DETESTABLE

adjectif

[GDC : detestable ; FEW (III, 57a) : detestari ; TLF (VII, 60b) : détestable]

[D'une pers., d'un comportement, d'une chose] Que l'on ne peut que détester, que l'on doit détester, haïssable, exécrable.

De usure il est certain qu'elle est mauvaise, détestable et inique. (Oresme, Monnoies W., c.1365, LII)

Et est a savoir que combien que amer trop son filz ou son pere ne soit pas grant mal, toutesvoies maugreer Dieu ou faire service detestable et teles choses qui s'en peuent ensuir sont tresgrans vices et vituperables. (Oresme, E.A.C., c.1370, 379)

...quant la malice de tous ceuls yci est laide et detestable et digne de haine (Foul., Policrat. B., I, 1372, 121)

Il [Aristote] s'en passe ainsi pource que il est tout notoire que c'est .I. pechié tres detestable et bestialité, et tres inconvenient (Oresme, Pol. Arist. M., c.1372-1374, 106)

...consideré aussi la deposicion dudit Ruilly, escripte ou procès d'icelle devine ; ce que, contre le mary, la mauvaistié pourpensée par la femme contre lui est cas très-detestable (Reg. crim. Chât., II, 1389-1392, 321)

O come benoite sera l'eure quant le crueux, le fel, le despiteux tirant, et ses detestables pillars seront hors boutez de nostre droit heritage et propre mansion ! He Dieux ! les verrons nous ja ? (Gers., Concept., 1401, 394)

Nully n'est notable S'il n'est acointable, Plaisant, amïable, Joyeux, secourable. C'est ce qui l'achieve. Car Tristeur musable, Aigreur detestable, Chagrin redoubtable Font homs miserable Et sa vie brieve. (Chart., L. Plais., c.1412, 153)

...à dire encores ou propos de ceste convoitise qui trop ne se puet vituperer, certainement se tel plante est mauvaise et venimeuze ne fait à merveiller car aussi ist elle de plusieurs detestables racines (Chr. Piz., Paix W., 1412-1413, 98)

...quel mestier Ort, puant, et abhominable ! Ha, brief, j'ayme mieulx mendïer Que d'estre en ce point detestable. (Myst. jeune fille L., c.1413-1445 [c.1530], 25)

...certes ne doivent pas estre asseur, ains bien trembler et avoir paour les felons detestables, mauvais, plains de venin et de faulse ambicion, persecuteurs et destruiseurs de nature humaine, insaciables de respandre sang et de tout mal faire (Chr. Piz., P.V.H., 1416-1418, 21)

Et, en oultre, il menace de feu et de sang tous ceulx qui ne lui aideront ou dissimuleront, qui est chose dampnable, inique et detestable. (Fauq., I, 1417-1420, 33)

Tu as accusees les jounesses et les envoisees joieusetez, mais tu as excusé et soustenu les traïsons et les conspirations detestables dont tu es en ce ruineux party. (Chart., Q. inv., 1422, 42)

Détestable : mauvaiz et horrible. (La Haye, P. peste, 1426, 193)

Certes nul ne pourroit plus oultrageux vitupere penser que desapointer son roy de toute auctorité, et le desgarder reprouchablement de honneur et de l'estat et enseignez de chevalerie. Ce fut fait sans cause a cestuy debonnaire roy et empereur. Et se le fait estoit injurieux et detestable de soy, la condition des faiseurs aggravoit l'amertume de la desplaisance ; entre lezquielz ses propres enfans, et ceulx qu'il avoit honorez de dons et graces, furent complices et culpables de si grant crime. (Chart., L. Esp., c.1429-1430, 144)

Le pain des fils donner doit on A ceulx qui ont la volenté D'amer raison et verité, Non point aux gens desraisonnables Usans de choses detestables Eux nourrissans en maulx et vices (Marcadé, Myst. Pass. Arras R., a.1440, 91)

Mais quant corruption est embuschee soulz l'ombre de compassion, certes ceste compassion est nulle, ains est faulce et detestable (La Sale, Salade, c.1442-1444, 9)

...les Anglois diront que en Ysabeau eult si detestable faulte qu'il y eult cause de la pugnir (Juv. Urs., T. crest., c.1446, 145)

...ung nommé Colas Peyreta, (...) pour la detestable et enorme vie dont il vivoit et avoit acoustumé vivre, et aussi pour les grans excès et torts qu'il faisoit au povre peuple indeuement en exhigeant les deniers d'aucunes de noz fermes, dont il estoit fermier, fu par les seigneurs tant dudit lieu de la Roche, Montagu, les Essars que autres païs voisins dechassié d'icelles terres et seigneuries (Doc. Poitou G., t.9, 1450, 196)

Que Dieu le mal jour te anvoye. Est ce bien sagement parlé ? Que du mal feu souy [l. soué] tu brulé, Orde villaim detestable. (Myst. st Sébast. M., c.1450-1500, 16)

Et est chose bien detestable que avarice en juges (Juv. Urs., Verba, 1452, 333)

LA CHOSE PUBLICQUE. Si ay, de vray, j'en ay eu ung, Le pire de tout le commun Que j'ay portay fort longuement, Lequel m'a donné du tourment, De l'ennuy et douleur amere Et ne faisoit rien pour sa mere, Tant est mauvais et detestable. (Sots mal., c.1480, 88)

...appelle ton dieu le dyable Car t'es chien mauldit detestable Et ne t'apartient d'en parler (Oudin, St Genis M.S., c.1490, 95)

PHEBUS. O genre humain qu'est ton peché orrible Devant les dieux, puant et detestable. (Cene dieux, c.1492, 116)

Or est ma vie trop detestable et ville, Veu que je suis belistreux miserable (La Vigne, S.M., 1496, 196)

Et oultre, depuis les derniers traictiez et apointtemens faitz sur les despendences desdittez dernieres divisions, ledit de Nemours a de rechef donné conseil, aide, faveur et support audit d'Armignac, lequel il sçavoit et congnoissoit certainement que par mauvais et detestables moyens il pourchassoit et procuroit de tout son povoir la subversion de nostredit royaulme et qu'il nous estoit rebelle et desobeissant. (Le Clerc, Interp. Roye, c.1502, 244)

Remarque : JEAN GOLEIN, Rational B.D., c.1370-1372, gloss. ; Percef. I, R., c.1450 [c.1340], gloss. Doc.1308 ds TLF.

La detestable mort (ici 'la mort éternelle, celle de l'âme, la mort spirituelle')

Hommes failliz, bersaudez de raison, Desnaturez et hors de congnoissance, Desmis du sens, comblez de desraison, Folz abusez, plains de descongnoissance, Qui procurez contre vostre naissance, Vous submettans a detestable mort Par lascheté, las ! que ne vous remort L'orribleté qui a honte vous maine ? Voyez comment maint jeunes homs est mort Par offensser et prendre autruy demaine. (Villon, Poèmes variés R.H., c.1456-1463, 62)

Detestable à + inf.

...il semble que ung homme n'est point noble, se ilz n'est abhominable pecheur (...) et face toutes choses detestables a reciter (Juv. Urs., T. rever., 1433, 76)