ENHERBER

verbe

[T-L : enerber ; GD : enherber ; AND : enherber ; FEW (IV, 407b) : herba ; TLF (VII, 1130b) : enherber]

Emploi transitif.

A. -Empoisonner (avec des herbes vénéneuses).

N'avoit piere si dingne jusqu'au port as Juis, Car dame qui le porte (...) Ja par honme vivant n'ert ses corps amenris Ne par venin ossi ennierbéz ne perilz. (Flor. Rome W., c.1330-1400, 135)

Car li doi laron l'enhierbérent, Ensi à le mort le menérent, Le poissant prince et le courtois. (Jean De Le Mote, Regr. Guill. S., 1339, 151)

Désormais vous dirons de la contesse d'Artois, qui estoit à Paris. Il luy prinst maladie, et disoit-on qu'elle fu enherbée (Hist. chron. Flandres K., t.1, c.1342-1383, 350)

...Et a dit coiëment : 'sé longement sui vis, Roys, je t'enherberai...' (Baud. Sebourc B., t.1, c.1350, 6)

...L'ercevesque enherbai et li tolli la vie (Lion Bourges K.P.F., c.1350, 1006)

Or voy je bien que c'est par l'ennortement de vostre ribaude de femme que vous cremez et amez comme fol et chetif, car elle vous a toulu le sens et enherbé par son malice, si que chascun s'en moque de vous. (Bérinus, I, c.1350-1370, 28)

...et bien sachiez qu'il vous convendra bien saigement maintenir, car Raine vostre marrastre, qui vostre tayon enherba et qui a fait vostre linage mourir, a prins mary par le consentement de l'empereur, et lui a donné l'empereur tout le tenement que voz ancesseurs devoient tenir et avoir (Bérinus, I, c.1350-1370, 364)

Et disoit que la dame avoit vilainement Envoiiet le puison dou venin de sierpent Pour le roy enhierber (...) Et qu'elle avoit du chien souffiert l'abitement, Et articles pluiseurs de vilain sentement C'oncques n'avoit penssé ne eüt en couvent (Chev. cygne P., c.1356, 47)

Le chambrelen (...) Fut haïs d'un varlet pour ce qu'il le frappa, Pour tant d'un mal venin le sien corps enherba. (Cip. Vignevaux W., p.1400, 87)

'...Le mortel traÿson plus ne m'en voeul taisir, Que je voloië faire pour le tien corps honnir, Et d'enherber le roy avoië grant desir...' (Huon Bordeaux B., c.1400-1450, 20)

'...Les deulx filz au roy Hugues (...) Le roy Hugues leur pere ont enherbé, (...) Et ont mis sus vostre mere, que le fait a brassé...' (Galien D.B., c.1400-1500, 108)

...lequel de Cluny jamais ne retourna depuis, car fut enherbé piteusement et dont ce fut un dammage, car notable homme estoit et de haut los digne (Chastell., Chron. K., t.3, c.1456-1471, 337)

Remarque : Aussi Jourd. Blaye alex. M., a.1455 (gloss.)

[D'une herbe vénéneuse]

Si qu', amis, soies sus ta garde Encontre tels gens et t'en garde, Qu'on doit a son oueil mettre l'erbe Qu'on congnoist et qui pas n'enherbe. (Mach., C. ami, 1357, 118)

B. -Par analogie. Empoisonner.

Terreur en vint du serpent qui enherbe De son venin maint bon coeur net et monde [après la faute d'Ève] (Molinet, Faictz Dictz D., 1467-1506, 450)

Par métaphore.

Car li trés fin loial ami Qui disoient : 'Aimy ! Aimi !' Et qui souffroient les estours D'amours fines en mains destours Y estoient descongneü, Et li faus pour bon congneü Par leur fausseté qui enerbe. Et pour ce dit bien le proverbe Qui dit que qui loiaument sert, Il n'a pas le bien qu'il dessert, Mais cils cui Dieus l'eür en donne. (Mach., D. Lyon, 1342, 200)