ESSAI

substantif masculin

[T-L : essai ; GDC : essai ; AND : assai ; DECT : essai ; FEW (III, 255b) : exagium ; TLF (VIII, 158b) : essai]

A. -Action par laquelle on s'assure de la qualité de qqc., épreuve pour tester qqc., mise à l'épreuve.

1.[D'un objet quelconque]

Les uns saillent, les aucuns luttent, les autres gectent la pierre ou la barre de fer ou la lance ou la darde. Les aucuns espreuvent leurs braguemars ou leurs pieces ou leurs bacinez de trait, de ject, d'espees, et d'autres pluseurs fors essays. Par mon chief, dist l'escuier, vecy bonne contenance de gens d'armes ; ilz ne sont pas apprentiz de leur mestier. (Arras, c.1392-1393, 178)

À tous essais. Pour quelque épreuve que ce soit.

Je le vous baille [le harnais] a touz essais, N'en doubtez point. (Mir. marq. Gaudine, 1350, 156)

Faire essai de qqc. Mettre qqc. à l'épreuve.

Se ne fussiés mon sire, (...) Vous livrasse mon ghant pour faire à vous assay De vostre corps au mien (God. Bouillon R., t.2, c.1356, 251)

Mettre qqc. à l'essai. Mettre qqc. à l'épreuve.

[Dans un cont. allég.] '...Se doncques, Beau Filz', dist la royne, 'pour ta haulte, indiscrete et jeune voulente, par tes appertisses et exortacions [mss B et C : exercitacions] perilleuses, sans tirer frain, comme tu as acostume, tu mectras a l'assay ceste pierre precieuse [c'est-à-dire ta personne royale] , qui par miracle a este octroyee a la nef francoise, et il te adviegne mal, que respondras tu a Dieu au rendre compte du besant ?' (Mézières, Songe vieil pèl. C., t.2, c.1386-1389, 245)

2.En particulier.

a)À table, épreuve consistant à goûter les mets ou les boissons (tout particulièrement pour prouver qu'ils ne sont pas empoisonnés).

Hannequin, l'orfèvre, pour refondre et refaire le henap de l'essay du Roy (Comptes argent. rois Fr. D.-A., I, 1359-1360, 207)

'Gaston, son filz, avoit d'usaige que il le servoit de tous ses més de la premiere escuelle, et faisoit le premier assay de ses viandes.' (Froiss., Chron. M., XII, c.1375-1400, 84)

Par métonymie. Petit objet d'orfèvrerie (d'où pendent des pierres contre le venin), destiné, par simple attouchement des nourritures solides, à neutraliser le poison.

...un essay d'or, à une chayenne d'or, au bout duquel essay a une fleur de lis (...) et au bout d'embas n'a point de lycorne. (Ch. VI, D., t.2, 1421, 387)

...un essay de licorne d'or (Comptes Lille L., t.2, a.1467, 121)

Par extension. Faire l'essai de qqc. Goûter qqc..

Or ça, j'en vueil [d'une pomme] faire l'essay : De saveur est et de goust bonne. (Mir. Oton, c.1370, 348)

b)Opération qui consiste à apprécier la qualité d'une denrée, d'une marchandise.

Et en oultre la Court a enjoint audit prevost qu'il face diligence de faire faire pain de poix convenable, et qu'il face faire ung essay du blé et grain nouvel que on vend chascun jour. (Fauq., II, 1421-1430, 215)

Faire l'essai du pain. Vérifier que le poids correspond à ce qui est prescrit.

Item, les quatre preud'oumes dessusdits appelleront avec eulx le maire du Pennetier de France, et feront l'essay du pain deux foiz l'an (Mét. corp. Paris L., t.1, 1351, 4)

...certain autre assay de pain eust esté fait a grant diligence (Mét. corp. Paris L., t.1, 1372, 202)

Remarque : 'Pour réglementer la valeur du pain, on faisait, quand les circonstances l'exigeaient, un essai officiel du rendement de la pâte. Le prix restait fixe, mais le poids variait' (Éd.).

Par métonymie. Petite portion de qqc. qui sert à juger du reste.

...la Court avoit par avant mandé certains boulengiers de Provins qui avoient fait IJ essaiz de pain audit Troyes (Baye, I, 1400-1410, 289)

Amulette, pierre, corne ou dent d'animal susceptible de dénoncer la présence du poison dans les aliments.

Item une diapelée [chapelet] de essez D'argent et de petiz boutons. (Doc. 1407. In : F. L. Bruel, Bibl. Éc. Chartes 66, 1905, 222)

c)En monnayage, vérification du titre d'un métal destiné à faire de la monnaie.

De ladicte monnoye et des bes(s)ans fist tous les assaiz, ou chapitre du besant cy dessus declairez, c'est assavoir l'essay du feue, du marteu, du cyment et de toutes les autres choses qui appartiennent a assay. (Mézières, Songe vieil pèl. C., t.1, c.1386-1389, 239)

... [icelui receveur] est alé à Lille devers messeigneurs des comptes, pour avecques eulx et autres officiers de mesdiz seigneurs estre present à la reddicion du premier compte du dessus nommé Buridam, maistre, et veoir faire les assaiz de la monnoye de Flandres (Comptes Etat bourg. M.F., t.3, 1416-1418, 241)

...c'est assavoir, à quans deniers et grains ilz doivent ouvrer, et s'ilz scevent aloyer leur argent et en faire essay, et qu'ilz sachent faire ung chief d'euvre (Fauq., II, 1421-1430, 305)

...ung nommé Guillaume, du seurnom duquel n'est de present recors, et lequel se entremettoit comme lui du fait et science d'arquemie, (...) manda audit suppliant qu'il lui envoyast ou portast six marcs d'argent fin et il lui en rendroit douze, qui seroient de bon argent à tous essays et esperimens. (Doc. Poitou G., t.10, 1462, 395)

...ledit maistre Loys commança à dire audit suppliant que, s'il lui vouloit bailler une chambre garnie de lit, pour besongner, qu'il lui monstreroit à faire de cuivre fin argent à tous essaiz, examens et jugemens quelxconques (Doc. Poitou G., t.10, 1462, 399)

...lequel ledit Grant Jehan fist fondre et paravant que le marcher et mettre en forme, fist l'essay destaing et y fist deux ou trois formes de gros de Bretaigne, et après en fist dudit argent, mais il ne put riens faire et ne valut riens le tout de ladicte monnoye. (Doc. Poitou G., t.12, 1482, 530)

[D'un métal] (Estre) d'essai. (Être) passé par la vérification du titre, (être) de qualité.

...ledit suppliant (...) cuidoit certainement que icellui argent fust bon et d'essay (Doc. Poitou G., t.10, 1462, 397)

[D'une chose quelconque] De qualité.

Radus des Preis Portat blason de grant essay (JEAN D'OUTREM., Geste Liège B.B., t.4, a.1400, v.13957)

d)Opération permettant de contrôler la nature d'un minerai.

...autres sept pièces de plomb pesans sept quintaux et demy que l'en dit avoir esté baillées par mon dit seigneur le procureur général et commissaire audit Jehan Chilin pour faire l'essay de certaine mine à luy baillée pour fondre en baing. (Aff. Jacques Coeur M., 1453-1457, 292)

...laquelle mine, veue et visitée par les dessus diz, ont dit et rapporté qu'il leur semble de prime face que la dicte mine ne vault gaires et qu'elle cousteroit plus à ouvrer que on n'en pourroit tirer, mais dient que si elle estoit leur, ilz feroient trier et séparer la dicte mine qui est de diverses sortes et en feroient faire des essaiz et celle qui trouveroient estre la plus prouffitable le mectroient en empure et que autrement ne le sauroient estimer ne apprécier. (Aff. Jacques Coeur M., 1453-1457, 325)

3.Mise à l'épreuve (d'une pers.).

Mes Orpheüs, sicom bien sçai, S'en mist toutes fois en l'assai (Froiss., Joli buiss. F., 1373, 158)

Maint philozophe ossi j'en sçai Qui encheïrent en l'assai Et furent feru de le darde (Froiss., Joli buiss. F., 1373, 164-165)

Si n'en puis mais Qu'onques mais Nul si grief fais Com je fais Ne porta nuls amis vrais. Qu'à tous essais Sui detrais, N'en dis n'en fais Je n'ay pais Et au cuer trais ; Dont en plais Dolereus sont mes souhais. (Mach., Les lays, 1377, 320)

Se drois chevaliers veulx cognoistre Et fussent ilz enclos en cloistre, L'essay c'on fist a Achiles T'apprendra a congnoistre les. (Chr. Piz., Ep. Othea L., c.1400-1401, 250)

Pour moy le dy purement, Car l'essay m'aprent comment, Soit dommage, soit injure : Qui bien ayme, tout endure. (Chr. Piz., Cent ball. amant dame C., c.1409-1410, 97)

Ung dur malheur ay pour essay Qui me tourmente amayrement. (Myst. jeune fille L., c.1413-1445 [c.1530], 23)

Quelle souchie ! Prophete, l'as tu point sentu ? Hau, prophete, fay moy beau jeu, Ve la mon cop et mon assay, S'il ne te siet, j'en referay. (Marcadé, Myst. Pass. Arras R., a.1440, 171)

D'essai. Qui a été éprouvé, de qualité.

...Por tant que me samblez ung hons de bon essai Vous tien a compaingnon, ne jai ne vous faurai (Lion Bourges K.P.F., c.1350, 206)

Et pour tous ces poins publier Et nostre ordonnance lier (...) Nous couvient envoier devant Gens saiges et de grant essay. (Desch., Oeuvres R., t.7, c.1370-1407, 356)

Ly canoinez sont noblez et puissans, bin le say : Ilh y en at pluseurs qui sont de teil essay Que pour moy decachier oultre les mons d'Assay Se ch'estoit par leur fait : ja ne le noieray ; Mais puis qu'il sont canoines, nulle rins ne forfay A leur grant nation ; partant ne moy lairay Que je ne moy defende (JEAN D'OUTREM., Geste Liège B.B., t.4, a.1400, 654)

Épreuve, exercice physique.

Du surplus, selon son aige de XIIJ ans, estoit tres habille et hardy valeton, fust pour chevauchier un bien rigoureux coursier, fust a chanter ou a dansser, a jouer a la paulme, a courir, a saillir, et a tous autres essais et esbas que il veoit aux hommes faire (La Sale, J.S., 1456, 2)

Estre à l'essai de qqc. Faire l'expérience de qqc..

Lors li dis je : 'Biaus dous amis, Mais vous m'en faites le devis Qui congnoissez de moult de choses Les apparans et les encloses ; Souvent en estes a l'essay, C'est une chose que bien say.' Se bien vous volez aviser, (Mach., J. R. Nav., 1349, 277)

Et tant le monde ay hanté Que je vois, congnois, et sçay Vostre mal, car a l'essay Ay esté de tel malage. (Chr. Piz., Duc vrais amans F., a.1405, 119)

Estre à l'essai de + inf.

Par m'ame, je ne le sçay Ne saray, Lonteins de vous que j'aour, Pour ce qu'adès, sans delay, A l'essay Sui d'avoir toute dolour ; Car long de vous tout m'anoie Et desvoie Mon cuer et tient en irour. (Mach., Ch. bal., 1377, 602)

Mettre qqn à/en l'essai. Mettre qqn à l'épreuve, lui faire subir des épreuves.

Ne vueil pas qu'elle soit couarde, Car tous deus les pren en ma garde, Ne qu'elle soit de rien honteuse, Einsois doit estre humble et piteuse Pour son bon et son voloir faire Comme courtoise et debonnaire, Car je l'ay tant mis a l'essay Que fin et vray amant le say. (Mach., F. am., c.1361, 221)

Il estoit deliés et menus de membres : si desplaissoit au conte de ce que il avoit à faire à un si fort et renommé homme d'armes comme Jehan de Castiel Morant estoit. Nonobstant il furent mis en l'assai, et vinrent l'un sus l'autre moult asprement. (Froiss., Chron. R., X, c.1375-1400, 37)

Prendre l'essai de qqn. Mettre qqn à l'épreuve.

Mais auant ira demander A Martin quil verra passer Laumosne en lhonneur de moy De Martin vueil prendre l'essay Et quant retourne sen sera Aussi tost il [le pauvre] trespassera Lame de luy aporteras Et laumosne point ne laisseras Que Martin luy aura donnee (Myst. st Martin K., a.1500, 165)

B. -Action d'essayer, de tenter qqc., essai, tentative.

1.Première tentative d'une personne dans une activité pour juger si elle y est propre.

'Oncle,' ce dist belle Aude, 'tresbien me garderay, De moy n'en portera [Roland] neant pour son essay. ' (Gir. Vienne D.B., c.1350-1400, 159)

Adonc pria le Roy Richart a l'escuier qu'il lui taillast a mengier et qu'il feist essay et son office (Chron. Rich. II, W., c.1400-1420, 94)

2.Action de faire une chose pour voir si elle amène le résultat escompté, premier acte d'une série destiné à tester le résultat qu'on peut attendre des suivants, tentative, essai.

Adonc haucha l'espee et en fist un essay (Renaut Mont. B.N. V., c.1350-1400, 519)

Par essai. En s'essayant à l'action, pour voir ; d'où d'une façon qui ne compte pas, pour rire, par jeu.

On cuidoit qu'[il] gabast et qu'il feist par essay, Mais oncq puis ne revint (Gir. Vienne D.B., c.1350-1400, 211)

REPISSE. Mais je m'apense qu'il veult faire De ceste ëaue. [Jésus, aux noces de Cana] REMUSE. Je ne sçay. REPISSE. La vueult il bailler, par essay, Pour eschauffer leur appetit ? (Gréban, Pass. J., c.1450, 152)

Faire l'essai. Être le premier à faire qqc. ou se mettre à faire qqc..

...quand [le prêtre] vint a l'endroit du piege, il tumbe dedans, avecques le loup, dont il fut bien esbahy. Et le loup, qui avoit fait l'essay n'avoit pas mains paour du curé que le curé avoit de luy. (C.n.n., c.1456-1467, 354)

[En cont. grivois]

...le chapellain (...) se vint bouter auprès d'elle pour luy faire compagnie affin qu'elle n'eust paour, ou espoir pour faire l'essay (C.n.n., c.1456-1467, 333)

Faire l'essai de qqc. Faire l'expérience de qqc..

JUDAS ...Que fais tu, Judas ? Je me nuys. Cherce tu le jour ? Mais les nuys. Que sera ce en fin ? Je ne scey. Je voys assés jussques a l'uys De repentance, mais je fuys Et n'en ose faire l'essay. (Michel, Myst. Pass. J., 1486, 271)

Faire essai + interr. indir. Essayer si.

...je vueil faire essay S'en pourroit estre despeschié Par le Dieu dont m'a tant preschié Ce bon prestre Hermolaus. (Mir. st Panth., 1364, 318)

Mettre un essai avant. Tenter, faire l'expérience.

Il se doubtoient des Parisiiens, et pour veoir quel contenance et ordenance li Parisiien feroient ne aroient à la revenue dou roi, il metteroient tel assai avant, et disoient chil varlet dou roi et des signeurs, quant on leur demandoit dou roi se il venoit : 'Oïl, il vient voirement, il sera tantos chi.' (Froiss., Chron. R., XI, c.1375-1400, 75)

Mettre en essai de + inf. Tenter de.

'Sire, ne faittes nulle doubte, puisque vous avés ceste voulenté d'essayer la force de Mons. de Bourgoigne, qui n'est pas petite, mais grosse et puissante selon ce qu'il me peult sembler, que je ne mette ma vie et mes biens à vous faire service touchant la pescherie du duc de Bourgoigne de mettre en essay de l'aller pescher en son parc...' (Le Clerc, Interp. Roye, c.1502, 272)

Se mettre à l'essai. Essayer, tenter.

La congnois tu ? Certes, nennil ; Car tu n'ies mie si soutil. Pour ce me vueil mettre a l'essay Dou dire, si com je le say. (Mach., R. Fort., c.1341, 67)

Dont pluseurs y ot qui juroient Que le passage essaieroient, Car bien cuidoient estre tel Qu'il feroient tout autretel. S'il y passerent, plus n'en say. Mais tels se porroit a l'essay Mettre, qui s'en repentiroit Et qui jamais n'i passeroit. Car tels jure de son marchié Qui puis en laisse la moitié (Mach., D. Lyon, 1342, 235)

...luy estant en l'aage de XIII. à XIIII. ans, lors simple et ignorant, ung jour aux champs en gardant les bestes de Jehan Mathorry, son père, fut tempté par l'ennemy et enorté d'avoir habitacion charnelle à une jument appartenant à son dit père, et de fait se mit à l'essay et monta sur la dicte jument, en entencion d'acomplir le cas dessus dit (Doc. Poitou G., t.9, 1456, 424)

Se mettre en essai de + inf. Tenter de.

...S'elle m'aymera, je ne sçay, Mais je me mectray en essay D'acquerir quelque pou sa grace. (Au grey d'amours F.-H., c.1400-1500, 230)

Et ledit Bordier lui respondit que par le sang Dieu, il feroit encores pis qu'il n'avoit fait et que, si le haseroit, que si feroit il à luy mesmes. Et de fait de rechief icellui Bordier se voulu mettre en essoy de frapper icellui Jehan Barraut, suppliant (Doc. Poitou G., t.9, 1451, 208)

Se mettre en essai + interr. indir.. Essayer si.

Par Dieu, encore me mettray En essai se pourray passer. (Mir. nonne, 1345, 327)

Prendre l'essai de + inf. Essayer de.

Je ne say Qui vous a fait prendre l'essay De mener vie si sauvage (Mir. st Guill., c.1347, 38)

3.Par extension. Acte, action.

D'un essai. Dans un seul et même acte, en même temps.

'...Quant je verray le point, la jus me lanceray.' Dont prendent a plourer trestous trois d'ung essay. (Huon Bordeaux B., c.1400-1450, 254)