FEAL

adjectif et substantif masculin

[T-L : fëal ; GD : feal1 ; AND : fedeil ; FEW (III, 502b) : fidelis ; TLF (VIII, 709b) : féal]

I. -Adjectif. [D'une pers.] À qui on peut se fier, loyal, fidèle.

'Au fort, mieulz vaurroit que il demorast dus de Bretagne, afin que il le volsist recognoistre de vous et vous en fesist toutes droitures, ensi que uns sires feaulz doit faire à son signeur, que la cose fust en plus grant peril ne variement.' (Froiss., Chron. L., VI, c.1375-1400, 178)

...et leur vint en ymaginacion que ce seroit bon que ils envoyast devant ung certain et feal homme des leurs en la marche de Londres (Froiss., Chron. M., XIV, c.1375-1400, 52)

Touzjours vous ay trouvé loyal : Je vous pri conme ami feal Qu'en la chambre ennuit vous boutez De ma fille... (Mir. fille roy, c.1379, 90)

Lui Prince ad bien aperceu Qe le roi Petro ne fu Pas si foiaux come il quidoit. (Héraut Chandos, Vie Prince Noir T., c.1385, 150)

...et presens le prevost de Saint-Quentin, et le clerc sermenté et homme feal du roy nostre sire en ladite ville (Reg. crim. Chât., I, 1389-1392, 381)

...par devant monseigneur de Montguy, chevalier ; Raoul Payen, Jehan de Le Barre et Jehan d'Estrées, hommes feaux du roy nostre sire, juganz en sa court à Saint-Quentin, ad ce appellées (Reg. crim. Chât., I, 1389-1392, 386)

Et pour ce a vous mon Seigneur Souverain me retray (...), car maintenant je suis trop eslongié de mes feaulx amis. (Percef. IV, R., c.1450 [c.1340], 496)

Helas, desleaux Juïfz infeaulx, - remplis d'envie malicieuse, Vous n'estes leaulx, Ne bons ne feaulx, - d'avoir fait chose si onteuse ! (Pass. Auv., 1477, 210)

Il s'en alla voir le merveilleux siege, Avec plusieurs de ses fëaulx amis (La Vigne, V.N., p.1495, 244)

[Dans des formules consacrées, en partic. d'adresse]

Nous, Loys, conte de Flandres, de Nevers et de Rethest, faisons savoir a tous que nostre très chier et foyal chanchelier, monseigneur Guillaume d'Auxonne, estant en nostre presence, de sa plaine volenté et de certaine science, donna et ottroia perpetuelment par donation (Trés. Reth. L., t.4, 1334, 195)

...nostre très chier et feal l'abbet de Clugni (Froiss., Chron. L., VI, c.1375-1400, 36)

LE MARQUIS. Mes feaulz subgez et amis, La pitié que je ay de vous Et la bonne amour qu'ai a tous (Gris., 1395, 16)

LE SECRETAIRE en lisant. (...) Je, de Saluce le marquis, Leur feal freres et amis, Salus mande et dilectïon. (Gris., 1395, 23)

...Charles, par la grace de Dieu Roy de France, à nostre amé et feal Chancellier, et à noz amez et feaulx conseillers, les presidens et autres gens de nostre Parlement, ycelui non seant, et qui tendront noz Parlemens avenir, salut et dilection. (Baye, II, 1411-1417, 155)

Et se chose voulez que nous puissons, de tresbon cuer l'acomplirons, ainsin que vous dira nostre feal secretaire Julien de Broy, auquel sur ce veulliez adjouster foy comme a nous mesmes. (La Sale, J.S., 1456, 258)

'A nostre très amé, chier et feal cousin le conte de Dampmartin, grant maistre d'ostel de France.' (Le Clerc, Interp. Roye, c.1502, 210)

Et par ce present escript declairons et nommons executeurs de cestuy nostre present testament et derniere volunté, c'est assavoir Reverend Pere en Dieu nostre bien aymé et feal conseiller Artus de Montauban, archevesque de Bordeaulx ; Rolant le Coisic, nostre confesseur ; Jehan Meschineau, premier chappellain de nostre chappelle, docteur en theologie (Le Clerc, Interp. Roye, c.1502, 284)

Feal à qqn

Ilz ont du commun bon regnon Et sont sages, bonnes, loyaux Pour estre a leur seigneur fëaulx. (La Buigne, Rom. deduis B., 1359-1377, 133)

Trettiés se porta que il se mist, et toute sa terre, en l'obeisance dou roi d'Engleterre, et jura a demorer homs et feauls au dit roi. (Froiss., Chron. D., p.1400, 624)

Ceulx que tu saras bons et feaulx à toy, donnes leur cause qu'il perseverent (Chr. Piz., Paix W., 1412-1413, 92)

...de l'ordonnance du duc de Bretaigne pour dire et advertir le roy que plusieurs cappitaines et chefz de guerre de son ordonnance et retenue estoient à lui contraires, pour et afin de mettre dissencion entre le roy et lesdits gens de guerre, et aussi pour accuser aucunes notables personnes de Paris de non estre à lui feaulx (Roye, Chron. scand., I, 1460-1483, 78)

Feal de qqn. Proche de qqn.

...sy devint depuis en l'ostel si feal de son maistre que c'estoit tout son conseil. (Percef. IV, R., c.1450 [c.1340], 491)

[D'une chose] Loyal, sincère.

...Honnorer le doys et servir [Dieu] En bonne crainte filïale Et puis, de volunté fealle, Desirer le bien a ton proesme (Michel, Myst. Pass. J., 1486, 14)

...je convye Tous seigneurs qui auront envye De lui porter honneur feal [à Hérode] . Demain en son palays real, Se fera le grant apareil. (Michel, Myst. Pass. J., 1486, 97)

II. -Substantif masculin.

A. -Celui à qui on peut se fier, qui est fidèle, à qui on fait confiance.

Mais Ynocent (...) Par la voiz de touz les feaux Qui l'eglise ont a gouverner (...) A miex desservi a avoir Le siége (Mir. st Guill., c.1347, 9)

Et cueilla gens et manda tous ses subgès et ses feaulz et priia ses amis, et eut environ soixante hommes d'armes et otant d'arciers de se delivrance. (Froiss., Chron. L., VII, c.1375-1400, 139)

...nous avons ordonné à tous noz hommes et féaulz (Ch. VI, D., t.1, 1422, 412)

Et je, lidiz Symon Bulland, dudit lieu de Lons le Salnier, clerc, de l'auctorité imperial notaire publique et jurez de ladicte court mon seigneur l'official de ladicte court de Besençon, designé comme dessus auxdiz testament nuncuppatiz, darriere volentez et ordonnance nuncuppative ensin per ledit mes sire Pierre testateur fait et ordonné, faictes et ordonnees per la forme et maniere que dessus est escripz et devisez, avec les tesmoings dessoubz nommez et escripz ay estez present et icelle ordonnance ou cellui testament de la voluntez dudit mes sire Pierre testateur et a sa requeste ay reçeuz en note et après mis et escript ou fait mettre et escripre par ung miens feal en ceste forme publique. (Test. Besanç. R., t.2, 1435, 75)

Et à ces fins furent escriptes lettres expresses de par le roy et de son propre mouvement, adressans à la court de Parlement, contenant ce qui s'ensuyt : 'Noz amés et feaulx, nous avons octroyé à nostre cher et amé cousin le conte de Dampmartin, grant maistre d'ostel de France, noz lettres patentes à vous adressans, touchant l'arrest donné contre luy....' (Le Clerc, Interp. Roye, c.1502, 206)

B. -Vassal ou sujet.

L'en tient en Bourgoingne que, se aucune chose est du fief d'aucun seigneur, se debat est entre les feaulx de la chose qui est du fief, se la main du souverain y est assise et la chose pour debat des feaulx, se le seigneur du fief quiert que la main du souverain en soit ostée de la chose qui est de son fief et que le debat demeure en sa main comme souveraine pour en faire droit sur debat des feaulx, la main du souverain doit estre ostée et mise la main du seigneur du fief. (Cout. bourg. glosé P.M., c.1380-1400, 201-202)

Tertio, a signifié les mandemens que a fait de touz ses parens, feaulz, subgiez et aliez pour venir resister à l'entreprinse des ancians ennemis de ce royaume. (Fauq., I, 1417-1420, 258)

...toutes les foiz qu'il plaira au duc mander ses féaulx et subjectz pour ses guerres (Lefèvre St-rémy, Chron. M., t.2, c.1462-1468, 353)

C. -Croyant, fidèle (d'une religion donnée).

Laquelle question les infeaulx souvent opposent a nous en gabant et derisant nostre simplesse crestienne, car mains feaulx et infeaulx en leur cuers doubtent par quelles raisons ou neccessitez Dieu ait prins char humainne - c'est Cur Deus homo -, et par sa mort, comme nous le prouvons, creons et conffessons, au monde si a rendu et restitué vie parfaitte, [ja soit] ce que par aultre personne, comme angelique ou humainne, ou par singuliere voulenté, il puet la redempcion faire, quia omnipotens. (Crap., Cur Deus, De arrha B.H., c.1450-1460, 165)

Choses specialles sont celles qui ne sont pas a tous mais seulement sont concedees en une communité, comment foy catholique, sapience, discipline, et les semblabes qui sont concedees es feaulx catholiques. (Crap., Cur Deus, De arrha B.H., c.1450-1460, 272)