeusement, en tant que nul n'est en consueil plus clervoïent ne qui tant habunde en tres belle et gracieuse facunde (Songe verg. S., t.1, 1378, 6)

...et est de ces deux ainsis comme un mariage en conjunction de science, par les chans qui sont plus anobliz et mieulx seans par la parole et faconde des diz qu'elle ne seroit seule de soy (Desch., Art dictier R., 1392, 271)

Yconomique est la seconde, Qui apprent par belle faconde A noz mesgnees gouverner Et a noz enfens doctriner (Chr. Piz., M.F., II, 1400-1403, 123)

...messire Buriau de la Riviere, lequel autressi estoit sage, prudent, beau parlier, homme de belle faconde (Chr. Piz., Faits meurs Ch. V, S., I, 1404, 101)

...ung appellé Flactianus, homme de grant science et de tresnoble faconde (La Sale, Salade, c.1442-1444, 128)

Que pleust à Dieu que m'en fust departie Quelque chose de ta plume partie, Car sur tes dis plus qu'en autre me fonde, Magnifiant ta grace et ta faconde, Ton excellent, exquis et joyeux stile Qui n'est de riens plus bas que de Virgile. (Robertet, Oeuvres Z., c.1450-1500, 125)

Demostenes, duquel parle Eusebe, fut en ce temps moult apprecié et repputé souverain philozophe et, entre les disciples de Platon, cestui retint plus de sa facunde et fut moult grant orateur (Simon De Phares, Astrol., c.1494-1498, f° 53 r°)

Estre de grande faconde

Et a ce propos Stacius le poëte en son livre appellé Thebaïdes note comme les bons chevaliers ne sunt pas grans languagiers ne de grande facunde, mes il dient grossement et pleinement leur intention et ce que il conceivent. (Oresme, Pol. Arist. M., c.1372-1374, 216)

B. -Par analogie. Aisance (dans le comportement, dans l'action...).

Et qui plus est, a veoir vostre faconde, N'y a que vous par deça la Gironde De grant valleur, et pour telle vous tien, Femme de bien (Au grey d'amours F.-H., c.1400-1500, 175)

...comme est prince sage, amoderé, de belle faconde en mantien et discrete parleure (Chr. Piz., Paix W., 1412-1413, 106)

Vray Dieu, ou toute grace habonde, Remplit de divine puissance, Par vostre notable faconde Avez crëé lieu de plaisance. (Myst. Pass. Troyes B., a.1482, 29)

LE DUC DE FALAIZE. Je suis joyeulx de son advancement ; Mais regardez son gracïeux deport ! PRINCE D'ANTHIOCHE. Si le dieu Mars le conduyt a bon port, Consideré sa doulceur pure et munde, Et que Mahon luy envoye support, Le nompareil sera de tout le monde. LE DUC. Je vous supplie, regardez sa faconde ! Vistes vous oncques chevalier plus adroit ? (La Vigne, S.M., 1496, 175)

Par extension. Aspect, apparence.

...il en y avoit de bons ouvriers avecques eux, par espécial un cordelier natif et vestu à Valenciennes, nommé Noiroufle, un haut grant homme noir, atout un laid murtrier visage et une felle veue et un grant long nez et portoit rude grosse faconde et semblant espoventable entre tous les autres d'église et de religion (Chastell., Chron. K., t.2, c.1456-1471, 53)

Il estoit fort elegant de corpz et de faconde (Molinet, Chron. D.J., t.1, 1474-1506, 3)

Remarque : Dans les ex. suivants faconde est peut être à rattacher à fecundus avec le sens de 'biens, richesses' :

Es prophetes je treuve mention Expressement d'une noble venue De ton vray Filz qui de la mansion Celestielle en vierge de value Vouldra descendre. O de quans biens pourveue Elle sera et plaine de faconde ! (Myst. Incarn. Nat. L., t.1, c.1454-1474, 300)

Mais quant il est en guerres traveillant, En temps de paix, joyeux, plain de faconde, Sa renommee alors s'en va voulant A tresgrant cours par l'universal monde. (Lyon cor. U., 1467, 47)