DROITEMENT

adverbe

[T-L : droitdroitement ; GD : droitement ; AND : dreitement ; FEW (III, 87b) : directus ; TLF (VII, 518b) : droitement]

A. -Au propre.

1.En position verticale, debout.

...ce signe cy Lo je que il soit tallé pour luy, Et sus la pointe barbelee Ou sa place ly est gardee Soit mis droitement et assis, Le bout agu au dessus mis. (Guill. Digull., Le Dit de la fleur de lys D., 1338, 281)

2.Directement.

Et quant de ci departiras, Droitement celle part iras Que tu verras ta dame gente, Et tu yes en la droite sente. (Mach., R. Fort., c.1341, 117)

...adonc le gouvernement du bien commun si va droitement a bon point (Foul., Policrat. B., V, 1372, 323)

Et estoit toute sa navie partie dou havene de Tamise, et s'en venoit droitement pour arriver à l'Escluse. (Froiss., Chron. L., II, c.1375-1400, 34)

A ces mos, il esperonne un cheval sur quoi il estoit montés, et se part de ses compaignons, et s'en vient droitement au roi et si priès de li que la queue de son cheval estoit sus la teste dou cheval dou roi. (Froiss., Chron. R., X, c.1375-1400, 119)

...et [l'oiseau] s'en alla soir droitement sur la maison de Jehan. (Cligès C.T., 1455, 160)

PERROCQUET. Point ne l'ont frappee droictement ; Ilz [l'] ont picquee si rudement, Peut estre qu'ilz la font clochier. (Sots mal., c.1480, 86)

Beau sire, assiez luy sur le col Droictement ung beau hatifflart, Tant qu'a ce villain papelart Face toute la char fremir. (Myst. Pass. Troyes B., a.1482, 749)

FERGALUS. Cerberus, apprestez vos brayes : A ce que j'entens de devis, Noz trois gens aront du remis Pour adoulcir ung peu leur vaines. CERBERUS. Veez en cy quelque deux douzaines, Singlans droictement a l'eslite. (Myst. Pass. Troyes B., a.1482, 1037)

LE SOT. Qui nous a ce sot amené ? Il point droictement sur le dart. GLORIEULX. Ung plumart et chappeau lané. (P. Jouh. D.R., a.1488, 17)

GÉOMÉTRIE Directement, tout droit.

Ayes l'instrument ... en maniere que la ligne .h.j. et la ligne .j.k. facent un rectangle et que la ligne .a.b. de ton instrument regarde droictement .j. (Nic. Chuquet, Géométrie H., 1484, 174)

B. -Au figuré.

1.Exactement.

Ces Pigmeiiens sont autrement nommez Biduin ou Budim. Il sont droictement gens usanz raison comme nous. (Jean Le Long, Voy. Odoric A.M., 1351, 44)

Mais en aucune policie qui n'est pas droitement et proprement juste, aucun peut estre bon homme simplement qui n'est pas bon citoien, et aucun estre bon citoien qui n'est pas bon homme simplement. (Oresme, E.A.C., c.1370, 282)

Et passèrent oultre l'abbeye de Likes et prisent droitement le chemin que li Englès tenoient. (Froiss., Chron. R., VIII, c.1375-1400, 186)

En oultre, selon le chapitre, Prenez de conserve de citre, Qui soit hâchée menuement, Une once double droitement, Et de bon zucre cafatin, Comme met le Livre en Latin (La Haye, P. peste, 1426, 156)

'...Et me semble que mardy prouchain la lune sera droictement en bon point pour faire nostre emprinse.' (Bueil, I, 1461-1466, 82)

Se aucune part en cest escript et libelle j'ay erré ou failli, il me soit pardonné, car ce a esté par ignorance. Se aussi j'ay procedé droitement selon la verité, soit loee la grace de Jhesu Crist, a l'honneur de qui et de sa tres benoite mere j'ay fait et composé le present euvre et traittié. (Somme abr., c.1477-1481, 99)

Vela son menton droictement, Vela son nez aussi poinctu, Vela son front aussi nervu, Vela ses sourcilz aussi noirs Et vela ses yeulx aussi vers. (Copp. lard., a.1488, 176)

Droitement + adv. ou compl. de lieu

Quant la porte des bailles fu ouverte (...) il misent ens les chevalés, et en deschargièrent deux, qui portoient les sas plains de charbon, droitement sus le suel de le porte, à fin que on ne le peuist reclore. (Froiss., Chron. L., II, c.1375-1400, 52)

On leur ascourça leur chemin, car droitement en un lieu que on appelle ou pays le Pont Volain furent il rencontré et ratendu des François, et courut sus et envay soudainement. (Froiss., Chron. R., VIII, c.1375-1400, 3)

Et là s'arrestèrent et logièrent en moult fort lieu, et puis le segnefiièrent as Englès comment il estoient là venu et sus le lieu droitement, ce disoient, où li trettiés de chiaus de Brest avoit esté acordés. (Froiss., Chron. R., VIII, c.1375-1400, 145)

Droitement + adv. ou compl. de temps

Mais en la parfin tant alay Qu'en un trop biau lieu m'avalay ; Si vi en l'ombre d'un arbril, Droitement le tiers jour d'avril, Un batel si bel et si riche Que s'il fust au duc d'Osteriche, Ou le pape, ou le roy de France. (Mach., D. Lyon, 1342, 164)

Ce fu droitement en tempoire Que l'en trueve la primevoire. (Mach., P. Alex., p.1369, 114)

Droitement sus le point de celle desconfiture, evous venir à frapant monsigneur Hue de Chastillon et sa banière. (Froiss., Chron. R., VIII, c.1375-1400, 187)

Droitement sus le point dou jour, vinrent li Flament par tière et par aigue sus leurs nefs. (Froiss., Chron. R., IX, c.1375-1400, 197)

Ceste besongne avint droitement le nuit de l'an mille .CCCXLVIII. (Froiss., Chron. D., p.1400, 871)

Messire Amé fist toute diligence de faire son chemin et si bien exploicta que, droictement le jour des nopces, il arriva à Belle Ville la Dame. (Cleriadus Z., c.1440-1444, 589-590)

[Avec une indication temporelle approchée]

Droitement ensi que entours heure de prime, messires Charles de Blois et toute sen host vinrent. (Froiss., Chron. L., VI, c.1375-1400, 153)

2.Comme il faut, convenablement.

Si n'y ot ne bois ne fueilliee En sculpeure, ains y ot pourtraites Toutes les sciences qui traites Des livres sont, si proprement Que la peussiez vous droitement Aprendre, estudier et lire Telle science (Chr. Piz., Chem. estude P., 1402-1403, 99)

...il suppose qu'il estoit de la nacion d'Angleterre, pour ce qu'il ne parloit pas droictement françois (Chancell. Henri VI, L., t.2, 1431, 164)

...quant les petis feront reverence aux plus grans d'eux (...) les administracions et charges des offices seront droittement gouvernees. (Juv. Urs., Verba, 1452, 251)

3.Véritablement.

Je meismes ai veu en toutes ces choses doiens, arcediacres, evesques et legas, besoignier par si grant diligence en l'euvre et l'ostel de nostre Seigneur que il te samblast droitement que ce fust la vigne de nostre Seigneur (Foul., Policrat. B., V, 1372, 423)

Il se logièrent là endroit, car il trouvèrent fourages ès prés et as camps, pour la nuit passer, dalés un petit village que li Escot avoient ars à leur passer. Si leur sambla droitement qu'il fuissent cheu à Paris. (Froiss., Chron. L., I, c.1375-1400, 62)

Li rois d'Engleterre et li sien, qui s'en venoient tout singlant, regardent et voient devers l'Escluse si grant quantité de vaissiaus que des mas ce sambloient droitement uns bos. (Froiss., Chron. L., II, c.1375-1400, 34)

Celles ne sont pas droitement vesves qui ne se remarient pour ce qu'elles ne treuvent a qui (La Sale, J.S., 1456, 3)

4.Sans détours.

Adont regarda li rois de France sus le signeur de Cliçon, et li pria droitement en grant amour, pour mieulz complaire à monsigneur Bertran, que il en vosist dire sen entente. (Froiss., Chron. R., VIII, c.1375-1400, 162)