DERECHEF

adverbe

[GDC : derechief ; AND : derechief ; DECT : rechief ; FEW (II-1, 337b) : caput ; TLF (VI, 1206a) : derechef]

A. -Une nouvelle fois, de nouveau.

Sur ce est derechief assignee journee au dit Cadeu pour lui veoir absouldre ou condempner sur le fait de quoi il est restez au marcredi devant la saint Andrié. (Echevin. Dijon L., 1341, 22)

Si mist sa main dessus mon chief Et me demanda derechief... (Mach., R. Fort., c.1341, 74)

...pour estre sauf, il fault naistre Tout derrechief. (Mir. nat. N.S.J.C., c.1343, 240)

Mais orendroit plus n'en diray, Car a mon propos revenray, Pour ramentevoir derechief Un petitet de mon meschief... (Mach., D. Aler., a.1349, 289)

...pour estre sauf, il fault naistre Tout derrechief. (Mir. nat. N.S.J.C., c.1343, 240)

Et de ce dirons maintenant tant comme il souffist a la neccessité presente, mais nous considererons de ce plus diliganment quant nous dirons derechief de la substance de ces choses. (Oresme, C.M., c.1377, 78)

Derechief li contes de Hainnau (...) mist messagiers en oevre (Froiss., Chron. D., p.1400, 59)

Lors la tressage Tourna vers moy son doulz visage Qui tout en grosses lermes nage Et bien porte au cuer tesmoignage De dueil tresgrief ; Et en souspirant de rechief Mist ses deux mains contre son chief Et dist : 'Quel douleur, quel meschief ! Et quele perte !...' (Chart., L. Dames, 1416, 212)

Sur tel meffait n'a court ne juge A qui on puisse recourir. L'un les maudit, l'autre les juge, Mais je n'en ay veu nul mourir. On leur laisse leur cours courir Et commencier pis de rechief, Et tristes dames encourir D'autrui coulpe, peine et meschief. (Chart., B. Dame, 1424, 352)

Et oultre ilz afferment que a sa venue il resuscitera tous lez mors de la ligne de Juda, et lez fera de rechief habiter ensemble sur la terre en prosperité. (Chart., L. Esp., c.1429-1430, 107)

JHESUS. Pierres, Pierres, a Romme vois Pour mourir derechief en crois. Lors s'en retourne Jhesus sans plus dire. (Mart. st Pierre st Paul R., c.1430-1440, 138)

La derechief combattirent, et fut Hanibal desconffit et perdit (La Sale, Salade, c.1442-1444, 42)

...je vous en mercie tant que je puis, en vous advisant et priant derechef que vous pensez comme je vous ay dit aux afferes de nostre eglise (C.n.n., c.1456-1467, 142)

Et, le lundi ensuivant, VIIIe jour dudit moys de juillet, lesdiz Bourguignons vindrent derechef devant Paris, et deslogerent tous dudit Saint-Denis, et en amenerent avecques eulx toute leur artillerie. (Roye, Chron. scand., I, 1460-1483, 57)

Finablement Leonidas, prince des Grecz, à tout VIc chevaliers, en jour de bonne ellection, rua sur l'ost de Xerxes et trois jours et trois nuiz tant combatit qu'il mist en fuite Xerxes et occist de ses gens bien VIc mil hommes, puis le rencontra Themistocles, qui le mist derechef en fuite (Simon De Phares, Astrol., c.1494-1498, f° 46 v°)

[Avec un verbe qui indique de son côté la réitération]

Aprés les trieves, derechief Recommencierent le meschief (Chr. Piz., M.F., III, 1400-1403, 111)

...Oroison est empeschee tellement que elle ne impetre point ce qu'elle demande, c'est assavoir se celluy qui la fait recommet derechief mal (Juv. Urs., Aud. celi, 1435, 253)

B. -En outre, de plus, de surcroît.

Mais encor vi je derechief Que tuit li gentil damoisel, Qui estoient plein de revel, Et les damoiselles aussi, Tous ensamble et chascun par li, Li faisoient feste et honnour... (Mach., D. verg., a.1340, 19)

Derechief, se une chose avoit touzjours esté ou temps infini passé, pourquoy seroit elle corrompue et mise en non-estre maintenant en cest signe ou moment plus que en un autre (Oresme, C.M., c.1377, 238)

Si ne savoient comment il se vorroit maintenir de le composition que ses gens avoient fait. Et encores de rechief il se contentoient mal sus monsigneur Hue Broe et sen frère, de ce que il l'avoient recheu. (Froiss., Chron. R., VIII, c.1375-1400, 142)

Derechief, ou chastel et convent principal aura un hospital solempnel, ouquel les veuves de la sainte Chevalerie serviront au maladez, en acomplissant les saintes euvres de misericorde (Mézières, Sustance H., 1396, 84)

De rechief, pour ce que tu te plains si trestristement qu'il semble que nul ait douleur ou mesaise fors que toy (...), ne penses tu pas que les nobles hommes en leur estat aient a souffrir autant que tu as ? (Chart., Q. inv., 1422, 28)

Il affiert bien aux catholiquez savoir par quelle malice Mahommet seduisi tant de gens, et comme il tyra derechief les inconstans a folle et frustrative esperance. (Chart., L. Esp., c.1429-1430, 118)

Il mourut hault, tout estendu, Batu, navré, percé, fendu Et couronné parmi le chief ; Et je suis en terre rendu Sans avoir ne mal ne meschief. Hellas, qui pis est, de rechief, Entre deux larrons vain et maigre, Pour mieulx venir de luy a chief, Il gousta fiel, suye et vin aigre (La Vigne, S.M., 1496, 567)

C. -Ensuite.

'...vous devenés homme lige au roi de France (...) comme dus de Giane et pers de Franche, et li pronmettés foi et loiauté porter. Dittes voire.' Et li rois d'Engleterre, dus de Giane, et si successour diront : 'Voire.' Et lors, li rois de France recevra le dit roi d'Engleterre et duc de Giane au dit honmage lige, a la foi et a la bouce, sauf son droit et l'autrui. Derechief, qant le dit roi et duc entera en l'onmage dou roi de France et de ses successeurs rois de France pour la conté de Pontieu et de Monstruel, il metera ses mains entre les mains dou roi de France. (Froiss., Chron. D., p.1400, 194)

D. -[Avec retour, retourner ... ; idée de mouvement vers le point de départ]

Lundy matin, premier jour de septembre, La messe ouÿt devant la belle dame, Puis retourna de rechief en sa chambre Pour disposer du fait de son royaulme. (La Vigne, V.N., p.1495, 156)

Au figuré.

Or retournon derechief au bien de quoy nous querions et disons que une operacion ou art entent et quiert un bien et l'autre .I. autre bien, si comme medicine quiert un bien et chevalerie un autre bien et est semblabement des autres. (Oresme, E.A., c.1370, 117)