ENJOINDRE

verbe

[T-L : enjoindre ; GD : enjoindre ; GDC : enjoindre ; AND : enjoindre1 ; DECT : enjoindre ; FEW (IV, 697a) : injungere ; TLF (VII, 1134b) : enjoindre]

Emploi transitif.

A. -Ordonner, commander expressément.

Enjoindre qqc. à qqn

Reconforte le doulcement, Je le t'encharge et le t'enjong (Mir. st Ign., 1366, 103)

Si ne doi estre repris, Se j'empris A vous amer, que je pris, Quar Amours fine et entiere Le m'a enjoint et apris ; S'est mes pris, Que ne m'aiés en despris, Ma tres doulce dame chiere. (Mach., Les lays, 1377, 468)

Se c'est pour privacion on luy doit enjoindre oizeusité et diete moiste resumptive (Gordon, Prat., c.1450-1500, II, 1)

Et n'ayez doubte, vous avez assez bescuit, eaue doulce, vin aigre, chars salees, poissons salez et de bons vins pour grant temps. Et alez a la garde de Nostre Seigneur qui vous vueille conduire, et pensez de bien faire, et de tenir ce que je vous ay enjoint. (Arras, c.1392-1393, 88)

...et obeiray à luy ou à celluy qu'il luy plaira ordonner son lieutenant en ceste partie, en tout ce qu'il luy plaira à moy enjoindre et commander (La Marche, Mém., II, c.1470, 385)

Enjoindre à qqn + prop. inf.

Et ainsi le commanderent et enjoignirent yceulx mons. le chancellier et autres conseillers dudit seigneur audit mons. le prevost estre fait, gardé, enteriné et accompli bien et deuement. (Reg. crim. Chât., I, 1389-1392, 87)

Enjoindre à qqn (à) + inf.

Si m'enjoint (...) A dire ce pseaulme du cours : Beati inmaculati (Mir. prev., 1352, 271)

Au passif.

Et ceste execution à faire a esté commandée et enjoincte à Robert Chaurre, huissier et appelleur des causes de la Court de ceans. (Baye, II, 1411-1417, 47)

Enjoindre à qqn de + inf.

... Hervy et Alain prindrent congié de leur lignaige, et vindrent a leur pere, et lui compterent toute l'aventure du chastellain, et comment ilz s'estoient partiz de leur cousin, et comment il leur ot enjoint de faire la prieuré. (Arras, c.1392-1393, 74)

Et pour ce le Chancelier, de par le regent, enjoing ausdis prelas et clergié de soy assembler, adviser et deliberer ensemble (Fauq., II, 1421-1430, 145)

...Je luy avois ordonné et enjoint de ainsy faire, si le cas se offroit. (Chastell., Chron. K., t.4, c.1456-1471, 439)

Enjoindre à + inf.

...neantmoins ta benigne clemence et liberté qui nous a creez noblement sans noz merites me donne hardement de parler et raconter ce que ton humble fille Charité et ses compaignes ont deliberé et enjoint a dire (Gers., Concept., 1401, 393)

Enjoindre à qqn (que) + complét.

Ordonner à qqn de.

Et pour ce te vueil commander, Deprier, enjoindre et requerre, Que pais faces de ceste guerre Qu'empris as contre toy meësmes, Car c'est fole emprise et fols esmes. (Mach., R. Fort., c.1341, 75)

Leandus se tient a la rive, Qui fort contre son cuer estrive : Qu'Amours li enjoint et commande Et ses cuers, qu'a passer entende, Et la plus belle de ce mont Voit d'autre part qui l'en semont ; Si que li las ne sot que faire, N'il ne voit goute en son affaire. (Mach., J. R. Nav., 1349, 249)

Li roys la fist tantost mander Pour li enjoindre et commander Que son servant à mari prengne. (Mach., P. Alex., p.1369, 260)

Et, ce fait, fu prefixé terme à XVe audit prisonnier de monstrer et enseigner ce qu'il a dit et affermé pour verité, cy-dessus escript, à cause de sadite tonsure, et commandé et enjoint que, dedens ledit temps, il aporte ou enseigne deuement de sa lettre de tonsure (Reg. crim. Chât., I, 1389-1392, 77)

...par mondit seigneur le prevost lui fu commmandé et enjont qu'il deist verité desdites accusacions dessus escriptes (Reg. crim. Chât., I, 1389-1392, 216)

Beaulx cousins, je vous enjoing que vous faciez fonder une prieuré de la Trinité de VIIJ. moines, et renter, pour chanter tous les jours pour l'ame de mon pere, pour le nepveu du roy et pour ceulx qui sont trespassez de ceste fole emprise. (Arras, c.1392-1393, 74)

Et remandoient li rois de France et la roine lor fil, le duch de Normendie, et li enjoindoient expresseement et especiaulment, toutes paroles et ensongnes misses arriere, il se partesist et desfesist son siege, et retournast en France pour aidier a desfendre et garder son hiretage. (Froiss., Chron. D., p.1400, 749)

Au jour d'ui m'a enjoint monsr le premier president que je ne signe l'executoire de l'arrest de messire Geffroy de Brezé, pronuncé samedi derrenier passé, à autre que à maistre Pierre Drouart. (Baye, I, 1400-1410, 30)

Ce mesme jour, la Court a enjoint audit de Besze qu'il traicte sa femme amiablement et ainsi que mary doit traictier sa femme, et non autrement. (Fauq., I, 1417-1420, 308)

Si prions et enjoignons a elles, et semblablement a toutes femmes grandes, moyennes et petites a qui ce pourra apertenir, que ces sept enseignemens veullent bien retenir (Chr. Piz., Trois vertus W.H., c.1405, 52)

...je vous enjoinctz que vous gardez tresbien de jamais courre vostre cheval en la valée. (C.n.n., c.1456-1467, 330)

...[il] leur enjoignit expressement qu'ilz n'en feissent aucun semblant (C.n.n., c.1456-1467, 367)

... [l'évêque] enjoindit et commenda au chaperon fourré qu'il la prinst comme sa femme (C.n.n., c.1456-1467, 417)

Et d'une mort que poinct ne soit mort telle, Je vous enjoingts que sur luy on martelle Pour la grant hayne que j'ay sur luy conceue. (La Vigne, S.M., 1496, 227)

Demander à qqn, prier qqn de.

Li enfés se engenoulla devant son pere : li rois le prist par la main et le baisa et le fist chevalier, et puis le renvoia en l'ordenance de sa bataille, et pria et enjoindi as .IIII. chevaliers desus nonmés que il en fesissent bonne garde, et il respondirent, en enclinant le roi, que tout en feroient lor devoir. (Froiss., Chron. D., p.1400, 720)

Participe passé en emploi substantival. Exigence.

..ledit Acteur, guydé et conduyt par la susdite actrixe [bonne Memoire] , veult, selon selon son petit sens et povoir, fournir et satisfaire à l'enjoinct de la prealeguée deesse fameuse Renommée (Leseur, Hist. Gast. IV, C., t.2, 1477-1478, 274)

B. -Imposer qqc. à qqn.

1.Enjoindre une pénitence à qqn

Gieffroy, entens a moy. Je t'ay bien essayé. Et quant de tes dix sols, je les te quicte. Et saiches que ce que j'en ay fait, ce n'a esté que pour le prouffit de ton pere et de son ame. Il est vray que le pape lui avoit enjoint penitence pour le parjur qu'il avoit fait a ta mere, laquelle il n'avoit pas enterinee. (Arras, c.1392-1393, 300)

Et sont les jours de pardons pris pour les jours des penitences enjointes. (Gers., Déf., 1400, 237)

Et quant il fu confés, et que le chapellain ly ot enjoint sa penitance, et il avala jus du palais, il et la roÿne et Flor de Mont et ses damoiselles, et trouva au pié de la salle son destrier (Chev. papegau H., c.1400-1500, 63)

Or il est ainsi que le gentil comte a eu sa paix a elle moiennant une certaine penitance qui lui fut enjoincte (Percef. III, R., t.2, c.1450 [c.1340], 66)

Emploi absolu. Enjoindre à qqn. Imposer une pénitence à qqn.

Plus ne t'enjoing Et par ce faire je te doing Plain pardon de touz tes meffaiz. (Mir. prev., 1352, 265)

Enjoindre à qqn (de) inf. Imposer à qqn de (à titre de pénitence).

Après ton haubert qu'as vestu Porter a ta char nu a nu T'enjoing tant conme tu vivras (Mir. st Guill., c.1347, 28)

Après t'enjoing au pape aler Tout nu piez pour satisfier A ly selon sa voulenté (Mir. st Guill., c.1347, 28)

Après, pour toy instituer En grace, a tout restituer T'enjoing quanque de l'autruy as. (Mir. prev., 1352, 265)

2.Enjoindre une pratique Imposer, prescrire (une pratique).

...en ceste besongne Vueil qu'il te conseille et enjoingne Tout ce qu'il verra bonnement A faire pour ton sauvement (Mir. st Guill., c.1347, 33)

Et se sa loy enjoint abstinence, elle y adjouxte mesure, ad ce que par abondance le corps n'enchee en pechié, ou par faulte de nourrissement il ne se treuve en foiblesse. (Chart., L. Esp., c.1429-1430, 129)

Donc, ceux de Londres, mesme le roy Édouart, en firent processions générales [pour la maladie du duc de Bourgogne] , sermons et dévotes solemnités, là où communes pryères furent enjointes à tout l'universel peuple pour ce prince, comme celuy du monde à qui le royaume d'Angleterre estoit plus tenu (Chastell., Chron. IV, D., c.1461-1472, 207)

3.Imposer qqc. comme menace à qqn.

...auquel jour, pour doubte qu'il ne encourust ès paines qui lui avoient esté enjointes au temps de son eslargissement, il estoit venuz et comparuz audit jour de samedi (Reg. crim. Chât., II, 1389-1392, 8)

Enjoindre à qqn que + complét. Menacer qqn de.

...consideré aussi que pour semblable cas il a esté nagueres emprisonné, et depuiz mis hors pour sa povreté, en lui enjoingnant que se plus retournoit, il seroit pendu (Reg. crim. Chât., II, 1389-1392, 525)

C. -Imputer, attribuer qqc. à qqn.

Affin que mon oeuvre accomplie Soit, et que riens je n'y oublie, Ancore un pou dilateray Mon propos, car je me tairay Des choses que Fortune meine Puis hault, puis bas, en maint demaine, En touchant les vrayes histoires Des Juïfs anciennes et voires, Car leurs fais et prosperitez, Ou leur grandes adversitez, A Fortune je n'enjoing mie, Car Dieux, cui la loy ert amie, Les punissoit et meritoit, Selon leur dessarte, et metoit Puis hault ou bas, selon leur vice Ou merite, par sa justice. (Chr. Piz., M.F., II, 1400-1403, 145)