ENRAGER

verbe

[T-L : enragier ; GDC : enragier ; AND : esrager ; DECT : enragier ; FEW (X, 9b,10a) : rabies ; TLF (VII, 1162b) : enrager]

A. -Au propre.

1.Emploi intransitif. [D'un animal] Avoir la rage.

Nous vëons un chien qui enrage, De quel cause li vient la rage ? (Mach., J. R. Nav., 1349, 228)

2.Participe passé en emploi adjectival. Atteint de la rage.

Et que de ce mieus nous remorde, Je vous en diray qu'il avint D'un chien qui enragiez devint, Amez en l'ostel d'un riche homme. (Mach., J. R. Nav., 1349, 228)

Et quant li amis vit s'amie Par sa gengle morte et perie, S'il s'ocist, il fist son devoir, Qu'autre mort deüst recevoir, N'il ne fist fors meins que justice, S'il s'ocist pour punir son vice ; Qu'avoir le deüssent detrait Chevaus enragiez pour ce trait. (Mach., J. R. Nav., 1349, 238)

...Scilla, que Glaucus ama Qui estoit uns dieus de la mer, Et elle ne le volt amer, Dont elle fu envenimee Sans raison et deshonnouree Et ses corps de chiens enragiés En plus de cent lieus damagiez... (Mach., Voir, 1364, 614)

Les chiens qui sont enragez de telle rage crient et ullent a voiz casse, et non pas tellement comme ilz souloient crier quant ilz estoient sains. (Gast. Phébus, Livre chasse T., 1387-1389, 113)

Et, puis que chien est enragié de l'une des neuf rages, onques nul ne peut garir ne jamés n'en garira. (Gast. Phébus, Livre chasse T., 1387-1389, 114)

Meïmon, le loyal cousin Hector, qui lui estoit voisin, Quant Achillés lança ce coup, Sur lui sault comme enragié loup (Chr. Piz., M.F., III, 1400-1403, 106)

Quant on craint que son chien ne soit mors de chien enragié, faittes le mengier et boire parmi un trepié, et il sera ce jour asseuré de la rage. (Ev. Quen., I, c.1466-1474, 94)

Comme enragé

Si lui sembloit que ainsi que son cheval l'avoit presque ou meilleu dudit pont transporté, qu'il veoit, par grant fureuseté, tost et isnellement, bruyant comme tempeste, contre lui venir ung grant thoreau, hideux et orrible et si espoventable comme enragé et tout noir comme meure (RENÉ D'ANJOU, Cuer am. espris W., 1457, 44)

B. -Au figuré.

1.Emploi intransitif.

a)Se mettre en fureur, devenir comme enragé.

Et ne dormoit que sus fumiers, Et de ce estoit coustumiers. Et quant si ami le prenoient Qui en aucun lieu le lioient, Jamais n'i beüst ne menjast, Eins est certein qu'il enrajast, Si qu'il le laissoient de plain A son voloir aler a plain. (Mach., J. R. Nav., 1349, 216)

C'est certein, et bien le savez, Que, quant si ami le prenoient Et en aucuns lieus l'enfermoient, Jamais n'i beüst ne mengast, Einsois trestous vis enragast, Qui le retenist malgré lui ; Il n'en feïst rien pour nelui Et vivoit a plain comme beste. (Mach., J. R. Nav., 1349, 226)

Tant chevaucha Remond qu'il vint en l'abbaye [où Geoffroy avait brûlé tous les moines] et voit le grant meschief et la douleur. Lors ot tel dueil ou cuer que pour pou qu'il n'enrage. (Arras, c.1392-1393, 253)

Enrager de + compl. de cause. Être dépité, se mettre en fureur (à cause de telle chose).

Chevaliers, que quiers tu cy ? Par foy, dist Gieffroy, je te quier, et non autre chose, et vien callengier le treu que tu as levé sur les gens Raymond de Lusegnen. Et quant le jayant l'entent, par poy qu'il n'enrage de fin dueil quant il voit que le corps d'un seul chevalier lui fait guerre et le requiert jusques en son recept. (Arras, c.1392-1393, 245)

J'ay tant joué avecques Aage A la paulme que maintenant J'ay quarante cinq ; sur bon gage Nous jouons, non pas pour neant. Assez me sens fort et puissant De garder mon jeu jusqu'a cy (...). Vieillesse de douleur enrage De ce que le jeu dure tant (CH. D'ORLÉANS, Ball. C., c.1415-1457, 144)

...Dangier sa meschine, qui enrageoit d'angaigne, avoit ung coulteau en sa main dont elle nestaioit sa robe (C.n.n., c.1456-1467, 259)

...encores avez vous meilleur coustume que les aultres femmes de ceste ville : elles enragent de ce que leurs mariz boivent ne tant ne quant (C.n.n., c.1456-1467, 543)

Enrager après qqn

...vous verrez, s'elles pevent cognoistre que nous soyons a cela, qu'elles enrageront après nous, comme nous faisons maintenant après elles. [Deux hommes veulent rendre jalouses leurs amies] (C.n.n., c.1456-1467, 363)

Enrager tout vif

...lors ot tel dueil qu'a pou qu'il n'enraga tout vif. (Bérinus, I, c.1350-1370, 48)

Quant li roys entendi la mort de Maligan son frere, a pou qu'il n'enraga tous vifs, et dist qu'il n'estoit nulz homs vivans qui le peüst avoir conquis fors que par traïson, car par force ne puet ce estre. (Bérinus, I, c.1350-1370, 283)

...le mauldit bigot faignoit aussi s'en esjoir, mais il en enrageoit tout vif. (C.n.n., c.1456-1467, 104)

Et la bonne gentil femme, qui enrageoit toute vive, saillit a la fenestre en sa chemise (C.n.n., c.1456-1467, 211)

LE PREMIER. Tu me feroyes vif enraiger. (Feste roys, c.1475-1500, 304)

Seigneurs, escoutez quel edict ! Vecy bien pour vif enrager ! (Myst. Pass. Troyes B., a.1482, 285)

Enrager (de ce) que + sub.

...par la mor bieu, j'enraige Que je n'ay a qui me combattre. (Fr. arch. B., c.1468-1480, 29)

...encores avez vous meilleur coustume que les aultres femmes de ceste ville : elles enragent de ce que leurs mariz boivent ne tant ne quant, et vous, Dieu le vous rende, vouldriez bien que je beusse tousjours ou une bonne foiz qui tousjours durast. (C.n.n., c.1456-1467, 543)

...j'enraige que je n'ay Mon argent. (Path. D., c.1456-1469, 124)

b)Par hyperbole. Perdre la raison, devenir fou (de douleur physique ou morale).

LA DAME. (...) La douleur, que sa mort sentir Me fait, m'est grief tourment et rage. Lasse ! Je muir ! Lasse ! J'enrage, Quant m'en souvient. (Mir. enf. ress., 1353, 37)

Haro ! l'en m'esrache le cuir Par tout le corps. Las ! que feray ? Yci d'angoisse enrageray. (Mir. st Panth., 1364, 357)

Certes, du sens sui si desvez Qu'a po que je n'enrage vis. (Mir. Oton, c.1370, 362)

Je fui yer en tel frenesie Que je cuiday bien enragier, Pour une nonnete jolie Que je requeroie d'amer. Mais toudis, pour moy refuser, Me disoit d'une vois bassete : 'Alez, à Dieu ; l'aumosne est faite'. (Mach., App., 1377, 648)

Mais quant li tristes ymagine La grant biauté, la douceur fine De celle qui n'a de li cure, Dont li venroit envoiseüre, Que elle aimme un autre que li ? Je ne me tien pas a celi, Qu'il a tant de dueil et de rage Que c'est merveille qu'il n'enrage, Ou qu'il ne se tue ou se pent, Ou que d'amer ne se repent (Mach., Prol., c.1377, 8)

Ha, je ay si grant faim que j'enrage ! (Janot sac G.-Z. R., c.1450-1500, 57)

Si cuida bien enrager, tant estoit mal contente (C.n.n., c.1456-1467, 275)

Le bon homme, qui ne povoit plus s'il n'enrageoit, combien que semblant ne fist, voulut aller en sa chambre (C.n.n., c.1456-1467, 443)

Et, quant ledit duc sçot ledit partement, il cuida enrager et crever de dueil, et, en la presence de ladicte ambaxade de Bretaigne, ledit duc de Bourgongne declaira ledit seigneur d'Argueil avoir confisqué envers lui corps et biens, et puis fist arraser et abatre toutes les places et chasteaulx qu'il avoit en ses pays. (Roye, Chron. scand., I, 1460-1483, 246)

Oncques ne fut paine plus forte ! Dyables, j'enracge maintenant. Maudit [l. Mauldit] soit mon premier parent Qu'oncques fus en ce monde né. (Pass. Auv., 1477, 217)

Enrager de + compl. de cause. Souffrir d'une douleur violente (physique ou morale), d'un manque qui rend comme fou.

Les yvrongnes et ceulx qui avoient tout leur temps despendu en gloutonnie et en servir a leur ventre estoient tous enragiez de fain et ulloient comme loupz affamez et languissoient de soif en telle maniere que ilz gettoient la langue traicte en demandant une seule goutte d'eaue pour attremper leur chaleur et ne trouvoient qui leur donnast. (Horloge de sapience S., c.1389, 103)

...luy fut amenée la belle mule au montouer, qui n'avoit beu de VIIJ jours ; et enrageoit de soif, tant avoit mengé de sel. (C.n.n., c.1456-1467, 313)

Guillaume Jamet (...) se recommanda a madame sainte Katherine pour le mal des dens de quoy il devoit bien enrager (Mir. ste Cath. Fierbois C., 1470-1483, 1)

Boutez la nappe, bon gré ma vie ; Par le sang bieu, j'enrage de fain. (Sav. Calb. T., c.1475-1500, 143)

Proverbe. Qui jeune saintist, vieux enrage. Jeune sage devient vieux fou.

...jeusne chose trop engresse, Quant elle est un pou assaillie, De legier son bon propos lesse Pour delit qui la point et blesse, Aussi pour la perseverence Des mauvais, n'onques d'apparence Ne vis ensuir bon ouvrage, Mais m'apert et par consequence : Qui jeune saintist, vieulz enrrage (Desch., Oeuvres R., t.7, c.1370-1407, 47)

Emploi pronominal.

Quant je y pense, a peu que je m'enraige [l. n'enraige ?], Et si suis franc, large et abandonné. (P. Jouh. D.R., a.1488, 17)

2.Participe passé en emploi adjectival.

a)Fou de colère, furieux, comme pris de rage.

Et quant li Caramans les voit Qu'il estient en tel conroy, Il dist : 'Certeinnement je voy Gens enragiez et hors dou sens ; Il ne sont pas plus de VJ. cens, Et se nous viennent assaillir !...' (Mach., P. Alex., p.1369, 163)

Comme enragiees vont chier vendre Leur amis mors (Chr. Piz., M.F., IV, 1400-1403, 4)

Mais Nostre Seigneur, comme vray juge et pugnisseur des persecuteurs de sainte esglise et de tous aultres malfaitteurs obstinez en leurs malices, lui abrega ses jours, et le fist la finir maleureusement et tout enrragié morir. (La Sale, Salade, c.1442-1444, 172)

Quant les François ouÿrent Charles ainssy crier et, esmeuz, tous comme enragés frapperent des esperons et les vindrent attaindre au bas d'une montee. (Bagnyon, Hist. Charlem. K., c.1465-1470, 66)

ATTROPOS. Mort enragée et plaine d'yre, Mort furieuse, mort despite (Cene dieux, c.1492, 128)

Enragé de + compl. de cause

Achimenides, qui le vit [Polyphème] , Disoit comment il se chevit Quant de son oeil fu defferrés : Jamais dÿable ne verrés Si forsené, si enragié De son oeil qu'on a arragié. (Mach., Voir, 1364, 626)

...le dit Rioteau dist que ledit Liet, son oncle, estoit tout enragié de son argent qui lui avoit esté emblé (Doc. Poitou G., t.10, 1457, 28)

b)Par hyperbole. Qui a perdu la raison, devenu fou.

...li diz Estienoz li Barréz vint à l'antree dou dit celier et descendai avaul tout en cheminse senz chauces et sanz chaperon et estoit comme touz enraigiéz et dessiroit sa chaminse et disoit granz paroules de desconfort (Echevin. Dijon L., 1341, 36)

...avenu m'est que cheoite Sui en tel inconvenient Que moy, fiens, ordure et nient, Oultrageuse fole enragée, De valeur acomparagée Me sui a l'umble vierge mére (Mir. mère pape, c.1355, 369)

...prenoient prestres, moines et gens d'eglise, laboureux, et les mectoyent en sept volans et autres manieres de tourmens nommez singez, et eulx estans en yceulx les batoient, doncq les aucuns sont mutilez, les aultres enragés et hors du sens. (Juv. Urs., T. rever., 1433, 57)

...Sotz avenans, sotz mignons, sotz pompars, Sotz enragez, hors du sens, fantastiques, Venez avant, saillez de toutes pars. Esveillez vous plus aspres que liepars. (Sots triumph., c.1475, 33)

...et usa le mareschal de Bourgongne (appellé de Neufchastel pour son surnom) de ceste parolle : 'Si ce jeune prince fol ou enraigé s'est allé perdre, ne perdons pas sa maison ne le fait de son père ne le nostre.' (Comm., I, 1489-1491, 83)

...lui remonstrant qu'il faisoit mal de vouloir calumpnier astrologie, actendu les utillités d'icelle, dont il eut tel dueil que peu après en devint aliené de son sens et après deceda et mourut, quasi enragé ou incensé. (Simon De Phares, Astrol., c.1494-1498, f° 164 r°)

Participe passé en emploi substantival. Crier/maugreer comme un enragé

Entre le challit Et la couste, tout bien couché, Et quant le paillart y saillit Il crioit comme ung enraigé. (B. veoir, p.1480, 20)

Item, donne a maistre Françoys, Promocteur, de la Vacquerie Ung hault gorgerin d'Escossoys, Touteffoys sans orfaverie, Car, quant receut chevallerye, Il maugrea Dieu et saint George - Parler n'en oit qui ne s'en rie - Comme enraigé, a plaine gorge. (Villon, Test. M., 1461-1462, 100)

c)[D'une partie du corps humain] Qui manifeste furieusement.

Et pour ce telz gens sont appelés castrimarges et est a dire que ilz ont les ventres enragiéz, et peuent estre diz en françois gloutons ou gourmans (Oresme, E.A., c.1370, 224)

d)[D'une attitude, d'une action] 'Fou, perverti.

Telle oroison est enragee, Il n'en pourroit nul bien venir (Bien avisé Mal avisé B., c.1487-1490 [1396], 196)