ENTAILLER

verbe

[T-L : entaillier ; GD : entaillier ; GDC : entaillier ; AND : entailler1 ; DECT : entaillier ; FEW (XIII-1, 48a) : taliare ; TLF (VII, 1194b) : entailler]

Emploi transitif.

A. -Tailler qqc..

Et au lez [de la forteresse] , vers le hault bois, au dessus de la praierie, est la roche si haulte et si droitte que de ce lez nulle creature n'y pourroit habiter. Et avec tout ce y a fortes brayes entaillees de la roche mesmes. Moult fu la forteresce grant et fort a merveilles. (Arras, c.1392-1393, 46)

A monter y a maint degré, Tournelles, vis entortillees, De marbre fin bien entaillees (Chr. Piz., M.F., I, 1400-1403, 107)

Tailler (une pierre précieuse).

...IIJmXXXVJ autres perles de compte, et sont rondes, pour mectre ès orfrois des dictes chemises, et pour faire greine sus les corsez des dictes filles (...) Pour IIIc, moitié esmeraudes, moitié rubis, semez sur les gaufres des ceintures avec les perles, tant pour achat, comme pour les entaillier (Comptes argent. rois Fr. D.-A., II, 1342, 30)

B. -En particulier. Sculpter ; graver ; ciseler.

1.Sculpter qqc. (la matière ou la figure).

...Ne sceüssent il les figures, Ne les estranges pourtraitures, Les trés estranges contenences, Ne les desguisées sanlances Paindre, pourtraire, n'entaillier... (Mach., D. Lyon, 1342, 213)

...sus un grant piler d'ivoire Estoit assisë, ou l'istoire De Narcisus fu entaillie Et si soutieument esmaillie Que par ma foy ! y m'estoit vis, Quant je le vi, qu'il estoit vis. (Mach., F. am., c.1361, 189)

...Et Venus le marbre et l'ivoire Fist entaillier, c'est chose voire, Par Pymalion qui bien ouevre... (Mach., F. am., c.1361, 193)

Et [la perfeccion] d'un ymage [est] que il soit bien entaillié et ainsi des autres choses. (Oresme, E.A.C., c.1370, 510)

Et ne fu plains d'ardant folie Et de grande merancolie Pymalions, quant il bailla A l'ymage qu'il entailla S'amour (Froiss., Joli buiss. F., 1373, 159)

Sculpo (...) : entailler si conme ymage ou chose entaillable (Aalma R., c.1380, 370)

...pour trespercier les autres pierres precieuses, comme il fu dit dessus, et entaillier en elles les belles fourmes et ymages de bestes et d'oiseaux, comme il appert es riches camalyns. (Mézières, Vertu sacr. mar. W., c.1384-1389, 173)

Encores fu dit que es troys throsnes, qui sont les chaeres la ou les roynes, Doulce Amour, la Riche Precieuse et la Dame des OEuvres, se seoient, avoit certaines bel[les] virges eslievees et entaillees, qui merveilleusement resplendissoient (Mézières, Songe vieil pèl. C., t.1, c.1386-1389, 213)

Item, un grant banc de XVJ piez de long, à ymages et à marche, trouvé en la sale basse dudit hostel (...) Item, un aultre banc de VIJ piez de long, à perche et à coulombe, trouvé en la chambre sur l'estable aux chevaux dudit hostel (...) Item, un petit banc à doz entaillé hault et bas et à marche, trouvé en la chambre aux turterelles (Invent. N. Baye T., 1419, L)

Item, une autre chaire, entaillée au doz, trouvée en ladicte sale (...) Item, une chaire ronde ployant, à charnières, trouvée ou retrait près de ladicte estude (...) Item, une chaire à doz, quarrée, fermant à clef, trouvée en l'ostel messire Jehan Hays (...) Item, une chaire à doz percée, trouvée en la chapelle (...) Item, une selle percée quarrée, couverte et close autour de boys (Invent. N. Baye T., 1419, LV)

Sculpo (...) : entaillier comme font huchiers, etc. (Le Ver, Dict. M.E., c.1420-1440, 449)

Nicodemus, sans point tarder, Et Joseph atout unguemens, Suaires et abillemens, Sont alés au mont de Calvaire Une tres maise enfance faire, Car Jhesus ilz ont despendu, Et puis l'ont mis et estendu En ung monument entailliet, Pour quoy nous sommes bien tailliet, Que mal et perte en ayons S'alencontre ne pourveyons (Marcadé, Myst. Pass. Arras R., a.1440, 221)

...lesquelles armes le senneschal de Rouergue avoit fait entailler et empraindre en une pierre à l'encontre d'une tour assise sur le pont de ladicte rivière (Escouchy, Chron. B., t.3, Pièces justif., 1445, 142)

...il ne sonnoit pas ung mot, mais se tenoit comme une droicte statue ou ung idole entaillé (C.n.n., c.1456-1467, 199)

Oultreplus avoit sur chascune tour une grosse escarboucle en lieu de pommeau, et estoit le portal dudit beau chastel fait de cassidoine et de pierre d'agate entaillee par lozenge. (RENÉ D'ANJOU, Cuer am. espris W., 1457, 158)

Et au dessus du corps fut fait un moult notable sépulcre et riche, où estoient richement empreintes et entaillées les trente-deux bannières et enseignes de tous ses costés, et dont il estoit issu (Faits Lalaing K., c.1470, 256)

Item, et que sur le pont de Montereau, ou lieu où fut perpetré ledit mauvais cas, sera faicte, edifiée et bien entaillée et entretenue à tousjours une belle croix, aux despens du Roy (La Marche, Mém., I, c.1470, 213)

Entailler qqn. Représenter qqn sous la forme d'une sculpture.

Le .XIII^me. [exemple] d'Amour traicte des trois manieres d'Amistié, pourquoy et comment jadiz les Roumains la firent entaillier et poindre en la façon de la plus belle dame et toute nue c'on peust deviser. (La Sale, Sale D., 1451, 12)

Cestuy Escullapius estoit a Romme entaillié très noblement, en guise d'un homme très saige et autentique (La Sale, Sale D., 1451, 53)

RELIGION [À propos du corps du Christ comme pierre d'amour]

...la pierre d'amour appareillie, Qui fu a cops merveilleux entaillie (Mir. st J. Paulu, c.1372, 150)

Par métaphore.

...tout garist son dous regart Qui paist d'amoureuse vitaille Mon cuer et dedens li entaille Sa biauté fine par tel art Qu'autre n'est de quoi il me chaille... (Mach., R. Fort., c.1341, 24)

Puis que Nature s'entremist D'entailler si digne figure, Il est a croire qu'elle y mist De ses biens a comble mesure (Chart., E. Dames, 1425, 365)

2.Graver.

Une cote avoit ceste ymage Plus vert que fueille de bosca(i)ge, A lettres d'or fin entaillie, Qui disient : A mort et a vie (Mach., Voir, 1364, 650)

Donques, pour amour de ses vaillances, j'ay prins plaisir de veoir ou son corps gist, et de la lasme couchee sur lui prins en memoire les lectres entaillees qui en latin dient ainsin :... (La Sale, J.S., 1456, 309)

...et au dessus, une épitaphe escrite et entaillée en pierre (Faits Lalaing K., c.1470, 256)

3.Ciseler, incruster.

Lesquelz .IIII. dieux ilz entaillent d'or et d'argent tous entiers devant et derrière. (Jean Le Long, Etat Khan B., c.1351, 339)

En un aniel d'or tout massis Fu mon signet mis et assis Et l'entailla moult volentiers Uns tres bons mestres argentiers. (Froiss., Pris. am. F., 1372-1373, 67)

Participe passé en emploi adjectival.

Ciselé, incrusté.

Et quant il se vuelent parer, Il sont legier a separer De tous autres et de leur gent, Car couvert sont d'or et d'argent, De pelles et de perrerie, Plus qu'image d'or entaillie. (Mach., C. ami, 1357, 131)

Si que je pris mon escriptoire, Qui est entaillie d'ivoire, Et tous mes outils pour escrire La complainte qu'i voloit dire. (Mach., F. am., c.1361, 151)

Phebus estoit en une sale D'or, d'argent et de pierrerie Bien et richement entaillie. (Mach., Voir, 1364, 698)

...pour IIII grans pignes et IIII moyens dyvoire, pour IIII gravoires, II entaillies et II autres (Compte Navarre I.P., 1367-1371, 193)

...une salière d'or, en façon de coquille, (...) et est le pié de ladicte salière à six carres, les troys plains, et les autres armoyées de France, entaillées (Invent. mobilier Ch. V, L., 1379-1391, 77)

C. -Par extension. Broder.

...une robe entaillie D'or, d'argent et de perrerie, La plus tres riche et la plus belle Qui fust en France n'en Castelle... (Mach., C. ami, 1357, 132)

Ceste vieille estoit paree d'un habit tout estrange de tous autres habiz, car il estoit entaille par figures, triangles, et quadrangles, qui ne sont pas legieres a descripre. (Mézières, Songe vieil pèl. C., t.1, c.1386-1389, 596)