ENVIEUX

adjectif

[T-L : envïos ; GD : envieus ; GDC : envios ; AND : envius ; DECT : envïos ; FEW (IV, 799a) : invidia ; TLF (VII, 1275a) : envieux]

I. -Animé par l'envie, la méchanceté, le désir.

A. -Qui est animé par l'envie, envieux.

Veritez est qu'il sont une maniere de gens convoiteux, envieux et plains d'avarice, qui sont bel et parant, mais nulz biens ne peuent venir d'eulx, ains sont de sy mauvaise condicion que, s'il veoient un preudomme riche d'avoir et assez aisé et il ne peüssent trouver art ne engin par quoy il en peüssent avoir leur part, il avront si grant envie sur lui que jamais n'avront bien ne repos jusques a tant qu'il lui avront pourchacié honte et dommage, et ont a lui si grant haÿne qu'il le vouldroient avoir occis a tort et sanz raison. (Bérinus, I, c.1350-1370, 144)

Ma joie et l'onneur de my, Mon cuer, m'amour, mes depors Et mes amoureus tresors M'ont de leur grace bani, Par faus et mauvais rapors Et par envieus enors Qui m'ont faussement trahy. (Mach., Les lays, 1377, 372)

En terre trop convoiteux fustes, Et envieux et trop aver (Jour Jug. R., c.1380-1400, 253)

...parler envieux Souventesfois moult fort me blesse (CH. D'ORLÉANS, Chans. C., c.1415-1440, 208)

Car onques dame d'onneur ne peust amer homme envieux, se ne fust sur les bonnes vertus (La Sale, J.S., 1456, 20)

Envieux de qqn/qqc.

Et ne soies semeur de ta bonne renommee et envieux de celle d'autrui. (Daudin, De la erudition H., c.1360-1380, 277)

Les Allemans parloient et mesdisoient comme envieux de ceste grant pompe. (Comm., I, 1489-1491, 139)

Envieux sur qqn/qqc.

...les Anglès sont communement envieux sur tous estrangiers quant ilz sont à leur dessus (Le Bel, Chron. V.D., t.1, 1352-1356, 17)

Et leur remonstra, en parlant, la maniere et nature des Espaignolz et comment ilz sont ors et pouleux et fort envieux sur le bien d'autruy. (Froiss., Chron. M., XII, c.1375-1400, 127)

...par nature Englès sont trop envieux sus le bien d'autrui et ont tousjours esté. (Froiss., Chron. R., XI, c.1375-1400, 85)

Et dist bien que Escot (...) sont envieux sus les estraigniers. (Froiss., Chron. R., XI, c.1375-1400, 280)

Emploi substantival.

Si advint que, pour ce qu'il [Hervy] estoit moult habiles, le roy des Bretons l'ama moult et le fist son seneschal. Et avoit cellui roy un nepveu, lyquelz avoit, par l'introducion d'aucuns envieux, sur Hervy, vostre pere, grant indignacion, car ilz lui firent acroire que le roy, son oncle, feroit son hoir de Hervi, vostre pere, et dirent au nepveu du roy en telle maniere : Tu es droiz hoirs de Bretaigne Brute et Gallesse. Or estes vous bien ruez jus et deboutez de la noble contree de Bretaigne. (Arras, c.1392-1393, 48)

Et soiez de beaulx respons au grant et au petit. Et tenez chascun a parole quant lieu et temps sera. Ne promectez ja chose que vous ne puissiez acomplir selon vostre povoir. Ne retenez ja rapporteur de paroles devers vous, ne ne le creez legierement, car ce fait aucunes foiz grant ennuy. Ne creez ja envieux, ne ne mettez ja en justice aver ne felon. Ne vous accointtiez de femme d'autruy. (Arras, c.1392-1393, 153)

Car ainsi comme le pechié envenime et art le cuer de l'envieux, si comme tu as oy dessus, ainsi la sainte vertu d'amitié qui est le don du Saint Esperit fait le cuer humble et doubteux. (Ménagier Paris B.F., c.1392-1394, 40)

...envieux de leur grant perte Seront joyeux (Chr. Piz., M.F., I, 1400-1403, 89)

Mais, quant ledit faulx accusateur les vit, il dist que ce n'estoient pas les dessusditz. Et fut cela faict à la requeste d'aucuns envyeulx contre ledit grant maistre, qui estoient à luy subjectz, comme on disoit. (Le Clerc, Interp. Roye, c.1502, 370)

Et ledit grant maistre, adverti de ce, requist au roy qu'il voulsist soffrir luy ouvrir justice contre les accusateurs ; ce que ne luy volut accorder le roy, en disant que l'accusacion qui avoit esté faicte contre luy par ses envyeulx estoit assés congneue, et qu'il avoit assés prouvé, tant luy estant daulphin que de son regne, où il ne luy avoit faict aucune faulte, mais l'avoit bien et loyaulment servy. (Le Clerc, Interp. Roye, c.1502, 370)

B. -Par extension.

1.Qui est animé par la méchanceté, la haine, la malveillance.

...C'est santé triste et dolereuse ; C'est richesse la soufferteuse ; C'est noblesse povre, honteuse, Sans loiauté ; C'est l'orguilleuse humilité ; C'est l'envïeuse charité ; C'est perilleuse seürté... (Mach., R. Fort., c.1341, 41)

Car aultrement il poroit ou dangier De Male Bouche escheïr de legier Et resvillier Dangier et Jalousie, Qui sont contraire a toute courtoisie, Et heent par leur nature envïeuse Toute personne honnourable et joieuse, Et par especial trop ont d'envie Sus ceuls qui sont de l'amoureuse vie. (Froiss., Orl., 1368, 88)

Et comme Misericorde piteuse de par Dieu amena a Nostre Dame et ordonna trois vertus comme trois damoiselles, ceste Tirannie crueuse et envieuse envoye par le monde trois faulx traitres, larrons, couppe gorges, pour violer ou corrumpre et debouter ces trois belles vertus. (Gers., Annonc., a.1400, 234)

...ceste erreur (ce disoit Aristote) sourdoit des erreurs des pouetes, affermens par leurs dis Dieu et les divines choses estre envieuses (Chr. Piz., Faits meurs Ch. V, S., II, 1404, 174)

...car je croy que aurez des hayneurs, envieulx et baveux qui diront espoir de meschans parolles de vous et a vous mesmes (Juv. Urs., Nescio, 1445, 472)

...le dyable, aucunesfoiz envieux d'aultruy, bien treuve tant de cautelles (C.n.n., c.1456-1467, 100)

O Lucifer, diable envïeux, Malgracieux, Il est temps d'aler besoigner Ches Herode, roy luxurieux, Palhart vieulx, Qui Jehan babtiste fist empoigner. (Pass. Auv., 1477, 92)

O diable (...) ton envïeux remort Mist accort L'omme premier en ta voye (Pass. Auv., 1477, 245)

Faulx envieux Dieu vous mauldie ! (S. fol, c.1480-1490, 6)

Envieux de qqc. Mal disposé à cause de qqc..

...Fortune le voult et commenda, envieuse et mal contente de la prosperité de celle belle fille (C.n.n., c.1456-1467, 31)

...comme Fortune, envyeuse peut estre de leur bien et doulx passetemps, le vouloit, leur cas fut descouvert [Deux jeunes gens amoureux] (C.n.n., c.1456-1467, 493)

Emploi substantival. Celui qui est animé par la haine, adversaire acharné.

...car se la chose fust advenue ainsi, l'onneur fust esté de Hanibal, et nompas du roy ne de ses envieux qui disoient au roy qu'il estoit assez puissans pour quattre telles puissances que des Rommains. (La Sale, Sale D., 1451, 39)

...au pourchaz d'aucuns maudictz, detestables envieux (...) vint ceste matiere a la congnoissance du maistre (C.n.n., c.1456-1467, 164)

2.Qui est animé par l'amertume.

Après la mort de laquelle, les Espaignolz donnèrent congié à tous les Anglois, hommes et femmes, serviteurs de ladicte royne ; lesquelz retournèrent en Angleterre tristes et envieux de cuer. (Monstrelet, Chron. D.-A., t.1, c.1425-1440, 402)

C. -Envieux de/que. Désireux de/que.

De quoy me sert le regart de mes yeulx Loing de tout ce qu'il leur plaist que je voye, Quant je ne puis d'eulx avoir autre joye, Ne je ne suis d'autre bien envïeux ? (Chart., R. Bal., c.1410-1425, 379)

Envieux de + inf.

Aveuc ce je li ai promis Que tousdis serai ses amis Et qu'autre jamais n'amerai. Si que ainsi sans amour serai, Que li n'autre ne veuil amer ; Si que je me porrai clamer Des hommes le plus dolereus Et le tresplus maleüreus, Qu'onques mais ne fui sans Amour Qu'elle en moy ne feÿst demour ; Et s'arai perdu ma sciance, Car (ja) mais ne ferai sans doubtance Balade, rondel, virelai, Biau dit, biau chant n'amoureus lai ; Ne mais aprés ceste retraite Mes cuers n'ara joie parfaite, Ains sera merancolieus, Tristes, pensis et en(n)vieus De morir sans remission. (Mach., Voir, 1364, 662)

Toutes les foiz que j'apparçoy Sa grant beaulté, son maintien coy, Je suis d'elle amer envïeux. (Narcissus, p.1426, 307)

Et ne soyez ja envieux de gaigner trop excessivement. (Juv. Urs., T. rever., 1433, 78)

Et quant cestuy roy Cloïs fut assés informé de la beauté et sagesse de ceste pucelle crestienne, il fut moult envieux de envoier ses heraulx a Gondobondus, oncle de ceste fille, pour icelle avoir en mariage. (Bagnyon, Hist. Charlem. K., c.1465-1470, 4)

SAINCT MARTIN. Fort envïeux Suis d'acomplir de poinct en point Par pitié qui au cueur me poinct, Les euvres de misericorde. (La Vigne, S.M., 1496, 456)

Envieux que

Bien m'est Fortune estrange archiere Et ennuyeuse, Si semble qu'el soit envïeuse Que j' aie ja vie joieuse Pour plaisance delicïeuse, Doulce et privee, Qu'elle a de moy a tort privee Comme oultrageuse desrivee (Chart., L. Dames, 1416, 244)

O vertu effectueuse, Glorieuse, De vices injurieuse, Envieuse Que tout mal soit departy, Contre pechez oultrageuse (Meschin., Lun. princes M.-G., c.1461-1465, 78)

II. -[D'une chose] Désirable, enviable.

Precïeus jouiaulx aporta, D'or et de pierres precïeuses Forgiez, qui moult sont envïeuses A vëoir et a regarder. (Le Fèvre, Vieille, trad. De vetula H., a.1376, 259)

...Et pensay que la messagiere Pourroit estre si convoiteuse Que celle pecune envïeuse Par sa malice detendroit Et mal proufit m'en advendroit. (Le Fèvre, Vieille, trad. De vetula H., a.1376, 263)

Car Innocent, pape VIIe, nostre prédécesseur de recordacion envieuse, de ce siècle fut osté par un samedi VIe jour de novembre. (Doc. 1406. In : MONSTRELET, Chron. D.-A., t.1, c.1425-1440, 147)