DOMINATION

substantif féminin

[T-L : dominacïon ; GDC : dominacion ; AND : dominacion ; FEW (III, 128a) : dominatio ; TLF (VII, 402a) : domination]

A. -Position dans l'espace où l'on est plus haut placé que l'environnement ou l'entourage immédiat.

Pardevant le soudant se mist à genoullon, Qui estoit haus assis en dominascion Ou siége Corbarant (God. Bouillon R.B., t.3, c.1356, 8)

B. -Pouvoir de suprématie et, p. méton., domaine où ce pouvoir s'exerce ; prééminence.

1.Fait d'exercer un pouvoir de suprématie ; pouvoir, autorité, maîtrise qui s'exerce sur qqn ou qqc..

Amour qui a sur toutes riens Dominacion et haultesce... (Mir. abbeesse, 1340, 69)

Et encor fu l'entention Dou roy que domination Eüst dessus tout son païs, Dont il fu des princes haïs. (Mach., C. ami, 1357, 35)

Dieu (...) Nous acquitta (...) Quant en croiz souffry passion, La fu la dominacion De nous a l'ennemy tolue (Mir. chan., c.1361, 140)

Car ces .II. policies sont prouchaines pour ce que en democratie une multitude a la dominacion et le gouvernement. (Oresme, E.A., c.1370, 435)

Mais en la terre de Perse la dominacion du pere sus ses filz est tyrannie (Oresme, E.A., c.1370, 436)

Et le princey ou dominacion du mari a sa femme ressemble ou est semblable a aristocratie (Oresme, E.A., c.1370, 436)

THIBERT. Or nous dites cy en appert, Belle ante, vostre antencion, Conment a dominacion Venra si haulte. (Mir. Berthe, c.1373, 166)

...il a tant peu qu'il a mis François en la subjeccion De vostre dominacion (Mir. st Lor., 1380, 132)

Pour honneur elle prescha le crueux tourment de la croix et mort tres vergoingneuse, pour richesses povreté, pour delices astinence, jeunes et sobriété, et pour puissance et dominacion toute subjection et humilité. (Gers., P. Paul, a.1394, 494)

Au jour d'uy Nostre Dame a receu le plus hault nom et parfait qui puist estre communiqué après le nom de son filz : c'est qu'elle est dicte mere de Dieu. Mieulx ne luy pouons nous dire, quer par ce elle a comme auctorité et domination naturele sur le Seigneur de tout le monde, et, par plus forte raison, sur tout ce qui est subgiet a tel Seigneur (Gers., Annonc., a.1400, 231)

...li jones contes (...) manda cheuls qui la plus grande domination avoient sur li, tant que de sa garde (...) et leur dist : ... (Froiss., Chron. D., p.1400, 801)

Perdu y a le roy sa dominacïon, Jamaiz ne conquerra ceste perdicïon, N'advint telle pitié puis le temps Salemon. (Galien D.B., c.1400-1500, 63)

...ja en quelque dominacion que elle se voye, son cuer n'en sera blecié en arogance ne eslevé en pensee (Chr. Piz., Trois vertus W.H., c.1405, 29)

Seigneurs Rommains, qui de noblesce, De sen, d'onneur et de prouesce Estes nommez puissanment En tous païs generaument, Bien deussiez celuy aourer Et concivoir et honnourer Plus que nulle autre nascïon, Qui sur tous dominacïon Vous a donnee et grant puissance, Et tenir du tout sa creance. (Mart. st Pierre st Paul R., c.1430-1440, 122)

...cellui qui mielx estoit digne de estre roy et avoir le gouvernement et dominacion sur les autres. (Juv. Urs., Loquar, 1440, 336)

Et par ainsi appert que, en la personne de Charlemaigne, tout l'empire et domination du monde leur vint. (La Sale, Salade, c.1442-1444, 225)

...se ne fut oncques sa voulenté [de Dieu] que femme eust domination royale en ce monde (Juv. Urs., T. crest., c.1446, 24)

...il [un roi] gouverne son peuple en bonne justice et non mie le presser et opprimer par violence de dominacion. (Juv. Urs., Verba, 1452, 299)

Je suis icy tenu en serre Leur prisonnier en Engleterre Et en leurs dominacions. (Myst. siège Orléans H., c.1480-1500, 102)

Ad ce propos, dit Policrates le philozophe, que les Rommains, ou temps de leur prosperité, avoient la science de astrologie en si grande estimacion et usage que au moïen d'icelle ilz ont soubzmis en leur dominacion et obeissance forment tout le monde (Simon De Phares, Astrol., c.1494-1498, f° 7 v°)

Haultain seigneur qui en ceste contree Avez puissance et dominacion (La Vigne, S.M., 1496, 185)

Domination de qqc. Maîtrise de qqc..

...et le dit conseil eu, reviennent et revenront li doi derrain demouré, pour de l'un d'iceulx faire maieur selon le conseil et acort paravant dis, dont li maires, qui pour le temps a esté, par la presentation d'un vert rainsel baillé à celui des 12 qui est esleus, comme dit est, la possession et domination de la dite mairie, en la maniere que usé et acoustumée l'ont. (Hist. dr. munic. E., t.3, 1374, 94)

Se de chëans estoie alés a garison, Je porroië bien dire (...) Que le cor reluisant (...) Et le noble hanap ou vin viengt qui est bon, Et le haubert dont j'ay la dominatïon, Vaurroyë le tresor o riche roy Charlon (Huon Bordeaux B., c.1400-1450, 75)

Domination d'un lieu

Or ça, il fault que ly remecte En main le baston de regime, Tradit baculum De l'iglise la discipline, De toute la correction, Du cueurs la dominacion [La surveillance du choeur de l'église figure parmi les attributions de l'archidiacre (note de l'éd.)] . (Myst. st Bern. Menth. L., c.1450, 113)

Acquerir domination sur qqn. Devenir le maître de qqn, être en mesure d'exercer sur lui son pouvoir, l'assujettir.

...il estoit de coustume, tant en Asie, comme en Auffricque et en Europpe, que ceulx qui estoient vaincus et subjuguez, estoient reddigiez et mys en perpetuelle servitude. Et semblablement les victoriens conservoient leur franchise et acqueroient dominacion sur autruy. (Bueil, I, 1461-1466, 50)

Avoir domination. Dominer.

Aucuns noms sont dits de Dieu essencielement selon l'essence comme estre seigneur, misericors, lesquelz avec leur signification ont ung effect selon l'abitude et l'abilité en la creature. Aucuns se dient temporelement comme aians domination et faisans misericorde (Somme abr., c.1477-1481, 154)

Avoir domination en/sur qqc.

...son royaume avra sur touz autres doninacion (Jean Golein, Rational B.D., c.1370-1372, 401)

Et en ceste maniere soit determiné du membre conseillant de la policie et qui a domination en conseiller. (Oresme, Pol. Arist. M., c.1372-1374, 195)

Avoir la domination de qqn/de qqc.

Sire, je te lo (...) Quant de ceste temptacion N'a pas la dominacion Sathan, ains a esté vaincu (Mir. mère pape, c.1355, 382)

Car ja ne plaisse à Dieu et à son digne non Que le cors de me fille ait en possession, Ne que ly glous en ait le dominasion (Hugues Capet L., c.1358, 194)

Morgue lui donna en le conclusïon Que de son fil aroit le dominacïon, Et dedens Faerie avroit posessïon. (Huon Bordeaux B., c.1400-1450, 36)

Avoir domination en une religion. Être adepte d'une religion.

Remarque : Mabrien V., 1462, gloss.

Avoir domination de + inf.

Item, quant ceulz qui ont la domination de conseillier eslisent a leur compaignie ou college ceulz qu'il veulent. (Oresme, Pol. Arist. M., c.1372-1374, 194)

Prendre la domination de qqc. Prendre le commandement, la direction de qc..

...messire Cleriadus avoit prié et requis [au connestable de France] que il voulsist prandre le gouvernement et dominacion de toute la feste, comme cellui qu'il vouloit que il en feust tout seigneur et maistre (Cleriadus Z., c.1440-1444, 576)

Tenir qqn en sa domination. Maintenir qqn assujetti à son autorité.

Milles est duc de Puille, s'en tient la regïon, Et Pavie ensement a en sa dominacion (Ren. Gennes D.B., c.1350-1400, 88)

Tenir qqn en domination / ordonner qqn en domination. Maintenir/mettre qqn sous le joug d'une discipline, tenir/mettre qqn en respect.

Et il est bien verité que bonne nouresçon Fait li homme tenir en dominacion. (Renaut Mont. B.N. V., c.1350-1400, 235)

Vienge Cornumarans (...) Car il vous trouvera ou noble establicon : Bien vous ordenerons en dominacion. (God. Bouillon R., t.2, c.1356, 32)

En particulier. Fait de se dominer soi-même.

Tele royale domination dedens nous, helas, est bien estrange de nous, quer le corps souvent domine, et raison est la serve et en vile subjection ! (Gers., Annonc., a.1400, 231)

2.Par métonymie. Domaine où ce pouvoir s'exerce, seigneurie.

Et est possible que, se ou temps passé, aucuns princes et leurs conseilliers eüssent apparceü et advisé aucunes choses qui y sont contenues et il les eüssent mises a effect, comme il est vraysemblable, leurs dominacions, ou princepz, en eüssent plus duré et en meilleur estat. (Oresme, E.A., c.1370, 99)

Car monseigneur d'Orléans n'envaïst onques aucune dominacion par violence. Qu'il ait voulu envayr et usurper la dominacion du Roy, je dy qu'onques ne le pensa (Doc. 1408. In : MONSTRELET, Chron. D.-A., t.1, c.1425-1440, 297)

Pour le trespas duquel ledit de Touraine Daulphin fut moult affebli d'aide et de conseil, et ses deux frères aussi, qui estoient prisonniers en Angleterre, en eurent au cuer grant tristesse, et le pleurèrent et lamentèrent tendrement par ung temps, tant pour l'amour fraternelle qu'ilz avoient à lui, comme pour ce qu'en leur absence il gouvernoit loyaument et sagement leurs dominacions, terres et seigneuries. (Monstrelet, Chron. D.-A., t.4, c.1425-1440, 8-9)

...il [Jason] fist sa requeste au roy qu'il lui voulsist donner en mariage sa fille Medee. Mais il trouva le roy triste et pensif et tout autre qu'il n'avoit acoustumé ; et lui fist ceste response : 'Jason, vous emportez de ma dominacion le plus riche tresor qui soit en tout le monde, dont il me poise...' (LEFÈVRE (R.), Hist. Jason P., c.1460, 211)

3.Fait de prédominer, prééminence.

a)[À propos d'une pers.]

Jamais ly quens Fedris n'i ara ung bouton, Ne mais ne le verez en dominasion (Hugues Capet L., c.1358, 152)

Et fu [Jean de Bourgogne] doyens des pers, qui est, ce nous dist-on, Une prérogative de très-noble afection. Il n'i a ou roiaume telle domination Apriès la divise du roiaume de non. (Geste ducs Bourg. K., c.1410-1419, 296)

b)Au pluriel. RELIGION Les Dominations, anges du premier ordre de la seconde des trois hiérarchies.

Tres saint, beneuré colliege et court de Paradis, angelz, archangelz, cherubins, seraphins, trosnes et dominacions, saints apostres de Dieu, martirs, confesseurs, et toute l'université des beneurees sainctes, martires, vierges et continentes, priez pour moy et soiez en mon aide. (Chr. Piz., Trois vertus W.H., c.1405, 22)

Congnoistre et veoir la belle ordonnance des cieulx et des choses qu'ilz contiennent, estre presens aux ierarchies et ordres des benois anges, archanges, cherubins et seraphins, thrones et dominacions, veoir leurs offices et degrez (Chr. Piz., P.V.H., 1416-1418, 46)

Angles, archangles, cherubins, Poestés, vertus, seraphins, Trosnes et dominations, Des celestiaux mansions, Tous ensemble te font requeste Que tu veulles ouvrir la queste Ou ta grace est mise et enclose En quoy toute doulceur repose. (Marcadé, Myst. Pass. Arras R., a.1440, 9)

c)[À propos d'une chose]

Quintement note que le cueur a science, victoire et dominacion (Gordon, Prat., c.1450-1500, VI, 7)

[D'une chose] Avoir domination. Prédominer.

C'est a dire que il [les operacions qui sont selon vertu] ont dominacion et principalité en ce (Oresme, E.A.C., c.1370, 133)

Apres convient desclairier comment chascun corps mixte est meu selonc le mouvement de l'element qui a dominacion en cel corps. (Oresme, C.M., c.1377, 66)

...et le coer a tellement domination seur les yeulx qu'i les envoiie partout ou il voelt (Wauquelin, Manequine C.T., a.1448, 149)

C. -Par analogie.

1.ASTR. Influence.

Et fait à remembrer que homme est divisee en dousze parties, al maniere et guise de dousze signes du ciel que les gouvernent, comme dit le sage philosophe, et les signes ont grant signeurie et dominacion de les membres susdis, quant la lune sera en aucun de eaux [l. d'eux] accordant au son membre. (Man. lang. G., 1396, 45)

2.Surabondance.

Aulcuneffois il y a tant grant dominacion de sang d'umeurs que aulcuneffois il faut faire saignee des veines qui sont es temples et ou chief (Gordon, Prat., c.1450-1500, III, 2)

Et selon ceste raison et le plus souvent, elle est engendré en printemps, quant est de dominacion de sang et plus en esté, quant est de dominacion de colere (Gordon, Prat., c.1450-1500, IV, 9)