DIVERSEMENT

adverbe

[T-L : diversdiversement ; GD : diversement ; GDC : diversement ; AND : diversement2 ; FEW (III, 107a) : diversus ; TLF (VII, 343b) : diversement]

A. -De diverse manière.

Las ! je sui mors, Car j'ay plus de mille remors Et plus de cent mille pensees Diversement entremeslees De souvenirs et de pointures Tristes, poingnans, fieres et dures... (Mach., C. ami, 1357, 74)

Les mille fieus qui entour lui estoient, Et les filles aussi, se transmuoient A leur voloir, car les fourmes prenoient Des creatures, Si qu'en dormant, par songes, se moustroient Diversement ; pour ce les gens songoient Et en songant meintes choses vëoient, Douces ou sures. (Mach., F. am., c.1361, 166)

Et ainsi diversement en innombrables guises et differenciées manieres s'estendent les maulx et persecucions que mauvais tirant seigneur scet trouver à faire selon les inclinacions, les uns d'une maniere, autres d'une autre se donnent. (Chr. Piz., Paix W., 1412-1413, 122)

Ceste chose fut interpretree du poeuple diversement (La Sale, Sale D., 1451, 253)

Ainsy se passa ceste nuit diversement, car ceulx de dehors firent deul et ceulx de la ville firent toutez manierez de joieusetez pour la bonne fortune que Dieux leur avoit donnee (Comte Artois S., c.1453-1467, 37)

...les adventures adviennent en divers lieux et diversement (C.n.n., c.1456-1467, 73)

Car pour tant que toutes choses, en tant que elles sont en estre, pourtraient l'essence divine, elle est ensieuvable par similitude, toutevoies non par une maniere, mais diversement selon les divers degrés. (Somme abr., c.1477-1481, 157)

Mais il est a scavoir que pluseureté se dist diversement. L'une se dist selon la diversité des choses (...). L'aultre maniere de pluralité est selon la raison de l'intelligence (Somme abr., c.1477-1481, 157)

En différents endroits et manières.

Biau Peres Jhesu Cris, Que vous avez vos biens divercement partis (Renaut Mont. B.N. V., c.1350-1400, 460)

B. -De façon contraire, en sens opposé.

Et se il ne sont poliz, la reflexion ou refraction est faite sans ordre, diversement, et vont ou tournent les uns raiz de ça et les autres de la. (Oresme, C.M., c.1377, 456)

De travers.

...au cheoir, son esperon se bouta si diversement parmy son estref que il ne s'en pouoit ravoir et le traynoit son cheval parmy le champ. (Cleriadus Z., c.1440-1444, 36)

Par extension. Avec violence.

Si trouvèrent de rencontre ces Englès (...) et se ferirent entre yaus de grant volenté, et les reboutèrent trop diversement. (Froiss., Chron. L., V, c.1375-1400, 113)

Li chevaus de celui et il commencièrent à tourniier si diversement et à demener tel tempeste que nulz ne les osoit approcier. (Froiss., Chron. L., V, c.1375-1400, 176)

Si tost que il furent hors de leurs vaissiaus, il se traisent devers le chastiel qui siet au dehors de la ville : si l'assallirent fortement et diversement, et le conquisent de force. (Froiss., Chron. R., VIII, c.1375-1400, 195)

C. -Au figuré.

À l'encontre de ce qui est souhaité, cruellement.

Assailliz sui malement fort Et temptez si diversement Ne scé que faire nullement... (Mir. Barl. Josaph., c.1363, 293)

...elle me rescript durement, Rudement et diversement. (Mach., Voir, 1364, 514)

Et n'i eut baron ne chevalier qui ne fust durement pensieus et courouchiés, et bien y avoit cause, car il veoient les coses aler diversement. (Froiss., Chron. R., VIII, c.1375-1400, 62)

Ainsi les ungs perissent par fer ; aultres sont ars, aultres contraints de sallir en l'eaue sans nulle merci et par ces voyes perissent diversement plusieurs qui en mer se combatent, qui moult est chose aigre et piteuse. (Bueil, II, 1461-1466, 57)

Avec méchanceté ou malveillance.

Cils roys d'Engleterre (...) gouvrena moult diversement son royaume et fist pluiseurs diverses justices et pluiseurs merveilles par le conseil et enhort de monseigneur Huon, c'on dist le Despensier. (Froiss., Chron. L., I, c.1375-1400, 12)

Cilz rois dans Pières, si com fames couroit, avoit fait morir la mère de ces enfans moult diversement : de quoi il lor en desplaisoit, c'estoit bien raisons. (Froiss., Chron. L., VI, c.1375-1400, 186)

...li royaumes estoit tous esmervilliés, pourquoi couvertement li princes les faisoit guerriier, et moult diversement en parloient sus se partie. (Froiss., Chron. L., VII, c.1375-1400, 66)