DOUAIRE

substantif masculin

[T-L : döaire ; GDC : doaire ; AND : dower1 ; DECT : döaire ; FEW (III, 148a) : dos ; TLF (VII, 447b) : douaire]

A. -DROIT Droit d'usufruit qu'un mari assigne sur ses biens à sa femme et dont elle a la jouissance si elle lui survit, douaire.

Et se il ne vient mie dont, art on et destruist le maison de l'injuriant et li arbre du pourpris de le maison sont sartet et desrachinet ; tout soit il ensi que ladite maison soit douwée ou de douaire mais que toutesvoies li injurians soit propriétaires de ladite maison. (Hist. Lille T., t.2, 1344, 405)

Matabrune s'en va par deviers Maubruiant. De son douaire fu, castiel i ot plaisant. (Chev. cygne P., c.1356, 85)

Pour çou que la couronne en fu sy convoitie, Fu adont acordé par euvre fianchie Que, s'en Franche avoit roy qui ne laissast en vie Hoir malle aprez se mort, la cose fu jugie, La fille n'y aroit une pomme pourie For ceulle le douaire où seroit adrechie (Hugues Capet L., c.1358, 175)

Item, noble dame madame Kateline, dame de Saint Frejuel, tant a cause de son doaire comme a cause de ses enfans [tient], on dit terroir et appendences de ycelui, I vivier et une maison sor l'escluse dou dit vivier, ensamble le ruissel qui abroive le dit vivier (Comté Porcien R., 1369, 169)

Il les banissoit de Flandres, et levoit le moitiet de leurs revenues, et laissoit l'autre moitiet pour le doaire et le gouvrenement de leurs femmes et enfans. (Froiss., Chron. L., I, c.1375-1400, 128)

...madame Ysabel de Brabant (...) avoit eu pour mary le conte Regnault de Guerles, et luy empecha son douaire. La dame s'en vint en Braibant et fist plainte des tors et injures que messire Edouart luy faisoit, au duc, son frere (Froiss., Chron. M., XIV, c.1375-1400, 158)

...je Marson, vesve de feu Pearson Robinet, jadis escuier, demourant au Mont Saint Remy, confesse et advoue tenir en foy et en hommage de tres excellent et puissant prince, mon tres redoubté seigneur, monseigneur de Flandres, à cause de sa conté et de son chastel de Rethest, comme doairesse et par maniere de doaire, ce qui s'ensuit (Trés. Reth. S.L., t.2, 1383, 296)

Doaire et ususfruit sont semblables ; aussi comme par la mort de celuy qui tient le fruit, l'usfruit retourne au seigneur de la propriété (...). Aussi bien doaire se la fame ne tient les chosses de son doaire en bon estat l'en li pouroit bien oster. (Cout. instit. Anjou Maine B.-B., t.1, 1385, 193)

Si vous prie de ma femme qu'ai amé loyalment Que lui donnés douaire pour vivre honnestement (Cip. Vignevaux W., p.1400, 171)

Avec ce, pourpensera a ce qui a elle apertient, tant au fait des meubles comme a son douaire. (Chr. Piz., Trois vertus W.H., c.1405, 84)

...la somme de XIIIJc libvres tournois qui estoit adjugée par arrest de ceans à ladicte dame pour emploier en rente pour son doaire, selon la forme du contract de son mariage, sera baillé en garde à maistre Guillaume de Saulx, jusques à ce que autrement en sera ordonné. (Baye, II, 1411-1417, 65)

...commis à mettre d'accord la vefve de feu maistre Jehan de la Chappelle et messire Jehan de Villiers, chevalier, segneur de l'Isle-Adam, sur le debat d'entre eulz touchant le doaire d'icelle vefve (Fauq., II, 1421-1430, 362)

Vous devez savoir que les heritaiges qui sont donnez à femmes ou qu'elles apportent à leur mariaige avecques leur mary, soit de suctession ou autrement sont nommez douaires : et ce que homme donne à femme est appellé don pour nopces selon les lays. (Cout. instit. Anjou Maine B.-B., t.2, 1437, 274)

...a cause de la conté de Beaumont qui avoit esté baillee par douaire a la royne de France (Juv. Urs., Nescio, 1445, 498)

La .X^e. loy estoit que les vierges fussent mariees sans douaire. (La Sale, Sale D., 1451, 88)

...luy firent fiancer et donner caution et seureté du doaire dont il la vouloit doer [Avant de marier leur fille ses parents prennent des précautions] (C.n.n., c.1456-1467, 558)

...par arrest et jugement diffinitif d'icelle fut dit et prononcé que lesdictes charges, par ledit Colombel imposées à sadicte femme, estoient souffisamment prouvées ; pour quoy fut declairé par ledit arrest privée de toute communaulté de biens et douaire avec sondit mary. (Roye, Chron. scand., I, 1460-1483, 157)

Jugement (...) que dit que, se ung homme mariez prant argent sus son heritaige en sa devize pour al(i)monner, jai li femme ne le puelt debaitre comme pour dire : 'Il ne le puelt faire pour mon dowaire oster, car quant il me print a femme, il me dowait de tout l'eritaiges qu'ilz avoit et que eschoire li povoit de pairt pere et de pairt mere'. (Jug. maître-échev. Metz S.M.S., t.1, a.1494 [1333], 102)

Et aussi l'avoient faict pour paciffier du douayre de ceste dame et de l'argent baillé (Comm., III, 1495-1498, 297)

Remarque : Ponthus Sidoine C., c.1400, gloss. ; WAUQUELIN, Manequine C.T., a.1448, gloss. ; WAUQUELIN, Belle Hélène Const. C., c.1448-1452, gloss. ...

Madame du douaire

Et furent devant le chastiel de Pernes, où madame dou Doaire se tenoit. (Froiss., Chron. L., VII, c.1375-1400, 192)

[Cont. métaph., à propos de Marie]

...la grande vaillance Dont Dieu vous a doée en hault doaire (Mir. prev., 1352, 278)

B. -Par extension.

1.Dot.

...l'or que les parens de la vierge avoient pour sa raençon aporté, il voult que la fille l'eust pour son douaire ou le mari pour le don des noces. (Foul., Policrat. B., V, 1372, 325)

[Le marquis à Griseldis qu'il répudie] Le douaire qu'a marïage Apportas, preng, c'est bien raison, Et va en ta vielle maison (Gris., 1395, 80)

[La marquise] Et quant est a ma povre part De douaire, dont conforter Me vuels que le doye emporter, Quelle elle est assez je le voy. Tu scez bien quant je vins a toy (...) que n'apportay Douaire autre, ne autre cheté, Fors reverence et povreté. (Gris., 1395, 82)

...quant est du douaire que tu as ordené que je doye emporter, je le voy, tu sces bien, que quant tu me preis a l'issue de l'ostel de mon pere, tu me feiz despoullier toute e vins avec toy, ne du mien autre dotte n'apportay fors que foy, meureté, amour, reverence et povreté. (Chr. Piz., Cité dames C., c.1404-1407, 904)

2.Dotation.

Il mainent otel glay en menant paine et haire, Que font ly Sarrasin qui ont riche douaire (God. Bouillon R., t.2, c.1356, 375)

Chascune en particulier nombroit les biens, dons et douaires que donroit a ceste pucelle. (Gers., Concept., 1401, 406)

Asseoir douaire. Assigner un domaine.

Merquedi XXIII jour vindrent nouvelles de la vielle contesse de Roucy et ainssi Madame est quitte de li asseoir douaire. (Le Fèvre, Journ. M., c.1380-1390, 69)

C. -Au figuré. RELIGION

1.Qualité spirituelle que l'âme humaine a reçue de Dieu.

La VIJe. trinité est par laquelle nous sommes reforméz a la glore eternele, comme les trois douaires de l'ame, c'est a scavoir congnoissance, comprehencion et dilection (Somme abr., c.1477-1481, 127)

2.Chacun des quatre privilèges ou prérogatives du corps glorieux.

Pour respondre a ces quatre demandes il est assavoir que ly corps glorifiéz a quatre dotes ou douaires, c'est a dire privileges. (Fusoris, Traité cosmogr. G., 1432, 43)

Encores veul et vous commande que es quatre douaires du corps vous vous delictez, c'est assavoir en clarté, en subtilité, en agillité, en passibilité. (La Sale, J.S., 1456, 39)