ENTIEREMENT

adverbe

[T-L : entierentièrement ; GDC : entierement ; AND : enterement1 ; FEW (IV, 734b) : integer ; TLF (VII, 1218b) : entierement]

A. -[Détermine un procès] Complètement.

Sire, or avez oy tout nostre fait Entierement ; Si en vueilliez faire le jugement, Car nous l'avons desiré longuement, Et ceste dame et moy devotement Vous en prions. (Mach., J. R. Beh., c.1340, 117)

Secondement, quant la volenté est partial et non pas entierement sus tout le fait, si comme l'injustice que l'en faisoit as martirs, il la vouloient bien souffrir pour la foy et pour leur salu (Oresme, E.A.C., c.1370, 312)

Tous (...) furent d'oppinion que l'on surserroit de faire aucun jugement contre ledit Jaquet jusques ad ce que le jugement donné contre ledit Rubion feust enterinement excecutez (Reg. crim. Chât., I, 1389-1392, 501)

GRISELDIS [au marquis] . Oÿl, mon seigneur, par ma foy, Se mon pere le me consent. Son plaisir vueil entierement Et a ce j'ay mon cuer soubzmis (Gris., 1395, 38)

LE MESSAGIER. (...) brief le compte a vous vendra Et entierement vous tendra Ce qui lui mandastes par moy. (Gris., 1395, 79)

...la personne qui y est aime tant et si ardemment Nostre Seigneur que elle oublie entierement pere, mere, enfans, tout le monde et soy meismes (Chr. Piz., Trois vertus W.H., c.1405, 23)

...et tantost le seigneur de Saintré print un poinçon et assez aguillectes et arma entierement du corps et des jambes damp Abbés, et le bassinet lui mist sur la teste bien cramponné (La Sale, J.S., 1456, 293)

...par laquelle maniere le corps Jhesu Crist est soubz le sacrement, car il est totalement et entierement dessoubz toute l'ostie sans restrainte ou restriction des membres corporelz. (Somme abr., c.1477-1481, 137)

Complètement, sans réserve.

Car puis que li amis ottroie Cuer et corps tout entierement Pour faire le commandement De celle en qui la joie maint, Et Amours a ce le destraint, On li puet donner sans mesprendre Et doit la joie, sans attendre. (Mach., D. verg., a.1340, 46)

Et je, pour s'onnour avancier, Qui encor en suis possessans, Jamais jour ne seray cessans De tout adès son plaisir faire Entierement, sans riens retraire, Qu'il a adès mon plaisir fait, Et se le me moustre de fait (Mach., D. Aler., a.1349, 402)

Or regardons qu'Amours demande Qu'on li doint, et plus ne commande : Elle demande expressement Les cuers des bons entierement ; Ce demande elle qu'on li doint. (Mach., J. R. Nav., 1349, 220)

Il m'est prins volenté d'envoyer droitement Mes enfans a Challon ou douce France apent Pour faire chevalirs au Dieu commandement Et pour demander terre sur sarrasine gent, Aussi que nous fesismes nous .XII. proprement, Et il le nous donna de cuer entierement (Renaut Mont. B.N. V., c.1350-1400, 201)

Expressément, clairement.

Je, Guy de Danemarche, vous mande entierement Qu'a tort et sans raison voulés mon tenement Mettre a destruction (Cip. Vignevaux W., p.1400, 44)

[L'adv. peut être remplacé par un adj. (entier) en position d'attribut de l'objet] Dans son intégralité ; dans sa totalité.

Et elle tout entierement Li a descouvert ma demande Et moult li prie qu'il entende, Par quoy il me puist dire tout Dou commencement jusqu'au bout Ce que demandé li avoie. (Mach., D. Lyon, 1342, 188)

Lasse ! comment oublieray Le bel, le bon, le dous, le gay à qui entierement donnay Le cuer de mi Pour le sien que j'ay sans demi... (Mach., Motés, 1377, 513)

...pour obvier et remedier aux dommages et inconveniens dessusdis, pour eviter la desolacion de ce royaume et ycellui entierement conserver (Fauq., I, 1417-1420, 52)

LE CRESTIEN. Je mettray En ung creux baston tout son or [du juif] . (...) Le feray tenir Au juif. Lors pourray maintenir Et jurer tout certainement Que [je] luy ay entierement Son or rendu. (Mir. st Nic. juif, c.1480-1500, 125)

Pource que pas n'avoit a celle fois De bien parler françois mode ne langue, Loys monsieur et monsieur de Foys Firent au roy pour elle sa harangue, Laquelle fut en effect et substance Que son pays et ses biens terrïens Tout submettoit a son obeyssance, Entierement sans en excepter riens. (La Vigne, V.N., p.1495, 182)

Globalement.

De che dist Hugue : 'Il convient que tout che que nous avons apris diviseement ou en plusieurs parties, que nous les recueillons en memoire entierement...' (Daudin, De la erudition H., c.1360-1380, 70)

Autant qu'il est possible.

Item, ilz burent son vin, et entierement lui firent, tant en sa presence comme en son absence, tout le despit que ilz porent. (Reg. crim. Chât., II, 1389-1392, 224)

...jamais il ne peut parvenir d'estre serviteur retenu ; dont il estoit mains que bien content, attendu que tant ardemment, tant loyallement et tant entierrement l'amoyt (C.n.n., c.1456-1467, 473)

Car les autres bouviers entierement et tant qu'ilz povoyent, aguillonnoient les beufz pour plus tost courir et aller (La Vigne, V.N., p.1495, 302)

Parfaitement.

...voulentieux de servir La vierge en soy de cuer entiérement, Doit chascun estre (Mir. femme, 1368, 234)

De musique, qui est la science des sons accordez par notes et par minimes, entendoit tous les poins si entierement que aucun descort ne lui peust estre mucié. (Chr. Piz., Faits meurs Ch. V, S., II, 1404, 34)

...yceux executeurs, desirans acomplir le plus entierement qu'ilz povoient la volenté dudit defunct, vouloient et offroient mettre devers ladicte Court de Parlement la somme dessusdicte (Fauq., III, 1431-1435, 141)

Avec toute la manière requise (pour faire telle chose).

Messe oïsmes entierement, Bien et bel et devotement, Et puis nous alames mengier Ou nous heümes sans dangier Quanque solas et cuers demande De pain, de vin et de viande. (Mach., F. am., c.1361, 241)

B. -[Détermine un procès qui porte sur des éléments comptables] En totalité.

SECONT BARON. (...) Tenez, mon redoubté seigneur, Ma foy pour tous ceulz qui ci sont, Que sanz doubtance il vous tendront Enterinement ceste chose [promesse d'aimer votre épouse] (...) Et aussi avra, n'en doubt mie, Toute vostre chevalerie Et vos nobles entierement. (Gris., 1395, 18)

...et se misrent a genoulx, mains joinctes, en luy priant et suppliant tres humblement que son bon plaisir fust de prendre la dicte ville de Pise, ensemble hommes, femmes, enfans et tous leurs bien entierement en sa main, protection et saulvegarde. (La Vigne, V.N., p.1495, 275)

[Détermine un procès qui porte sur des éléments non comptables] En totalité.

Quant la force fu abaissié [l. abaissie] Dou grant feu, la chevalerie Et trestout l'ost entierement, Avec le roy joieusement, Entrerent dedans la cité. (Mach., P. Alex., p.1369, 90)

Mi penser, mi souvenir, Mi desir Et m'amour entierement Sont en li, sans departir, Qu'avenir Ne puis à joie autrement, Car sans li riens ne m'agrée, Sans li tout dous m'est amer. (Mach., Ch. bal., 1377, 611)

...dedanz huit jours tant feray Que vostre argent vous renderay Entiérement. (Mir. march. juif, c.1377, 188)

... [ils] rompirent les cordes des sains de ladite eglise, et les custodes de l'autel, et les boucles d'icelles custodes, la salliere au prestre, ses pos, ses poëlles, tout le meuble entierement dudit curé (Reg. crim. Chât., II, 1389-1392, 224)

...et [le roy] rendy a Remondin sa terre, et lui donna la terre de Jossellin tout entierement. (Arras, c.1392-1393, 65)

...celui qui vit femme avec ung homme auquel elle donnoit tout son corps entierement, excepté son derriere (C.n.n., c.1456-1467, 11)

Pres ceste eglise a une grant eguille De fin porphire, et dessus une pomme Appropriee par maniere subtille Ou dedens est, ainsi qu'on dit a Romme, D'un empereur ou de Seneque en somme Entierement toute la pouldre et cendre (La Vigne, V.N., p.1495, 232)

En ceste façon et maniere en ordre de vertueuse et virile hardiesse, toute l'armee entierement marcha avant environ demye lieue de France. (La Vigne, V.N., p.1495, 284)

[Correspond à l'adj. entier qui pourrait occuper la même place]

[Détermine un terme désignant un espace (le monde)] Dans sa totalité.

En tout le monde entierement, Pour vivre seculerement, N'a seulement que .IIII. poins (Mach., D. Aler., a.1349, 239)

Quant le bon poëtte Orpheüs Fu atout sa harpe meüs Pour aler Erudice querre En une trop estrange terre -- Ce fu droit en la region D'enfer, ou fu sa mansion, Par le serpent qui si l'a mort En talon qu'elle en ot la mort -- S'esperence de la ravoir N'eüst, pour quanqu'il a d'avoir En tout le monde entierement N'i fust alez, mais vraiement Esperence le conduisoit Qui ad ce faire le duisoit. (Mach., C. ami, 1357, 81)

Pour ce di et croy fermement Qu'en tout le monde entierement N'a lieu, nes paradis terrestre, Qui puist plus biaus ne plus gens estre. (Mach., F. am., c.1361, 192)

Et, par ma foy, je ne croy mie Qu'il ait ou monde entierement Si fort païs, car vraiement On y entre par II. destrois Qui sont rostes, longs et estrois (Mach., P. Alex., p.1369, 47)

Et ainssy fu Romme enrichie De tout le monde entierement. (Chr. Piz., M.F., IV, 1400-1403, 27)

[Détermine un terme désignant une durée]

Li roys en son païs revint, Où si fort malades devint Qu'il jut en son lit moult griefment, Sept semainnes entierement. (Mach., P. Alex., p.1369, 255)

'...les tresvés avons sept ans entierement, Et les avons jurees a tenir deüement...' (Hern. Beaul. D.B., c.1350-1400, 15)

Messeigneurs, avez veu comment Nous ont assailliz rudement En cest assault noz anemis, Qui a tenu incessamment Quatre heures tout entierement Sans avoir aucun delay pris. (Myst. Siège Orléans H., c.1480-1500, 165)

C. -[Détermine un adj. ou des éléments en position d'adj.] Sans restriction.

LA MARQUISE. Mon seigneur ez, sire marquis, Et moy et ce petit enfant Sommes tienes entierement. (Gris., 1395, 53)

Tout à fait.

Cil oueil, dont j'ay dit verité, Quant il sont vair d'umilité, Il sont entierement parfait, Car vraie humilitez parfait Mains biens qui sont encommanciez, Et telz qui sont si avanciez Qu'il tendent a conclusion De venir a perfection. (Mach., D. Aler., a.1349, 354)

Ce fut dit de pere constant et entierement ferme de garder l'onneur de sa maison et de sa noblesce et fut sentence d'omme de grant gravité (Chart., Q. inv., 1422, 60)

Soit avecquez ce ta pensee entierement ententive a ta requeste, et sequestree pour lors de toutes autres cures. (Chart., L. Esp., c.1429-1430, 164)

Je me repute entierement Indigne d'estre nullement Denommé pour ton serviteur. (Marcadé, Myst. Pass. Arras R., a.1440, 51)

Totalement.

Car s'elle de la se transporte, De quelque part qu'elle se tourne, Son cuer vers son ami atourne, Entierement entalenté Vers li de bonne volenté. (Mach., D. Aler., a.1349, 281)

Cil oueil, dont j'ay dit verité, Quant il sont vair d'umilité, Il sont entierement parfait, Car vraie humilitez parfait Mains biens qui sont encommanciez, Et telz qui sont si avanciez Qu'il tendent a conclusion De venir a perfection. (Mach., D. Aler., a.1349, 354)

Seulle sans per, de toutes gens louee Et de tous biens entierement douee, Mon cueur ces maulx seuffre pour vous servir (CH. D'ORLÉANS, Ball. C., c.1415-1457, 42)

Les .XL. jours meismement, Que Moyses, semblablement Helyes et Nostre Seigneur Furent entierement jeuneur, Ne pevent bien estre entendu, Sanz par le nombre estre estendu. (Chr. Piz., M.F., II, 1400-1403, 115)

Il fault bien dire que cestui Marcel estoit né entierement soubz influence forte de Mars et qu'il sçavoit bien prandre ses ellections en ses haultes entreprises. (Simon De Phares, Astrol., c.1494-1498, f° 69 r°)