FECIAL

substantif masculin

[GDC : fecial ; FEW, Ø lat.fetialis ; TLF (VIII, 711b) : fécial]

A. -Prêtre romain chargé d'accomplir les rites relatifs aux relations avec l'étranger, notamment l'ouverture et la cessation des hostilités, les traités de paix, etc..

Fecial estoit appelés celui prestre qui avoit pooir des aliances et des convenances de par les dieux. (Bers., I, 1, c.1354-1359, 24.4, 39)

Fecials estoit [en ces jours M.] Valerius, liquelz a fait et creé pere patrat du peuple romain un que on appeloit Spurium Fusium et, en lui fesant, il tenoit verveynne de laquele il touchoit la teste et les cheveus de lui. (Bers., I, 1, c.1354-1359, 24.6, 39)

...car certes il n'est point mestier d'avoir pleiges ne ostages la ou la besoingne traite et se celebre par prieres et obsecrations, si comme il est es aliances ou li fecial prient et requierent que celui pueple par lequel il faudra que les loys et couvenances ordonnees ne seront gardees soit ainsi feru par Jupiter comme le fecial fiert et occit le pourcel. (Bers., I, 9, c.1354-1359, 5.3, 9)

Comme li consul fussent allé au parlement aveuques Poncius et li victeur traitast aveuques eulz sur le point d'aliance, il li distrent que ce ne povoit estre et que aliances ne se povoient faire sanz commandement du pueple rommain et sans les fecialz et certainnes cerimonies et sollempnitez a ce establies. (Bers., I, 9, c.1354-1359, 5.1, 8)

Ge conseil donques que nous soions dedé et rendu aus Samniciens nus et liez par les feciaulz et que ainsi nous absolons et deslions le pueple rommain de religion -- se nous de aucune chose l'avions obligié -- affin que il ne soit aucune chose de droit divin ou humain qui puisse obster ou empeeschier que li pueples rommainz ne puisse tout enterinement et derrechief faire pie et juste bataille encontre les Samnites (Bers., I, 9, c.1354-1359, 8.6, 14)

Et qui, dist il, est au jour d'ui si ignorans du droit des feciaulx ? (Bers., I, 9, c.1354-1359, 9.3, 15)

Le fecial estoit le prestre qui racontoit et prenoit les couvenances et qui aussi aucunes fois portoit les deffiances en certain habit et estat que il avoit, c'est assavoir la teste couverte d'un drapel vermeil, une lance en sa main ferree a .i. bout et brulee a l'autre, laquele quant il avoit faittes ses proclamacions aus diex, especialment a Jupiter, du tort que les paÿs voisins leur faisoient, il jetoit sa lance sur la terre des ennemis ; dont l'un des bous de la lance qui estoit brulé signifioit ardoir le païs ennemi et le fer que tout devoit estre mis a l'espee. (Raoul De Presles, Cité de Dieu, 1371-1375, ms. Paris, B.N., fr. 22912, III.14, glose, f° 120c)

B. -En apposition. Prestre/evesque fecial

Le droit, dist Ances, dont les prestrez fecials qui sont institués aus aliances faire tenir et aus choses raviez en temps de treves faire restituer, vint ancienement d' une gent ancien que on disoit les Equitules. (Bers., I, 1, c.1354-1359, 32.5, 55)

Aprés ceci, par l'ordenance du senat le consul M. Atilius ot consultation devers le college des fecials evesquez, savoir mon se il convenoyt que le deffi de l'indiction de la guerre fut renoncee au roy Antioche ['fecials evesquez' trad. lat. fetialis] (Bers., XXXVI.3, c.1354-1359, ms. Paris, B.N.F., nouv. acq. fr. 27401, f° 67c)

Fecial prestre estoyent certayn prestre sollempnel qui estoyent par especial ordené a faire et a fermer les aliances que li peuples romayns faysoit a auchunes terres et cités et par certayns sacrifices. Et si li fecial n'i estoyent et n'i feissient les sollempnités acoustumees envers les diex, celi pact, cele aliance estoyt tenue pour nule. (Bers., glossaire, c.1354-1359, ms. Paris, B.N.F., nouv. acq. fr. 27401, f° 161a)

Il y avoit premierement les roys de chacune partie, il y avoit le prestre fecial de chacune partie et si y avoit le pere patrat de chascune seignourie. (Raoul De Presles, Cité de Dieu, 1371-1375, ms. Paris, B.N., fr. 22912, III.14, glose, f° 120c)